موضوع هايل ياممدوح
وانا باستغرب ازاى ما فيش ناس كتير ردت عليه لحد دلوقتى لانه فعلا موضوع مهم
طبعا اميرة وورد فيهم الخير والبركة
بس الواحد بيبقى نفسه يعرف كل الاراء ونتناقش فيها
موضوعك بيدور حوالين نقطتين اساسيتين :
- تقدم الشاب للزواج دون علم او موافقة اهله
- رد فعل الاسرة التى تقدم لها هذا الشاب
بالنسبة للنقطة الاولى لازم نفرق بين علم وبين موافقة (رضا ) الاهل
لان تقريبا كل حالات الزواج العرفى بتتم دون علم اهل الشاب طبعا
واعتقد ان موضوعك بيتكلم عن موافقة الاهل ورضاهم
اميرة قالت جملة لطيفة اوى وهى ان احيانا الاهل يروا ما لا يراه الشاب ,,,دى فعلا جملة صحيحة لان خبرة الاهل بتبقى اكتر وايضا هم غير واقعين تحت تاثير الحب او الانجذاب للفتاة التى يريد ابنهم الزواج منها لكن فى حالات قليلة بيكون فيه نوع من انواع التسلط من الاهل وبيكون رفضهم بدون اساس او غير منطقى
طب الشاب يعمل ايه فى مثل هذه الحالة؟؟؟ سؤال صعب لانه طبعا يريد هذه الفتاة ويرى اهله رافضين دون اى سبب منطقى ولو اقدم على هذا الزواج قد تصير قطيعة بينه وبينهم لفترة وقد تطول,, بصراحة مش عارف او بمعنى اصح مش قادر اقول الاجابة على هذا السؤال
ومثل ورد اللى قالته فى ردها "كتفنى" عن اجابة السؤال مع اعترافى واقرارى انه مثل صحيح مية فى المية
نيجى للنقطة التانية
دايما يقولوا فى الزواج الشاب لا يتزوج الفتاة فقط وانما يتزوج الفتاة وعائلتها ونفس الكلام بالنسبة للفتاة
اغلب الامر فيمن يوافقون على الشاب يكون لانهم يرون انه عريس" لقطة" وخسارة ان يضيع من يدهم,,متناسين بذلك كل الاصول والتقاليد ويكتشفون بعد فوات الاوان مدى قصر نظرهم
بعض الاهل "حمله تقيل اوى" كاهله ينوء بالعديد من الابناء ولا يقدر على مصاريف الحياة لهم فما بيصدق يتقدم له احد يزيح حاجة من الكاهل الهلكان ده
,,,فى رايى ان هذا بيع للفتاة لكن بطريقة شيك شوية,,انه يلقى بفلذة كبده لعابر سبيل يعلم ان اهله لا يباركون هذا الزواج وبذلك يتركها تحت رحمة هذا الشخص يفعل بها ما يشاء
وبالمناسبة نظرة الشاب لاهل الفتاة الذين يوافقون عليه لوحده دون اهله عادة ما تكون نظرة استخفاف بهم,, وغالبا ما يتعامل معهم بعد ذلك باستعلاء
فى بعض الحالات قد يكون اهل الفتاة منتظرين التخلص منها مثلا عندما يتوفى الاب وتتزوج الام باخر,,عادة لايرحب زوج الام بهذه الفتاة ويتحين الفرصة للخلاص منها ونفس الكلام لو توفت الام وتزوج الاب باخرى
خلاصة القول فى هذه النقطة ان أهل الفتاة عندما يوافقون بذلك تأكد ان عندهم (هم وليس الفتاة) ما يعيبهم سواء كان طمعا او فقرا او فتاة مسكينة مع زوج ام او زوجة اب
موضوع كويس فعلا ياممدوح ولسه ما جاوبناش على السؤال لو كان رفض اهل الشاب تعنت او دون اى اساس منطقى يعمل ايه؟؟؟؟؟ (على فكرة اميره جاوبته ضمنيا فى ردها
)
تحياتى
بقايا 
