صيدلية ابن مصر...

[حمدى مهدى الفقى]

الف شكر على المعلومات الجميله دى

[حمدى مهدى الفقى]

الف شكر على المعلومات الجميله دى

[نرجسية]

العفو يا سيد حمدى
نسأل الله أن ينفع الناس بنا
جزاك الله خيراً

[كازنوفاالمنصورة]

ممكن لو سمختى علاج للنحاافة حبوب او اى شى بس يكون فعاللللللللل وهل توجد اقراص تحتوى على خلاصة نبات الحلبة فعلا فى الصيدلة يا ريت لو سمحتى السعر وشكرا على المجهود الخريفى بتاعك

[نرجسية]

أهلاً كازانوفا مرة أخرى

بالنسبة للنحافة
لها أسباب متعددة بعضها يرجع الى زيادة افراز الغدة الدرقية أو الاصابة بالديدان
لكن فى أغلب الأحوال يرجع سببها الى نقص فى التغذية و أعتقد انك من هذه الفئة

لذلك أنت محتاج الى نظام غذائى و معه بعض المساعدات الدوائية

نظام غذائى :

- أولاً يجب أن تهتم بوجبة الافطار
متنوع مثل بيض مقلى - فول بزيت الزيتون - مربى أو عسل نحل أو عسل أسود - جبن أبيض
لبن محلى بالعسل الأبيض

الغذاء
تزود الكميات بالتدريج بدل ما يكون ربع طبق يبقى نصف طبق ثم طبق كامل و هكذا الى أن تعود معدتك على كميات معقولة
أرز - أو مكرونة - مكرونة بالباشاميل
دجاج محمر أو لحم محمر
سمك مقلى الخ

- العشاء
مثل الافطار أو كما أشتهيت
لكن لا تأكل قبل النوم مباشرةَ

بين الوجبات ممكن تأكل ثمرة فاكهه

نصائح
- ممارسة الرياضة تعطيك نشاط و تشعرك بالجوع

- جسمك يحتاج الى السكريات لذلك منصوح تناول الحلويات الشرقية و الغربية
و كل مالذ و طاب

- ابتعد عن الوجبات السريعة takeaway لأنها لا تعطى قيمة غذائية و قد تضر بصحتك


تحذير
- تجنب تعاطى حقن الهرمونات الذكرية و التى يأخذها مرتادى الصالات الرياضية

نظام دوائى :
- Tresorix شراب فاتح للشهية : ملعقة كبيرة قبل الأكل بنصف ساعة ثلاث مرات يومياً

سعره 7 جنيهات

أعراضه الجانبية : شعور بالخمول و النوم ملحوظ
و لكن يختفى بالتدريج مع الاستمرار فى تناول الدواء

- digestin أقراص مهضمة و فاتحة للشهية قرص أثناء الأكل 3 مرات يومياً

سعره حوالى 4 أو 5 جنيه

- groth formula و هذه عبارة عن مسحوق بودرة مثل الكاكاو
و منه طعم الشيكولاتة و الموز و الفراولة و الفانيليا
اختر الطعم الذى يستهويك

سعره 27 جنيه

حتاخد معلقة من البودر و تذوبها فى كوب لبن تشربه بين الوجبات
و البودر ده عبارة عن مكمل غذائى يمدك بالبروتين و العناصر الغذائية الأخرى و يزود الوزن

اذا اتبعت النظام ده حتلاقى نفسك بقيت عال ووزنك ان شاء الله حيزيد كتييير

أما بالنسبة للحلبة هى كحبوب تحتوى على كورتيزون نباتى فهى تزود وزنك
كما أنها ملطفة للمعدة فأنا أنصحك تتناولها مشروب طبيعى يومياً يعنى الحبوب تكون مغلية
لو على الريق الصبح يا سلام عليها !!!

[نرجسية]

أحد الأخوة الكرام أرسل لى رسالة يسأل عن صيدلية ابن مصر

فكان ردى أنى فكيت التثبيت عنها لأعطى فرصة لموضوعات غيرها

ووعدته بوضع الرابط فى توقيعى

و نفذت الوعد

و صيدلية ابن مصر لازالت تفتح أبوابها لكل أعضاء المنتدى

نسأل الله أن تقدم الفائدة الحقيقية لهم

و يعطيكم ألف عافية

[صليل السيوف]

بسم الله الرحمن الرحيم

الأخت الفاضلة/ نرجسية

السلام عليكم ورحمة الله وبركاته

وأشكرك شكراً جز يـلاً على وضعك الرابط للصيدلية ليسهل التواصل مع صيدليتك ووصفاتك واستشاراتك ــ فبارك الله فيك ــ

أخت نرجسية: في أحد الأيام كنت أراجع في مستشفى متخصص لطب العيون ولفت انتباهي عبارات توعوية كنت تظهر على شاشة إلكترونية بين الفينة والأخرى تقول هذه العبارة: (إن مشاهدة التلفاز وأجهزة الكمبيوتر ولعب البلايستشن لاتسبب الأذى للعيون أو تضعف النظر ولكنها تجهد النظر فقط) فما مدى صحة تلك العبارات، حيث إن ابني يلعب البلايستيشن لأوقات طويلة ويكون قريباً جداً من التلفزيون.

[نرجسية]

السلام عليكم و رحمة الله

مرحباً بك من جديد يا صليل السيوف


بالنسبة لموضوع الكمبيوتر و البلاي ستيشن

لستُ خبيرة بمعرفة أضرار الموجات التى تصدر عنهم و هل هى تؤذى البصر أم أنها تجهد العين فقط
لذلك قمت بجولة بحث فى الموضوع

وتوصلت الى هذه الفقرة

د. حسن الباز استاذ الرمد بجامعة الازهر يؤكد ان كثرة استخدام الكمبيوتر له آثار ضاره علي العين حيث يؤدي الي ضعف في قوة الابصار أو ما يطلق عليه "الاستجماتيزم" وهو عدم تساوي تحدب القرنية في جميع الاتجاهات بنصف درجة تقريبا.. وايضا الاشعة المختلفة الناتجة عن أجهزة الكمبيوتر تؤدي الي اصابة العين ببعض انواع الحساسية وجفاف في العين وحرقان واحمرار وهذا ايضا يضر بالغشاء المغطي للقرنية مما يؤدي في النهاية الي ضعف الابصار.

يشير الي ان الشخص الذي يتعامل مع الكمبيوتر لفترات طويلة تظل عيناه مفتوحتان بدون "رمش" مما يسبب ارهاقا للعين والضغط عليها بصورة تضعفها بمرور الوقت.

يؤكد ان قيام الشخص باتخاذ احتياطات في التعامل مع الكمبيوتر شئ اساسي لاغني عنه للحفاظ علي العين تتمثل في الجلوس علي الكمبيوتر علي فترات متقطعة لإراحة العين واستخدام قطرات تعرف ببدائل الدموع لترطيب العين وارتداء نظارات عاكسة لحمايتها من الاشعة الصادرة من الكمبيوتر.

و على ما أعتقد ان اجهزة الكمبيوتر و البلايستيشن ترهق العين و تجهد عضلاتها

و مع الجلوس لفترات طويلة قد يسبب ضعف فى الابصار


لذلك ننصح الأطفال بعد الجلوس لفترات طويلة أمام شاشات الكمبيوتر و البلاستيشن و التلفيزيون

و كذلك ترك مسافة بينه و بين هذه الشاشات


تمنياتى للأسرة بالصحة و العافية

[The Caesar]

عندي برد
واحتقان في الزور مش عارف اهزر مع حد

ممكن لو سمحتي يا دكتوره
علاج بس يا سلام لو اعشاب طبيعيه
انا حاسس ان الجنزبيل اللي بشربه جابلي برد


قلت ازور الصيدليه كده
يمكن اخد برشامه مجانا ً


تحياتي نرجسيه

[نرجسية]

أهلاً بالقيصر فى صيدلية ابن مصر

أنا مش عارفة هى مشكلتك ايه بالظبط ؟
أن عندك برد و احتقان فى الزور ؟
و للا انك مش عارف تهزر مع حد ؟؟؟

بالنسبة للأولى

البرد ده عمل زى الشر الذى لا بد منه
يعنى يومين ثلاثة و تتماثل للشفاء من غير أدوية و لا براشيم

و حتى الأدوية لا تعالج و لكنها تخفف من أعراض البرد

اذا عايز برشامة مجاناً تحت أمرك
هى الصيدلية أصلاً خيرية

congestal أقراص
قرص مرتين فى اليوم

أو flurest قرص مرتين فى اليوم

و لعلاج احتقان الزور
حتاخد orofar أقراص للاستحلاب
تستحلب ( تمص يعنى) قرص 3 مرات فى اليوم



بالنسبة للمشروبات الطبيعية :

- عصير الليمون المحلى بعسل النحل

- الجنزبيل كويس كملعقة مطحونة على عصير برتقال أو ليمون لكن لو عندك سخونية أنصحك بلاش جنزبيل

- وصفة وجدتها فى موقع معلومة دوت كوم لكنها غريبة شوية و مش عارفة اذا كنت حتتحملها

للقضاء على فيروس الأنفلونزا:
يشرب عصير البرتقال والليمون المضروب في سبعة فصوص ثوم، يشرب ذلك العصير على الريق يومياً مع استنشاق بخار الثوم المغلي قبل النوم.. بعد مرة أو مرتين من ذلك العلاج العجيب.. سوف تنتهي الأنفلونزا بإذن الله الشافي.

ألف سلامة يا سيزر
و بالشفا أن شاء الله

[The Caesar]

دكتوره نرجسيه

شكراعلي الوصفات الجامده جدا
انا اعتمدت علي اللمون المغلي...هوه البرد لسه مش راح
بس لان بيني وبين الادويه ...مفيش اي محبه
هوه اللمون ...المغلي
والحمد لله في تحسن

هاجرب مووضع اللمون المحلي بالعسل ده
اول مره اسمع عنه

وايه يا دكتوره السؤال الغريب ده
طبعا الواحد لما يكون عيان بيبقي مش عارف يهزر مع حد
بيبقي محتقن كده ..ومش مظبوط
ده الف به صيدله
طبعا الكلام ده طب..الحياه...

شكرا بجد نرجسيه علي تعبك واهتمامك
الف شكر

تحياتي

[صليل السيوف]

[center] في البداية أشكرك على التجاوب الرائع والسريع يادكتورة وأشكرك على نفعك لإخوانك وأخواتك المسلمين فعلا يادكتورة نرجسية ابني يعاني من حساسية في العين وحرقان مستمران وفي بعض الأحيان يعاني من الاحمرار، لدرجة أنه يتأذي من ذلك في المدرسة وعند النوم. وأخذت له من الصيدلية قطرات خاصة لترطيب العين وهي (Tears Naturale Free) فهل تلك القطرة مناسبة بالفعل حيث إنني وجدت أنواع عديدة من القطرات.[/CENTER]

[نرجسية]

المشاركة الأصلية بواسطة The Caesar

دكتوره نرجسيه

شكراعلي الوصفات الجامده

وايه يا دكتوره السؤال الغريب ده
طبعا الواحد لما يكون عيان بيبقي مش عارف يهزر مع حد
بيبقي محتقن كده ..ومش مظبوط
ده الف به صيدله
طبعا الكلام ده طب..الحياه...

شكرا بجد نرجسيه علي تعبك واهتمامك
الف شكر

تحياتي

العفو
ان شاء الله تخف بسرعة يا سيزر و ترجع تهزر تانى زى طبيعتك

المشاركة الأصلية بواسطة صليل السيوف

[center] في البداية أشكرك على التجاوب الرائع والسريع يادكتورة وأشكرك على نفعك لإخوانك وأخواتك المسلمين فعلا يادكتورة نرجسية ابني يعاني من حساسية في العين وحرقان مستمران وفي بعض الأحيان يعاني من الاحمرار، لدرجة أنه يتأذي من ذلك في المدرسة وعند النوم. وأخذت له من الصيدلية قطرات خاصة لترطيب العين وهي (Tears Naturale Free) فهل تلك القطرة مناسبة بالفعل حيث إنني وجدت أنواع عديدة من القطرات.[/CENTER]

هذه القطرة لجفاف العين و مناسبة فى حالة جفاف العين
و الذى من أعراضه الشعور بحرقان فى العين ووخز و رغبة فى الهرش
أو نزول مخاط أو تهيج العين من الهواء

اذا داوم على استعمال هذه القطرة و لم تتحسن حالته
فقد يكون عنده حساسية و التهاب فيحتاج الى قطرات أخرى تحتوى على مضاد للحساسية
أو كورتيزون لعلاج الالتهاب مثل Nafcon A قطرة
( هذا النوع فى مصر و لا أعلم اذا كان موجود مثله فى السعودية )

لكن اذا كانت الحالة تستدعى استشارة طبيب العيون فيفضل ذلك

[محمد كمال على]

السلام عليكم أيتها الطبيبه
أعانى من مشكله غريبه
نزيف من الأسنان فى اوقات معينه فقط
وقت الوضوء
وعند الأستيقاظ من النوم
ولما ذهبت لطبيب أسنان
علل ذلك بتسوس أحد الضروس
وقام بمعالجته ذهب النزيف فعلا لعده أيام
ثم عاودنى لفترات أخرى فى الوضوء
وعند الاستيقاظ
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[نرجسية]

و عليكم السلام و رحمة الله و بركاته

مرحباً أبو رقية

على فكرة أنا تخصص صيدلة



بالنسبة لحالتك أعتقد أنها محتاجة لطبيب أسنان لعلاجها

فبالنسبة لنزيف اللثة له عدة أسباب

- اما نقص فيتامين c
و لذلك حضرتك محتاج تناول فيتامين c

Rutin C كبسولة 3 مرات فى اليوم
و دى وظيفتها تقوية الشعيرات الدموية لمنع النزيف

- أو عدوى بكتيرية نتيجة عدم الانتظام فى تنظيف الأسنان و تراكم فضلات الأكل
و ده يسبب التهابات فى اللثة و هى السبب فى نزيف الدم أثناء النوم أو فى الوضوء أو عند غسل الأسنان بالفرشاة على فترات متباعدة

حلها حضرتك حتروح لطبيب أسنان و تطلب منه تنظيف للأسنان و ازالة الجير
و حشو الضروس التى تحتاج الى حشو

و بعدها هو نفسه حيكتب لك على غسول مطهر للفم عبارة عن مضمضة

Tantum الأخضر ده كويس قوى
تستعمله مرتين أو تلاتة فى اليوم
و ياريت بعد كدة تنتظم فى غسيل الأسنان
و كل سنة حتعمل زيارة لطبيب الأسنان عشان ينظف لك الجير

ملاحظة كمان بلاش استخدام العنف فى استخدام فرشاة الأسنان
لأن طريقة الاستعمال الخاطئة قد تجرح اللثة و تؤدى الى نزيف

تمنياتى بدوام الصحة و العافية