صيدلية ابن مصر...

[!!zizo bunny]

هاى نرجسيه ثانكس على الموضوع

انا ليت سؤالين

انا دايما ليل و نهار طول السنة عندى بردو عايز اعرف البرد اللى عندى علطول ده ممكن يأثر على المناعه؟

انا كنت باخد كونجيستال و نوفا سى و كانوا بيشتغلوا بس بيرجعللى البرد تانى ايه الحل؟

[نرجسية]

ألف سلامة عليك
أولاً تكرار تعرضك للانفلونزا و نوبات البرد يرجع الى
- اما نقص فى المناعة
- أو بسبب سلوكيات خاطئة منك كعدم المحافظة على صحتك و ارتداء الملابس المناسبة لكل فصل من فصول السنة و التعرض للتكييف ثم الخروج الى الخارج حيث تختلف درجة الحرارة الخ

الحل

- تناول الفواكه التى تحتوى على فيتامين ج (vitamin C
و أشهرها البرتقال و الليمون و الفراولة و عصير قمر الدين بمناسبة شهر رمضان
و هو يقوم بتحفيز جهاز المناعة الطبيعى

- كذلك ينصح بأن تُحقن بمصل الانفلونزا و هو يطرح فى الصيدليات عند حلول فصل الشتاء
تقريباً فى شهر 11
و هو يعطى مناعة لمدة سنة كاملة فهو يقلل كثيراً من نوبات الانفلونزا و يمنعها تماماً عند محافظتك الشخصية على صحتك و تناول الغذاء الصحى

[abo adhem]

جزاكى الله خيرا اختى نرجسيه طبعا انا عملت كل اللى حضرتك وصفتيه ووصلت الى الحقنه
بس كنت عايز اعرف هى الحقنه دى فعلا تحل مشكله الترسبات وهل لها اى اثار جانبيه وشكرا لك مره اخرى
ابو ادهم

[د.خلووود]

ازيك يا نرجسيه ....

انا صيدلانيه بس لسه في ما تخرجتش..

حبيت بس احييكي على موضوعك الجميل....

مع حبي....

[نرجسية]

[

QUOTE=abo adhem;449633]جزاكى الله خيرا اختى نرجسيه طبعا انا عملت كل اللى حضرتك وصفتيه ووصلت الى الحقنه
بس كنت عايز اعرف هى الحقنه دى فعلا تحل مشكله الترسبات وهل لها اى اثار جانبيه وشكرا لك مره اخرى
ابو ادهم[/quote]

الحقنة لتخفيف الالتهاب الواقع على أنسجة القدم و هو بالفعل يسكن الألم بنسبة كبيرة و يعالج الالتهاب
و لكن لى سؤال هل طبيبك شخص حالتك على انها نتوء فى عظمة الكعب ؟
هل قمت باجراء أشعة لمعرفة اذا كان هناك نتوء عظمى فى كعب القدم؟
ام أنه مجرد التهاب فى أنسجة الكعب ؟
و هل قمت بعمل تحليل لقياس نسبة حمض اليوريك ؟
اذا كان هناك نتوء فى الكعب فالمنصوح به هو عدم الوقوف كثيراً و ارتداء الأحذية الرياضية المريحة أو وضع أسفنجة تحت الكعب فى الحذاء العادى
أما عن أعراض الكورتيزون الجانبية فهى تتمثل فى ارتفاع نسبة السكر فى الدم لذلك تحظر على من يعانى من مرض السكر و هناك أعراض أخرى للكورتيزون و لكن مع العلاج المطول بالكورتيزون و ليس فى حالتك

المشاركة الأصلية بواسطة د.خلووود

ازيك يا نرجسيه ....

انا صيدلانيه بس لسه في ما تخرجتش..

حبيت بس احييكي على موضوعك الجميل....

مع حبي....

يا أهلاً وسهلاً بزميلة المستقبل
نورتى الصيدلية يا د/ خلود
أشكرك شكر جزيل
وعاوزة اشوف نشاطك فى القسم الطبى

[abo adhem]

جزاكى الله خيرا اختى نرجسيه وانا فعلا عامل كل التحليل والاشعات والموجود عباره عن التهاب فى الكعب ومبادء دوالى والحمد لله انا لا اعانى من سكر بس كان عندى من قبل حصوات ونزلت ( يورك) فأنا دائما
كل كام شهر انزل حصوه علما بأننى لا اتناول اللحوم الحمراء والشاى والقهوه ولا البقول واشرب مياه كثيرا اما عن الوقوف فأنا دائما واقف لاننى ادير محلات تجاريه لذلك انا دائما اقف كثيرا لمتابعه العمل مشكوره اختى نرجسيه للمتابعه اعزك الله وبارك فيكى
ابو ادهم

[فرجينيا]

يارب يارب يارب يجازيكي خير يا نرجسيه ويارب اشفي كل الناس

انا كنت عايزة اعرف انا بشرتي صافيه ومافيش حب شباب بس بيطلعلي حبه وبتكون وارمه بتاخد كام يوم وبعدين تتقلب حبه عاديه واستخدمت مراهم كتير وكريمات كتير بس وبتروح وبتيجي يعني بتروح بالكريمات بس بترجع تاني دي من حبوب البشرة ولا ايه ولكي جزيل الشكر

[!!zizo bunny]

ثانكس نرجسيه على الروشته هجربها باذن الله

[نرجسية]

المشاركة الأصلية بواسطة فرجينيا

يارب يارب يارب يجازيكي خير يا نرجسيه ويارب اشفي كل الناس

انا كنت عايزة اعرف انا بشرتي صافيه ومافيش حب شباب بس بيطلعلي حبه وبتكون وارمه بتاخد كام يوم وبعدين تتقلب حبه عاديه واستخدمت مراهم كتير وكريمات كتير بس وبتروح وبتيجي يعني بتروح بالكريمات بس بترجع تاني دي من حبوب البشرة ولا ايه ولكي جزيل الشكر

طيب لو سمحتِ تعرفينى ماهى الكريمات التى كنتِ تستعملينها و تعالج هذه الحبوب؟

[فرجينيا]

باستعمل بيتاديرم وسبوتلس ومرهم اسمه ازادرم ومراهم تانيه بس مش فاكره اسمها وانا مش عارفه الحبه اللي بتبقى وارمه دي من ايه من الاكل ولا الميكب ولا ايه

[نرجسية]

Azaderm كريم يستعمل لعلاج حب الشباب
لذلك اذا كنتِ تستخدميه بناءاً على توجيهات طبيب فهذه الحباية ما هى الا حب شباب
لأن هناك أنواع أخرى من الحبوب كالحساسية و غيرها
هذا الحباية تنشأ من زيادة فى نشاط الغدد الدهنية و مع وجود أتربة على الوجه يحدث انسداد للمسام و بالتالى تظهر هذه الحبوب

أنصحك بالمداومة على غسيل الوجه بالغسول اليومى 3 مرات فى اليوم
لا تحاولى المساس بهذه الحبوب بيدك أو عصرها لأن ذلك قد يؤدى الى ترك أثر
لا تكثرى من أكل المخللات و الشوكولاته و البطاطس المقلية
استعمال الماكياج يضر البشرة خاصة فى هذا العمر الصغير و كذلك عند وضعه لساعات طويلة
اذا ظهرت هذه الحبوب فممكن تستخدمى azaderm كريم قبل النوم و بعد أن تختفى داومى على الروتين اليومى لغسل الوجه
و من الطبيعة: يمكنك عمل mask يحتوى على مطحون حبة البركة فقد ثبت فعاليته فى علاج حب الشباب

[وفاء]

الموضوع جميل جداااااا
يا نرجسيه تسلم ايديكى وربنا يجعله فى ميزان حسناتك
وياااااااارب يشفى كل الناس
تقبلى مرورى
حبيت احيكى على الموضوع
وان شاء اله عندى تساؤلات هبقى اسألك
شكرا

[نرجسية]

مرحباً وفاء
نورتى صيدلية ابن مصر
و احنا تحت أمرك فى أى وقت
ربنا يعطيكِ الصحة و العافية

[BATISTA]

تسلم ايدك يادكتورة فى على التوبك دة وان شاء الله يكون فى ميزان حسناتك

وان شاء الله نستشيرك فى أقرب وقت

[نرجسية]

الله يخليك يا أخ محمد
تحت أمركم
مع تمنياتى للجميع بالصحة و العافية