معركة الحب

[Lonely Doc]

الحب أحيانا بيتحول لمعركة
أحيانا يتعادل الطرفين
وأحيانا اخرى يكون هناك منتصر ومهزوم

اللى فوق ده لغة المعارك
ما ينفعش نطبقها على الحب حتى عندما يكون معركة
لانه فيه احتمال تالت ان الطرفين يبقوا مهزومين
وما فيش اى معركة فى الدنيا ممكن يبقى فيها الاحتمال ده

للحب أنواع كثيرة
بس أنا حأتكلم هنا على نوع واحد,,,شائع
اتنين عرفوا بعض ,, حبوا بعض وارتبطوا ببعض
كلام جميل ,, ربنا يهنيهم
من امتى الدنيا بتهنى حد؟؟
دخل ولاد "الحلال " بينهم.....وما أكثرهم فى هذه الدنيا
وكانت النتيجة انهم سابوا بعض
كل طرف فاكر نفسه مجنى عليه
وهما فى الحقيقة الاتنين جانيين
جنوا على حبهم
سمحوا لغيرهم يقطّع ابنهم ...حبهم
مش الحب اللى اتولد بينهم ده يبقى ابنهم؟؟

حصل اللى حصل
وجه الفراق
وتحول الحب الى معركة
كل طرف عايز يثبت للتانى أنه الخسران
غيرهم قطع حبهم وهما كملوا تقطيعه

احنا فى معركة دلوقتى
كل طرف بيحاول يجرح الطرف التانى على اد ما يقدر
ونسيوا كرامة الايام الماضية
لما كل طرف كان بيحاول يحمى التانى على اد ما يقدر

طرف من الطرفين ظروفه اتغيرت
ارتبط
سواء عن حب او بغير حب اهو ارتبط

بقانون المعارك هو كده حقق نصر على غريمه (طرفه الثانى سابقا)
واستمر فى معركته وكده داس على اول خط الغلط
ليه بقى غلط؟؟
لان الطرف التانى اكيد تألم لما عرف أنه ارتبط ,, انجرح أكتر
ما تضربش خصمك ابدا وهو مجروح
ولو لا بد من ضربه حاول ما تضربوش فى الجرح
مهما كان آذاك
خليك دايما فارس نبيل فى كل معاركك حتى لو اللى قدامك ما كانش كده,,حتى لو كنت مجنى عليك فعلا

ما تنساش دايما ان الايام دول
ومن يأمن للدنيا كمن يأمن للسراب
سيذكر لك غريمك دائما انك ضربته فى جرحه
وقد تتبدل الكراسى والادوار (وكثيرا ما يحدث)
لن يرحمك حينها لأنك لم ترحمه الان

الى كل من تحول حبهم الى معركة
أذكروا يوما كان الغريم لكم حبيبا
حتى وان انتهى هذا الحب
لا تطعنوا غريم معركة الحب فى جرحه فلن ينساه

تحياتى

[eshoo4ever]

جميله جدا يادكتور

وفضفضه من نوع خاص جدا

مشكورة جدا على افصاحك بهذا الشئ مشكور

[maysam]

لونلي..

حتى الفراق له ثقافة لا يتقنها الكثيرون!!

عندي كلام كتير حارجع اقوله بعدين

[Mr.N-2]

شكراً لك أستاذ لونلي

وأنا دخلت المعركة دي وكدت أنتصر بس لما راجعت نفسي لقيت إن إحنا الإتنين الغلطانين لأننا سمحنا للولاد الحلال إنهم يخشو مبينا


بس الحمدلله في هدنة دلوقتي

[mamdou7]

كلام جميل دكتور لونلي ونصائح غالية

بس انا عايز اعرف ليه يتحول الحب الي معركة حتي وان انتهي بفراق؟؟

اللي بيحب مبيكرهش واللي يحب يتمني الخير والسعادة للي بيحبه واللي بيحب مبيجرحش.

وانا ضد اللي بيقولوا ان اللي بيحب اوي بيكره اوي بالعكس القلب اللي يعرف معني الحب والوفاء لا يمكن يكره.

اسمح لي دكتور لونلي طالما ان الطرفين سمحوا لولاد الحلال التدخل لتكون النتيجة الفراق فهذا ليس حبا.

وطالما ان العلاقة بينهم تحولت بعد الفراق الي معركة فايضا هذا ليس حبا.

[هدير بوب]

اشكركم على الموضوع ده

[نرجسية]

المعارك التى من هذا النوع يكون سببها الأساسى هو العند و تصغير العقول
و للأسف يصبح الطفل هو الضحية

ربنا يهدى الجميع

[هدير بوب]

صح الله يفتح على الكل المسلمين يارب

[أوجاع الروح]

ليه نخلي أولاد الحلال يخشوا ما بينا...
ده أولاد الحلال ما سابوش حاجة إلا و عملوها
لما تعرف ان خصمك بيجرحك
و بيدوس على جرحك كمان و كمان
أصبر و احتمل
انت أكيد كسبان كده
صح يا دوك؟

[راجية]

تحياتى ليك

بجد موضوع جميل

سمحوا لغيرهم يقطّع ابنهم ...حبهم
مش الحب اللى اتولد بينهم ده يبقى ابنهم؟؟

الحب الضائع الذى اتولد ولم يلقى العناية الجيدة

[بلبلة الأسكندرانية]

المشاركة الأصلية بواسطة Lonely Doc

الحب أحيانا بيتحول لمعركة
أحيانا يتعادل الطرفين
وأحيانا اخرى يكون هناك منتصر ومهزوم

اللى فوق ده لغة المعارك
ما ينفعش نطبقها على الحب حتى عندما يكون معركة
لانه فيه احتمال تالت ان الطرفين يبقوا مهزومين
وما فيش اى معركة فى الدنيا ممكن يبقى فيها الاحتمال ده

للحب أنواع كثيرة
بس أنا حأتكلم هنا على نوع واحد,,,شائع
اتنين عرفوا بعض ,, حبوا بعض وارتبطوا ببعض
كلام جميل ,, ربنا يهنيهم
من امتى الدنيا بتهنى حد؟؟
دخل ولاد "الحلال " بينهم.....وما أكثرهم فى هذه الدنيا
وكانت النتيجة انهم سابوا بعض
كل طرف فاكر نفسه مجنى عليه
وهما فى الحقيقة الاتنين جانيين
جنوا على حبهم
سمحوا لغيرهم يقطّع ابنهم ...حبهم
مش الحب اللى اتولد بينهم ده يبقى ابنهم؟؟

حصل اللى حصل
وجه الفراق
وتحول الحب الى معركة
كل طرف عايز يثبت للتانى أنه الخسران
غيرهم قطع حبهم وهما كملوا تقطيعه

احنا فى معركة دلوقتى
كل طرف بيحاول يجرح الطرف التانى على اد ما يقدر
ونسيوا كرامة الايام الماضية
لما كل طرف كان بيحاول يحمى التانى على اد ما يقدر

طرف من الطرفين ظروفه اتغيرت
ارتبط
سواء عن حب او بغير حب اهو ارتبط

بقانون المعارك هو كده حقق نصر على غريمه (طرفه الثانى سابقا)
واستمر فى معركته وكده داس على اول خط الغلط
ليه بقى غلط؟؟
لان الطرف التانى اكيد تألم لما عرف أنه ارتبط ,, انجرح أكتر
ما تضربش خصمك ابدا وهو مجروح
ولو لا بد من ضربه حاول ما تضربوش فى الجرح
مهما كان آذاك
خليك دايما فارس نبيل فى كل معاركك حتى لو اللى قدامك ما كانش كده,,حتى لو كنت مجنى عليك فعلا

ما تنساش دايما ان الايام دول
ومن يأمن للدنيا كمن يأمن للسراب
سيذكر لك غريمك دائما انك ضربته فى جرحه
وقد تتبدل الكراسى والادوار (وكثيرا ما يحدث)
لن يرحمك حينها لأنك لم ترحمه الان

الى كل من تحول حبهم الى معركة
أذكروا يوما كان الغريم لكم حبيبا
حتى وان انتهى هذا الحب
لا تطعنوا غريم معركة الحب فى جرحه فلن ينساه

تحياتى

موضوع رائع مسيه لونلى هو فى الغالب لطرفين خسرانين اكيد لماذا ؟
لانهم سمحوا لشخص ثالث بالتدخل بينهم وسمحوا له انه يعمل فجوة بينهم فيقع حبهم فريسة غبائهم
المفروض اى اثنين بيحبوا بعض حتى لو حصلت اى مشكلة وده لازم يحصل مافيش اى اتنين بيحبوا بعض فى الدنيا الا لما يعدوا بمشاكل سواء غيرة او اختلاف فى رأى او او المهم انهم يحلوا مشاكلهم بينهم وبين بعض ولايعطوا فرصة لاى شخص بالتدخل بينهم وبذلك يقوى حبهم حتى لو كان مابينهم مشاكل
شكرا لونلى

[مينرفا]

الى كل من تحول حبهم الى معركة
أذكروا يوما كان الغريم لكم حبيبا
حتى وان انتهى هذا الحب
لا تطعنوا غريم معركة الحب فى جرحه فلن ينساه

معك كل الحق دكتور /لونلى

هذا مايحدث فعلا سواء عند انتهاء قصة حب

او انفصال بين زوجين بعد انتهاء عقد الزواج

شكرا لاطروحتك الجميلة

ورده عابقة بالعطر من منيرفا

[Lonely Doc]

تسلم يا ايشو
أشكر لك مرورك وردك

تحياتى

[Lonely Doc]

أنا فى الانتظار ياميسم
وتعبيرك أعجبنى " ثقافة الفراق "

تحياتى

[Lonely Doc]

مستر ان تو

عنوان الموضوع هو سخرية مما قد يتحول اليه الحب
فالحب باى حال حتى لو انتهى او صار الى فراق لا يجب ابدا ان يتحول الى معركة
هذا العنوان أشبه كما نقول مرارة السكر او سخونة الثلج او برودة النار هى اشياء مستحيل ان تحدث فاذا حدثت كان الحب معركة
الهدنة شىء جميل لكن من يُسارع مادا يده الى حبيبه هو الرابح دائما

تحياتى