موضوع يقطع القلب

[منة اللة]

انا بصراحة مش عارفة ابتدى منين
انا الموضوع دة ماثر فيا اوى وبطلب من ادارة الموقع ان هيا تعرضة
انا هحكلكوا قصة حصلت لاتنين زميلى فى الكلية
هما بيحبوا بعض اوى وبقالهم 3 سنين مرتبطين وفى يوم عرفنا ان البنت صحبتنا دى الا مرتبطه بصحبنا عندها مرض خطير وبقت ديما تدخل المستشفى وهوا متخلاش عنها لانوا كان بيحبها اوى اوى وكان بيزرها فى المستشفى بعد ماهلها بيمشوا وكان دايما مبيفرقهاش بس فى امتحانات الترم دة البنت دى تعبت اوى ومقدرتش تدخل الامتحانات وفى يوم البنت دى طلبت من الا بتحبوا انوا يعدى من تحت بتها لانوا وحشها وعايزة تشوفوا وراح فعلا وحس من ملامح عنيها ان هيا بتودعوا كانها مش هتشوفوا تانى
وتانى يوم بيتصل بيها على الموبايل لقى اختها ردت علية وكانت الماجاءة اختها ردت وقالتلوا دى ماتت ماتت خلاص وهيا منهارة وكان سامع جنبها صوت الصراخ والبكاء وقلتلوا احنا لسة مدفنهاش فنزل من بيتوا زى المجنون واتجة الى منزلها وهناك شفها وهما منزلنها من البيت عشان يدفنوهاومشى فى جنزتها وساعد فى شلها وصلى عليه وساعد فى دفنها ومكنش حد يعرفوا من الناس قريبها وبعد موتها انا مش عارفة اقولكوا اية على حالة الولد دة اية
حالتوا ادهورت اوى ومبقاش ياكل وبقى يبات فى الجامع وساب بيتة ولمااصحابو يحولو يخلوة ياكل يرد عليهم ويقولهم انا وانا تعبان هيا مكنتش بتاكل عشانى انا بقى بعد ماماتت هيبقى ليا نفس اكل انا راح منى اغلى حاجة فى حياتى خلاص انا مبقتش عايز حاجة من الدنيا دى
انا بحكلكوا القصة دى عشان بجد عايزة الا يقراها يقراء لصحبة القصة دى الفاتحة ويدعلها بالرحمة ونفسى اسمع ردكم عليا

[بكــار]

بسم الله الرحمن الرحيم
كل نفس ذائقة الموت وانما توفون اجوركم يوم القيامه فمن زحزح عن النار وادخل الجنة فقد فاز وما الحياة الدنيا الا متاع الغرور صدق الله العظيم

اختى العزيزه هى فعلا قصة مؤثره وهذا الاخ الفاضل
مهما ابتلاه ربه فلن يبتليه كما ابتلى الانبياء واولى العلم فمصائبهم كانت عظيمة
وربنا سبحانه وتعالى يبتلينا بهذه المصائب كى يختبر قوة ايمننا او ليكفر بها عن ذنوبنا فمن صبر كان له الاجر والثواب

كل ما ارت ان اقوله الموت القبر دار وكل الناس داخله والموت سم وكل الناس شاربه


لكن كل على هذا الشاب فعله ان يعود الى اهله ويصبر ويدعو له بدخول الجنة فهذا افيد مما يقوم به
اللهم ارحمها وادخلها فسيح جناتك
تقبلى تحياتى

[safffffy2007]

انا رايى زى راى ابراهيم بالظبط
لازم يرجع لبيته ولاهله
وكمان لازم ينساها
او حتى على الاقل يحاول

[eshoo4ever]

قصة بجد مؤثرة جدا
انسان نبيل بس قدر الله وماشاء فعل
لازم يرجع لحياتة واكيد هى هتكون مبسوطة بده
شكرا منة

[ادهم]

طبعا اللى ايده فى النار من زى اللى ايده فى الميه انا حاسس بيه جدا لانى كنت فى نفس مكانه بس اللى ضاعت منى هيا مراتى و طبعا ده اصعب لان فى بينا زكريات كتيره بس هو هيفضل كده لحد ما يحس ان ما فبش فايده بس هو كل اللى محتاجه يكون لوحده لان كل ما اى حد يقوله تنسى او ما تفكرش كده او عبش حياتك هيتمسك باللى هو فيه اكتر لان هيحس ان الكل عايزينوا يخون حبيبته افتكر لازم يكون لوحده فى الفتره دى لحد ما يعرف لوحده و صدقينى مهما طالت او قصرت الفتره دى لازم هيرجع لبيته و حياته تانى بس يا ريت ما يكونش زيى و يكون اجمد و ربنا يرحمها هيا و زوجتى

[رضا ابراهيم]

شوفو يا جماعة الموضوع مؤثر جدا بس دا هو القدر احنا هانعمل اية
و ربنا معاة و يصبروا و طبعا لازم يرجع البيت و لاصحابو

[أحمـــــد]

قصة مؤثرة بالفعل أختي لكن كل شئ بأمر الله والموت قد يكون عظة لهذا الشخص بأن يتجه اتجاه أخر في حياته يلتزم دينيا أكثر

اللهم اغفر لها وارحمها
اللهم اغفر لها وارحمها
اللهم اغفر لها وارحمها
اللهم اغفر لها وارحمها
اللهم اغفر لها وارحمها
اللهم اغفر لها وارحمها

[TARZAN]

الحكاية دى انا شفت زيها فى كليب او فيلم

لا حول ولا قوة الا بالله
الحاجة الوحيدة اللى ممكن تتقال ان لو وقفنا حياتنا علشان الغاليين بيموتو
يبئا الحياة هاتقف
لازم ننسى ونساعد نفسنا على اننا ننسا
لان الحياة مش هاتقف على واحد حبيناه ومات

خليه يدعيلها بالرحمة والمغفرة

وادعيلو ربنا يهديه