الى كل محبى عالم ابن مصر!!ا((من فضلك لو مش هتقرأ وتناقش ))يبقى ما تدخلش

[بكــار]

الى كل محبى عالم ابن مصر ادارة واعضاء قدامى وجدد وحتى الضيوف التى تتابع من بعيد
موضوع حديثى اليوم معكم ليس هو الا نظره الى ما يحدث فى عالمنا عالم ابن مصر
الذى دائما ما وقفت امامه اتصفح صفحاته واصادق اعضائه واتعلم منهم لكننى لى عتب عليكم جميعا سواء الادارة او الاعضاء الجدد او القدامى وسافرد العتاب كالاتى ولتعلمو جميعا انها كلمة حق اقولها لاننى احب هذا المكان
اولا عتابى للاداره الكريمه
ادارة ابن مصر التى تتكون من
الاخ الفاضل
احمد كمال
الاخ الفاضل لونلى دوك
الاخت الفاضله ميسم
الاخ الفاضل ابن مصر
والاخ الفاضل حودا
والاخ الفاضل هاف ماجيك
والاخ الفاضل محمد حسين
نحن فى فترة الصيف التى تكون من افضل الفترات فى عالم المنتديات وكلنا جميعا نعلم ذلك لانها تكون بمثابة الفتره التى يستطيع الجميع ان يلقتى بعضا
لكن اين انتم ؟
دكتور محمود مشغول ونلتمس له العذر ابن مصر بيدخل للضروره القصوى حودا ربنا يكرمه مهتم هو وابن مصر بالامور التقنيه لكن دا ما يمنعش تواجده ميسم بتدخل قليل وبرده نلتمس لها العذر
هاف ماجيك غايب بقاله فتره ويارب نسمع عنه سمع خير والاخ الفاضل محمد حسين مسافر ونادر ما يدخل االنت اصلا
اذا تدور الاحداث كالاتى
ميسم بتدخل اوقات قليله دكتور محمود بيحاول يتواجد باستمرار احمد كمال مفروض اانه بالفعل يكون متواجد
وهاف ماجيك ومحمد حسين اختفوا وحودا وابن مصر موجودين لكن هما فين ؟؟
هى دى ادارة ابن مصر فى الوقت الحالى ؟
لكى يا اخوانى كيف يصلح البناء واهم لبنة فيه ليست موجوده او بمعنى اخر مشغوله وهذه اللبنه تكاد تكون الاساس اين الاداره ؟؟
عدم وجودها وقلة اعضائها يسبب متاعب كثيره وجميعنا يعلم هذه المشاكل جيدا
فوضى فى الموضوعات
وجود دعايه بشكل غير عادى
المستوى الحوارى يكاد يكون منهار بين بعض الاعضاء لصغر سنهم ولعدم وجود من يرشدهم
وجود اعضاء لا يستحقون ان يكونوا بيننا
اذا فاين ادارتنا لكى تهتم بكل هذا ؟؟
لما لا يتم تعين عدد من الاعضاء الجيدين يقومون بهذه الوظائف ؟
ولماذا غايبكم انتم ؟ يعنى بالعقل كدا
عدد قليل ويكاد ينعدم تواجده ؟؟ طيب تمشى ازاى ؟
انا فاكر زمان ان اعضاء الاداره كلها كانوا ممكن يتواجدوا فى نفس الوقت ؟؟لكن الوقتى اعضائها لا يلتقى منهم اثنين على المنتدى الابالصدفه ؟
هذا بالنسبه للاداره

اما بالنسبة للاعضاء
لا اقول القدامى ولكن الذين قضوا فى عالمنا فتره ليست بقليله تقرب فيها من اعضائه ونهل من بحر علمه وتعلم منه الكثير والكثير اين انتم ؟
اعتقد انه ان الاوان لكى تظهروا لكى تعطوه شيئا قليلا مما اعطاكم ولم ينتظر منكم
اعتقد انه الوقت الذى تؤدون فيه واجبكم ؟
لكن اللى ان شايفه انى بانفخ فى قربه مخرومه لو حد سمع النداء ممكن يبلى وممكن لا
واللى بيلبى بيجى ويمشى تانى طيب ليه ؟؟
ايه اللى بيحصل عشان تتخلوا عن بيتكم واصدقائكم وجزء قضيتموه قد يمثل لكم الكثير فى عالم ابن مصر
لا اطالب فقط بعودتكم بل اطالب بالعودة والتواجد ؟
لا اطالب فقط بالتواجد بل اطالب بالتواجد والمشاركه
ولا اطالب فقط بكل هذا بل اطالبكم برد جزء مما عليكم لهذا المكان

اما بالنسبه للاعضاء الجدد
والذين ارى فى بعضهم حداثة سنهم وقلة خبرتهم ؟
ليس الكم بكام مشاركه كتبتها ولا كام رد رديته ولا كام كلمه قلتها ؟
الكم الحقيقى يكم فى المعنى والمقصد
وشايف اعضاء كتير بتنقل موضوعات طيب كلنا بنادى ومازلنا بنادى حاول تصنع من نفسك كاتب جيد وقاريء جيد
ليس بمجرد ان تدخل الموضوع بدون ان تقرأه حتى
تقول شكرا وتطلع
طب دا اسمه كلام هتستفيد ايه طيب مدام ما قريتش الموضوع وما تناقشتش فيه هتفهم ايه ؟؟
كمان ترتيب الموضوعات اعتقد ان فيه ارشادات تحت اسم كل قسم بتقول القسم دا تكتب فيه ايه لكن للاسف برده ما فيش حد بيحاول يقرا ؟؟ وكأنه بيقول خلينا نخلص ؟ اهو نعمل تواجد وكام مشاركه وخلاص
كمان حاجه لقيتها برده فى الاعضاء الجدد ودى ظاهره اول مره تظهر فى عالم ابن مصر
منذ ان نشأ زادت وبكثره وجود بعض ممن يطلبون الايميلات من الفتيات للدردشه وما يزيد حييرتى انه يوجد تجاوب من هؤلاء الفتيات ؟ واصبح هناك شات ابن مصر وموضوعات اخرى يتم تبادل الايميلات فيها علانية
نحن لسنا فى شات احنا منتدى حوارى
واللى عايز يعمل دا عنده مليون شات ؟؟
اذا اطالب بعودة الاعضاء القدامى لكى يقدمو الخبرة اللازمة للاعضاء الجدد والاشراف الكامل من ادارة المنتدى التى اتمنى ان يتم اضافة بعض العناصر اليها فى اقرب ما يكون
فنحن فى فترة اقل ما نحتاج اليها فيه هو التجمع والوحده
اخراهناقش بعض السلبيات اللى اتمنى برده انها تكون فىالصوره

اولا زيادة المنقول وبطريقه ملحوظه
ثانيا الرد بشكرا وسانك يو وغيره كتر قوى
ثالثا المستوى الحوارى بين الشباب والفتيات اخد منعطف يكاد يكون اشبه بالسلبيه
رابعا عدم ترتيب الموضوعات فاصبحت الرياضه فى حلو الكلام والموضوعات العامه فى حبر وورقه والشعر فى قاعة ابن مصر العامه ياريت نناقش الموضوع دا اكتر ياريت كل موضوع ينزل فى القسم المخصص له
خامسا عدم الارتقاء باختيار الموضوعات لانه اصبح هناك موضوعات ليس لها قيمه ومع ذلك تاخذ اكبر من حجمها الطبيعى
سادسا وجود بعض الشباب من ابناء الشات الذين دخلوا هنا ليس ليقدموا جديد ولكنهم دخلوا لكى يصتادوا الفتيات
سابعا وجود اعضاء مخصصين للالعاب فقط ههههههههههه يعنى بيدخولا عشان يلعبوا وبس
باقى الاقسام ما لهومش دعوا بيها والله كتير كمان
ثامنا زيادة موضوعات الدعايه بشكل كبير لدرجة ان عضو دخل عمل 6 مشاركات كلهم دعايه
تاسعا زيادة المكرر بشكل كبير
عاشرا عدم الاهتمام بالقسم الادبى رغم ان به موضوعات متعددة الا انها اغلبها منقول
اخيرا اتمنى جديا ان تناقش كل هذه الموضوعات من قبل الاعضاء والاداره الكريمه فلست وحدى من اشكوا فهناك كثيرا من الاعضاء الجيدين قل تواجدهم بسبب هذه المهاترات
وانا بقول كل الكلام دا لانه ما يبنى على باطل فهو بال ورغم زهوة المنتدى فى الوقت الحالى الا انها زهوة زائفه موجوده بوجود هؤلاء الاعضاء الذين ما ان تاتى فترات دراستهم الا وسيرحلون بعدها نبدا من نقطة الصفر وهذا ما لا اتمناه
اخيرا احببت هذا المكان وافعل ما بوسعى لكى احافظ عليه تمنياتى بالتوفيق للجميع

[مستكة]

بصراحه الموضوع ده قتل بحثا

لكن النتيجه مش بتوصل للحل المرضي

اعياني التفكير

وادينا في الانتظار

[رؤيه]

السلام عليكم يا جماعه
يعنى من غير زعل ولا حساسيه احنا كلنا اخوات ومحدش يزعل ياريت
انا شايفه ان ابراهيم عنده حق ونوهنا كتير فى مواضيع لكن مفيش فايده فاحسن حل انه نزل موضوه منفرد نتمنى ان كل عضو يراجع نفسه والاداره ترجع تانى موجوده معانا وبتمنى كمان نشوف الناس الغايبين او بمعنى ادق مفقودين زى
احمد سليمان
احمد كمال
هيثم حمدى
جود وولف
سندس الجنه
نور القمر
شوشو
حدوته
العبد الفقير
سحر عينيك
دقه قلب
وناس كتير جدا
عندى اقتراح اخير ياريت نعيد فتح المواضيع القديمه لان فى مواضيع محدش رد عليها وخصوصا فى قسم حبر وورقه ونعيد الذكريات من باب تانى
تحياتى ليكم جميعا

[السهران]

ملك الرومانسية
كلامك فى محله 00 لو اتسع صدركم انا باختصار مش ضليع اوى فى موضوع المنتديات والنت عموما 00 لكن من خبرتى البسيطة انا قلت بدون زعل 00 انا كنت فاكر ان المنتديات اهم حاجة عندهم المشاركة والنقد البناء وحذف ماهو غير جيد لكنى وجدت كل المواضيع ترس وتفند وتذكر بعددها الافات من المواضيع لكن انا باقترح طبعا بعد ادارة المنتدى والاخوة والاخوات المشرفين والمراقبين ان يكون الموضوع يدرس جيدا او مقرر او غير مقرر وبعدها توافق الادارة على نزوله او الالغاء
هذا راى متواضع وشخصى وان شاء الله ما اكون تسببت فى احراج اى شخص 00 وانا موافق ومستعد لتطبيق هذا الكلام على او ل عضو 000 اشكرك على اثارة هذا الموضوع الشائك والحساس
وبرضه راى فى اللى مسافر ده حقه وبرضه منعرفش ظروف الناس ايه 00 واسف على الاطالة 00 ودمتم

[احمد13]

فعلا ياملك فين الادارة وفين التنظيم وفين وفين

[وجيه]

كتيرين يحبون المجاملة فقط ولايحبون النقاشات فالموضوعات فهل بالحق انتم تريدون نقاش هل تقبلون نقد العضو الجديد امثالى كلام من عندى غير واضح انا متعلم اللغة جديد لكن شخص ممتاز هو محمد حسين ساعدنى بالمنتدى وكلمنى وتحملنى لكنه ضيع ولا اجده الان جيد انا ولكنكم تحبون مجاملة بعضكم بعض بحجة الخلق الجيد ومالهاد دخل بالنقاش كلامكم جميل ومديح هوايا كتير يعنى ولكن وين الموضوع مالاقى تختلفون بالراى تظنون عداوة ومين يختلف يكون متل المخطئ صاحب الجرم بصدق اقول لكم مانى شاعر باحرار بدى تكونوا بحق احرار وماهو بالضرورة كل الموضوعات غاية الروعة متل ماتقولون وكونوا اخوانا واحرارا ومش نقول اعداءاوالادرة ممكن تكون مش حبت الاعضاء ولو الجديد متلنا مزعلكن قولو امشو ويكون منتداكم خاص

[Honey1900]

السلام عليكم و رحمة الله و بركاته

ازيك يا ابراهيم باشا

لحد وقت قريب كنت بفكر ف كلامك دا فين كمال و ابن مصر و ميسم و هااااااااف اللي مش عارف طريقة و حودا اللي شرفني ف موضوع عيد ميلادي لدرجة اني مكنتش مصدق


فعلا المنتدي محتاج تنظيم اكتر و مفيش مانع يزيد عدد المشرفين مثلا 2 او 3 لكل قسم يكونو متابعين و يكونوا اهل لادارة المكان لان مش كل حاجة تبقي ف ايد الادارة و لكن تكون ف يد مشرفين تشرف عليهم المراقبين ثم عليهم جميعا الادارة


اما بالنسبة لملاحظاتك و مقترحاتك فكلها الحمد لله ف محلها و ان كان الواحد يبفكر فيها بينه و بين نفسه فاشكرك انك طلعتها للنور
و خصوصا الموضوعات التافهة و موضوعات الشات

و التعارف و الحوارات الفاشلة دي

فعلا اللي عايز يتعرف علي بنت لسه بتاعت ثانوي و مش عارفة حاجة يدخل ابن مصر

و حتي دلوقتي الولاد مبقوش يطلبوا دا البنات بقت هي اللي بتبعتلهم


عموما انا هحاول ابقي متابع الي حد ما و ابلغ المشرفين لاني مش بعرف ادخل الا بعد الساعة 5 و وقتي كله مش هيقضي


بس ممكن اساعد ف موضوع التنظيم و الابلاغ


و لك مني فائق التحية و الاحترامـ


اخوك هاني

[The Myth]

والله فعلا يا ملك انت كلامك صح
بس ممكن تتقبل مني كام ملحوظه كده يعني

اولا بالنسبة لشات بن مصر اللي حضرتك علقت عليه : انا شايف ان ده موضوع كويس اتعمل عشان فعلا في اعضاء كتير بيسالوا بعض زي مثلا انت فسنه كام او انت اسمك ايه او كده فمواضيع تانيه
فالهدف من الموضوع ده التعرف علي الاعضاء بعمق اكتر شويه بس

و تعليق تاني علي بعض الاعضاء اللي بيدخلوا قسم ضحك و لعب بس: انا هاقول لحضرتك بس ان دي راحتهم و انت مش هاتقدر تغصب واحد انه يشارك هنا او هنا طالما هو مش عاجبه
يعني طالما هو مش عاوز يشارك الا فالقسم ده يبقي هو حر احنا مش هانرغم حد انه يشارك فمكان تاني هو مش عاوز يشارك فيه

و لو حضرتك ليك تعليق علي كلامي يا ريت اعرفه

لكن بالنسبه لتعليقات حضرتك فباقي المواضيع زي المواضيع المنقوله و الدعاية و الاعلانات .......الخ

كترت قوي فعلا و يا ريت فعلا نلاقي لها حل ان شاء الله

و شكرا لحضرتك علي الموضوع الملفت للانتباه ده

[Honey1900]

ازيك يا حازم باشا

تسمحي ارد بردو مع ابراهيم

احنا مش بنقول منلعبش بدليل اني من فترة بعيدة طلبت ان مواضيع اللعب متظهرش ف الجديد عشان متغطيش علي المواضيع المهمة و فعلا الادارة عملت كدة علي اكمل وجه و اللي بيلعب بيدخل عشان يلعب


دي احنا منتدي كاااااااااااااااامل مش منتدي لعب بس

و لو حد حابب يلعب يلعب براحته بس الدنيا مش كلها لعب العب شوية و اتعلم حاجة جديدية شوية


بالنسبة لموضوع الشات بذمتك ما التعريف الي مكتوب جمب العضو كفاية بلاش كل عضو كاتب جمب اسمه منين و سنه و بيشتغل فين اظن دا يكفي بدل موضوع الشات اللي اونلاين و تبادل الايميلات عيني عينك ( طب حتي اعملها من ورانا ف رسايل خاصة هههههههههههههههههههههههه ) (دعابة طبعا)


معلشي يا ابراهيم اتركلك المجال ترد بقي

["لولا"]

بسم الله الرحمن الرحيم ..
ما شاء الله عليك يا ملك الرومانسية انا كان نفسى الكلام دا يتقال من بدرى وانا والله كنت
بشكى بردة من شوية حاجات كدا فى المنتدى فى بعض المواضيع اللى زى دى لكن مين يسمع
مش قصدى والله بس فعلا الادارة غايبة خالص مكدبش عليك انا بعد المدة اللى قاعداه دى ولحد دلوقتى معرفش مين المشريفين او المشرف دا مشرف على انهى قسم او هما فين بالاصح الا بعد ماحضرتك قلتهم ...

بجد فى نوع من الفوضى فى ابن مصر ...اعتقد ان دا بردة سبب رحيل اعضاء كتيرة بلاعودة عن المنتدى ..

وفعلا كل السلبيات اللى قولتها فى محلها بخاصة الاحزاب الموجودة اللى يدخل فى ضحك ولعب يفضل فى ضحك ولعب واللى يدخل قاعة ابن مصر يفضل فى قاعة ابن مصر
يعنى زى ما فية ضحك فى جد وافادة ومناقشات وحوارات مش لعب وبس ...وانا مع هانى المنتدى مش ضحك ولعب بس انت حابب تلعب العب بس فعلا الدنيا كلها مش لعب ...

وبردة حكاية طلب الاعضاء ايميلات البنات ع العام ...يعنى تلاقى واحد داخل فى موضوع ولا هو عارف بيتكلم على اية ويقول< لو سمحتى يا فلانة ممكن ايميلك > يا سلام علنى كدا مفيش حياء خالص ..

وبردة وجود مواضيع مش فى محلها وبجد دى كتيرة جدا وللاسف الاعضاء بيشاركوا فيها ويستمر الموضوع ومكانة غلط اصلا واللى يزعل انها مبتتنقلش للفرع الخاص بيها ودا دليل لغياب المشرفين والادارة ...احنا عارفين ان حضارتكم مشغولين بس مش السلبيات دى والمواضيع اللى مش فى محلها دى مش من اختصاصكم بردة ياريت نشعر بتواجدكم معانا ...

وبجد الف شكر ليك يا ملك الرومنسية على اهتمامك لانى بجد انا كان نفسى حد يتجرا ويتكلم وانت الحمد لله فتحت باب المناقشة واحنا فى انتظار تعقيب المشرفين وظهورهم وتواجدهم معانا ...

يا ريت كلامى يكون مزعلش المشرفين او العضاء لكن زى ما قال ملك الرومنسية

اخيرا احببت هذا المكان وافعل ما بوسعى لكى احافظ عليه تمنياتى بالتوفيق للجميع

[The Myth]

اهلا بحضرتك يا بشمهندس هاني
انا الحمد لله كويس
المهم انت تكون بخير

انا ليا بس تعليق بسيط علي كلام حضرتك
انا معاك يا بشمهندس فرايك اللي بيقول مش كل حاجة ضحك لازم يبقي في جد شوية
اولا انا مش بتكلم عن نفسي فاي تعليق من اللي انا قولتهم بس انا بقول ان احنا مش هانغصب حد انه يروح يشارك بموضوع او براي مثلا فقاعة ابن مصر العامة او حوار اسلامي او......الخ
طالما هو مش بيرتاح الا فقسم الضحك و اللعب يبقي براحته يعمل اللي هو عاوزه

اما بالنسبة لموضوع الشات ده تاني مرة بقول لحضرتك انه بجد من احسن المواضيع لان فعلا الاسم المستعار اللي موجود جنب الصورة ده مش كفاية عشان تعرف العضو اللي بتتكلم معاه و هاتفضل تكلمه الفترة اللي هو موجود فيها فالمنتدي اللي ممكن تبقي سنين
لكن بالنسبة لموضوع الايميلات ده طبعا انا مع حضرتك انه انتشر و بالذات مع ظهور الشات لكن كده كده الايميلات كانت بتطلب سواء فالشات او فرسائل خاصة يعني مش هو السبب الاساسي عشان الناس تطلب ايميلات بعض

و طبعا الراي الاول و الاخير للادارة

[رينو]

المشاركة الأصلية بواسطة honey1900

ازيك يا حازم باشا

تسمحي ارد بردو مع ابراهيم

احنا مش بنقول منلعبش بدليل اني من فترة بعيدة طلبت ان مواضيع اللعب متظهرش ف الجديد عشان متغطيش علي المواضيع المهمة و فعلا الادارة عملت كدة علي اكمل وجه و اللي بيلعب بيدخل عشان يلعب


دي احنا منتدي كاااااااااااااااامل مش منتدي لعب بس

و لو حد حابب يلعب يلعب براحته بس الدنيا مش كلها لعب العب شوية و اتعلم حاجة جديدية شوية


بالنسبة لموضوع الشات بذمتك ما التعريف الي مكتوب جمب العضو كفاية بلاش كل عضو كاتب جمب اسمه منين و سنه و بيشتغل فين اظن دا يكفي بدل موضوع الشات اللي اونلاين و تبادل الايميلات عيني عينك ( طب حتي اعملها من ورانا ف رسايل خاصة هههههههههههههههههههههههه ) (دعابة طبعا)


معلشي يا ابراهيم اتركلك المجال ترد بقي

طب معلش بقى انت متنساش ان كان فى شات عام فى المنتدى فى رمضان على الاقل ده شات الى فى ضحك ولعب الاعضاء الجداد بيدخلوا يعرفونا بنفسهم مش اكتر واعتبره ان ده شات زى الى كان معمول فى رمضان

[Honey1900]

ماشي يا رينو يا مشاكسة انتي

هههههههههههه


بس بردو متنيسيش ان ف شات رمضان مكانش فيه اميلات و تاعرف بين الشباب و البنات و الحوارات دي

و لحظة : ردي علي موضوع ابراهيم كله و بطلي لعب شوية ههههههههههههههههه

ملحوظة : مش هتصدقي لو قلتلك اني نسيت ان في ممنتدي اسمه ضحك و لعب

[أمل الحياة]

والله انا معاكم في كل كلمة قولتوها والله انا كنت فكرة المنتدى غير كده بس على حظي

[نيهال]

خايفه يكون كلامى قاسى على:
اولا:
ادارتنا الحكيمه....انتم فين يا جماعه؟
اكيد كل واحد منكم عنده ظروف
بس احنا فى بيت واحد
مش كل واحد لوحده
وكمان انتم الكبار مؤسسين البيت يعنى مش اى حد والسلام
ازاى مش تكونوا موجودين


لما حد كان بيقدم شكوى كان بيبت النظر فيها
انا داخله على اسبوعه علشان حد يشوف الهرج اللى قسم الضحك ولا حياه لانه لا يوجد من يستمع لنا مثل زمان
اكيد فيه مانع بس فعلا انا زعلانه من عدم تواجدكم
لانه ماثر فينا كتير



ثانى حاجه للاعضاء القدامى

طيب ننسى شويه اللى كانوا معانا من سنتين ورحلوا لاسباب لا داعى لذكرها الان
فين نصار؟
حد حاول يسال عليه؟
حد فكر يتصل عليه؟
حد عرف هوه مش بيدخل المنتدى حاليا ليه؟
ولو حتى دخل ممكن يكون علشان يؤدى واجب وبيخرج على طول
والله ده بيبكينى فعلا لانه من الشخصيات المحفور اسمها فى ابن مصر
فلا اذكر لاصدقائى منتداى الحبيب بدون ان اذكر نصار وهيثم حمدى وهاف ماجيك
ناس محترمه وشخصيات تستحق ان تتعرف اليها
نصار ارجوك
بجد احنا محتاجينك قوى
برغم مشغولياتك
بس احنا ملناشى حق عليك تكون معانا وتساهم بارتقاء بيتنا الثانى؟
فيه اعضاء كمان زعلانه منهم زى دقه قلب ومستكه
ليه سايبين المنتدى وبتغيبه عنه كل الفتره دى
حتى لو انتى مشغوله يا نجلاء حيكون اكتر من دراستنا وانطحاننا فى الامتحانات؟
ممكن تلاقى وقت ولو يوم ولو حتى ساعه نشوف فيها مواضيعك اللى مش منقوله ونتناقش فيها
وكمان مستكه بتغيبى فتره وتاتى فجاه .........بحس انك معانا ومش معانا
مش هيه دى روح مستكه اللى اعرفها من سنتين
روحك المفكره المبدعه دائما اين هى؟



والقى اللوم على نيهال نفسها......اينعم كنت بمر بظروف مؤلمه ومش حاحاول الاقى مبرر لتكاسلى
لكن فيه حق للمندى عليكى انتى كمان


ليه التكاسل الغبى دى؟ليه تسمحى لحاجه تعصبك او انها تضعف من عزيمتك؟
بجد كسفتينى قوى



ورسالتى الاخيره الى الاعضاء الحاليين
ولن اطلق عليهم الجدد ل