صيدلية ابن مصر...

[بسمة العز]

عزيزتي نرجسه
أحب أشكرك علي موضوعك الرائع وحبيت أستشيرك في حالتي فهي يوجد عندي تصبغات في الجلد بمناطق واسعه وقد عملت جميع التحاليل وكانت كلها سليمه واستخدمت كثير من الأدويه والكريمات ولكن دون فائدة
وأخيرا وصف لي كريم طبي يصنع في مصر وهو لوكوسيد ار وهو كما تعلمين كريم تقشير وتفتيح بنفس الوقت
وقد قال لي الدكتور ان اخلطه مع كريم اليكا أم حت يقلل من تهيج الجلد
المشكله انني عندما أجد نتيجه بسيطه أقوم بتوقف عن أستخدام الخلطه لأني استخدمتها لمدة شهرين
وعندما ـوقف يبداء رجوع الون الغامق فماهو الحل ؟؟؟؟؟
وهل يؤثر أستخدام لوكسيد أر لفتره طويله علي الجلد حيث أنني أستخدمه في الوجه والرقبه والصدر والضهر
أرجو ارد سريعا وشكرا
نسيت أسألك هل مفيد أستخدام فيتامين c في حالتي وهل صحيح أنه يفتح البشره وأيهما أفضل الفوار أو الكبسول
وهل يوجد أبر لتفتيح وتوحيد اللون

[نرجسية]

مرحباً بالأخت بسمة العز
أسعدنى تشريفك منتدى ابن مصر من خلال الصيدلية

بالنسبة لاستفسارك

فى العادة اذا كان المريض يستخدم الأدوية المفتحة التى تحتوى على الهيدروكينون مثل Lucocid R
أو
Eldoquine

و لم يلاحظ أى تفتيح فى المنطقة المعالجة بعد شهر من الاستخدام فننصح بتوقف العلاج فوراً

مع الأخذ فى الاعتبار عدم التعرض لضوء الشمس أثناء العلاج
و عند الضرورة يستخدم واق للشمس
و أغطيه واقية

لأن الجلد يكون حساس للضوء أثنا استخدام الهيدروكينون


و بالطبع هناك فترة للعلاج لا يجب تخطيها
و طبيبك هو الذى يحدد فترة العلاج على حسب درجة غمقان الجلد
و حسب استجابة الجلد للدواء


فى حالات كثيرة يستجيب الجلد فى خلال شهرين


بالنسبة لفيامين c
نعم يستخدم فى تفتيح الجلد موضعياً (كدهان)
لذلك هناك كريمات تفتيج تحتوى على فيتامين c
وايضاً هناك بعض الاقنعة الطبيعية تحتوى على عصير الليمون لنفس السبب
لكن يجب تجنبها اذا كان هناك حساسية فى الجلد
و عدم التعرض لأشعة الشمس منعا لظهور بقع على الجلد



بالنسبة لابر تبييض البشرة
لم يكن عندى علم بها
و ما أعرفه أن علاج بقع الجلد كلها علاجات موضعية
و لكنى بحثت فتبين لى أنها غير آمنة تماماً
و غير منصوح بها من قِبل الأطباء


اذا لم تفلح العلاجات الموضعية
فى بعض الحالات يتم العلاج عن طريق التقشير بالليزر
و طبعاً هذه تحت رعاية طبيب متخصص و ليس عند مراكز التجميل


ان شاء الله خير

تمنياتى لكِ بدوام الصحة و العافية

[بسمة العز]

شكرا علي الرد أختي نرجسه وجزاك الله كل خير
بس بسألك أطول مده لاستخدام لوكسيد ار دون أضرار كم ؟؟؟
وبالنسبه لفيتامين cأنا أسأل عن الكبسولات والفوار أيهما أفضل ؟

[نرجسية]

أقصاها 3 شهور
ولاحظى أن تركيز الهيدروكينون فى ليوكوسيد أر 5 % و ده يعتبر عالى

بالنسبة لفيتامين سى

فى حلات البقع البنية يستخدم موضعياً و ليس عن طريق الفم


و لكن باعتباره مضاد للأكسدة فهو ضرورى للبشرة و له تأثير يمنع تكون صبغات الميلانين التى تسبب اسمرار البشرة


فيمكنك تناوله عن طريق الفم كنوع من الوقاية من تغير لون الجلد
أو كفيتامين ضرورى للجسم بصفة عامة

كبسولات أو فوار لا فرق الا أن الفوار امتصاصه أسرع



و يفضل استشارة الطبيب قبل اجراء أى شئ

[aamin]

الاخت نرجسية ،

شكرا لالك على هادا الموضوع الحلو

واللي رح يستفيد منو كل الاعضاء

تقبلي سيدتي عاطر الود

والنرجس كمان

aamin

[كازنوفاالمنصورة]

عااااااااوز اسال على سعر مضاد حيوى اسمه دوكسى مايسين وهل هو ممكن يستخدم لعلاج حب الشباااااااااااااب وكمان عاوز اسال على كريم كازنوفااللشعرررررررر بكام وهل فعلا يوجد نوعه للشعر الدهنى وهل بالضرورة از كانت بشرتى دهنية انا يكون شعرى دهنى وازاى اتاكد ان شعرى انا دهنى واخررررررررررر سوال هو كريم رتينaبالكام شكرررررررررررررررررررررررا يا اخت نرجس ويا ريت الرد عليا بسرعةةةةةةةةةةةةةةةةةةةة

[نرجسية]

المشاركة الأصلية بواسطة aamin

الاخت نرجسية ،

شكرا لالك على هادا الموضوع الحلو

واللي رح يستفيد منو كل الاعضاء

تقبلي سيدتي عاطر الود

والنرجس كمان

aamin

أخ أمين
تسلم من كل شر

شكراً لك

[نرجسية]

المشاركة الأصلية بواسطة كازنوفاالمنصورة

عااااااااوز اسال على سعر مضاد حيوى اسمه دوكسى مايسين وهل هو ممكن يستخدم لعلاج حب الشباااااااااااااب وكمان عاوز اسال على كريم كازنوفااللشعرررررررر بكام وهل فعلا يوجد نوعه للشعر الدهنى وهل بالضرورة از كانت بشرتى دهنية انا يكون شعرى دهنى وازاى اتاكد ان شعرى انا دهنى واخررررررررررر سوال هو كريم رتينaبالكام شكرررررررررررررررررررررررا يا اخت نرجس ويا ريت الرد عليا بسرعةةةةةةةةةةةةةةةةةةةة

اهلاً كازانوفا مرة اخرى

دوكسى مايسن كبسول سعره 4 جنيه

و نعم فى بعض حالات حب الشباب ينصح به


بما أن عندك حب شباب فبشرتك دهنية
و يعرف ذلك من ظهور الحبوب
أو من لمعان البشرة و عند مسحها بمنديل ورق يظهر عليه آثار زيتية

و بالنسبة للشعر
يعرف الشعر الدهنى بافرازات فروة الرأس للدهون بشكل مكثف
فيظهر الشعر بلمعان دهنى أو زيتى حتى مع الغسيل المتكرر

فى معظم الحالات يكون الشعر الدهنى مصحوب ببشرة دهنية

لكن ليس فى كل الحالات
لأنه قد يكون هناك بشرة دهنية و شعر عادى أو جاف

كريم كازانوفا ده ماعنديش فكرة عنه
باين كدة أنه من ضمن المسحضرات التجميلية للشعر و ليس دوائى

لكنى بحثت عنه فى الانترنت و توصلت الى أنه معروف فى السعودية و منه أنواع
بجوز الهند و بالثوم و بزيت اللوز و أنواع أخرى

لا أعرف اذا كان منه فى مصر
لكن بصفة عامة المفروض أن اللى عنده شعر دهنى يختار النوع المخصص للشعر الدهنى
يعنى ليس فيه أى زيوت


و بالنسبة لكريم Retin A

سعره
19 جنيه و 30 قرش

[كازنوفاالمنصورة]

دكتور مساعدة لانى خالص اتخنقت او جبت اخرى انا اتخنقت من حب الشباب واثره اللى بتطلع من عندى بستخدم الصابونة ديتول كل يوم والحقيقة لسة مبداش علاج عاوز حضرتك حاجة تزيل اثر الحبوب ويا ريت سعرها وكمان متكونش غالية لانى صرفت كتير على حب الشباب داااا اى حاجى تقشير اى حاجة سا عدى اخوكى وكمان كنت عاوز اسال انا بعلب جيم ومحتاج لكل الطاقة فى التمارين يار يت تقولى على افضل وقت لاخد المضاد الحيوى اللى اسمه دوكسى مايسين وكمان كنت عاوز اعرف استخدم الليمون على البشرة بالليل لمدة اد اية يكون مفيد لالاحالة بتاعتى علما المساعدة لانى لالاسف طولت ذقنى بسبب الحبوب والمشكلة الاكبر ان الحبوب بتطلع اكثر ساعدنى بالروشتة واواعى تستنى الاسعار علشان اكون عامل حسبى وشكرا يا اجمد دكتور بجد والله على النت

[نرجسية]

مرحباً بك يا كازانوفا مرة اخرى

انت بقيت زبون للصيدلية خلاص



بالنسبة للحبوب
الواضح ان عندك بشرة دهنية
و هذا النوع محتاج عناية يومية بغسول خاص بها

لا أعرف اذا كانت الصابونة الديتول عملت لك حساسية
و التهبت الحبوب بسببها أو لأ
لأن احتمال تكون بشرتك حساسة أيضاً

الذقن الطويلة مع الحر و العرق و بشرة دهنية = حبوب

على قدر المستطاع تخفيفها بدون شفرة حلاقة خوفاً من جرح الحبوب

عايزة أقول انك ما ينفعش تعمل تقشير و الحبوب ملتهبة
لازم الأول تعالج الحبوب
و بعدين تعمل تقشير أو صنفرة للبشرة لازالة آثار الحبوب



acne free cream
مقشر قوى لكن لا ينصح به قبل أن تهدأ الحبوب

أنا فاكرة أنه كان سعره 5 جنيه
لكن تقريباً ارتفع سعره

مش حيزيد عن 10 جنيه



بالنسبة لليمون لا أنصحك به الآن مع التهاب الحبوب

لما بشرتك تهدأ ابقى اعمل ماسك الليمون بافتراض انه لا يسبب لك حساسية


الدوكسى مايسن
المفروض أنه من مجموعة التيتراسيكلين يعنى يؤخذ على معده فارغة
لكن فى حالة لو حصل لك تعب فى المعدة بسببه
ممكن تاخده بعد الأكل لكن مايكونشى فيه كالسوم زى اللبن و الزبادى
و الأكل اللى فيه حديد
فيه تعارض بين الاتنين

يفترض انك بتلعب رياضة الصبح حتاخد الدوا و بعد نصف ساعة تفطر براحتك
أو ممكن تاخده بعد الفطار بساعتين اذا كان فطارك فيه ألبان

[كازنوفاالمنصورة]

شكرا على الرد السريع وسوالى الالخير هو انتى عارفى اناكريم التقشير يودى اللى حالة هيجان فى الجلد شديدة مفيش كريم يقلل من حالى الهيجان دى وكام عندى سوالى انا ليلى نهارى ونهارى ليلى طبعا فهمتنى بنام البهار وبسهر بالليل فكنت بحاول انا م بلليل بس مقدرتش فى واحد صحبى نصحنى بنوع حبوب بساعد على النوع عاوز اخد رايك غيها وهى اسمها تربتيزول

[نرجسية]

المضاد الحيوى دوكسى مايسن فى حد ذاته علاج لحب الشباب

حتستخدم معه
zincomycin lotion
ده عباره عن لوشن تاخد منه بقطنه و تحط على الحبوب برفق
مرتين فى اليوم

سعره حوالى 7 جنيه

و قبل ما تنام تحط كريم اسمه sacnel cream

برضو فى الحدود دى 7 جنيه

الأسعار بالتحديد لا أتذكرها لأن الأدوية تسعيراتها بتتغير كل يوم و التانى



بالنسبة للمنومات
لأ أنصحك بها اطلاقاً

احنا بنعطيها للمريض الذى يعانى من أرق شديد
أو عنده توتر يقلقه من النوم

انت مش عندك مشكلة غير ان الساعة البايلوجية للنوم عندك مقلوبة


بإيدك تعدلها

حاول تفضل صاحى فى النهار عشان بالليل تعرف تنام
و سيبك من المنومات و الحاجات دى

[bent nas]

keda elwa7d yest3'lk
maho bebalash
eh mawdo3 7o2n elkortezon de?
sem3t enha beta7'n
bs eh a3radha elganebya?
akeed lyha a3rad






entazery mny elmazyd mn el2ste3'lala





your sister /bent nas

[نرجسية]

مرحباً ببنت الناس فى صيدلية ابن مصر

مع ان اللغة اللى بتكتبى بيها تعبتنى لغاية ما عرفت اقراها

لكن أنا فهمت

بالنسبة للكورتيزون

خطر جداً أنك تاخديه بلا سبب مرضى يستدعى

هو بيعمل احتباس للسوائل فى الجسم فيبان منتفخ و ممتلئ
لكن زيادة وهمية

أعراضه الجانبية كثيرة

كفاية أقولك انه بييضعف المناعة
و يرفع الضغط و السكر
و مع الاستعمال المستمر قد يؤدى الى فقد الابصار

الكورتيزون يؤخذ بمحاذير فى علاج بعض الأمراض
الكثير منها و لكن لا يؤخذ لعلاج النحافة

النحافة لها وسائل أخرى لعلاجها

[aamin]

شكرا لالك اختي نرجسية

على المعلومات المفيدة

مع عاطر الود

احنرامي

aamin