غربة الوطن

[السهران]

ما الفرق بين غربة الوطن والغربة خارج الوطن؟

الغربة خارج الوطن بقدر احكي عليها بكل وضوح وصراحة لانو تجربة عشتها وبعيشها انو تعيش غريب ببلد حتى لو مثل مابيحكوا عربي الو نفس الدين واللغة مش معناه انو انت ابن هالبلد ابدا بيضل الاختلاف والشعور انو انت غريب وسط هالناس ما فيك بيوم تحس بامن واستقرار كل حياتك معلقة على تغير سياسي او قرار بيطرحو رئيس هالدولة واول تنفيذ الغريب بيعاني منو مش ابن البلد ، الاضطهاد بكل شي موجود بالغربة والحقوق مش كاملة الك كانسان ، اتعابك وجهودك اكبر بكتير من شو بيقدموا الك ، يكونمرات نفسك تصرخ وتحكي خلال نقاش انو اللي بيحكوه غلط وبتحكي بس ضروري تدفع ضريبة غالية لانو هون مش بلدك ومش من حقك النقد انت غريب خليك اديب هيدا المثل الشائع .
مافيك تحس بانتماء لشيء بالغربة حتى بالموت بتحس انو غريب بحكم اجراءات الدفن كل شي صدقوني بيحسسك بالغربة وبيخلي عندك شعور بالحنين للوطن .
اكيد الوطن هو الاساس بس لحتى ماكون غريب بوطني ضروري من شي مهم وهو :
ماكون غريب مع نفسي واهلي بالوطن الاسرة هي الوطن الصغير من اهل واقارب واصحاب ضروري ماحس بغربة بينهم لحتى ماحس بغربة اكبر وانا بوطني ، لانو الوطن هو مجتمع كبير من البشر اللي بتربطهم اواصر وعلاقات دينية واجتماعية وثقافية مشتركة ممكن نختلف باشياء بس مش جوهرية لانو الاختلاف بالجوهر معناه انو في طرف بينفي الطرف التاني .
براي الغربة داخل الوطن اصعب من الغربة برات الوطن لانو خارج الوطن مفروضة فرض ومش مجبر انو تصلح اللي حواليك ، لكن الغربة بالوطن موت بطيء انو تكون ببلدك وتحس انو مافي شي يجمعك فيه وبنفس الوقت هو وطنك بيخلق نوع من الاجبار عند بعض الناس على الاستمرار بحياة رافضها ومن هون بيخلق الشخص لنفسوا شكل من اشكال النهاية السريعة .

هيدا هو راي المتواضع وبالنهاية احيانا بيكون الانسان غريب حتى عن نفسوا وهيدا نتيجة تراكمات العصر بكل مافيه .
** قراءات**

[همس المحيط]

انا معاك ان الغربة خارج الوطن صعبة جدا لكن اكيد الغربة داخله اشد قسوة لان من الصعب اوي ان الواحد يحس انة غريب وسط اهله زي ما انت قلت
شكرا على الموضوع الجمييييييييييييييييل

[السهران]

همس المحيط
اشكرك جدا لمرورك الطيب الله لايحرمنا منك ومن مداخلاتك0
والله لايكتب علينا الغربة داخل الوطن0