موضوع حساس والكل بيخافوا منه بس المهم الان لازم نتناقش فيه دعوة لكل مصري بالدخول

[eng_haytham]

اختى امل
شكرا جدا على الموضوع الصريح والجميل ده
بصراحة انتى كان رأيك صائب
احنا عايشين فى بلد اللى يبقى كويس فيها يتهموه ان هو ارهابى وغرده قلب نظام الحكم ده زى الاخوان وغيرهم من الجماعات الاسلاميه الى بتمشى على نظام السنة المحمدية الصحيحة
وعلى الوجه الاخر تلاقى ان اللى يمشى معووج ويبقى فاسد دلوقتى بيسموه ان غرضه الارتقاء بالبلد زى ما تلاقى ناس بتبيع حشيش فى بعض الاماكن ومع علم الحكومة برده سيباهم
بصراحة انا مش عارف السبب فى ده ايه
هل العيب مننا احنا ولا من النظام الظالم .
وتانى بقولك شكر جدا على الموضوع الجميل ده

[أمل الحياة]

العفو يا اخي هيثم شوف السبب الرئيسي احنا مش الحكومة لان احنا الي سبناها تلعب بينا من غير رقيب عليها احنا لو كنا بنحاسب الحكومة مكنتشي اتحكمت فينا

[أمل الحياة]

وشكرا على مرورك

[شاعــ الليل ــر]

السلام عليكم ورحمة الله وبركاته

في البداية أود أن اشكر كل من ساهم وحاول أن يخرج كل ما بجعبته من افكار تجاه تلك القضية الشائكة
وأخص بالشكر هنا أختي أمل الحياة صاحبة الطرح في هذا الموضوع
ظننت كثيرا أن لن أجد من جيلنا الحالي من يهتم بمثل هذه قضايا ( رغم أهميتها )



تابعت جميع الردود بإسهاب شديد
ووقفت كثيرا عند كلمات مستكة التي حاولت أن تجتاز تيهات الموضوع بقليل من الشرح والتفصيل



لكني وللأسف الشديد لم أجد من تعرض للتعريف بالأخوان المسلمين والوقوف علي الخلفية التاريخية لتأسيسهم ولا حتي تتبع خطوات أعمالهم منذ قيامهم حتي اليوم
ووجدت من يتسائل عن برنامجهم السياسي وطبيعة أهدافهم ولم أجد من يجيب
( وأعتقد أن ليس كثيراً من يعرف برنامج الأخوان السياسي )


وأني وبكل تواضع قد أقمت بعض الأبحاث عن هذا الأمر
أرجو أن يتسع صدركم لي كي أقدم نبذات مهمة من تاريخهم وبرنامجهم وطريقة عملهم


ولي بينكم عودة

مع خالص التحيات والشكر

[أمل الحياة]

اهلا يا شاعر والله منور ومنتظرين ردك وشكرا على الاثناء الكبير الي انا لا استحقه الشكر كله يعود لكل من شارك بالموضوع


ونحن في انتظار عودتك

[hazzom]

امل على فكره مصر مبقتش دوله اسلاميه مصر خلاص بقت دوله علمانيه ( اخوان مسلمين مش اخوان مسلمين اى شخص يتكلم عن الدين خلاص بقى ارهابى هى ديه الفكره مش اكتر )

[بوسي احمد]

ازيك يا امل الحياة

اولا
انا مش شايفة اي خووووووووووووووف خاااااااااالص

عادي جدا ايه المشكلة في اللي بتقوليه

انا لسه واخده بالي من موضوعك انا مش بقالي كتير في المنتدى

ولو اعرف من ساعت ما كتبتيه كنت رديت

عموما كلامك جدا صح

احنا كل كاشعب

عارفين ان الحكومة حكومة بايظة مرتشيه حراميه ونصابين كلهم

قليل قوي الكويس

بس حبيبتي الاخوان المسلمين اللي اهم حاجة عندهم الحكم بما شرع الله والكلام ده

كان زماااااااااااااااااااااااااااااااااااااااااااااااا اااااااااان


دلوقتي هما زيهم زي الحكومة نصابين بيشوفوا مصلحتهم من تحت لتحت وفي الظاهر

عاملين فيها شيوخ وعلماء وووووووووووووو

الاخوان المسلمين الحقيقيين ماتوا من زمان

دلوقتي اي حزب اي جماعه هدفه الرئيسي مصلحته هو واللي معاه

وبعدين الاخوان دول فيهم سلبيات كتير اكتر من ايجابيتهم

البلد باااااااااااااااااااظت ومهما اشتكينا و صرخنا محدش هيسمعنا

احنا بايدنا كشعب نعمل حاجات كتير

بس طول ما احنا خايفين يبقه العوض على ربنا

وكمان عمر المزهرات ما كانت حل قوليلي ايه اللي بنستفيده غير اننا بنأذي نفسنا ونكسر الدنيا

واملاك الناس وخلاص احنا حتى الزهرات مش بنعرف نقودها صح بنحسب اننا نفضل نضرب ونزاحم ونخلي البلد فوضى اكتر ما هي كده

يعني يا بنتي احنا محتاجين قوة جبارة قوة ربنا سبحانه وتعالى
تيجي تاخد الحكومة العشوائية دي وكل الناس العشوائية والنصابين والحرامية

وترميهم في نار جهنم

لا الحكومة ولا الاحزاب ولا اخوان فيهم حد عدل

كلهم حراميه ونصابين عمالين يفسدوا في بلدنا في ارضنا

بس مين بيحاسبهم حسابهم عند ربنا هو اكبر من اي شيء واعلى من اي صوت سبحانه وتعالى

[Tears in Smile]

الاخت العزيزة أمل الحياة ،
مشاركة جميلة جدا و فعالة جدا
الاول قبل ماعلق على الموضوع ليا تعليق على رد بوسي أحمد بحديث بسيط ( الخير في و أمتي الى قيام الساعة ) الله اعلم انا مش متذكر نص الحديث الصحيح و لكن دة معناه
نظرية التعميم بان الفساد فى الحكومة بالكامل غلط و نظرية التعميم بأن هدف الأخوان كله هو السلطة برضة دة غلط
نتكلم بمنطقية أكثر دلواتى عن ليه مصر بتحارب شعار الإسلام هو الحل
مصر حالها كحال تركيا بالظبط (عاملة زي اللى رقصوا على السلم لا اللى فوق شافوهم و لا اللى تحت سمعوهم ) و اسف لاستخدامى التعير دة لكنه مثل مصري معروف

مصر حاولت انها تتجه للعلمانية و دولة المؤسسات و لكنها فشلت لأن المرجعية الطبيعية للشعب المصري هى مرجعية دينية سواء مسلم أو مسيحي بدليل أقوي ان اى اقدام على عمل اى حاجة بنرجع نقول حلال و للا حرام يبقى المرجعية دينية
ان كانت مصر دولة تحترم الاسلام من أصلة فكانت ابسط مثال طبقت أبسط أبسط قواعد الدين و هى الشوري ( ماقصدش مجلس الشوري الحالي لأنة مجلس ترزية )
طبعا الحاجة اللى مسببة خلاف الحكومة و الإخوان المسلمين أن الاخوان المسلمين دايما معترضين و متعارضين مع الحكومة مافيش ولا مرة واحدة بس الاخوان المسلمين وقفت مع الحكومة فى موقف واحد و دايما استخدام اسلوب التشهير بالحكومة و كلنا عارفين ان ( النصيحة على الملأ فضيحة )

مصر دولة فيها اختلاط فى الاديان و حكومتها بتحاول تبني مؤسسات و بقوانين مختلقة فاشلة أثرت سلبا بالكامل على الشعب اللى بيها بتحاول انها تسيطر على الموقف تمسك العصاية من النص يعنى و الاخوان بيقولوا الدستور هو الاسلام و كتاب الله و الاقباط قالوا شريعة المسلمين تطبق على المسلمين بس احنا لينا شريعتنا

بكل بساطة نيجي نتفرج على الاحكام فى كل الديانات هنلاقيها متقاربة جدا و مافيش أى ديانة تنكر العقوبة بل بالعكس لو نظرنا فى الديانة اليهودية فى كتاب العهد القديم فى الاسفار الاولي هنلاقى ان عقوبة السارق القتل في حالات معينة

الاخوان المسلمين فعلا دلواتى مش كلهم كويسين و مش كلهم وحشين لو بصينا على الأب الروحي و قائد الجماعة مهدي عاكف لوجدناه داهيه فى المراوغة بالالفاظ مقابل ليه فى الحزب الوطني البيروقراطي (اللا سيد ) صفوت الغير شريف لكن تفوق الحزب الوطني الحاكم حرب الكلام اللى بتحصل بينهم دى بيرجع لتلات حاجات
سيطرة الحزب الوطني على الاعلام فى مصر و بعض القنوات الخاصة الفضائية سيطرة كاملة
سيطرة الحزب الوطني على اتخاذ القرارات المصيرية
سيطرة الحزب على كافة النشاطات الحيوية فى مصر و خاصة نشاط الاتصالات (كلنا اعتقد فاهمين)

نتج عن السيطرة دى ان الحكومة قدرت تستخلص من الاخوان المسلمين فئة سيئة جدا ظهرتها للناس
و طبعا زي ما قولت قبل كدة فى موضوع ان مشاكل الاقباط فى مصر اللى وراها بالكامل الداخلية و المخابرات و في الغالب بعلم المرجعية الدينية فى مصر لكن اللى بيحصل ان الاعلام بتاعنا بيطلع ان اسباب المشاكل بترجع دايما لمتطرف ديني ينتمي لجماعة محظورة


ابسط ما فيها ان كانت جماعة الاخوان المسلمين جماعة محظورة فعلى الحكومة حلها و انهاء الشعار بالكامل لكن الاخوان المسلمين بالنسبة للحكومة فى الوقت الحالى ملح الاكل بالظبط
لما يزيد الاكل يكون طعمة وحش و بالتالى يترمي فى ال (...........) نخليها يترمي للقطط احسن
و لما يقل الاكل يبقى ناقصه حاجة مهمة أوي ندور عليها فين و نزودها
و للأسف الحكومة دايما أكلها زيادة شوية ملح علشان كدة الملح بيترمي مع الاكل فى (.......) قولنا للقطط بس فى المعتقلات
دى حاجة فى البداية و كلامي مش مترتب معلش لأنى فى الشغل و البريك هايخلص القاكم بعد الفاصل أصدي بعد الشغل و موضوع جميل يا أمل و اشوفكم على خير جميعا

[أمل الحياة]

بجد بشكركم كلكم على رددكم ولي رجعه للنقاش

[thekiller_101]

شكرا امل على الموضوع
فى ردود كتيرة اوى وطويلة مليش حظ انى اقراها
اولا انا ولا مع النظام ولا مع الاخوان
لان دة فى فساد ودة فيه فساد
واخطر حاجة فى الاخوان انك متعرفش تفكيرهم
والى بيعملوه النهاردة بينفوه بكرة
اما بالنسبة للمعارضة فى مصر فهى بصراحة مالهاش لازمة وقلتها احسن
لانها ضعيفة وهشة
يعنى من الاخر كدة انا شايف ان مر بتمر بمنحدر خطر جدا
البلد بتباع حتة حتة
بكرة مش هنلاقى حتة نمشى فيها وهيبيعوا الشوارع
وهيبيعوا البنى ادمين كمان
واله حرتم
معلش خرجت عن الموضوع الاساسى الى هو الاخوان بس الخصخصة موضوع خطير ولازم نناقشة
وانا راى الى مقتنع بيه ان الاخوان مينفعوش
ومش معنى انهم قالوا الاسلام هو الحل يبقى هما صح وحلوين
لا
ممكن انا اطلع اقول نفس الكلام
وانتوا مش هتعرفوا مين الصادق فينا
يعنى من الاخر كدة انا مش عارف هما عاوزين الحكم ولا عاوزين الاصلاح والا عاوزين اية
مرة مسئول من الاخوان طلع فى برنامج قال احنا مش عاوزين الحكم
وواحد تانى طلع فى حتة تانية قال احنا عاوزين الحكم
وحاجات كتيرة متناقضة مش مفهومة
النظام وحش والاخوان وحشة والمعارضة وحشة
ههههههههههههههههههههههههههههههه
انا طلعت كله زفت والمشكلة مين الصح؟
معلش طولت عليكوا ودخلت المواضيع فى بعضها

[أمل الحياة]

شكرا جميعا بصي يا بوسي كلامك صح بس انا كان طرحي للموضوع لاتوصل الى حل انه ليه الاعتراض على حكم الدين دنا الاسلام بصوا انا عندي سؤال ليه احنا بنعمل حساب للمسحيين وهم مبيعملوش لنا حساب ولا اي ديانه تنية يعني اقصد ولا اي شعب تاني غير مسلم بيعمل لدينا اهمية زي ما احنا بنعمل لهم

[hend]

من كثرة ما صورت الافلام و المسلسلات الاخوان المسلمون على كونهم ارهابيون ,اقتنع الاخوة المسيحيون بانهم كذلك وبالفعل فى داخل الكنائس الان توجه بقبول جمال مبارك كرئيس للجمهوريه حيث يفضلونها علمانيه بدلا من ارهابيه
لديهم تخوف من كون مصر ستصبح مقبرة لهم
واذكر انى قد قرات لاحد الكتاب المسيحيين المشهوريين فى مصر راى منذ حوالى العام قال فيه"لو وصل طيور الظلام اللى السلطه فسوف اعد حقيبتى واهاجر"
يومها كنت فى غاية الضيق منه
واعتبرته يكره الحكم الاسلامى
الدوله تعادى هذه الجماعه وتطلق عليها الجماعه المحظورة وتقوم بالقبض على قادتها وعرضها على محاكم عسكريه على الرغم من كونهم غير عسكريين
خوف السلطه منهم مفهوم وخوف المسيحيين ايضا مفهوم
ولكن السؤال ما دورنا نحن فى كل ذلك ؟؟؟؟
نحن نتعاطف معهم ذلك ما صرحت به اخر التقارير الامريكيه انه كلما تمادى النظام ضدهم كلما زاد تعاطفنا
وفعلا هناك مثل يقول عدو عدوى صديقى " واليوم الاخوان هى اعداء السلطه اذن هى منقذى "
هناك من يقول فى الاخوان انهم بعيدون الى حد ما من تطبيق السنه و انهم ....وانهم .......
اكيد كل من سيظهر لديه عيوب ولكن اى العيوب يمكن تحملها وايها لا يمكن
والسؤال الذى يطرح نفسه هنا
هل الاخوان افضل ام اسوء من النظام الحالى ؟
هل نرى فى الاخوان بارقة امل نحو مستقبل افضل ؟
هل اذا تعرضنا الى اختبار حقيقى الى انتخاب فمن سننتخب ؟
هل وهل وهل ؟؟؟؟
اما السؤال المطروح الى الاخوان
كيف ترون مستقبل مصر ؟
كيف سيكون دوركم نحو الاخوة المسيحيين واى الضمانات ممكن اعطاؤها لهم ؟
نريد تعريف بالاجندة السياسه لهم
اعتقد ان ذلك حق مطلوب

[حــــسام]

أختى امل الحياة واخوانى الأعضاء أنا ملاحظ أن المنتدى كله بيكره النظام والحكومة ومش معنى كده أن انا مع النظام والحزب الوطنى وعلى فكرة انا مش مع الاخوان المتشددين لأن العملية كلها مصالح والرسول عليه الصلاة والسلام قال خير الأمور الوسط والوسط مش تشدد الاخوان ولا نيسيبها ع البحرى بمعنى أصح ان البلد زى ما فيها ناس وحشه فيها ناس كويسه وعلى فكرة مصر بلد غنية بثرواتها ولكن للأسف كل ده بيتسرق ولو اللى بيسرقوها لو يسيبوا شوية من اللى بيسرقوه البلد هتبقى كويسه بس برضه البلد فيها حاجات كويسه ولو طلعتى بره مصر هتعرفى ان شعب مصر انظف شعب واجدع ناس حــــسام

[السادات]

شكراااااااااااااااا على الموضوع الجميل ياانسة

[بوسي احمد]

معلشي انا ليا تعليق على كلامك يا حسام

احنا سمعتنا بره مصر زي الزفت

انا واحدة من اللي عايشين خارج مصر

احنا مش اجدع ناس خالص

وكلامي ده انا بقوله وعن ثقة شديدة

اما بالنسبه

للتعليق اللي اتوجهلي

فانا بقول ان نظام الحكم فاسد بالكلية

والحكومة دون استثناء حكومة فاسدة

والاخوان دول من بره ها الله هالله ومن جوه يعلم الله

وبقولها للمرة المليون مش شرط عشان مصر تتحكم تحت شريعة اسلامية يبقه ده على يد الاخوان

مصر ممكن تتحكم بالشريعة الاسلامية على يد اي مواطن يستحق يكون رئيس

مش لازم تكون جماعة اخوان يعني

ومش عشان حسن البنا كانت اهدافه سامية يبقه اللي بعده كلهم زيه

مع احترامي للجميع

انا مش عايزة اكون ضايقت حد برأيي