فكرة جديدة ومفيدة ياريت كلكم تدخلوا تشاركوا .... يلاااااااااا

[rehab89]

انا جايبالكم النهاردة فكرة جديدة ومفيدة ، احنا شبعنا لعب وضحك نبقى جد بقا شويه



الفكرة هى انى لاحظت ان فى عدد كبير من اعضاء المنتدى سنهم صغير عنى فى ثانوى واعدادى وعدد كبير برضه سنهم كبير وفى كليات ففكرت ان كل منا يحاول يستفيد من التانى



والفكرة ان كل واحد فى كليه يكتب عنها وعن اهم مميزاتها وعيوبها وكيفيه الدراسه فيها ومتطلباتها ويتكلم عنها بوضوح بحيث ان الاعضاء اللى اصغر منه يكون عندهم فكرة شامله عنها




وبكده كل الاعضاء الللى فى ثانويه عامة مثلا او اى مرحلة تعليميه هيبقى عندهم فكرة شامله وواضحة عن كل كليه لان لو كلنا شاركنا فى الفكرة دى هنضم عدد كبير جدا من الكليات وقدرنا نفيد اللى اصغر مناا



وبكده نكون قدمنا حاجة مفيدة وبرضه فرصة للتعارف بيننا



اتمنى تكون الفكرة عجبتكم وكلكم تشاركوا فيها ......................... منتظرة مشاركتكم

[rehab89]

وانا هابدا انا فى اولى كليه صيدله حلوان ( هم لغوا الاعدادى فيها ) ، هى كليه عمليه جدا ومعظم دراستها بتعتمد على المواد الكيميائيه زى الفيزيا الكياميائيه والكيماياء العضويه والكيمياء التحليليه .... الخ ، الدراسه فيها اذا كانت صعبه نسبيا بس بتعتمد على المذاكرة اليوميه وده هيسهل الدراسه فيها كتير ، وبتعتمد على الشغل العملى كمان لحد كبير وطبعا عشان انا لسه سنة اولى مش عارفة اتكلم عنها باستفاضة بس ممكن لو حد غيرى فى صيدله اكبر منى هيتكلم عنها كويس

[اميرة الاحلام]

مرسى يا رحاب على الموضوع

بس بقلك ايه بلاش تشريح

مش كل مرة

[rehab89]

هههههههههههههههههههههههههههه ، خلاص يا اميرة متخافيش مجبتش سيرة التشريح

[popation]

الموضوع جميل جدا يا رحاب وفكرة فعلا مفيدة

انا مهندسة مدنى كنت في جامعه قناة السويس
اما عن القسم بتاعى
انا بحبه جدا وان كانت الدراسة صعبة نوعا ما بس هى ممتعة للغاية والهندسة المدنية لهال علاقة بكل حاجة يعن احنا درسنا

1- مايتعلق بالتشيد والبناء(خرسانة و حساب انشاءات و خواص المواد وطبعا الكثير من الرياضة)
2- طرق ومطارات
3- موانى وتصميمها(دراسة كل شئ يتعلق بالموانى من ارصفة منشاتو ايضا دراسات للامواج وحركتها
4-كباري (ودى طبعا ملهاش دعوة بالطرق)
5-هندسة المرور
6-هندسة السكة الحديد
7- هندسة صحية(وهى للميعرفهاش مختصة بامداد المياة للمدن وطريقة صرفها)
8-هندسة الري والسدود(لها علاقة بتقسيم الاراضى وتحديد حاجاتها من المياه )
9-هندسة المساحة(وهى دراسة عميقة تستخدم في كل الدراسات السابقة)
10-الجولوجيا (دراسة عن طبقات الارض وتكويناتها)
11- دراسه عن الهيدورولك (لها علاقة بحركة السوائل والمياه الجوفية
12-دراسة التربة وانواعها مدى تحملها ودى ملهاش دعوة بالجولوجيا
وطبعا فزياء وكيميا ورياضة بس احب اقولكم ان الرياضة اللى كل الناس بتسال ايه لزمتها مفيش حاجة مستخدمنهاش كل جاجة استخمدت وى دراستنا للهندسة المدنية


اكلمكو عن مجال الشغل
اهم حاجة ان تجيد الكمبيوتر اجادة تامة وبعض البرامج
(اتوكاد /sap/فوتوشوب/اكسل /ورد)
مجال الشغل للاولاد احسن بكتير من البنات
كفاية كدة عسشان انا طولت عليكو ويا رب حد يستفيد بكلامى وربنا مع الجميع

[The Myth]

موضوع جميل قوي يا رحاب و اعتقد فعلا ان ده هايسهل علي الناس اللي لسه فثانوية عامه ان كل واحد يعرف يختار كليته

انا عن نفسي فكلية الهندسة جامعة عين شمس قسم الهندسة المعمارية

اول سنه عندنا اسمها اعدادي و دي بناخد فيها مواد عاديه الرسم بس اللي بيكون جديد عليك فيهاو بعدين بتتخصص فسنه اول فالقسم اللي انت عاوزه و علي حسب مجموعك فاعدادي

احنا عندنا فالكلية اربعاقسام:

1-قسم الهندسة الكهربيه:ده بيعتمد اعتمتد كبير علي الفيزياء و الرياضةو يعتبر من اصعب الاقسام فالدراسة

2- قسم الهندسة الميكانيكيه :و ده بيعتمد فالدراسه علي الرياضه و و الميكانيكا اللي هي علم دراسه حركه الاجسام و الرسم

3 -قسم الهندسه المدنيه اللي اتكلمت عنهpopation

4- قسم الهندسة المعمارية و ده اللي انا فيه و بيعتمد اعتمد كبير جدا علي اتقان الرسم و موهبة التخيل

كفاية كده عشان انا حاسس اني طولت قوي

يلا سلام

[rehab89]

ميرسى جدا يا the myth , و popation على مشاركتكم الجميله دى وانكم حاولتم تفيدوا غيركم وربنا يوفقكم ان شاء الله

[nora]

مرسي أوي يا رحاب أنك بتفكري فينا
أنا لسة هتخل تانية ثنوي أنا دخلة أدبي وكلهم مخوفبي منها أنا عايزة أعرف هي سهلة ولا أيه
تاني حاجة عايزة حد يقولي التاريخ أحسن في تانية ولا تالتة

[rehab89]

المشاركة الأصلية بواسطة nora

مرسي أوي يا رحاب أنك بتفكري فينا
أنا لسة هتخل تانية ثنوي أنا دخلة أدبي وكلهم مخوفبي منها أنا عايزة أعرف هي سهلة ولا أيه
تاني حاجة عايزة حد يقولي التاريخ أحسن في تانية ولا تالتة

ياريت يا جماعة حد يكونوا فى الشعبه الادبيه يقدر يجاوب على نورا ويفيدها ، الموضوع ده اصلا هدفه الافادة

[مرسول الغرام]

اشكرك يا رحاب على موضوعك الجميل ده * واتمنى دايما انك تمتعينا بمواضيعك المميزه دى وبما اننا اعضاء متحدون احب انى اضيف الى مقالك ده معلومه عنى

انا فى هندسه الكترونيات المنصوره وانا فى سنه اولى ( اعدادى يعنى ) ومواد الدراسه بتاعنا مش صعبه اوى بس محتجه مزاكره شويه واجتهاد
احنا بندرس كلها انجليزى فى انجليزى مع بعض المواد الرياضيه المكانيكا و المواد الثقافيه الاخرى

.......

وتقبلو منا جزيل الشكر & الاعضاء المتحدون

..........

["لولا"]

المشاركة الأصلية بواسطة rehab89

ياريت يا جماعة حد يكونوا فى الشعبه الادبيه يقدر يجاوب على نورا ويفيدها ، الموضوع ده اصلا هدفه الافادة

اولا: احب اشكرك على الفكرة الجميلة دة
ثانيا :يا نورا يا بنت الحلال مين بس اللىقالك تدخلى ادبى ....بصى انا بردة رايحة 2 ثانوى ان شاء الله بس علمى طبعا

فعشان كدة احب انصحك انك تدخلى علمى لان الادبى والله صعب ...طبعا انتى مستغربة انى بنصحك ازاى وانا مدخلتهاش
بكل بساطة يا ستى انا ليا اخت كانت فى الادبى وصدقينى كانت بتعانى منة جدا لانة بيعتمد على الحفظ بكمية كبيرة جدا ...فعشان كدة هو عايز المذاكرة اليومية
اما عن العلمى فبيعتمد على الفهم...وبالتالى حتحفظى بسرعة لو فهمتية

فشوفى انتى عندك لو كان قدرتك على الحفظ عالية جدا فدخلى الادبى وان شاء الله تدخلى ادبى ...وبردة شوفى ميولك ايـــــــــــة

اى خدمة يا سكر

[rehab89]

ميرسى يا لولا على مشاركتك وانك حاولتى تفيدى نورا وربنا يوفقكم ان شاء الله كلكم وتجيبوا مجموع كبييييييييييييييييييييييييير

[doctorsasa]

اعرفكم بنفسي :::
انا دكتور مصطفى دكتور بشرى عجبنى جدا الموضع بتاع رحاب ده بصرحة موضوع هايل يستحق كل التقدير والاحترام ادى المواضيع ولا بلاش كفايانا تهريج فعلا موضوع هادف ومفيد حتى كل واحد فينا يوضح مزايا كليته عشان محدش يدخل كلية ويندم انه دخلها او يبقا متردد فيدخل اى كلية وخلاص
على سبيل المثال صيدلة وطب كتير بيجيبو مجموع ويقوا محتارين
انا راىى الشخصى بلاش اى بنت تتدخل طب الافضل صيدلى زى رحاب كده عشان كده هتعطل نفسها جامد والطب عاوز نفس طويل والبنات بيتاخرو على ما يتجوزو او مش بيتجوزو خااااااالص فحرام انا صعبان عليا البنات دول وكمان بياخدو فرص عمل بتاعت الشباب وفى الاخر بيقعدو فى البيت فايه لازمتها بقا انا فى طب ومقتنع تماما بايه ده لانى مش بحب شكلة الصيدلة دي وبيع الادوية ولا اللف بيها كمندوب غيرى بيقبل بس انا لا

وشكر وتقدير خاص للانسة رحاب لما ابدته من مجهود لهذا المنتدى فالمنتتدى فى الطالع دائماا والسلام ختام السلام عليكم ورحمة الله وبركاته

[nora]

أولا مرسي جدا ليكي يالولا بس أنا أخواتي التنين كانو علمي بس تعبوا جدا فيه وبعدين أنا بحب التاريخ جدا جدا وأنا أصلي مش بتاعة مذكرة أوي أنا بلقط المعلومة بسرعة بس مش بحب أقعد علي المذكرة كتير ولكن أريد حد ينصحني هو أخد التاريخ في تانية ولاتالتة ضروري جدا

[rehab89]

المشاركة الأصلية بواسطة nora

أولا مرسي جدا ليكي يالولا بس أنا أخواتي التنين كانو علمي بس تعبوا جدا فيه وبعدين أنا بحب التاريخ جدا جدا وأنا أصلي مش بتاعة مذكرة أوي أنا بلقط المعلومة بسرعة بس مش بحب أقعد علي المذكرة كتير ولكن أريد حد ينصحني هو أخد التاريخ في تانية ولاتالتة ضروري جدا

ياريت يا جماعة حد كان فى الشعبه الادبيه يرد على نورا ويفيدها