اولى حلقات حوار مفتوح ((شاركونا))!!!

[بكــار]

وعدتكم بتقديم برنامج حوار مفتوح
عن كل ما يخص الحياه من احاديث
ومناقشات وها انا ابدأ بموضوع
من هم الموضوعات على الساحه
الصداقه
هى شيء الكثير منا يحلم بها
يتشوق اليها
يتمنى ان يقطف منها ما زاد
لكن هل الصداقه
عطاء بلا حدود
ام انها تاتى لاغراض فقط
كثير منا يحلم بالصداقه
يحب اصدقائه
يتمنى لقائهم
لكن هل يفعلون هم معنا كذلك
الصداقه كنز فى بعض الاحيان
لكن فى البعض الاخر
تتحول الى وحش كاسر
ياخذ منا كل
شيء
الطيبه الامان
الاحساس الجميل
واحيانا تتملكنا غريزة الانتقام من من باعونا
او منما تذكرنا يوما انهم اصدقاء
عمتا تبقى الصداقه
شيء لايمكن لانسان ان ينكر اهميته فى حياته
تبقى انت
ما رأيك فى الصداقه ؟؟
وما هى جوانبها السلبيه والايجابيه
بالنسبه لك ؟؟
وهل صادفت يوما صديق لا يستحق ؟؟
وهل كل الاصدقاء يعاملونك كما تعاملهم ؟؟
وما رأيك فى كثرة الاصدقاء ؟؟
بمعنى انه تفضل ان يكون لك صديق واحد ام اكثر من صديق؟؟
تابعونا بعد ان تحاورنا فى
حوار مفتوح

[lovely girl]

ميرسي على الموضوع ياملك الرومانسية
طبعا الصداقة هي اسمى شيء في الوجود خصوصا لو كانت صادقة فهي عمرها ما تنتهي
متهيئلي ان الصديق بيلعب دور مهم اوي في حياتنا خصوصا لو كان صديق حقيقي فهو بيكون اقرب شخص ليا ممكن اطلعة على جميع اسراري بارتياح وبثقة في شخصة اكيد كل الناس لازم يبقى عندها اصدقاء يشعروا بية ويفكروا معاه ولاجلة يقوية ويسانده
الصداقة لا تنتهي فصديق اليوم بيفضل صديق الغد
والصداقة طالما بتتروي وبيتحافظ عليها بتبقى شجرة صامدة في كل الفصول
دي وجهة نظري وسوري على التطويل

[elektra_2007]

ما رأيك فى الصداقه ؟؟
الصداقة من اهم الاشياء فى حياة الانسان،فهى نعمة ينعم بها الله
على من يستحقها ويعرف ازاى يقدر معناها.

وما هى جوانبها السلبيه والايجابيه
بالنسبه لك ؟؟
اولاالجوانب الايجابية:ان الاصدقاء لو كل غرضهم الصداقة الخالصة والمحبة فى الله
فهم بيكونوا عون سند للانسان فى وقت الشدة والازمات ولما تزيد المشكلات
وبيمرح معهم فى وقت الفرح والبسمات،ومن غير الصداقة بجد الحياة ملهاش
طعم ، وهيحس الانسان بوحدة رهيبة.

ثانيا الجوانب السلبية:اذا كانت الصداقة غرضها المصلحة الشخصية فقط فبيكون ليها اثر نفسى
سىء جدا ،لان الانسان بيحس ان اصحابوا دول بيستغلوه ، وفى نوع تانى
من الاصدقاء بيبقى غيتهم انهم يقللوا من شان الصديق او الانسان الى
عاملين انهم اصحابه فطبعا دة ممكن ياثر على شخصية الانسان وممكن
انها تقلل من ثقته بنفسه.

وهل صادفت يوما صديق لا يستحق ؟؟
صادفت كتير للاسف مش بيقدروا الصداقة او مش بيعرفوا يعنى ايه صداقة ،
واسوا مافيهم الى تبقى عاملة صاحبتى وتتكلم عليا من ورايا ،بس الحمد لله
الاغلب كانوا بجد ناس محترمة وكويسة.

وهل كل الاصدقاء يعاملونك كما تعاملهم ؟؟
بصراحة فى كتير بيعملونى احسن من معاملتى ليهم كمان،
وفى نوع تانى مش بيفتكرونى غير فى المصلحة ،ودول بشطبهم من لسة الصداقة اصلا.


وما رأيك فى كثرة الاصدقاء ؟؟
بمعنى انه تفضل ان يكون لك صديق واحد ام اكثر من صديق؟؟
من راى ان ممكن يكون ليا اكتر من زميلة ، واكتر من صاحبة
لكن الاصدقاء افضل مش يزيدوا عن اتنين ،ودول فعلا عدد اصدقائى او الانتيم بتاعى.

وبشكرك جدا يا ملك الرومانسية على الحوار المفتوح اولا،
وعلى الموضوع المهم الى اخترته للمناقشة
ومستنية الموضوع القادم

[أوجاع الروح]

ما رأيك فى الصداقه ؟؟
-- الصداقة علاقة أسمى من الحب
وما هى جوانبها السلبيه والايجابيه
بالنسبه لك ؟؟
--الجوانب الايجابية هي عندما تضيق الدنيا أجد من يصدقني و يرتاح إلي و أرتاح إليه...أما الجوانب السلبية أن هناك بعض الأصدقاء لا يقدرونك و لا يتعاملون معك بإحترام و دول مش بيبقوا أصدقاء أساسا
وهل صادفت يوما صديق لا يستحق ؟؟
--ربما صادقت يوما شخصا لا يستحق الصداقة...لا أستطيع ان أقول عنه انه صديق
وهل كل الاصدقاء يعاملونك كما تعاملهم ؟؟
--الحمد لله...في الأحسن (و دول كتير)...و في الأقل شوية بس بتبقى راجعة للظروف
وما رأيك فى كثرة الاصدقاء ؟؟
--مش بطالة
بمعنى انه تفضل ان يكون لك صديق واحد ام اكثر من صديق؟؟
--ممكن يكون في زملا كتير...و أصحاب كتير في الدراسة و في النادي و كده...انما الأصدقاء الحقيقينن...مش ممكن يزيدوا عن 2...كده أحسن علشان نبقى وحدة متماسكة على قد ما نقدر...و هكذا أنا عندي 2 أصدقاء أنتيخ بس

شكرا على الموضوع الجميل يا ملك ... و مستني الموضوع الجاي