شرح تحميل اكثر من نظام تشغيل مختلف على الجهاز - VMware -

[Skeleton_Eel]

السلام عليكم


انا ان شاء الله هحاول اشرح برنامج VMware Workstation

و البرنامج ده معروف باسم الاله الافتراضية او النظام الافتراضي و بيستخدم في عمل نظام تخيلي زي الوندوز مثلا او اللينوكس او اي نظام تشغيل غيرهم

و فايدة البرنامج ده باختصار انه بيعملك جهاز تاني داخل الجهاز بتاعك و ممكن تجرب فيه الي انت عاوزه و يكون معزول تماما عن الجهاز الاصلي

و كمان ممكن تجرب انظمة التشغيل الي بتكون محتاجة نظام مختلف عن الي عندك - مثلا زي اللينوكس مينفعش يتركب على ملفات النظام بتاعت الوندوز

الي هيا NTFS , FAT32 و بكدا تقدر تجرب انظمة تشغيل تانية و برده مفيد جدا في الشروحات بالذات للحاجات الي محتاجة تسطيب او حاجة في الـ Bios

و ليه استخدامات تانية كتير ... و الشرح ده كنت عاملة من مدة لما كان اصدار البرنامج 5.5 ... دلوقتي في اصدار 6 ... بس مفيش فرق كبير ... يعني اللي هيقرا الشرح ده هيعرف يتعامل مع النسخة الجديدة بكل سهولة ..


و طبعا التسطيب ده مش محتاج شرح كل الموضوع next , next , next

نبدأ من بعد مرحلة التسطيب

نختار الاخيار الي في الصورة عشان نعمل نظام افتراضي جديد





و بعدين Next





الاختيار الاول ده مستحسن و ده بيسالك ايه الاعدادات الي انت هتعملها للنظام الافتراضي

و الاول ده الافتراضي

و التاني ده لو عاوز تختار حجات معينة

و بعدين Next





دي نوع النظام الي هنجربه طبعا معظمنا شغال على ميكروسوفت اكس بي بروفيشينال - و عموما اختاره على حسب النسخة الي معاك -





الخانة الاولى الاسم الى هيظهر بيه النظام الافتراضي

الخانة التانية المكان الي هيكون فيه النظام الافتراضي على الهارد و يستحسن انك تحطه فى دريف غير السي "C" اذا كان الوندوز على السي
علشان المساحة و كدا يعني

و بعدين Next





دلوقتي فيه 4 اختيارات

الاول : لو عاوز الجهاز الافتراضي يكون كأنه جهاز على الشبكة يعني نظام p2p الند للند ... يعني ليه اي بي IP مستقل و كل حاجة

التاني : لو عاوز الجهاز الافتراضي يكون كأنه تحت جهاز سرفر يعني بياخد النت من خلال السرفر ده - يعني يكون الجهاز بتاعك هو السرفر " server " و الجهاز الافتراضي هو الكلينت " client "

التالت : ده سيبك منه .... و ده لو انت عايز تعمل شبكة خاصة بينك و بين الجهاز الافتراضي

الرابع : مش هتستخدم شبكة خالص

و احنا هنختار الاختيار الاول

و بعدين Next





و بعدين هنحدد المساحة الي هيستخدمها الجهاز الافتراضي من الهارد الي عندك

و لو انت هتستخدم اكس بي ... اقل مساحة لازم تكون 8 جيجا

و بعدين Finish





هتظهر الصورة دي



رقم 1 : تشغل الجهاز الافتراضي و طبعا هيكون كانه جهاز جديد خالص يعني الهارد مش متقسم

رقم 2 : تعدل اعدادات الجهاز الافتراضي

رقم 3 : تعمل نسخة تانية من الجهاز الافتراضي

[Skeleton_Eel]

في الاعدادات بتاعت الجهاز الافتراضي



اول جزء خاص بالرامات - الذاكرة - و ده بيحدد المساحة الي يقدر يستخدمها الجهاز الافتراضي من الرامات الي عندك

و في تلات علامات علامة صفره و دي بتدل على الحد الادنى الي محتاجة الجهاز الافتراضي

و العلامة الخضره بتدل على المتوسط او المستحسن الي يشتغل بيها الجهاز الافتراضي و هو مستريح ( يعني من غير تهنيج و كدا )

و العلامة الزرقه بتدل على اقصى مساحة ممكن يستخدمها الجهاز الافتراضي و لو زوت عليها ممكن الرامات تبوظ

و احنا هنختار المتوسط .





الجزء التاني خاص بالسي دي روم CD rom

رقم 1 : تختار انه يتعامل مع اي سي دي روم اذا كان عندك اكتر من واحد او بتستعمل برنامج زي الديمون DAEMON Tools

رقم 2 : ده لو عاوز تجرب ملف iso الي هو خاص بالاسطوانات

يعني مثلا لو عندك نسخة وندوز و عاوز تجربها قبل ما تحرقها على السي دي

او مثلا لو عندك نسخة لينوكس live cd و عاوز تجربها من غير ما تحرقها و كدا يعني





الجزء الخاص بكارت الشبكة

و نخليه زي ما هو





الجزء الخاص بكارت الصوت

و الاختار الاخير ده لو عندك اكتر من كارت صوت





و بعد كدا تحط الاسطوانة بتاعت الاكس بي و تسطب نسخة عادي خالص

و متنساش تقسم الهارد كانه هارد جديد

و هيكون شكله كدا





و لازم نسطب الاداة الي اسمها VMware و هيطلب منك ريستارت



و لو عايزين الوندوز يكون بحجم كل الشاشة

ندوس Ctrl + Alt + Enter

او من الايكونة الي في الصورة الي فوق

و هيكون الوندوز زي كدا



و لو عايزين نخرج منه ندوس Ctrl + Alt عشان نرجع للشكل العادي



و دي اخر صورة و باين فيها كل حاجة




كدا تمام الشرح خلص


اي حد ملاحظات على الشرح يا ريت يقولي عليها علشان احسن اسلوب الشرح بتاعي

و اي حد عنده اي استفسار يسالني و هحاول اجاوب عليه ان شاء الله



البرنامج الاصدار السادس

هنا

الكي جين

هنا