صيدلية ابن مصر...

[عتاب]

عجباني اوي فكرة الصيدليه
وخصوصا اني اتدربت لفترة في احدى الصيدليات بس ماعرفتش اكمل التدريب والشغل
المهم
انا عايزة مجموعة فيتامين للشعر يمنع تساقطه وتقصفه
حاجات مؤثرة مش تكون غالية على الفاضي
عايزة المجموعة بالاسعار كمان (متعبة انا)
معلش لانها مطلوبه منى وطبعا انا سيبت الصيدلية من زماااااااااان

[نرجسية]

مرحباً عتاب

بالنسبة لاستفسارك عن تساقط الشعر
أحب أن أوضح معلومة و هى أن الانسان الطبيعى يفقد من 50 : 100 شعرة يومياً و هذا هو المعدل الطبيعى

أما اذا لاحظت تساقط الشعر بغزارة عند تصفيفه أو غسله بما يفوق 100 شعرة تقريباً فهنا يجب أن تنتبهى لأسبابه

- أولاً سوء التغذية : يجب أن يحتوى الغذاء على البروتينات و الفيتامينات و هى متوفرة فى اللحوم و البقول و الخضراوات و الفواكه

- عند التصفيف يجب معاملة الشعر برفق و تحديداً اذا كان مبللاً

- معالجته من القشرة اذا وجدت

- استخدام أنواع مضمونة من الشامبو او غيرها من الكريمات



أما عن الأدوية الى تساعد كمكمل غذائى و هى متوفرة فى السوق المصرى
Hair vit سعره حوالى 30 جنيه

for hair & nails سعره حوالى 10 جنيه
super hair plus سعره حوالى 25 جنيه
و هذه الفيتامينات يمكن الاستغناء عنها اذا كان غذائك صحى و سليم

أما بالنسبة لتقصف الشعر
- ينصح بقص الأطراف المتقصفة
- عمل حمام زيت مرة كل أسبوعين و هو عبارة عن خليط من زيت الخروع و زيت الزيتون و زيت جوز الهند
زيت الخروع مفيد كذلك فى نمو الشعر المتساقط


أى خدمة يا عتاب

[عتاب]

شكرا حبيبتي لاهتمامك وردك
hair vit جربته قبل كده
هاتجرب الباقي وان شاء الله النتيجة تبقى كويسة

[molakimo]

فين ياجماعة منتدي قراءة الروشتات الطبية

[molakimo]

المشاركة الأصلية بواسطة molakimo

فين ياجماعة منتدي قراءة الروشتات الطبية

[نرجسية]

المشاركة الأصلية بواسطة molakimo

فين ياجماعة منتدي قراءة الروشتات الطبية

زى ما حضرتك شايف
احنا مش منتدى متخصص فى الصيدلة
و مع ذلك انت ممكن تسأل أى سؤال فى صيدلية ابن مصر و احنا تحت أمرك

[انا مصريه]

ممكن استفسار
عندي حبوب لونها بني في كتفي وظهري ورحت لي اكتر من دكتور ولا في فايدة وكمان بيطلعلي حبوب في وشي بس مش كتير بس بتروح وترجع اعمل ايه؟

[نرجسية]

أولاً مرحباً بالأخت المصرية فى صيدلية ابن مصر

احب أقول أن الصيدلية لا تقدم تشخيص للأمراض خاصةً الأمراض الجلدية التى تحتاج الى متخصص جلدية و فحص بالعين المجردة و أحياناً استخدام عدسة مكبرة

فالحبوب لها أشكال متعددة
فما شكل الحبوب الموجودة فى كتفك ؟
هل هى سطحية أم بارزة ؟
و هل جافة أو يخرج منها سائل خفيف ؟

و كذلك حضرتك ما قلتيش ماهى الأدوية اللى استعملتيها ؟

و لو انى أشك ان الحبوب دى ناتجة عن حساسية الجلد من نوعيات معينة من الملابس
لذلك أنصحك بارتداء ملابس قطنية


بالنسبة لحبوب الوجه أيضاً محتاجة لمتخصص يفحصها بالعين لأن لها أنواع محتلفة

و لكن غالباً هذه الحبوب هى حب الشباب بالذات فى سن المراهقة

المنصوح به هو العناية بنظافة البشرة و استخدام الغسول المناسب لنوع بشرتك
و عمل صنفرة للبشرة مرة واحدة فى الاسبوع على الأقل باستخدام مقشر scrub آمن للبشرة

التقليل من الدهون قدر الامكان التى تزيد من ظهور هذه الحبوب

مع ملاحظة أن الماكياج يؤذى البشرة فى هذه السن الصغيرة
بالذات لو منتجات غير جيدة

[amr_miza1]

موضوع حلو اوى بشكرك جدا

انا فى صديق ليا صيدلى قالى ان علاج البرد والانفلوانزا المفروض اغيرة من وقت للتانى
يعنى لو استخدمت مرة كونجيستال استخدم المرة اللى بعدها نوع تانى ,,, كدا يعنى
الكلام دا مظبوط ؟

[نرجسية]

أهلاً بالأخ عمرو فى الصيدلية

مبدئياً أحب أوضح الأول أن علاج الانفلونزا و البرد هو علاج للأعراض فقط و ليس لعلاج الفايروس
بمعنى أنه يعالج الرشح و الحساسية المصاحبة للانفلونزا و البرد


و طبعاً كل الاحترام لزميلى الصيدلى لكن أدوية الانفلونزا و الرشح كلها تشترك فى مجموعة من المواد الفعالة لعلاج رشح الأنف و العطس ( الحساسية ) و يضاف لها كذلك مواد تخفض الحرارة و تسكن الألم


و يختلف كل دواء عن الآخر فى تركيز هذه المواد و العائلة التى تنتمى لها كل مادة فعالة


لكن احتمال يكون قصده ان لو دواء معين لم يعالج الأعراض فالأفضل لك تغييره الى دواء آخر يكون تأثيره أفضل
لأن التركيزات مختلفة و الشركات أيضاً مختلفة
بالرغم من تشابه المواد الفعالة فى ادوية البرد


و ألف سلامة

[amr_miza1]

الله يسلمك

بشكرك جدا على الافادة وان شاء الله كدا لما اخف هبقى ابعتلك الفيزيتا هههههههه
مهو مينفعش كل الحاجات دى تبقى ببلاش كدا

[amr_miza1]

نرجسية ...
رقبتيييييييي مش قادر احركها وشكلى هقصر واروح لدكتور ..........
بقالها يومين مش مظبوطة شكله برد والنهاردة بحركها صعب اوى ..... يعنى علشان ابص شمال لازم انا كمان احود شمال :(

[امرأة العزيز]

المشاركة الأصلية بواسطة amr_miza1

نرجسية ...
رقبتيييييييي مش قادر احركها وشكلى هقصر واروح لدكتور ..........
بقالها يومين مش مظبوطة شكله برد والنهاردة بحركها صعب اوى ..... يعنى علشان ابص شمال لازم انا كمان احود شمال :(

انا مشعارفة اشكرك ازاي يا دكتورة علي موضوعك الهادف ده

بالنسبة لعمرو انا استشارية في الرقبة في قسم لكِ ولاسرتك

مينفعش تتشال ونخلص؟؟

انا بس حبه اخدمهم لتفهميني غلط

ربنا يشفيك يا عمرو ويحرك رقبتك يمين وشمال

[نرجسية]

إقتباس:
نرجسية ...
رقبتيييييييي مش قادر احركها وشكلى هقصر واروح لدكتور ..........
بقالها يومين مش مظبوطة شكله برد والنهاردة بحركها صعب اوى ..... يعنى علشان ابص شمال لازم انا كمان احود شمال :(

ألف سلامة يا أخى
ان شاء الله الموضوع بسيط و شائع و قد لا يستدعى الى التوجه لطبيب
فى الغالب يكون تيبس الرقبة نتيجة النوم بشكل غير صحيح
مثلاً على وسادة مرتفعة أو النوم على البطن و هو وضع لا يريح الرقبة

أو الجلوس لساعات طويلة أمام الكمبيوتر أو على مكتب و رأسك لأسفل لمدة طويلة

و أحيانا نتيجة تعرضك لتيار هواء بارد فجأة

و هى أمور شائعة للكثير منا

العلاج :
فى الحالات الشديدة أو التى تطول مدتها تستعمل رقبة طبية و هذه موجودة فى الصيدليات و وظيفتها تدعيم الرقبة و منع حركة فقرات العنق و بالتالى تقليل الضغط على الأعصاب

بالنسبة لك أعتقد أن الموضوع لا يستدعى استخدام الرقبة الطبية لذلك يفضل لك استعمال كمادات دافئة حول الرقبة
هناك قِربة تباع فى الصيدليات تملأها بماء ساخن الى دافئ و تضعها حول رقبتك لمدة ربع ساعة و كذلك حول عضلات الكتف

يمكنك عمل تدليك ( مساج ) خفيف بيديك حول عضلات الرقبة بشكل دائرى
لا تحاول الاستدارة برقبتك بالقوة و لكن قم بتمرينات خفيفة لتحريك الرقبة

و اذا كان هناك ألم شديد يمكنك استعمال مسكن بصفة مؤقتة و ليكن
brufin 200 قرص بعد الأكل

و لمزيد من المعلومات أدعوك لقراءة هذا الموضوع


آلام الرقبة ( نصائح و ارشادات للوقاية و العلاج )


**************

مرحباً امرأة العزيز

الحقيقة اقتراحك يودى الآخرة لذلك مش حينفع ننفذه

و كدة انتِ حتطفشى الزباين

بس ان شاء الله حنحتاجك لما نكون متغاظين من عضو مشاغب

[amr_miza1]

المشاركة الأصلية بواسطة نرجسية

العلاج :
فى الحالات الشديدة أو التى تطول مدتها تستعمل رقبة طبية و هذه موجودة فى الصيدليات و وظيفتها تدعيم الرقبة و منع حركة فقرات العنق و بالتالى تقليل الضغط على الأعصاب

بالنسبة لك أعتقد أن الموضوع لا يستدعى استخدام الرقبة الطبية لذلك يفضل لك استعمال كمادات دافئة حول الرقبة
هناك قِربة تباع فى الصيدليات تملأها بماء ساخن الى دافئ و تضعها حول رقبتك لمدة ربع ساعة و كذلك حول عضلات الكتف

يمكنك عمل تدليك ( مساج ) خفيف بيديك حول عضلات الرقبة بشكل دائرى
لا تحاول الاستدارة برقبتك بالقوة و لكن قم بتمرينات خفيفة لتحريك الرقبة

و اذا كان هناك ألم شديد يمكنك استعمال مسكن بصفة مؤقتة و ليكن
brufin 200 قرص بعد الأكل

و لمزيد من المعلومات أدعوك لقراءة هذا الموضوع


آلام الرقبة ( نصائح و ارشادات للوقاية و العلاج )
[/color][/b]

والله يا نرجسية مش عارف اشكرك ازاى هو الحمد لله بقت احسن شوية وانا عندى قربة هستخدمها بس انا مجبتش اى علاج وعندك كبسولات اسمها relax دى باسط للعضلات وكدا بس شكلها مالهاش علاقة بالموضوع فمش هاخد منها ..

شكرا يا دكتورة ربنا يخليكى على الروشتة المجانية دى
وبعدين عاجبك شماتة نسرين فيا
هى بردة مسيرها يجيلها يوم يعنى .. وساعتها بقى ههههههه ع اللى هتشوفه