التطـــــــــور الطبيــــــــــــعى للأم

[hend]

الملابس

الطفل الأول: تلبس هدوم الحمل من أول لما تعرف إنها حامل الطفل

الثاني: تحاول تلبس هدومها العادية لأطول فترة ممكنة

الطفل الثالث: هدوم الحمل هي هدومها العادية اليومية


الإعداد للطفل

الطفل الأول: كل دقيقة تغيير للطفل.. وتحاول تخلي ريحته حلوة

الطفل الثاني: كل ثلاث ساعات

الطفل الثالث: لما ريحته تطلع

القلق

الطفل الأول: من أول خبطة تجري عليه و تشيله

الطفل الثاني: تشيله لو حست أن خلاص فيه عربية حتخبطه

الطفل الثالث: أحسن..علشان تتربي... خلي العربية تدوسك

الأكل

الطفل الأول: ترمي أي حاجة تقع على الأرض

الطفل الثاني: تغسلها بشوية مية‎

الطفل الثالث: تمسحها فى هدومها

الفسح

الطفل الأول: الملاهي... المراجيح..النادي

الطفل الثاني: النادي

الطفل الثالث: السوق

الخروج

الطفل الأول: تسيبه مع أختها و تتصل تطمئن عليه كل خمس دقائق

الطفل الثاني: تسيبه مع أختها... و هي على الباب تفتكر تسيب رقم التليفون بتاع المكان اللي هي رايحاه

الطفل الثالث: تسيبه مع أي حد.. مع تحذير بان محدش يتصل بيها إلا في حالة يكون في الموضوع دم

في البيت‎

الطفل الأول: كل دقيقة تتفرج على ابنها وهو نايم

الطفل الثاني: من وقت للتاني تتأكد إن الكلب مأكلش ذراع الولد

الطفل الثالث: تستخبى منهم على قد ما تقدر

لو بلع قرش

الطفل الأول: تطلب عمل أشعة للولد

الطفل الثاني: تقلق شوية عليه ، وتستنى وتشوف هيبلع الفلوس ويهضمها ولاَّ لأ؟‎

الطفل الثالث: تخصمه من مصروفه

[Aqua Angel]

ههههههههههههههههههههه
طب تعرفي يا هند ولو إنها بضحك لكنها 100% صح
لأن أنا مامتي بنفسها قالتلي الكلام ده
هيا فرحة أول بيبي بس

بس في حاجة عايزة اعرفها
هوا الرابع بقى بيحصلو ايه؟؟؟؟؟؟؟؟؟؟؟؟؟!!!!!!!!!!!!!!!!!!!!
ولو إني مجربة و عارفة و شفت بيحصلو ايه
ههههههههههههههههههه

تسلم إيدك يا هند عالموضوع

تحيـــــــــــــ ،،،، Aqua Ange ،،، ــــــــاتي

[امل حياتى]

الموضوع حلو بس المشكله ان انا كنت الطفله التالتة
ودلوقتى بس عرفت ايه اللى كان بيحصلى
شكرا يا هند عالموضوع

[hend]

العفو يا جماعه
للاسف لسه ما جربتش بس بمجرد ما هجرب هقووووووول على طول
انا كنت اول بيبى
هههه
يعنى اتمتعت وانا طفله
الف شكر على مروركم وردكم

[نسيمه]

الموضوع حلو وحقيقى شكرا يا هند عليه بس ده يمكن بيحصل فى مصر بس او فى دول العالم النامى بس لان الاهتمام فى اوروبا غير

[elektra_2007]

ههههههههههه
جميل جدا الموضوع يا نودة
والحمد لله انى كنت الطفلة الاولى

[رؤيه]

هههههههههههههههههههههههههههههههههههههههههههههههههه ههههههههههههههههههههههههه
اهلا هند ضحكتينى جدا والله
حرام عليكى ياشيخه فى ام تعمل كده فى اولادها
عجبتنى حكايه تخصمه من المصروف دى اوى
شكرا يا حبيبتى على الموضوع وربنا يستر مع اولادنا فى المستقبل ان شاء الله

[hend]

شرفتونى يا جماعه ونورتوا الموضوع

[أوجاع الروح]

هههههههههههههههههههه
شكرا يا هند على الموضوع الجميل ده
فعلا ده بيحصل في أوقات كتير أوي
الحمد لله أني كنت أول بيبي
بس مش عارف لما أتجوز الست هنعمل ايه مع العيال
يمكن المفهوم ده يتغير


سلام

[Honey1900]

التطــور الطبيــعى للأم

الملابس
الطفل الأول: تلبس هدوم الحمل من أول لما تعرف إنها حامل
الطفل الثاني: تحاول تلبس هدومها العادية لأطول فترة ممكنة
الطفل الثالث: هدوم الحمل هي هدومها العادية اليومية


الإعداد للطفل
الطفل الأول: كل دقيقة تغيير للطفل.. وتحاول تخلي ريحته حلوة
الطفل الثاني: كل ثلاث ساعات
الطفل الثالث: لما ريحته تطلع

القلق
الطفل الأول: من أول خبطة تجري عليه و تشيله
الطفل الثاني: تشيله لو حست أن خلاص فيه عربية حتخبطه
الطفل الثالث: أحسن..علشان تتربي... خلي العربية تدوسك


الأكل
الطفل الأول: ترمي أي حاجة تقع على الأرض
الطفل الثاني: تغسلها بشوية مية‎
الطفل الثالث: تمسحها فى هدومها


الفسح
الطفل الأول: الملاهي... المراجيح..النادي
الطفل الثاني: النادي
الطفل الثالث: السوق


الخروج
الطفل الأول: تسيبه مع أختها و تتصل تطمئن عليه كل خمس دقائق
الطفل الثاني: تسيبه مع أختها... و هي على الباب تفتكر تسيب رقم التليفون بتاع المكان اللي هي رايحاه
الطفل الثالث: تسيبه مع أي حد.. مع تحذير بان محدش يتصل بيها إلا في حالة أنه يكون في الموضوع دم


في البيت‎
الطفل الأول: كل دقيقة تتفرج على ابنها وهو نايم
الطفل الثاني: من وقت للتاني تتأكد إن الكلب ماأكلش ذراع الولد
الطفل الثالث: تستخبى منهم على قد ما تقدر


لو بلع قرش
الطفل الأول: تطلب عمل أشعة للولد
الطفل الثاني: تقلق شوية عليه، وتستنى وتشوف هيبلع الفلوس ويهضمها ولاَّ لأ؟‎
الطفل الثالث: تخصمه من مصروفه


منقول

[abc]

هههههههههه

لا مش للدرجة دي يا باشمهندس هاني ..

أنا معاك ممكن الموضوع ينزل لحد حالة الطفل الثاني ..

لكن لحالة الطفل التالت دي ؟؟ !!


عموما أنا مش هبقى أم يعني فمش هتفرق معايا

شكرا جزيلا على الموضوع

[احمد ا العدوي]

هاني والله ماقدرت اكملها م الضحك
بس فعلا بتحصل
شكلك دمك موش خفيف والا انا كنت فاهم غلط
انت كنت نمرة كام
انا كنت نمرة 3 بس في بعدية 4 تاني
كمل

[نيهال]

صباح الخير يا هانى..........
حلو التطور الطبيعى للحاه الساقعه
لاول وهله قلت ايه الافترا ده.......بس فعلا ده اللى شوفته مع ناس قريبه منى ونتيجه الخبره بيكون خلاص بعد رقم واحد الاهتمام بيقل
يعنى مثلا حاحكى لك.......
طبعا بما انى الطفله الاولى فكانوا مهتمين بيا جدا....ومجهزين لى كل حاجه.اينعم نسوها وهمه رايحين المستشفى.........بس مش مهم
المهم انهم بيحكولى ازاى كان استعدادهم

تعالوا بقى للطفل التانى.........طبعا حياخد حاجتى لان حاجات الاطفال متشابهه


بس ارجع وقول انهم مش معترفين بعد كده بالكبير او الصغير......اه والله
بعد كده كلنا زى بعض
متدلعين زى بعض
وبيتزعق لنا زى بعض
مش بتفرق هنا انتى الكبيره او غيرى اصغر
هههههههه


ربنا يخليكى لينا يا امى ويصبرك علينا



يلا كفايه عليكم كده احنا لسه على الصبح

[The Caesar]

هاني موضوع مضحك جدا
بس طبعا مبالغه
الابن التالت لو الاخير بيدلع اخر دلع ..انت شكلك الاخ الاصغر ياهاني حاسس كده
انا اللي بشوفه في الواقع ان الابن الاصغر ..بينال كل الاهتمام ممن حوله
من اخوته الاكبر ومن ابويه
لانهم ببساطه ييتجنبون في تربيته الاخطاء المرتكبه في حق من سبقوه
بس بجد تسلم ايدك علي النقل
تحياتي لك يا ..بطل

[chokl@te g!rl]

هههههههههههه

على كده انا اتشحورت خالص يا جدعان والله