الموضوع زاد عن حده بجد

[بلبلة الأسكندرانية]

السلام عليكم ورحمة الله وبركاته
بصراحة بقى الموضوع زاد عن حده كتييييييييير جدا
هنا الأستفزاز وصل لدرجة لاتطاق
اولا سب علنى من قبل اعضاء مثل الصياد وهذا خلاص خلصنا منه
لكن يجى واحد اسمه كاسيليا ويشتم شتيمة قذرة فى الأسكندرانية وبنات اسكندرية واهل اسكندرية والادارة تقف ساكتة لاتفعل شيئا
كده انا مضطرة انى ارد وبقسوة على كل من يتطاول على بلدى او عليا او على اى شخص يهمنى امره

وهذا رابط الموضع

الاسكندريه بالصور

وطبعا الموضوع الأخر كان فى موضوع الأسكندر الأكبر

رجاء من الأدارة اتخاذ الموقف الازم

واذا كنتم لاترغبون بوجودى انا واصدقائى فياريت تبلغونا

ونحن ننسحب فورا
لكن بصراحة كده كتيييييييييييييييييييييير جدا
شكرا

[الورد الجوري]

حبيبتي بلبله
صللي على الحبيب المصطفى
صلى الله عليه و سلم
كنتي دائما و في كل الامور و المواقف البلسم الشافي
و المضمد القوي للجراحات اللي بتنشأ في المنتدى بين الاعضاء
انا معاكي طبعا ان الكلام زياده جدا
و انه غير مقبول من ايا كان
و متأكده انه اكيد فيه قرار صارم هيصدر
و الاداره مش هتسكت

لكن انا برد عشان اقولك انه اكيد مش مستغنيين عن تواجدك
و اكيد في كتير زيي

تحياتي

[بلبلة الأسكندرانية]

المشاركة الأصلية بواسطة الورد الجوري

حبيبتي بلبله
صللي على الحبيب المصطفى
صلى الله عليه و سلم
كنتي دائما و في كل الامور و المواقف البلسم الشافي
و المضمد القوي للجراحات اللي بتنشأ في المنتدى بين الاعضاء
انا معاكي طبعا ان الكلام زياده جدا
و انه غير مقبول من ايا كان
و متأكده انه اكيد فيه قرار صارم هيصدر
و الاداره مش هتسكت

لكن انا برد عشان اقولك انه اكيد مش مستغنيين عن تواجدك
و اكيد في كتير زيي

تحياتي

حبيبتى الورد الجورى اشكرك روحى على كلامك الجميل ده لكن اقسم بالله انا فى شدة عصبيتى دلوقتى وبعدين انا اسكندرااااااااااااااااااااااانية وفى كتير بالمنتدى اسكندرانيين وانا كنت داخلة اشوف لهيثم صور اسكندرية ورديت وافاجىء بالمدعو كاسيليا ده بيقول الكلام ده
لا يالورد الجورى كده كتير جدا بصراااااااااااااحة انا اول مرة فى حياتى اشوف سب وقذارة بالمنظر ده لكن اقسم بالله لن اسكت على هذا السب والأهانات دى
انا شاكرة لكى حبيبتى اهتماك وذوقك لكن والله من النرفزة مش عارفة اكتب كل شوية اغلط واعيد
شكرا الورد الجورى وانتى فعلا ورد جورى

[عتاب]

بصي يا بلبله يا حبيبتي
فيه ناس تستاهل انك تردي عليهم
وفيه ناس ماتستاهلش اصلا انك تشغلي نفسك بيهم
وفيه جنب كل مشاركة علامة تعجب تحت الصورة الشخصية للعضو اضغطي عليها وهي هاتبعت رسالةللمشرفين ان دي مشاركة مخالفة
وهما هايتعاملوا معاها بكل حزم
انا بعت الرسالة دي لمشاركة كاستيليا المخالفة
وان شاء الله الرد هايكون صارم من الادارة
انما انك تسيبي المنتدى ده اللي مش هانقبله منك ولا من اي حد من اخواتنا

[MaDo MaN]

هو من أولها كده هيبقى فيه مشاكل؟؟
الواحد ساب كذا منتدى تاني و الله علشان المشاكل
و اللي بيسبب المشاكل دي هو غياب الإشراف و المراقبة

يا ريت حد يشوف الحوار ده
و لا يمكن ده إسمه منتدى إبن مصر....و فيه منتدى تاني لابن اسكندرية...و واحد تالت لإبن المنصورة؟؟

هي متقسمة محافظات؟؟
أنا واثق إن محدش من الناس القائمين على المنتدى هيعجبه كلام اللي إسمه كاسيليا ده
بس لو محصلش موقف حازم ناحيته ..... ممكن الأمور تتفهم غلط

شكرا ليكي يا بلبلة على إتخاذك الموقف ده....و أنا أؤيدك فيه

[الورد الجوري]

المشاركة الأصلية بواسطة بلبلة الأسكندرانية

حبيبتى الورد الجورى اشكرك روحى على كلامك الجميل ده لكن اقسم بالله انا فى شدة عصبيتى دلوقتى وبعدين انا اسكندرااااااااااااااااااااااانية وفى كتير بالمنتدى اسكندرانيين وانا كنت داخلة اشوف لهيثم صور اسكندرية ورديت وافاجىء بالمدعو كاسيليا ده بيقول الكلام ده

المشاركة الأصلية بواسطة بلبلة الأسكندرانية

لا يالورد الجورى كده كتير جدا بصراااااااااااااحة انا اول مرة فى حياتى اشوف سب وقذارة بالمنظر ده لكن اقسم بالله لن اسكت على هذا السب والأهانات دى
انا شاكرة لكى حبيبتى اهتماك وذوقك لكن والله من النرفزة مش عارفة اكتب كل شوية اغلط واعيد
شكرا الورد الجورى وانتى فعلا ورد جورى

حبيبتي بلبلة
انا و الله لما شفت الموضوع استشعرت غضبك و عصبيتك
بس شوفي يا عمري
انتي في قمه العصبيه و في شده الغضب
و مع ذلك اسلوبك راقي و محترم
و ده ان دل على شيء يدل على شخصيتك المحترمه
اما الاشخاص المتصفين بصفات ينقصها الاحترام فلا داعي للجدال معهم من الاصل
و بعدين احنا عندنا امثله براقه من اسكندريه
تكفل لنا عدم تصديق التفاهات اللي بيتكلم عنها العضو ده
يعني على سبيل المثال لا الحصر حضرتك .. وهاف ماجيك .. و نيهال .. و دقه قلب .. نهى
و دول كلهم بردو غيض من فيض
و يكفينا اخلاقكم الطيبه
و طبعا غير مسموح بالمغادره يا حبيبتي
فشيلي الفكره دي من دماغك
معلش انا معنديش نقاش .. مش مسموح يعني مش مسموح
تحياتي

[الورد الجوري]

المشاركة الأصلية بواسطة MaDo MaN

هو من أولها كده هيبقى فيه مشاكل؟؟

الواحد ساب كذا منتدى تاني و الله علشان المشاكل
و اللي بيسبب المشاكل دي هو غياب الإشراف و المراقبة

يا ريت حد يشوف الحوار ده
و لا يمكن ده إسمه منتدى إبن مصر....و فيه منتدى تاني لابن اسكندرية...و واحد تالت لإبن المنصورة؟؟

هي متقسمة محافظات؟؟
أنا واثق إن محدش من الناس القائمين على المنتدى هيعجبه كلام اللي إسمه كاسيليا ده
بس لو محصلش موقف حازم ناحيته ..... ممكن الأمور تتفهم غلط

شكرا ليكي يا بلبلة على إتخاذك الموقف ده....و أنا أؤيدك فيه

اهلا مادو
طبعا اولا اهلا بيك معانا في منتدى ابن مصر
نيجي بقى للموضوع
طبعا منتدى ابن مصر لكل المصريين و اخواتنا العرب
و دائما و ابدا بنرحب بكل اللي جاي دون النظر الى جنسيته اذا كان غير مصري
او الى محافظته اللي جاي منها جوه مصر
اما بالنسبه للاشراف فهو اكيد مش غايب
بس صادف انه النهارده تقريبا محدش موجود
احنا دائما بنكون هنا في التوقيت ده و بيكون معانا
مشرفنا الجميل في كل صفاته و قراراته " دكتور لونلي "
و عموما اكيد للصبح ان شاء الله الموضوع هيكون اتحل بما يرضيكم كاسكندرانيين
و يرضينا كمحبين لمدينة الاسكندريه

اما بقى حكايه اسم المنتدى فطبعا احنا المنصوريين الاكثر وجودا
و هنغير اسم المنتدى قريب
طبعا بهزر اوعو حد يبلغ الريس بتاعنا هروح انا فيها

في النهايه ياجماعه عايزة اقولكم انه متخدوش في بالكم و اهدو و الموضوع هيتحل
و دائما الناس مش بترمي الا الشجره المثمره

[The Myth]

بلبلة فعلا كده كتير
بس اعضاء ابن مصر كلهم ردوا عليه و وقفوا ضدة
و للاسف هو مش عارف ينقض اسكندرية اصلا لانه بيجيب عيوب مش موجودة فيها
لاني بروح اسكندرية كل سنة و عارف شعبها و ناسها كويس
بجد هم من احسن الناس مش مجامله ليكي بس دي فعلا الحقيقة
و يا ريت فعلا الادارة تاخد موقف للي حصل ده عشان مايتكررش

[eshoo4ever]

المشاركة الأصلية بواسطة بلبلة الأسكندرانية

السلام عليكم ورحمة الله وبركاته
بصراحة بقى الموضوع زاد عن حده كتييييييييير جدا
هنا الأستفزاز وصل لدرجة لاتطاق
اولا سب علنى من قبل اعضاء مثل الصياد وهذا خلاص خلصنا منه
لكن يجى واحد اسمه كاسيليا ويشتم شتيمة قذرة فى الأسكندرانية وبنات اسكندرية واهل اسكندرية والادارة تقف ساكتة لاتفعل شيئا
كده انا مضطرة انى ارد وبقسوة على كل من يتطاول على بلدى او عليا او على اى شخص يهمنى امره

وهذا رابط الموضع

الاسكندريه بالصور

وطبعا الموضوع الأخر كان فى موضوع الأسكندر الأكبر

رجاء من الأدارة اتخاذ الموقف الازم

واذا كنتم لاترغبون بوجودى انا واصدقائى فياريت تبلغونا

ونحن ننسحب فورا
لكن بصراحة كده كتيييييييييييييييييييييير جدا
شكرا

راى من راى ماما بلبله بجد بقة حاجه تخلى الواحد يخرج من شعورة

[ابن مصر]

تم ايقاف العضو كاسيليا.

يرجى العلم ان المنتدى مفتوح للتسجيل لاي شخص و بشكل مجاني, العضو لديه عدد 2 مشاركة و من الواضح انه جديد تماما و بالتالي لا يكترث بالأمر.

عند وجود أي ردود مخالفة نرجو عدم الرد عليها نهائيا و فقط يتم تبليغنا عنها عن طريق الضغط على هذه الصورة أسفل الرد و سوف يتم التعامل معها.

تحياتي,,

[بلبلة الأسكندرانية]

المشاركة الأصلية بواسطة ابن مصر

تم ايقاف العضو كاسيليا.

يرجى العلم ان المنتدى مفتوح للتسجيل لاي شخص و بشكل مجاني, العضو لديه عدد 2 مشاركة و من الواضح انه جديد تماما و بالتالي لا يكترث بالأمر.

عند وجود أي ردود مخالفة نرجو عدم الرد عليها نهائيا و فقط يتم تبليغنا عنها عن طريق الضغط على هذه الصورة أسفل الرد و سوف يتم التعامل معها.

تحياتي,,

ابن مصر المنتدى مفتوح مجانى وعدم الرد على أى اهانة
وصلنا الرد شكرا لك

[ابن مصر]

Update:

تم اغلاق التسجيل في المنتدى طوال ايام الاسبوع معدا ايام الجمعة و السبت فقط.

تحياتي,,

[لما]

ماما يا حبيبتي خلاص الموضوع انحل فينك بس؟

انتي جيبتيني هون عشان انتي تخرجي؟

مش مستاهل واحد مش محترم تخرجي من بين اصحابك واحبابك علشانه

بعدين روحي اقرئي كلامك في موضوعي هون في الشكاوي(ما هذا ؟)

شو في شو كان ردك واعملي فيه يا ماما

بينفع هيك يعني؟

ماما لو انتي خرجتي انا ما بيبقالي مكان في هدا المنتدى

انا لسه ما بعرف حد وانتي اللي بتعرفيني بالناس

استهدي بالله يا ماما انا بديت اتعود عليهم

[mamdou7]

ايووووووووو ايه يا جدعان اللي بيحصل ده
علي فكرة هو فعلا الموضوع زاد عن حده فعلا مش عارف ليه بقي فيه مشاركات مخالفة كتير جدا الفترة اللي فاتت دي فعلا بقيت ظاهرة غير عادية

بس علي اي حال انا مش مع انك تسيبي المنتدي يا بلبلة ولا اي حد المفروض يسيب المنتدي علشان خاطر ان فيه ناس عايزة تعكر صفو حياتنا في المنتدي

وبعدين يا بلبلة لما مبطلتش عياط من ساعة ما انتي قلتي هتمشي يا ريت بقي تيجي علشان مش عارفين ننام منها

[لما]

بعيط؟
ههههههههههههههههههههههههههههههه

ممدوح والله بدبحك

الناس بشو وانت بشو

روق شوية واقعد في مكان ناشف وما بدي اسمع صوتك