صيدلية ابن مصر...

[كازنوفاالمنصورة]

سوالللللللل كمان هو اية الاقوى الدواء اللى حضرتك كتابة ولا تيتتانtitanودااااااااا لووووسيوووون للشعر ويار يت تتقولى اية مكونات الدواء اللى انتى قولتيه قبل كدةةةةةةةةة وعندى سوال كمان فى زيت اسمه ماجيك اويل فى الصيدله ولو فى يا ريت تكلمنى عنه شويا وكمان يار يت تذكر السعرررررررررر وشكررررررررررررا باااااااااى اةةةةةةةةة من حق نسيت هو زيت الخروع داااااااااااااااا موجود فى الصيدلة ولا ممكن من العطار واية الاحسن بااااااى

[نرجسية]

سوالللللللل كمان هو اية الاقوى الدواء اللى حضرتك كتابة ولا تيتتانtitanودااااااااا لووووسيوووون للشعر ويار يت تتقولى اية مكونات الدواء اللى انتى قولتيه قبل كدةةةةةةةةة وعندى سوال كمان فى زيت اسمه ماجيك اويل فى الصيدله ولو فى يا ريت تكلمنى عنه شويا وكمان يار يت تذكر السعرررررررررر وشكررررررررررررا باااااااااى اةةةةةةةةة من حق نسيت هو زيت الخروع داااااااااااااااا موجود فى الصيدلة ولا ممكن من العطار واية الاحسن بااااااى

الدواء اللى حضرتى كتبته hair stabil ?
و للا ايه ؟
hair stabil lotion هو مقوى للشعر لمنع تساقطه لكن لا يستخدم لانبات الشعر
و بالنسبة لماجيك اويل ده عبارة عن مجموعة زيوت لتغذية الشعر مش عارفة السعر بالظبط لكن هو مش غالى لا يزيد عن 20 جنيه

زيت الخروع موجود عند العطارين و بعض الصيدليات بتبيعه لكن عند العطار اكيد موجود و أفضل

ادهن منه فروة الرأس 3 مرات يوميا حتلاقى نتيجة ان شاء الله
بس الموضوع عايز صبر و متابعة لأن النتيجة مش بتيقى فى يوم و ليلة

على فكرة دواء minoxidil اللى موجود فى performa و hair back بينشط الدورة الدموية فى فروة الرأس و بالتالى يساعد على تحفيز بصيلات الشعر و انبات الشعر
الطريف ان نفس الوظيفة موجودة فى الشطة
ايوة الشطة
دهان منها فى فروة الرأس بيحفز الدورة الدموية و منها الى انبات الشعر
و الثوم يؤدى نفس الوظيفة
لكن استخداماتهم محدودة بسبب رائحة الثوم و بسبب أن الشطة ممكن تلهب فروة الرأس

خليك فى الخروع أحسن
أهو سعره معقول و ريحته مش بطاله

[نرجسية]

المشاركة الأصلية بواسطة حنين مصر

مرسي يا احلى نرجسة عالمعلومات بس عندي سؤال تاني لو تسمحي
التحليل دا بتاع اية FT4 (THYROXINE_FREE),وهل النسبة دي كويسى في التحليل 18.33
وكمان عيزا اسال عن الهرمون PROLACTIN نتيجة التحليل 25.08هل في داعي ارجع استخدم Dopergin تاني (( اصل الدكتورة اللي متبعى الموضوع مسافرى)) وسامحيني حتعبك معايا

و لا تعب و لا حاجة
احنا فى الخدمة

FT4
التحليل ده لقياس نسبة هرمون الثيروكسين الحر و هو بيوضح لنا نشاط الغدة الدرقية

النسبة الطبيعية بتبقى من 9 الى 22 تقريباً

prolactin
هرمون اللبن
النسبة الطبيعية بتبقى
من 2 الى 16 ng/ml تقريباً

لذلك النسبة بتاعتك زايدة شوية
عايزة أسأل انت بتاخدى dopergin بقالك قد ايه ؟
و الجرعة اللى بتاخديها ايه ؟

[لاجئة]

الموضوع جميل جدا ومميز بقدر جماله بل اكثر..
شكرا للمجهود سلفا !!
لدي سؤال:
ما هو افضل دواء لعلاج ارتفاع نسبة الـ TSH(هرمون مسؤوله عنه الغدة الدرقية)

[حنين مصر]

لذلك النسبة بتاعتك زايدة شوية
عايزة أسأل انت بتاخدى dopergin بقالك قد ايه ؟ انا دلوقتي مش بخد الدواء اصل النسبة اتحسنت رحت الدكتورة موقفى الدواء (( مع العلم اني فضلت اخد الدواء شهرين حبتين في اليوم)) يعني دلوقتى ارجع اخد الدواء تاني.

[نرجسية]

المشاركة الأصلية بواسطة لاجئة

الموضوع جميل جدا ومميز بقدر جماله بل اكثر..
شكرا للمجهود سلفا !!
لدي سؤال:
ما هو افضل دواء لعلاج ارتفاع نسبة الـ TSH(هرمون مسؤوله عنه الغدة الدرقية)

مرحباً أختى الفلسطينية
ربنا يرجعكم لوطنكم قريباً سالمين باذن الله


أولاً هرمون ال TSH لا تفرزه الغدة الدرقية و انما يفرز من الغدة النخامية
عندما يرتفع افراز هرمون TSH يرتفع افراز هرمون الثيروكسين من الغدة الدرقية T3 T4

العلاج يكون عن طريق :-

-أولاً تثبيط افراز الثيروكسين و أشهر مادة فعالة لذلك هو Carbimazol
أما الاسم التجارى فيختلف من دولة لأخرى
و هذا العلاج يحتاج لمدة طويلة تصل الى سنة أو سنتين

- ثانياً علاج أعراض المرض و هى سرعة ضربات القلب و النهجان
و يعطى دواء B blocker
و الاسم التجارى مثال inderal

ملاحظة : هناك خاصية يقوم بها جسم الانسان و هى اذا زادت نسبة هرمون الثيروكسين يقل افراز ال TSH

مش عايزة ألخبطك و أدخلك فى تفاصيل و لكن أنا استخلصت من سؤالك انك بتسألى عن علاج لزيادة افراز الغدة الدرقية

[نرجسية]

المشاركة الأصلية بواسطة حنين مصر

انا دلوقتي مش بخد الدواء اصل النسبة اتحسنت رحت الدكتورة موقفى الدواء (( مع العلم اني فضلت اخد الدواء شهرين حبتين في اليوم)) يعني دلوقتى ارجع اخد الدواء تاني.

شهرين مدة كافية و الجرعة أيضاً كافية !!!

طيب ماذا عن اللبن عندك ؟ هل توقف ؟

[امرأة العزيز]

نرجسية

انا هنا جيت اقلك وحشتيني

معندكيش علاج لافتقادي ليكي؟؟

من قلبي وحشتيني

[نرجسية]

المشاركة الأصلية بواسطة امرأة العزيز

نرجسية

انا هنا جيت اقلك وحشتيني

معندكيش علاج لافتقادي ليكي؟؟

من قلبي وحشتيني

يسلم لى قلبك

تصدقى أنا فتحت لوحة التحكم و شفت الموضوعات كلها و لفت نظرى من بينهم مشاركة جديدة فى صيدلية ابن مصر
و باشوف مين آخر زبون دخل الصيدلية لقيته امرأة العزيز !!!
بلهفة فتحت الموضوع لأنى كنت خايفة أنك تكونى تعبانة بعد الشر عنك لأنك غايبة بقالك فترة طويلة
و لأنى أنا كمان اتفتقدت حضورك و بلاغة حديثك

عزيزتى نسرين
أنتِ كمان وحشتينى ووحشتينا كلنا

بالنسبة لاستشارتك
العلاج بسيط جداً
أنك ترجعى لنا زى الأول تنورى منتدانا

شفتى قد ايه العلاج سهل ؟

لما أشوف بقى حتسمعى لنصيحتى و للا لأ

بانتظارك

[صليل السيوف]

دكتورة نرجسية
السلام عليكم ورحمة الله وبركاته

تعاني زوجتي ــ حرسها الله ــ من الآم في الكتف الأيسر منذ سنتين أو أكثر، ومند عام تقريباً ذهبت لإحدى النساء التي تعالج بالطب الشعبي، وعملت لها تدليك ومن ثم تجميع الدم في مكان محدد من الكتف ثم ضغطت على مكان الدم، وبعدها شعرت بتحسن كبير حيث زال عنها ذلك الألم فترة طويلة ــ ولله الحمد ــ ولكن في الآوية الأخير منذ ما يقرب من الشهر بدأت تعاودها الآلآم وكل يوم يزداد الألم أشد من اليوم الذي قبله، وهذه الآيام تعاني من الآم مبرحة في كتفها الأيسر وأمتد الألم ليشمل كامل الذراع الأيسر دون الكف، ومنذ ثلاثة أيام بدأت تعاني من الآم في رجلها اليسرى.

فما هي مشكلتها، وهل هناك نصيحة حول دهان أو مرهم ينفع لحالتها؟ وهل تنصحين بأخذ أشعة لها للتأكد؟

صليل السيوف ،،،،،

[نرجسية]

ألف لا بأس على زوجتك يا أخى

لى سؤال تعليقاً على هذه العبارة

تعاني زوجتي ــ حرسها الله ــ من الآم في الكتف الأيسر منذ سنتين أو أكثر،

هل معنى ذلك أن الآلام مستمرة طوال السنتين ؟

[abo omar]

الله ينور والله بجد بس حضرتك ثقفتى نفسك طبيا عن طريق ايه رغم انك صيدلانية ومش كل الصيادله كده يا ريت تفدينا لان مجالى قريب من حضرتك

[نرجسية]

أهلا بك يا أبو عمر
منور صيدلية ابن مصر و المنتدى كله

ياريت لو كنت عرفتنا حضرتك فى أى تخصص
و زى ما أنت عارف أن أى تخصص فيه الجديد كل يوم و العلم لا يتوقف و خاصةً فى المجال الطبى
فالاكتشافات الطبية و الأدوية الحديثة تكاد تكون يومية

لذلك الصيدلى مثل الطبيب اذا لم ينعش معلوماته باستمرار أصبح فقير علمياً
لذلك حتى نواكب هذا التطور فيجب علينا الاطلاع على كل ما هو حديث
ليس ذلك فحسب بل يجب علينا مراجعة ما درسناه لأن الانسان بطبعه كثير النسيان

شخصياً عندى أكثر من مصدر للطلاع

- أولاً المراجع الطبية : عندى مرجع متخصص فى الفارماكولوجى و مرجع للأدوية المصرية و مراجع أخرى فى الصيدلة الاكلينيكية

- ثانياً لا أنكر أننى أستعين بالبحث عبر الانترنت اذا احتجت الى معرفة أى معلومة من مواقع طبية موثوق منها

ملاحظة صغيرة يا أبو عمر : الصيدلى عليه عبء أكبر من الطبيب المتخصص فى تخصص واحد
فالصيدلى مطالب بمعرفة شاملة فى كافة التخصصات هذا بالضافة الى المامه بتأثيرات الأدوية و تفاعلاتها مع بعضها و ماهو مناسب لكل حالة اكلينيكية و علوم أخرى يطول الحديث فيها


تحياتى لك

[صليل السيوف]

هل معنى ذلك أن الآلام مستمرة طوال السنتين ؟


دكتورة/ نرجسية
السلام عليكم ورحمة الله وبركاته

عذراً عن كثرة الأسئلة والأستفسارات والإزعاج..

وأود أن أقول لكِ ــ حفظك الله ــ بأن زوجتي تعاني من آلام الكتف باستمرار دون انقطاع، ولكن في بعض الأيام تزداد ألماً، وفي هذه الأيام بالذات ــ تعاني من الآم مبرحة لا تطاق ــ .

كما أنها ألحت عليّ بالذهاب للمستشفى لأخذ إشاعة ــ وذلك قبل أن يصلني ردك ــ وبالفعل أخذت الأشعة وأخبرنا الطبيب بأن الإشاعة سليمة، وقال بأن الألم ليس في الكتف وإنما في الأعصاب.

[نرجسية]

أنا شكيت انها تكون التهابات نتيجة للاجهاد و القيام بعمل عنيف على عضلات الكتف
لكن طالما أن الكشف الطبى و الاشعة تقول أنه بسبب الأعصاب فلا تخمين من على بعد

أتوقع ان الطبيب أعطاها مسكنات للألم
كما أنها تحتاج الى الالتزام بالراحة حتى تخفف من الضغط على العصب


و بالشفاء العاجل ان شاء الله