Hnfe أنا اسف جدا بصراحة الاسم ما يقولش هبه خاااالص ...
بكل بساطة يا جماعة فى موضوع مبارك اللى بيرمم بيت ايل للسقوط بيبتدي بترميمه من فوق و للا من تحت ؟؟
العيب مش فى مبارك العيب فينا لاننا بنمجد الرؤساء و بنوصلهم لمرحلة انهم الهه الريس لما يروح يفتتح مشروع بنحسسه انه هو اتولد و القرار فى ايده من تمانين سنه ..و ان لولا تخطيط سعادتك يا ريس و لولا حكمتك و نظرتك الثاقبة المشروع دة ماكانش هايتم و لا الطريق دة مثلا كان هايتصلح و لا اى حاجة تانية من اللى بتتعمل فى بلدنا كانت هاتتم .
لما الريس بيغلط الناس بتسقف و لما بيقول كلام كويس برضة بتسقف يبقى اولا احنا بنخدع نفسنا و لما اللى بيعارض بيتكلم بيقول كلام غير منطقي بالمره يعنى مثلا فى اى حاجة بتحصل بتلاقى جرايد المعارضة طالعة بمانشيتات الحقوا شوفوا الكارثة الحكومة باعت تلاتين مليون سابتهم تحت خط الفقر و عمالة تعمل مهرجانات و احتفالات .. الحكومة بتبيع لبن فاسد للناس مع ان احنا فى مصر الفكر الاشتراكي ملغي من سنين طويلة و اصبح دلواتى التجارة حرة فى مصر غير خاضعة للرقابة العامة .. و تلاقى شتايم نازلة على دماغ الحكومة اللى هى برضة ناس من مصر زينا زيهم و بل فى ناس منهم قرايبنا و بنستخدمهم كوسايط فى اوقات كتير
عجبني جدا رد حواء فى مقولة تولستوي لكن علشان ما يتقالش اننا ماشيين ورا العلمانيين و الكفره لكن المقولة اللى قالها تولستوي موجودة عندنا فى الدين و موجوده عندنا فى القران و فى السنه ( بسم الله الرحمن الرحيم *يا أيها الذين أمنوا عليكم أنفسكم لا يضركم من ضل اذا اهتديتم الى الله مرجعكم جميعا فينبئكم بما كنتم تعملون* صدق الله العظيم ) يعنى ما ينفعش اكون انا اصلا بعمل الغلط و اقول لا ده فى واحد تانى غلط بالمثل العامي اللى بيته من ازاز ما يرميش الناس بالطوب لان احنا قاعدة الفكر عندنا ممحيه تماما فى مصر الا القليل ..
الناس بتبص على الدين انه حاجة بأه كابة و هانلتزم و تلاقى واحد يقولك حرام و حلال و بتهتم فقط بالعبادات و بتنسي جزء مهم جدااااااا في الدين اسمه المعاملات اللى لو قرينا جزء بسيط منها و اتبعناه هتلاقى حال البلد اتصلح حتى لو حاكمها مبارك 100 سنه.
الاحزاب و حركات المعارضة اللى فى مصر زي الوفد و الغد و الكرامه و الاخوان المسلمين اصلا بينهم و بين بعض انشقاق بكل بساطة يعنى لما يكون كل دول هدفهم حاجة واحدة ( مصلحة مصر - المواطن الفقير - الشباب ) ما بيجتمعوش ليه مع بعض و يعملوا حزب واحد و يكون الديموقراطية الحقيقية فيه بالشوري زي ما ربنا أمرنا و يبقى حزب واحد فيه اكتر من رأي و بعد التشاور بيجتمعوا على رأي واحد اقوي و افضل مليون مرة من مجموعة احزاب كل واحد برأي و داخليا كل واحد فيه اكتر من راي و فى الاخر المحصلة و النتيجة ولا رأي منهم بيمشي و لا رأي منهم بيحصل ...
هبه اختلف معاكي على فترة حكم عبد الناصر فى عهد عبد الناصر المساويء كانت فقط فى القمع و الهزيمة لكن غير كده عبد الناصر فى عهدة ماكانش فيه واحد بينام من غير عشا زي ما بيقولوا و كان لينا قيمة كبيرة جدااااااااا فى العالم الغربي قبل العربي و يكفي ان الصناعات كلها انشأت في عهده
بالنسبة للسادات رئيس مالوش مثيل فعلا فى تاريخ مصر لكن ليه غلطات كتير فى اواخر عهده و ممكن يكون لاننا بعيد عن الحكم فمش عارفين ايه اللى كان بيحصل وقتها و لا ايه الظروف اللى كانت حوليه
مبارك راجل ليه تفكير كويس و راجل فكره عالى لكن هو سيء فى اداراته لانه بيختار اشخاص فعلا معظمهم غير مؤهلين
على سبيل المثال احمد نظيف ... دة ينفع وزير اتصالات زي ماكان لانه عمل طفرة فى الاتصالات فى مصر لكن ما ينفعش يكون رئيس وزراء ...
عاطف عبيد كارثة من كوارث الزمن اللى ابتلانا بيها ربنا
و غيرهم كتييير
حاجة اخيرة بالنسبة للجروب اللى عايز يروح لمبارك و يقولة اتنحي عن الحكم ده اولا مخالف للدستور مطالبة رئيس فاضل على ولايته سنتين من الحكم ... بحكم الدستور شكلا
اما بالنسبة للى هايحصل بعد كده بأة فحدث ولا حرج بلد فيها احتقان غير عادى بين طوايف الشعب حالة اقتصاديه متنيله بستين نيله ناس بتغلي و تقولى نقول للريس اتنحي ؟؟؟ تفتكر ايه اللى ممكن يحصل لو حاجة زي كده حصلت او الناس عرفت ان الريس اتنحي عن الحكم فجأة و ان فى انقلاب فى البلد ؟؟؟؟ ليك الاجابه
مواضيع مشابهة 
النمط الخطي
