صيدلية ابن مصر...

[كازنوفاالمنصورة]

شكرا يا دكتور على العلاج والله نتائح حلوة العلاج وبسب اسشتاراك وارى الجديد والمفيد عندى سوال المرة دى بالنسبة للشعر انا شعرى الحمد الله كان بتعالج من تساقط لكن الحمد الله اتعالج ومش بيوقع الووقتى بس المشكلة اللوقتى انه خفيف شويا فة منطقة الوسط يا ريت اية ليسون او كريم يزيد الكثف شويااااااااااااااا على فكرة انا شعر من النوع الدهنى وريت طبعا عالعاد سعره وشكرا يا اجمد دكتورةةةةةةةة

[نرجسية]

أهلاً بزبون صيدلية ابن مصر


أنا دلوقتى بس صدقت انك كازانوفا

بص يا سيدى أنا حاقولك على زيت طبيعى و سعره فى متناول اليد
ممكن تشتريه من العطارة كمان

و ثبت فعاليته فى زيادة كثافة الشعر

زيت الخروع

تدهن بيه فروة الرأس فى الجزء الخفيف اللى بتقول عليه فقط
مش شعرك كله عشان انت بتقول دهنى

[كازنوفاالمنصورة]

يا دكتورتى العزيزة والله جربت الخروع وشعرى دهنى اووووووووى ومعملش حاجة ممكن لوسوين او اى حاجة مستنى ردك

[نرجسية]

اللوسيونات اللى فى الصيدلية و تساعد على انبات الشعر سعرها غالى
عشان كدة أنا قلت الخروع

طيب
اللوسيون لعلاج الشعر الخفيف

طبعاً أحسنها الادوية المحتوية على المينوكسيديل زى هيرباك 90 جنيه

أو بيرفورما 52 جنيه
ودى سعرها غالى زى ما انت شايف

فيه مقوى للشعر اسمه hair stabil
سعره حوالى 20- 25 جنيه

حاول تعمل تدليك خفيف بأطراف أصابعك لفروة الرأس
برفق مش بعنف

و عند تسريحه يبقى برفق برضو

و نصيحة بلاش استخدام الجيل لأنه ممكن يكون سبب فى تساقط الشعر

[كازنوفاالمنصورة]

طبعا الزبزن المعتاد المرة دى السوال ليا وكمان ااصدقائى عاوز من حضرتك اسم كريم حلو مفيد للشعر الدهنى وسعره انتى عارفه يا دكتوروة بقى لاوزم كريم علشان الخروج وا ان بطلت الجيل والله من زمان

[لاجئة]

عندي سؤال...
انا من مدة بمر بحالة سوء تغذية رهيبة..
المشكلة ان الحديد في الدم وفي مخازن الحديد بقى متلاشي خاااااااالص..
يعني تقدروا تقولوا بوادر فقر دم..
انا دلوقت باخد كبسولات حديد... بس على معدة فاضية!!
ما مدى تأثير هالامر؟؟
(هو بصراحة انا بعرف بعضا من التأثيرات بس بدي تفيدوني كمان!!)

وشكرا!!

[محمد كمال على]

صباح الخيرات يا نرجسيه
مشكلتى مع رقيه بنتى
عندها حوالى سنه وسبع شهور
حتى الأن لا تريد التخفيف من الرضاعه
وترفض الأكل الخفيف رفضا تاما
وتزيد عندها العدوانيه؟
كل ما ألعب معها تقلب اللعب لخربشه وضرب
وبتعذب كل اللعب بتاعتها والعرائس الملونه أصبحت
حطاما

[bent nas]

merci ya doctoretna
w belnesba le tresorex ana ba5do
bs m2olekesh 3ala elly by7sl ama b5do:'(:'(
msh 3arfa awsf 7alty:'(
bnam w bnam w bnam
m3lsh esta7meleny b2a elkey bord just write english:'(
estaneny tany
akeed hagy at3bk tany

[bent nas]

طبعاً أحسنها الادوية المحتوية على المينوكسيديل زى هيرباك 90 جنيه
hwa da elawa elamerican?
asl kn f dr 2al ly 3alyh bs msh katabo ly 2aly elmara elgaya w maro7tsh
aslo kn r5m
lw hwa da elamerican 2olely 3ashn agybo
w lw msh hwa
2olely b3d 2zn 7adrtek 3ala elamerican da esmo eh
w hal2yh fn l2no akeed msh motawafr awy
bs t2rybn mmkn al2yh 3nd 2al 3bd ellatef aw eltarshoby sa7?

[صليل السيوف]

الأخت الكريمة الدكتورة/ نرجسية

السلام عليكم ورحمة الله وبركاته

لقد قرأت مقالك عن: آلام الرقبة ( نصائح و ارشادات للوقاية و العلاج )

وهو موضوع جيد ومهم للجميع

ولكن لدي استفسار بسيط وهو: أنني أكثر من طقطقة الرقبة يميناً وشمالاً وباستمرار ولا أرتاح حتى أسمع صوت الطقطقة .. فهل في ذلك ضرر ، وهل تلك العادة ضارة بالرقبة، علماً بأن أفعل ذلك منذ سنوات طويلة؟


وشكراً لك مقدماً يادكتورة نرجسية
أبو راكان

[نرجسية]

المشاركة الأصلية بواسطة كازنوفاالمنصورة

طبعا الزبزن المعتاد المرة دى السوال ليا وكمان ااصدقائى عاوز من حضرتك اسم كريم حلو مفيد للشعر الدهنى وسعره انتى عارفه يا دكتوروة بقى لاوزم كريم علشان الخروج وا ان بطلت الجيل والله من زمان

أهم حاجة فى كريم للشعر الدهنى أنه يكون خالى من الزيوت
فيه كريمات كتيرة بس سعرها غالى
لكن فى متناول اليد كريم هيركود سعره حوالى 5, 5 جنيه
أو بريل كريم سعره حوالى 5 جنيه برضو

فيه منهم أنواع و بما أن الشعر الدهنى غالباً بيبقى معاه قشرة
فالمناسب لك هو الأخضر ضد القشرة

أنا أحضرت لك مجموعة نصائح للعناية بالشعر الدهنى لازم تهتم بقراءتها

تغسيل الشعر ثلاث مرات أسبوعياً للتخلص من الدهون الزائدة .

* استعمال شامبو طبيعي يعمل على تقليل تراكم الدهون على الشعر، وخالي تماماً من المواد الكيماوية (خصوصا أن الشعر الدهني يتطلب أحياناً الإستحمام بشكل يومي ) وأنصح أن يحتوي على خلاصة البيض أو الليمون وتغير الشامبو بإستمرار ليكون تأثيره أقوى وحاولي أن تتركي رغوة الشامبو على شعرك ثلاث دقائق قبل شطفه.

* تبديل وسادة النوم كل يومين (لأن البقايا الزيتية تنشط الغدد الدهنية ).

* عدم استعمال وبشكل قاطع الماء الساخن عند الاستحمام لما له تاثير سلبي, حيث يساهم في تنشيط الغدد الزهمية وفي توسيع المسامات وبالتالي تساقط الشعر لذلك يجب إستعمال الماء الدافئ المائل للبرودة وخصوصاً في النهاية.

* التخفيف قدر الإمكان من تناول المأكولات الحارة والتوابل والبهارات التي تسبب زيادة إفراز الدهون بالبشرة وبفروة الرأس .

* استعمال مشط خشبي متباعد الأسنان وتمشيط الشعر بعناية وهدوء لأن الشدة تهيج فروة الرأس وجذور الشعر, وتؤدي إلى تنشيط إفراز الدهون.

* شطف الشعر مرة إسبوعياً في أخر زوم (معلقة خل ونصف معلقة ليمون ونصف معلقة برتقال يضافوا إلى ليترين من الماء ) ويترك أثرهم على الشعر.

* في حال أردت استعمال بلسم أو ماسك للشعر تأكدي من أنه خالي تماما من الزيوت Oil Free وحاولي إبعاده عن جذور شعرك.

* تخلصي من القشرة بأسرع وقت لأنها تزيد من الإفرازات الدهنية باستعمال شامبو طبي يحتوي على مواد تعمل على التقليل من تسارع نمو خلايا البشرة .

* الشعر الدهني القصير أفضل من الشعر الطويل كما أن غسله يصبح أسهل وملامسته للبشرة تكون أقل وبالتالي لا تنتقل الدهون الموجودة في الشعر إلى البشرة .

* ابتعد قدر الإمكان عن الشامبوهات 2 في 1 لوجود كمية كبيرة من البلسم فيه.

* إذا كان ضغط الماء عبر الدوش قوي ويمكن تخفيفه ,فيفضل ذلك حتى لا تكون ضربات الماء قوية على فروة الرأس لأن ذلك ينشط الغدد الدهنية .

* تغسيل المشط أو الفرشاة بشكل دائم .

[نرجسية]

المشاركة الأصلية بواسطة لاجئة

عندي سؤال...

انا من مدة بمر بحالة سوء تغذية رهيبة..
المشكلة ان الحديد في الدم وفي مخازن الحديد بقى متلاشي خاااااااالص..
يعني تقدروا تقولوا بوادر فقر دم..
انا دلوقت باخد كبسولات حديد... بس على معدة فاضية!!
ما مدى تأثير هالامر؟؟
(هو بصراحة انا بعرف بعضا من التأثيرات بس بدي تفيدوني كمان!!)

وشكرا!!

ألف سلامة يا علا
سوء تغذية ليه بس هو انتِ مش بتاكلى ليه ؟؟
ممكن تاخدى فاتح شهية كعامل مساعد

بالنسبة لنقص الحديد
أولاً اهتمى بالمأكولات المحتوية على الحديد كالسبانخ و الملوخية و الباذنجان و الفواكه كالتفاح و الموز
و كذلك العسل الأسود

اذا كان النقص كبير و لا يعوضه الغذاء لا مانع من تناول كبسولات الحديد

أثارها الجانبية أشهرها هو الامساك و الشعور بالغثيان
و عن تناولها على معدة فارغة
بفضل أخذها على معدة فارغة لامتصاص افضل
لكن اذا كان يسبب لك تعب فى المعدة ممكن تاخديه بعد الأكل
بس يكون طعام ليس فيه ألبان
و لا يؤخذ مع مضادات الحموضة
و كذلك لا يؤخذ بعد الشاى و القهوة

ملحوظة : فيتامين c يساعد على امتصاص الحديد
لذلك اذا أخذتى الحديد بعد الأكل اشربى عصير برتقال معاه أو ليمون

تمنياتى لكِ بالصحة و العافية دائماً باذن الله

[نرجسية]

المشاركة الأصلية بواسطة محمد كمال على

صباح الخيرات يا نرجسيه

مشكلتى مع رقيه بنتى
عندها حوالى سنه وسبع شهور
حتى الأن لا تريد التخفيف من الرضاعه
وترفض الأكل الخفيف رفضا تاما
وتزيد عندها العدوانيه؟
كل ما ألعب معها تقلب اللعب لخربشه وضرب
وبتعذب كل اللعب بتاعتها والعرائس الملونه أصبحت

حطاما

أهلاً أهلاً أبو رقية
هى رقية عفريته قوى كدة ؟

أولاً المفترض أن الطفل يبدأ فى تناول طعام خارجى ابتداءاً من 6 شهور
يعنى قليل من عصير الفاكهة
و بعدها الخضار المهروس أو شوربة الخضار
بالتدريج مع الرضاعة الطبيعية

سنة و نصف يعنى رقية المفروض تكون فى مرحلة الفطام !!
الفترة دى قد تكون صعبة فى بدايتها لكن تحتاج صبر من الأم و فن فى اجتذاب الطفل للأكل

عدوانيتها و انفعالها قد يكون لأنها مش عايزة تترك الرضاعة الطبيعية
النصيحة أنكم تحببوها فى الأكل
يعنى لما تتغدوا خلوها تشوفكم و انتوا بتاكلوا
عشان تتشجع و تاكل زيكم
اعملوا لها أطباق و ملعقة و كباية خاصة
الحاجات دى موجود منها فى محلات الأطفال أو حتى فى الصيدليات
و خلوها تحاول تاكل بنفسها
لغاية ما تنسى لبن الأم
طبعاً فى البداية حتبهدل الدنيا
لكن هى فترة عشان تحب الأكل

كمان زودوا لها جرعة الحنان اليومين دول لامتصاص توترها و عصبيتها
خرجوها تشوف الناس و الأطفال و ممكن فى خلال اللعب تاكل زبادى أو أى شئ

و سلام كبير قوى لرقية هانم

[نرجسية]

المشاركة الأصلية بواسطة bent nas

طبعاً أحسنها الادوية المحتوية على المينوكسيديل زى هيرباك 90 جنيه
hwa da elawa elamerican?
asl kn f dr 2al ly 3alyh bs msh katabo ly 2aly elmara elgaya w maro7tsh
aslo kn r5m
lw hwa da elamerican 2olely 3ashn agybo
w lw msh hwa
2olely b3d 2zn 7adrtek 3ala elamerican da esmo eh
w hal2yh fn l2no akeed msh motawafr awy
bs t2rybn mmkn al2yh 3nd 2al 3bd ellatef aw eltarshoby sa7?

حرام عليكى أنا عينى راحت خلاص من الحروف دى

بصى يا ستى الهيرباك شركة مينا فارم بتصنعه بتصريح من شركة أجنبية
و الدواء موجود منه فى الولايات المتحدة بالفعل
لكن اللى عندنا فى الصيدليات من انتاج مينا فارم
جايز تكون بعض الصيدليات عندها المستورد لكن ده مش مصرح به فى مصر

ده الموجود عندنا

المشاركة الأصلية بواسطة bent nas

merci ya doctoretna
w belnesba le tresorex ana ba5do
bs m2olekesh 3ala elly by7sl ama b5do:'(:'(
msh 3arfa awsf 7alty:'(
bnam w bnam w bnam
m3lsh esta7meleny b2a elkey bord just write english:'(
estaneny tany
akeed hagy at3bk tany

أه هو فعلا التريزوريكس بيسبب النعاس
زى معظم فواتح الشهية
لكن فى البداية فقط و بعد فترة الجسم بيتعود عليه و بتختفى الأعراض دى
الترزوريكس من أقوى فواتح الشهية

فيه دواء آخر اسمه ماندوريكس شراب
لا يسبب النعاس لكن عيبه انه طعمه صعب جداً

[نرجسية]

المشاركة الأصلية بواسطة صليل السيوف

الأخت الكريمة الدكتورة/ نرجسية

السلام عليكم ورحمة الله وبركاته

لقد قرأت مقالك عن: آلام الرقبة ( نصائح و ارشادات للوقاية و العلاج )

وهو موضوع جيد ومهم للجميع

ولكن لدي استفسار بسيط وهو: أنني أكثر من طقطقة الرقبة يميناً وشمالاً وباستمرار ولا أرتاح حتى أسمع صوت الطقطقة .. فهل في ذلك ضرر ، وهل تلك العادة ضارة بالرقبة، علماً بأن أفعل ذلك منذ سنوات طويلة؟

وشكراً لك مقدماً يادكتورة نرجسية

أبو راكان

وعليكم السلام و رحمة الله و بركاته
مرحباً أبو راكان

للرقبة تمارين رياضية معينة
يمكن تلاقيها فى الموضوع اللى ذكرته

لكن لا ينصح بطقطقة الرقبة بالشكل العنيف هذا
و نعم هى عادة ضارة
السليم هو التمارين الرياضية الخفيفة التى لا تؤذى الرقبة
و هذه صورة توضيحية لتمارين الرقبة و الأكتاف