هل بتصدق اي حاجة تتقالك؟؟؟؟؟؟؟؟؟؟؟

[Honey1900]

السلام عليكم

ليا سؤال و عايزكو تجاوبوني عليه

لو حد قالك حاجة تصدقها علطول ؟؟؟؟؟؟؟؟؟؟؟؟؟؟؟؟؟؟؟

و لو واحدة حكيتلك موضوع تصدقيها علطول ؟؟؟؟؟؟؟؟؟؟؟؟؟؟

لان ساعات بيحصل حاجات وتسمع من طرف واحد و متسمعش من الطرف التاني

هل محسيتش انك بتظلمه كده و كان المفروض انك تساله و تسمع منه هو كمان ؟؟؟؟؟؟؟؟؟؟؟

و كمان في حاجة مهمة بس مش دي اللي بسأل عليا دلوقتي الا و هيا المعلومات الدينية هل بتتاكد من كل معلومة ولا بتاخدها ثقة مباشرة و لا بتدور علي اثبات كمان ليها تاني

بس دا مش سؤالي الحالي

الحالي : ممكن تسمع حاجة من حد عن شخص تاني و تصدقه مباشرة بدون تفكير ؟؟؟؟؟؟؟؟؟

او بدون سؤال الشخص الاخر المعني بالموضوع دا ؟؟؟؟؟؟؟؟

منتظر ردودكم و مشاركاتكم

سلامو عليكو

[لحن الحياه]

أولا شكرا على موضوعم ده
لان دى حاجه مهمه
وهو من رأيى ان المفروض الواحد مايصدقش اى حاجه تقال له
وخصوصا لما تكون شخص واحد دى لو كانت حاجه تخصه لازم يتاكد من واحد و2و3
اما لو كانت حاجه ماتخصوش يبقى يطنش احسن
كده ولا ايه رايك؟
متهيألى مفيش احسن من كده

[Honey1900]

يعني مثلا ينفع حد يقولك عليا حاجة تقومي تاخدي موقف مني من غير ما تساليني و تعتبري الشخص دا ملاك و ما بيكدبش

و لا لازم تتاكديمني و تسمعيني انا كمان حتي لو الحاجة دي متخصيش بس تخصني انا و تخص شكلي و منظري قدامك

[مستكة]

ممكن تسمع حاجة من حد عن شخص تاني و تصدقه مباشرة بدون تفكير ؟؟؟؟؟؟؟؟؟

حسب الشخص اللي بيقولي ومدي علاقتي بيه و اسلوبه وطريقته في الكلام وعلاقته باللي بنتكلم عليه

ممكن احدد مدي صدق المعلومه

او بدون سؤال الشخص الاخر المعني بالموضوع دا ؟؟؟؟؟؟؟؟


اسال الشخص الاخر ايضا في حالات معينه

اذا كان يعنيلي جدا

اذا كان سؤالي ده مش هيسبب مشاكل او يكبر الموضوع اصلا



وفي النهايه عموما مفيش حاجه اسمها ثقة كامله

[Honey1900]

معلشي يا مستكة عشان مستعجل همشي حالا

بس ممكن تعرفي من غير ما تكبري الموضوع و كويس موضوع الثقة بس في حاجة

مش يمكن الشخص التاني بيعتمد علي الثقة العالية دي و يكدب او يلفق من غير هو حتي ما يحس و يكون كة بيظلم الشخص التاني

و انتي كمان بسماعك كلامه بثقة عمياء تكوني كدة بتظلمي الشخص التاني ؟؟؟؟؟؟؟؟

و ممكن تتاكدي من حد تالت كمان مش لازم الشخص المعني نفسه

لانه كدة ببساطه مخدش حقه ف الدفاع عن نفسه صح؟؟؟؟؟؟؟؟؟؟؟

[الورد الجوري]

موضوع هايل جدا يا هاني
في رايي ان حكايه التصديق دي ليها اكتر من معيار
اولا ثقتي في الشخص اللي بيقولي
لانه لو حد مش موثوق فيه مش هصدقه حتى لو بيقول الحقيقه
و طبعا كلنا عارفين انه زي مربنا بيقول بما معناه .. ان جاءكم فاسق بنبأ فتبينوا
هو صحيح مفيش ثقه كامله و لا خالصه الا لو كان حد من افراد عائلتك الخاصه
بس بردو فيه ناس بتثق فيهم من خلال التجربه
الشيء التاني بقى .. الشخص اللي بيقولي الخبر مدى علاقته بالشخص المعني بالكلام ايه ؟؟
ثالثا : منطقيه الخبر المنقول
لو صاحبتي وانا عارفاها كويس قالت على واحده صاحبتها انها وحشه العقل هيقول اني اصدقها لانه ببساطه هي صاحبتها و عارفه خباياها و ادرى مني بيها
انا عارفه انه كده بنكون ظلمنا الشخص اللي بنتكلم عنه
بس بجد ده اللي بيحصل
لان فيه ناس ليها قوة اقناع كبيره و تاثير كبير جدا و حتى ان كان في الباطل
السامعين بردو بيصدقوا
في الاول و في الاخر احنا بشر و لينا الظاهر
بس لو اتكلمت بقى عن تصرفي الشخصي بشكل خاص
انا للاسف دقيقه جدا بشكل كبير و ده عيب في شخصيتي
فمهما اتقال عن ناس وكان الاسلوب مقنع او الكلام منطقي
بحب اجرب بنفسي
بحب اسمع بنفسي
بحب يكون رايي نابع من عقلي انا
مش مبني على عقول اخرى
يعني فلانه دي وحشه فيها كذا و كذا
بروحلها لو كانت ليا علاقه بيها ولو حتى طفيفه.. و بعرف منها
هو صحيح مش بقولها انه فلانه قالت عليكي كذا .. بس بحاول استشف انا بنفسي هل اللي اتقال صح و لا لأ

و بجد ومن تجربه شخصيه .. مهما اتقال على حد قدامك
مفروض تتأكد صح لانه فعلا ياما في الحبس مظاليم

ان سمعت فانت استندت لشيء واحد
و ان استمعت و شفت بعنيك يبقى استندت لشيئين
و ان سمعت و شفت و ناقشت يبقى معاك 3 مستندات
حكم عقلك فيهم و انت تتاكد من المقولة

ياريت الناس تعمل كده فعلا لان اللي بيتشوه صورته و هو بريئ
بيعاني كتير فبلاش نساهم في تعذيب حد لانه كله سلف و دين

شكرا هاني على الموضوع الجميل
و اعتذر للاطاله

[eshoo4ever]

اولا موضوعك رائع
ثانيا انا فى العاده
بسمع من الاتنين
بس فى حااالات بصدق
اذا كان الشخص الى ادامى بيحكى ثقتى فيه الى ابعد الحدود

[زئردة]

استاذ hony معلش عندى سؤال ليك
هو الموقف ده حصلك
يعنى لو كان حصلك عديه وماتركزش فيه اوى بس حاول تتعلم منه

اما رايى
فانشاء الله لا
لازم اسمع من الطرفين
بس ساعات الواحد بيكسل يسمع من الطرف الثانى بس ساعات اكتر مش بركز فى الكلام ده يعنى لو حد قال حاجة على حد بطنش مش موضوع بصدق او مش بصدق او ثقة لازم اكتشف ده بنفسى لازم اسمع بعنيه واشوف بودانى
وبس

[magoo_gadoo2000]

أخونا العزيز/ هــــــــــــــــــــــــــانى...

بعد التحية والسلام........

اولا:أنى أصدق أى واحد يقول أى حاجة... بالطبع لآلآلآلآلآلآلآلآلآ حتى ولو كان صادق.

ثانيا:لابد وأن أسمع من الآخر حتى ولو كان منفردا وليس امام الأ خر....

ثالثا:وربنا قال"يأيها الذين آمنواان جاءكم فاسق بنبأ فتبينوا أن تصيبوا قومأ بجهاله فتصبحوا

على ما فعلتم نآدمين".

لذا يجب على كل ما يستمع شيئا أن يتحرى الدقة فى المعرفة

حتى لا يندم على ماقال لأن الكلمة التى خرجت لارجعة فيها الى

الصدر مرة أخرى, فلا بد من التحرى....

رابعا: ليس كل ما يقال هو صحيح حتى ولو كانت المقولة محبوكة ومثل ما قيل بالامس.,

< كــــــذب متساوى ولا صدق ملخبط>

خامسأ: أطلت عليكم كثيرأ لان الكلام فى هذا الباب طويل وكثير,,, آيــــــــات وأحاديث.

وأخيرأ شكرا لكم على سعة صدركم والى لقاءات أخرى بمشيئة الله تعالى!!!!

أخوكم--------------ماجوجادواسكندرية

[duha]

اهلا هاني ازايك يارب تكون بخير

كما تعرف ان للحقيقه اوجه متعددة وكل واحد ينظر اليها من واجهته
تخيل لو ان الحقيقه قطعه نقديه فيها وجهين الكتابه والرسمة
الذي ينظر ناحيه الكتابه اكيد هو مؤمن ومعتقد انها ما يراه كتابه وهو محق في ذلك
والذي ينظر الى جهة الرسمه سيكون مؤمن ومعتقد انها رسمه وهو محق ايضا
اذا كل ينظر للحقيقه من وجهة نظره
لوكان الموضوع هو ان احدهم نقل صورة عن شخص اخر عندها يجب ان نرى الموضوع من كلا الوجهتين وليس بالضرورة ان يكون حكمنا في جانب اي من الجهتين لان لنا رؤيه خاصه للحقيقه او واجهة اخرى للحقيقه قد تختلف عن الاثنين
انا عن نفسي لا اصدق اي احد واكون رأي الشخصي بنفسي ليس لعدم ثقه ولكن قد تكون رؤيه غيري تختلف عن رؤيتي
اذا السؤال ليس هو ان تصدق او لا تصدق بل السؤال هو هل تستطيع ان تكون رؤيه خاصه بك دون ان تتاثر برؤيه الاخرين
شكرا هاني وعذرا على الاطاله

[elektra_2007]

هو مينفعش طبعا نصدق اى حاجة بتتقال لان كل واحد بيقول من وجهة نظره للموضوع يعنى دايما الى بيحكى بيبقى وجهة نظره او اسلوبه موجودة فى الى بيحكيه عشان كدة لازم نتاكد من كل الى بنسمعه او بنعرفه لان الشخص دة مهما كانت ثقتى فيه ممكن يغلط ومفيش انسان مبيغلطش.
وشكرا honey على موضوعك الجميل

[سومة]

اولا:ميرسى يا جميل على الموضوع الرائع ده
ثانيا:انا من راى ان الواحد مش يصدق اى حاجة تتقال له
ولازم يسال الطرفين ....................
بس بردوا على حسب الشخص اللى ادامه
مع خالص تحياتى لك
(سومه)

[رؤيه]

اهلا هانى
موضوع واستفتاء وكلام كبير اوى مفيش حاجه مستاهله ياهانى كلو بيعدى
حجاوب على سؤالك واقولك
لو الموضوع مش بتاعى يعنى ميخصنيش اوى احيانا كتيره مش حسمع من الطرف التانى لانى اصلا حسمع وحطنش يعنى ناس منفسنه من بعض كل اللى حقدر اعمله اهديهم او اهدى الطرف اللى بسمع له واحاول اخليه يستخدم مخه شويه ويفكر تانى
انا بسمع اه لكن اصدقه ده باه موضوع تااااااااااااااااااااااااانى لانى خلاص مبقيتش اصدق حد غير لما فعلا اتاكد عشان كده جاوبت فى الاستفتاء هل بتصدق كل حاجه تتقالك كانت اجابتى لا
فى حاله تانيه لو انا طلبت اسمع الطرف التانى ايه يضمن لى انه مبيكدبش عشان كده بقولك انا بسمع اه لكن اصدق او لا ده موضوع تانى
عن تجربه حصلت معايا طلبت اعرف رايئ الطرف التانى لكن قعد يلف ويدور وما استفدتش حاجه كمان طلبت اسمع ناس قريبه منهم بردو محدش عاوز يتكلم طلبت منهم نتكلم كلنا لكن بردو مفيش استجابه اعتقد انا عملت اللى عليا وفى النهايه الناس دى نصيبهم مع بعض انتهى لحد كده خلاص دى اراده ربنا مينفعش يبقو اصحاب تانى زى الاول ماهياش نهايه الحياه
بس اللى عجبنى هوه احترامهم لبعض بعد خلافهم ولو حتى قدام الناس
فى النهايه بقولك لو اتحطيت انا فى موقف زى ده وحسيت انى اتظلمت وان شكلى قدام الناس باه وحش حطلب مواجهه مع الطرف التانى قدام الناس دى واقدم اللى عندى ولو انا صاحب حق ربنا حينصرنى بس كده

[مستكة]

المشاركة الأصلية بواسطة honey1900

معلشي يا مستكة عشان مستعجل همشي حالا

بس ممكن تعرفي من غير ما تكبري الموضوع و كويس موضوع الثقة بس في حاجة

مش يمكن الشخص التاني بيعتمد علي الثقة العالية دي و يكدب او يلفق من غير هو حتي ما يحس و يكون كة بيظلم الشخص التاني


الظاهر انك فعلا استعجلت في ردك

لاني قلت ان مدي تصديقي لامر معين بيتوقف علي :

حسب الشخص اللي بيقولي

ومدي علاقتي بيه

و اسلوبه

وطريقته في الكلام

وعلاقته باللي بنتكلم عليه

وعلي هذا ااساس بحدد نسبة تصديقي ليه




و انتي كمان بسماعك كلامه بثقة عمياء تكوني كدة بتظلمي الشخص التاني ؟؟؟؟؟؟؟؟

وبرضه نتيجة التسرع مخدتش بالك اني قلت :

وفي النهايه عموما مفيش حاجه اسمها ثقة كامله

و ممكن تتاكدي من حد تالت كمان مش لازم الشخص المعني نفسه

لانه كدة ببساطه مخدش حقه ف الدفاع عن نفسه صح؟؟؟؟؟؟؟؟؟؟؟

والله لو الشخص المعني ميهمنيش في حاجه مش ههتم اني اعرف

لاني ببساطة هسمع الكلام من ودن واحدفه من الودن التانيه

لكن لو يعنيني هحاول اقرب وجهات النظر ونشوف حل للموضوع

[Honey1900]

السلام عليكم


بجد بجد

درودكم كلها جميله اوي و بجد ليا تعليق علي كل رد

هلف لفة صغنطوطة كدة و ارجع ارد عليكو كلكو


سلام عليكو