ضحك في ضحك..ادخل بسرعة.......بسرعة

[rehab89]

ههههههههههههههههههههههههههههههه
مرة صعايدة رموا نكت فى البحر طلع سمك بيضحك
اضحكوا والنبى

[The Myth]

هههههههههههههههههههههههههههههههههه

تصدقي يا رحاب اني مش بضحك علي النكت انا بضحك علي الكلام اللي بعدها

زي (اضحكوا و النبي او حتي لو وحشة محدش يكسفني)
هههههههههههههههههههههههههههههههههههه

طب مرة واحد صعيدي بقا بس غير بتاع النكته اللي فاتت رجع من امريكا قاعد بيحكي لأبوه وأمه الحاجات الغريبة اللى شافها .
- دانا شفت هناك واحد وقع من فوق عمارة طويييلة.. قعد ثلاث ايام لحد ما وصل الأرض.
أمه سألته: طيب مات ؟؟
ابوه رد عليها: ثلاث أيام لا يأكل ولا يشرب .. أكيد يموت

[rehab89]

ههههههههههههههههههههههههههههههههههه
النكته حلوة اوى
وكمان ايه بتضحك عالكلام اللى بعدها دى لا اضحك عالنكته متحسسنيش انها رخمة هيجيلى احباط كده ومش هعرف اقول نكت تانى
بصوا بقا النكته دى جامده
مرة حسنى مبارك وابنه ومراته كانوا فى الطيارة فماما سوزان قالت ارمى 100 جنيه من الطيارة وتسعد انسان ، راح جمال مبارك قاله ماترمى خمس عشرينات وتسعد خمسة راح حسنى مبارك قال ما ارمى عشر عشرات واسعد عشرة راح الطيار قال ماترمى نفسك وتسعد 70 مليون
يلا زى ما متفقين تصفيق حار وضحك متواصل

[The Myth]

هههههههههههههههههههههههههههههههههههه

حلوة يا رحاب مع اني بحب مصر و بحب حسني مبارك

طب بصي دي

مسطول بيسأل مسطول الساعه كام قاله معرفش قاله غريبه أنا عندي معرفش ألا خمسه.


واحد كسلان قوى راح للحلاق وقعد على الكرسي منزل راسه......
قال له الحلاق شعر ولا دقن ....
قاله دقن .
قال له الحلاق طب ارفع راسك....
قاله خلاص بقا خليها شعر

[زئردة]

خد عندك
مرة واحد بيصلى بسرعة السجادةاتقلبت بيه

اتنين مساطيل ماشين جنب السكة الحديد فلاقوا بيضة واحد قاللك دى بيضة اسد والتانى قاللك لا دى بيضة جمل عدى عليهم واحد ولا قاهم بيتشكلوا وحكموه بنهم وقالوله دى بيضة اسد ولا جمل رد الراجل اسد اية وجمل اية يا عبيط دى بيضة القطر

واحد قال نكتة اديمة التراب خرج من بوقه

واحد اعد مع مراته واعدوا يحششوا لغاية ما الطاسة علية المهم الباب خبط الست قالت يا لهوى جوزى الراجل جوزها قام رمى نفسه من الشباك

جراح اشترى جزمة اتقطعت راح خيطها بعد شوية لاقاها كويسة فك الخياط

شوية مساطيل دخلوا يصلوا الامام بيقول صالوا على الخط قالوا علية الصلاة والسلام

على راى حليم ( بتاع لعب الاطفال تتغطوا على بطنه يسقف)

واحد حلوة ركبت جنب سواق فابيقولها تعرفى تسوقى قالتله لا قالها انا تسوقى

كفاية كده النهاردة

[nova jojo]

حلوين قوي يا زئردة وشكرا على مشاركتك يا عسل



حسنى مبارك نادى على شيطان وقاله انا عايزك تقولى على حاجه اعملها فى المصريين تطلع من نافوخهم الشيطان قاله هات ودنك وش وش وش رد حسنى قاله لا مش هتاثر فيهم شوف حاجه تانيه ياشوشو شوشو قاله ودنك ياريس وش وش وش رد حسنى وقاله انت خلاص مش نافع انت بقيت خرع اوى يا شوشو هات ودنك انت ياشوشو وش وش رد الشيطان وقاله يا اخى انت مفيش فى قلب اهلك رحمه



وعلى فكرة عشان محدش يفهمني غلط مش انا اللي قولت النكتة دي انا سمعتها وقولتها لكم

[nova jojo]

مرة واحد قزم عطس راسة اتخبطت في الأرض

[nova jojo]

اية يا جماعة فين الناس اللي دمها خفيف ؟؟
هما خلصوا من البلد ولا اية
ورونا مين اللي هياخد اللقب