موضوع حساس والكل بيخافوا منه بس المهم الان لازم نتناقش فيه دعوة لكل مصري بالدخول

[أمل الحياة]

اولا انا عرفة ان الموضوع حساس وعرفة ان الكتييير بيخافوا من هذه السيرة لكن انا عوزة افهم انا دائما اسمع عن جماعة الاخوان وقرأت عنهم و شعرهم الي انا عرفته انه (( الاسلام هو الحل )) صح لكن ليه بنخاف نقول كلمة الحق هو مش الحق معاهم اكيد لانهم بيكلموا بالاسلام وبيعملوا بسنة الرسول بس ارجوا انكم متفهموش كلامي اني متشددة لا بالعكس انا بحب اقول رأي بصراحة من غير خوف ممكن انتم كمان تكلموا من غير خوف بس ياريت مش عوزة اشوف انه الي قرأ اكثر من الرد خلينا نكمل موضوعنا ، بس كل الي عرفته بيبين انهم جماعة كويسة همها الكبير حماية دنها والنهوض بمصر لكن ليه بقى الحكومة بتاعتنا بتهجمهم ليه ليه كل ما واحد يجي يقول ان الاسلام دستورنا نهجمه ونبهدله لعلمكوا احنا صحيح مش منهم بس كل واحد مسلم صح بيفكر بفكرهم يعني ده الي انا وصلت له بتفكيري بجد الحكومة بتاعت بلدنا هي الي سرقه البلد وارجوا ان الموضوع ميتحذفشي لانه هام ولازم احنا المصرين نعرف رأي بعض وكمان ليه في مصر ايام الانتخابات كانوا بيزورا علشان ينجحوا الحزب الحاكم يا جماعة انا مش عيشة في مصر لكن ده الي بيتنشر في الجرائد عندنا والاخبار وكل الكلام الي انا بقوله ممكن تتأكده منه من اي جريدة بس مش مصرية عربية لان لو جريدة مصرية كتبت الكلام ده تتقفل على طول وياويله وسواد ليله الي يكتب الموضوع ده يروح في دهيه ومحدش يعرف عنه اي حاجة بعد كده الي انا عرفاه قولته ياريت لو كان كلمه واحده من الي انا قولتها خطأ ياريت تصححوا تفكيري وانا مش بهاجم اي حد في اي حزب بس انا بقول رأي كمواطنه مصرية بتحب بلادها وكمان في كلمه واحده ليه لو واحد جاء يقول ان الاسلام هو الحل لتنهض البلاد يكون ارهابي هي دي الحقيقة هو ده الي بيحصل وكل منقبه في مصر لو حصل اي حاجة دائما يتهموها بالارهاب انا عوزة اعرف ليه كل ده هو ده دين البلد انا الي اعرفه ان مصر بلد الاسلام بس الي بيحصل بيقول غير كده ممكن اعرف الصح بعد اذنكم بس ياريت الي يقرأ يقول والله العظيم ارد يبكل صراحة وبجد انا هكون مشكورة لكم لو رديتم من غير خوف والله احنا مش عندنا في المنتدى امن الدوله اه على سيرت امن الدوله كل يوم تجر 5 او 6 وتقول عليهم ارهاب وبيكون مساكين لا حول لهم ولا قوة غير انهم مصرين ياجماعة بناشدكم بحكم الانسانية ده يرضيكم لو يرضيكم قولوا بس ياريت بكل صراحة

[أمل الحياة]

شوفوا ممكن رد بكل شجاعة ورجولة لو مصري او مصرية وخايف على بلدك ارجوك ناقشني في الموضوع ها نتنافش البلد بلادنا نحن مش هم صح يعني احنا الي عرفين مصلحتها اكتر منهم اوكي يعني متفقين لكن ليه اذا بننتخبهم ليه منعملشي لنا مجموعة نكون واثقين فيهم وننتخبهم اي حد بس مش الحكومة الحالية ارجوكوا ردوا بكل صراحة ومن غير خوف

[أمل الحياة]

رجعنا وحصل الي كنت خايفه منه انكم تدخلوا تقرأوا وتمشوا من غير مناقشة شكرا لكم

[sayed4ever]

بصراحه انا مش عارف ارد اقول ايه
لان يوجد فى البلد فساد وضمار وانا عارف كده كويس لطبيعة شغلى
لانى شغال فى شركةسياحه وبشوف الانحراف والحكومه تغطى عليهم
والله بشوف انا حجات من الحكومه ما تتشاف فى اكتر من انهم يمنعوا الناس ان تشوف بلده بسى ياختى الموضوع ده كبير والمهم انا الرئس طبعا عارف كده وده كمان مش بمزاجه ده امر عليه من امريكا طبعا كلنا عرفين حرب العراق والخدمه الى مصر قدمتها لامريكا بسى حجات كتير
وفى الاخر يقول ان دين الاسلام دين الارهاب
حسبيى الله ونعم الوكيل

[أمل الحياة]

بص يا اخي سيد طبعا امريكا اس الفساد الي بيحصل لكن انا اقصد الان مادام في ايدنا ان احنا ننتخب حد امريكا بتخاف منه وبتعمله حساب ليه مننتخبهوش صح ، الي انا جمعته عن الجماعه دي انها دائما فيه اعتقالات منها كتير جدا وده طبعا بأمر من امريكا صح وكمان الامام حسن البنا مؤسس الجماعة الاول مات شهيد وهم الي قتله بص انا قرأت كتير قبل ما افتح الموضوع علشان اكون جاهزة للنقاش فيعني ليه كده مهم منا لو واحد شايف نفسه بيفكر صح يعني تفكيره بادين وبيمشي على اسس دينه يبقى هو منهم لانهم بيرفعوا رايت الاسلام وو سنة الرسول بص صراحة انا اعجبت بطريقة تفكرهم وقواعدهم يعني انا لو كان ينفع انتخب كنت انتخبتهم لانهم بجد يستهلوا ان الواحد يقف معاهم ص او انا غلطانه ولو كان على الفساد بس كان كويس بس الان اصلا حسني مبارك مش هو الي ماسك الحكم ده بس مظهر بس الحقيقة الي انا عرفتها من الاخبار انه ابنه هو الي ماسك كل حاجة يعني لو اي حاجة حصلت اكيد هيرجعها الناس عليه لكن انا مبحبش الظلم لانه هو الان مريض ربنا يشفيه والابنه الان سبب كل المصايب يعني انا سمعت انه ايام الانتخابات كانوا بيحبسوا ناس علشان مبنتخبوش الحزب الحاكم وبينتخبوا اي حزب اخر صراحة انا حزينة على مصر والي فيها وشكرا اخي سيد على المشاركة الطيبة منك صراح شجاعة منك انك تشارك يا جماعة بلاش خوف وشاركونا في الحوار متخفوش مفيش هنا اي بوليس او امن دولة يعني اكلموا برحتكم تقبلوا مشار كتي بموضوعي سلام

[sayed4ever]

بسى ممكن تكون انتى عايشه خارج مصر يعنى مش شايفه الى بيحصل
والله بيحصل حجات ماتتصورى فى قمة المهذله
انتى عارفه لو عرفوا ان فى حد بيشاور عقله على انه ينتخب حد من الاخوان
بسى اقراب حاجه فى الانتخابات الى فاتت جمعوا الناس فى مساجد كبيره ولم يخرجهم
منها وكمان من كرم الحكومه جابو لكل واحد وجبه ولما خلص معاد الانتخبات خرجوهم
فى مهازل بتحصل والله الى انتى تعرفيه شى بسيط جدااااااااااااااااااااااااا
تتخيلى بعد كلامى همه بيعملوا ايه

[أمل الحياة]

والله اول مرة اسمع بحكاية المسجد بس انا اصلا مبستبعدشي اي حاجة ن الحكومة بتاعتنا بالمرة وكمان حكاية انه لو عرفوا انه واحد بيشاور نفسه دي بص هم اصلا زوروا في الانتخابات لان اصلا كان ثلاثة ارباع مصر مصوته للاخوان بس تعمل ايه الحزب الحاكم ، وكمان عوزة انبه انه في اكيد ناس لما يقرؤا الموضوع هيقولوا انتم ليه ضد الحزب الحاكم واللهده حرب كويس مش كفايه ان الي بينتخبهم بيكون محترم نفسه من البهدله معنى كده انهم لو منتخبوش الحزب الحاكم هيروحوا في دهيه على اساس الي سمعته مادام الحكاية كده ليه عملن الانتخابات من اساسه مدام كده و كده هو الحزب ده الي بينجح لازم ياجماعة يكون لنا رأي يعني تعرفوا لو مكنوش عرفين ان الخوان هم الصح مكنوش هجموهم ولا كانت امريكا بتقول عليهم انهم ارهاب بص احنا لو اكلمانا عنهم لبكرة مش هنعرف نخلص هم عوزين كتاب كبيييير يكتب كل المصايب الي بيعملوها فينا ويرجعوا يقولوا اليه المصريين هم اكتر ناس وخذين حقهم والله نكته هم مش شيفين الي احنا بنشوفه بسبب الغربه وبعدين عن اهلنا في مصر لكن مهما يعملوا مصر هتفضل بلدي وهفديها بروحي ودمي

[مستكة]

اهلا بيكي يا امل

موضوعك مهم بس كبير اوي ومتشعب

ويا ستي محدش خايف ولا حاجه هو كل ما في الامر ادي فرصه للناس تقرا كمان معظمهم بيتواجدوا بليل اكتر

وعلي فكره مين قال مفيش مراقبه امنيه علي النت

فيه مراقبه امنيه وعملولها جهاز خاص كمان من بعد انتشار المدونات وتاثيرها علي الراي العام انتي مسمعتيش علي الناس اللي اتقبض عليهم بسبب كتاباتهم علي النت ولا ايه

بس احنا هنعبر علي راينا ونتكلم وربنا يستر واذا حصل حاجه متبئيش تنسينا في العيش والحلاوة بئه الله يكرمك

نرجع لموضوعنا .......

اسمع عن جماعة الاخوان وقرأت عنهم و شعرهم الي انا عرفته انه (( الاسلام هو الحل )) صح لكن ليه بنخاف نقول كلمة الحق

بالفعل شعار جماعه الاخوان هو ده واللي بيعني انه اتباع الاسلام او الشريعه تحديدا في امورنا كلها هو الحل لكل المشاكل اللي بنعاني منها سواء علي المستوي السياسي او الاجتماعي او الاقتصادي , يعني علي كافة المستويات ..

اما بنخاف من كلمة الحق دي عايزه كلام كتير ..
لو دققتي فعلا هتلاقي الشعب نفسه منقسم بين :

- ناس فاهمه كويس وعارفه ايه فكر الاخوان ومتعاطفه معاهم بس لا تحبذ تطبيق هذا الفكر او انه يمسك مقاليد الامور فعلا لاعتبارات معينه ( لكن عن وعي وفهم )

- وناس تانيه ممكن نقول اللي هما غير المثقفين اللي سهل التاثير عليهم بواسطة الاعلام واللي نجح فعلا في ترسيخ فكره معينه ومحدده عن الاخوان وهي انهم ارهابيين ومتشددين ولو تمكنوا واخدوا فرصتهم يبئي مصر هتتحول لافغانستان تانيه .

لدرجة ان فيه ناس لا تعرف الفرق بين الاتجاهات الفكريه المختلفه وتخلط بين الاخواني والسلفي والدعوة والتكفير اي كل ما ياخذ الطابع الاسلامي فكله عندهم واحد دون معرفة الطالح من الصالح .

- وناس تالته مختلفه تماما مع الفكر الاخواني لانه ياخذ الطابع الاسلامي ومنهم من يري انه عشان نحكم صح لازم نبعد عن الدين ودي الناس صاحبة الافكار الليبراليه وغيرها


لكن عموما هنلاقي الاخوان يتمتعوا بقاعده عريضه من الشعبيه عن اي حزب او اتجاه فكري اخر وده لعدة اسباب منها :

- انها تاخذ الطابع الديني واحنا شعب يأثره الدين حتي ولو ابتعد عنه فاي شيء ياخذ شكل ديني يجد صداه لدينا

- ان الاخوان قريبين للشعب ووصلوا لهم عن اي حد غيرهم كما انهم يشعروا بمشاكلهم وبيحالوا المساعده فعلا وبيقدموا خدمات للناس وده سبب اخر للشعبيه اللي بيتمتعوا بيها

- ان الاخوان تتعرض للهجوم الشديد من الحكومه اعتقالات وتوقيفات ومحاربه دائما من الحكومه وده خلق نوع من التعاطف معاهم من الشعب ضد الحكومه حتي لو الناس مش فاهمه يعني ايه اخوان اصلا ولا ايه هدفهم مجرد انهم ينفثوا غضبهم من الحكومه . ممكن نقول كل ما يعكر صفو الحكومه هما معه بصرف النظر ( وده تفكير البعض فعلا ) كنوع من التشفي .

لكن فيه ناس تانيه تقولك يعني الاخوان دول اعتقلوا وصودرت اموالهم وبيتعذبوا فعلا واكتر ناس متبهدله في البلد كل ده ليه مش عشنا وعشان عايزين يعلوا كلمة حق ويحاربوا الفساد !!

دي تقريبا اراء الناس اللي حاولت ارصدها منهم عن الاخوان او اللي قدرت استنتجه خلال الفتره اللي فاتت قد تكون علي صواب وقد تحتمل الخطا فهي نظره شخصيه .

نرجع للتعقيب عل كلامك ...

لان لو جريدة مصرية كتبت الكلام ده تتقفل على طول وياويله وسواد ليله الي يكتب الموضوع ده يروح في دهيه ومحدش يعرف عنه اي حاجة بعد كده

لا اطمني يعني برضه مصر افضل من غيرها وهتلاقي الصحف اللي بتتكلم بجراه في المواضيع دي زي الدستور والمصري اليوم والاسبوع دا غير انه فيه صحفين برضوا بيتناولوا المواضيع دي بجراهخ اتقبض عليهم صحيح بس خرجوا وكملوا ومبطلوش .. الحمد لله عندنا هامش حريه لازم نعترف بيه مهما كان

ليه لو واحد جاء يقول ان الاسلام هو الحل لتنهض البلاد يكون ارهابي هي دي الحقيقة هو ده الي بيحصل وكل منقبه في مصر لو حصل اي حاجة دائما يتهموها بالارهاب

دي بئه تحديدا سياسه من زمااااااان متبعه وللاسف مظهرتش بالشكل الظاهر اوي ده الا بعد احداث 11 سبتمبر ..

احنا كعرب نمنا في الدره ومعرفناش نعرف العالم يعني ايه مسلم ويعني ايه عربي وغيرنا استغل النقطة دي في اظهار الصوره السلبيه دي عنا وتكبيرها وبروزتها وافلطتها وكل حاجه

لحد ما فجاه لقينا الدره اتشال وكل الاضواء مسلطة علينا والعالم كله بيتفرج علينا وبيقول الارهابيين اهم في حين هما الارهابين مش احنا احنا المقتولين بنيران الارهاب مش هما

لكن في الاول والاخر العيب فينا اننا مئدرناش نصور نفسنا صح اودامهم .. اذا كنا مئدرناش نصور نفسنا صح اودام نفسنا اصلا , يعني اما الاعلام بتاعنا كل يوم يعمل فيلم ولا تمثيليه ويجيب فيها ان الشخص الملتحي اللي لابس جلباب ده انسان غبي في التعامل منافق يظهر بمظهر التقوي في حين انه بعيدا عن العيون قد يكون زاني او سارق او قاتل زي في افلام ( الارهابي والعائله ودم الغزال وغيرهم كتير جدا ) في حين الحرامي او الرقاصه تطلع في الاخر هي حامي الحمي واللي تعرف ربنا لان ربنا اصلا رب قلوب بس هي الظروف اللي دفعتها لكده يا سبحان الله

وللاسف اغلبية الناس بتكون ثقافتها من اجهزة الاعلام دي منتظره ايه بئه غير كده

دا كده لازم يكون الملتحي والمنقبه ارهابيين ... لاحول ولا قوة الا بالله العلي العظيم

وعلي فكره مش الاخوان بس اللي بيجدوا مضايقات في الموضوع ده لا والاخوة السلفيين ايضا (وان كنت اكره تصنيف الناس لاخوان وسلف كلنا مسلمين المفروض نؤمن بشريعه واحده وفكر واحد )

ليه اذا بننتخبهم ليه منعملشي لنا مجموعة نكون واثقين فيهم وننتخبهم اي حد بس مش الحكومة الحالية ارجوكوا ردوا بكل صراحة ومن غير خوف

يا اختي الكريمه مش مسالة خوف بدليل ان الناس الان خلاص انفجرت من الكبت بئت تطلع مظاهرات وتعبر عن رايها عن الاول المشكله مش خوف خالص دلوئتي المشكله بئت قهر

اه قهر الحكومه ... اما الحكومه تقول انتخابات نزيهه وتعين قضاه مخصوص وتعمل صناديق زجاجيه لضمان نزاهه الانتخابات وبعدين تمنع اصلا الناخبين من الدخول للجان للادلاء باصواتهم يبئي ده اسمه قهر .

اما بعد تعبية الصناديق تترمي في الترع وتروح اللجان الرئيسيه صناديق تانيه خالص يبئي ده اسمه قهر .

لما قبل الانتخابات بيوم تنزل قوات من الاقسام وتقبض علي اكبر عدد ممكن من الاخوان وتعتقلهم بدون اي سبب عشان مينتخبوش المرشح الاخواني ومينجحش يبئي ده اسمه قهر .

لما يقولوا حريه وديموقراطيه وانتخابات رئاسيه ويقبضوا علي ايمن نور ويبهدلوه لانه له شعبيه كبيره يبئ ده اسمه قهر .

دي حاجات علي سبيل المثال لا الحصر لانه للاسف لامكن حصر القهر عندنا

حد امريكا بتخاف منه وبتعمله حساب ليه مننتخبهوش صح

هو عندنا الحد ده في الوطن العربي اصلا !!


بصي يا امل الخلاصه اللي انا استنتجتها لعداء الحكومة للاخوان ....

شوفي هي الحكومه هتكون علي عداء لاي شخص او اجاه اوفكر يهدد وجودها او كيانها ( وانا هنا لااقصد الحكومة المصريه كهيئه انما اقصدها كافراد بعينهم ) يعني يهدد كراسي

سواء الحد ده بئه اخوان ولا غد ولا كفايه

لكن الموضوع متأزم اكتر بالنسبه للاخوان لانهم عندهم هيكل تنظيمي قوي جدا عجزت الحكومه كثيرا علي اختراقه .. ودي اكتر ما يعجبني في الاخوان انهم اد ايه متماسكين ومترابطين وعندهم فكر منظم وقوي ( انا بكلم عموما بئه بصرف النظر عن الافكار او الاهداف او المباديء )

صدقوني لو كل الناس اتعاملت بالترابط ده هننجح جدا وهنكون حاجه تانيه خالص


في حين الحركات الاخري انقسمت علي نفسها اصلا زي الغد والوفد والمشاكل اللي كانت كافيه علي القضاء عليهم اصلا



انا اتكلمت كتير اوي

وقلت كلام ربنا يستر

يلا يا امل وصية العيال

[أمل الحياة]

ولا يهمك احنا بنقول الحق شوفي لو حصلنا حاجة هوصي ماما بلبلة على العيال والبيت كمان وياريت ياماما متنسيش العيش والحلاوة ، شوفي يا احلى مستكة كلامك صح هم انا بقول انه الاخوان ليه بالتحديد الا انا اكلمت عنه وجمعت عنهم معلومات كتيييرة علشان هم اخوان في الله وده شعرهم ايضا الاخوة في الله بجد انا عجباني شعرتهم اوي اخوة ودين احنا عوزين ايه اكتر من كده علشان ننتخبهم يعني والله لو كان ينفع انتخب كنت انتخبت واحد منهم ، بالنسبة لقوتهم اكيد هم اقوياء هم ان لم يكونوا اقوياء مكنتشي امريكا والحكومة حربتهم من اساسه مفيه كذا حزب غيرهم لكن علشان هم رفعوا رايت الاسلام ربنا حميهم ويارب دائما نجد من يرفع رايت دينا
وبالنسبة للقهر هم لما يعملوا كل ده في الشعب منتظرين منه الترحيب والحب والحنان هم اصلا بيستهبلوا اصلا ده كله من خفهم لشعب يقوم في يوم يكلهم واحد واحد وكمان خيفين لو سمعوا كلام الشعب امريكا تضربهم يعني هم مسكين في النص مش عرفين ينضموا لمين للحق وهم الشعب او للظلم وهم امريكا ومن وراءها بصي عموما احسن حاجة ان الواحد يعمل الي ضميرة بيقوله عليه يرضي ضميره وربه وينتخب الاصلح من رايه ،،،،،، شوفي يا مستكة هي العبرة انهم يرقبوا النت يرقبواه بس لو عرفوا يثبتوا ان احنا قولنا كلمه واحدة غلط يثبتوا بس اصلا انا لم اعد استبعد عنهم اي حاجة بعد الي بشوفه وبسمعه يعني واحد مسكين يطلع ينتخب الي ضميره بيقولوه عليه يعتقلوه ليه بأي حق وكمان فين منظمة حقوق الانسان من ده كله فين او هي بس اسم يعني فين مجهودها في مصر يعني الراجل المسكين زي ده يكون وراءه بيت وعيال وهو مصدر الدخل الوحيد لهم هم بالنظام ده بيزيدوا من حقد الشعب عليهم وبالنسبة للانتخابات فأكيد يا مستكة لكن يعملوا ايه الشعب المسكين المغلوب على امره لازم يطلعوا طاقتهم بأي طريقة ربنا معاهم ،،،،،،،،،،،،،،،،،،،،،،،،،،،،،، شوفي يا مستكة انت وسيد احنا رحنا في دهيه ربنا معانا وربنا يستر على المنتدى ماما بلبلة علشان خطري خلي بالك من عيال مستكة اصلهم صغيرين مسكين لا مستكة شوفي متعترفيش بسهوله ههههههههههههه غير عند اول قلم على وحهك قولي اعترفي على نفسك طبعا انا ليس لي اي دخل صح هههههههههه وانا لو حد قالي قولي الحقيقة من ريئسكم هقول مممممممممممممممم ولا يهمك انت طبعا هههههههههه شكرا يا حببتي للمناقشة الجميلة دي فرحانه اوي انك نورتي صفحتي بس يارب ماما تدخل علشان تعرف وصيتنا

[أمل الحياة]

في ايه يا جماعة الخير يا اعضاء المنتدى اناشدكم بحق عضويتكم انكم تناقشوني شويه في الموضوع مفيش غير انا واتنين كمان وطبعا يشكروا على هذه المناقشة

[أمل الحياة]

فين الباقي انا عملت الموضوع ده علشان نتناقش فيه مع بعض مش علشان كل واحد يدخل يقول كلمتين لنفسه وبعدها يطلع حتى ميكتبشي ولا كلمه

[black dalia]

السلام عليكم إخوتي في الله
بالرغم من كرهي الشديد للسياسة لأسباب شخصية إلا أنني وجدت نفسي أقرأ الموضوع لأن عنوانه دعوة لكل مصري و أنا باحب مصر بشكل مش طبيعي.
عايزة أقول لأختي أمل صاحبة الموضوع حاجة مهمة جدا قبل ما نبتدي المناقشة عمر الشعارات الرنانة ما كانت دليل على صدق صاحبها. ياما شوفنا ناس بترفع شعارات أحلى و أجمل من شعارات الإخوان لكن الحقيقة طلعت حاجة تانية خالص ما لهاش دعوة بالشكل الخارجي. أنا لا ضد الإخوان و لا معاهم على فكرة لكن عشان أقرر إذا كانوا هم و لا غيرهم أجدر بثقتي لازم أشوف برنامجهم و الحلول الي بيقدموها للمشاكل الي مجتمعنا بيعاني منها و تكون حلول معقولة و ممكن تطبيقها مش شعارات برضه. هم بيقولوا إن الإسلام هو الحل و ده شعار جميل بس فضفاض قوي يعني ايه هو الحل و حل لإيه بالظبط؟ الكلام جميل لكن بدون دليل يبقى زي قلته. الحكومة بتقول شعارات كتيرة و ما قدرتش تنفذها مع إن السلطة في ايديها. عشان أصدق شعار لازم تديني وصفة ولو مبدئية عن طريقة تفعيل الشعار ده و ما تقوليش إنك لما تبقى في السلطة حتشوف أنا حاعمل ايه. إيه الي يضمن ما تطلعش أسوأ من الي موجود دلوقتي؟
أختي الحبيبة أمل الأمور أكثر تعقيدا من الي بتتخيليه و اسأليني أنا الي حياتي كلها قضيتها في بيت كانت السياسة هي قوته اليومي و مش بابالغ لو قلت لك إن السياسة كانت سبب حرماني من أشياء أساسية ما تتعوضش.
أختي الحبيبة أتمنى ما تكونيش زعلتي من صراحتي بس ده رأيي الشخصي.
لك مني أعطر التحيات و التقدير.
أختك داليا.

[أمل الحياة]

اهلا اختي داليا كلامك معقول ولازم اوضحلك بصي علشان انا كمان مليشي اوي في السياسة فأنا هعطيكي موقع هذه الجماعة الي انا من خلاله بناقشكم في الموضوع بصي هو الكلام الاسلام هو الحل الي انا عرفته انه الحل لقيادة الدوله وبناء اسرة مسلمة هو اساس المجتمع المسلم وهذا ما قرأته شوفي الموقع هيوضح اكتر لاني انا لا اعلم شيء عنهم سوى ما قلته وما اعرفه من الموقع واذا وجتي كلمه واحد من ما قلته خطأ فيسرني انك تناقشيني في الموضوع اكتر وهذا ما اتمناه من كل قلبي اختي اكتبي في اي موقع بحث اخوان اون لاين وهو هيعطيك الموقع وبعد ما تتصفحي الموقع انا مستعده لمناقشتك من جديد
واهلا بيك اخت وصديقه اذا لم يكون عندك اختك امل الحياة

[black dalia]

السلام عليكم إخوتي في الله
أولا أحب أقولك إني كسبت أخت تانية مش صديقة بس لأني عندي أخت أصغر مني يبقى عندي دلوقتي أختين.

أختي الحبيبة أمل دخلت لموقع إخوان أون لاين و تجولت فيه ما شاء الله موقع متميز و تحليلات سياسية على أعلى درجة لكن المشكلة أنني كنت أود أن أرى أو أقرأ شيئا عن برنامج الحزب أو بعض الحلول لمشاكلنا اليومية من وجهة نظر الإخوان فلم أجد إلا شعارات فضفاضة أيضا و لست أدري إن كان هذا التعتيم مقصودا أم لا لكنني لم أجد غايتي التي ذكرتها لك في ردي السابق و هي البرنامج المقنع الذي يقدم لنا حلولا ولو مبدئية أو حتى رؤية واضحة عن نهج الحزب أو الجماعة كما يحلو للبعض تسميتها. للأسف لم أجد شيئا يذكر.
أختي الحبيبة في رأيي المتواضع أن الإسلام لا يحتاج لحزب يمثله ولا لفئة معينة تتبناه مهما كانت نواياها حسنة و إذا نظرنا لتاريخ الإخوان و كيف نشأت الفكرة على يدي الشهيد حسن البنا فسنرى بوضوح النهج الذي كان يتبعه ذلك الرجل الفذ. لقد كان رحمه الله يرى بأن نواة الدولة الإسلامية إنما تبدأ من داخل الأسرة و لذلك اهتم ببنائها و تنشئة أفرادها خاصة الشباب منهم على الأخلاق و التقاليد الإسلامية و هو سر نجاحه الباهر في اجتذاب أعداد هائلة من الناس بل أصبحت حركة الإخوان المسلمين عالمية فلا تكاد دولة شرقية كانت أو غربية إلا و تجدين بها مركزا للإخوان. لكنه رحمه الله لم يعلن قيام حزب إسلامي و لا حتى خليفته على حد علمي.
أختي الكريمة لا أظن أنني أبالغ إذا ما قلت أن دخول عالم السياسة في هذا الزمان مثل دخول عالم الفن لا يخلو من تنازلات و تناقضات لا يمكن لمسلم غيور على دينه قبولها.
أختي الحبيبة لا أخفي عنك سعادتي بهذه المناقشة الجادة التي لا نجد مثلها كثيرا في هذا المنتدى و لذلك اسمحي لي أن أحييك على هذا الموضوع الجميل و المهم.
تقبلي كل ودي و احترامي.
أختك داليا.

[أمل الحياة]

أكيد وأنا اسعد اختي داليا وفعلا كل كلمة قولتيها صائبه لا محاله وانا اعلم ما قولتيه هذا ما جعلني اناقش الموضوع الان لا يوجد اهتمام بالاسرة ولا بالابناء بمعنى اصح ولذلك سوف تجدين معظم مواضيعي البسيطة ان لم تكون جميعها عن مشكلة تعاني منها الاسرة المسلمة وهذا ما شداني الى مناقشة الموضوع احنا الان نتكلم من وجهات النظر وبالنسبة لاهداف هؤلاء الجماعة على ما اظن انها رفع راية الاسلام فالنخوض معا في الماضي لماذا حاربة الحكومة البنا مع انه كان على صواب ولتصحيح المعلومة انالشيخ حسن البنا هو المؤسس الاول لجماعة الاخوان المسلمين وهذا ما وجدته في معظم المجلات التي تتحدث عنهم ومعظم الكتب الاتي اصدرت من خلال هذه الجماعة وان لم تكون كلها تتحدث عن كيف نربي ابناءنا او كيف نجعلهم يثقون بأنفسهم لو لحظتي اختي انهم يأسيسون الاسرة وهي اصلا الاساس والمنبت وفعلا كان هدف حسن البنا الاول هو تأسيس الاسرة وبعدها المجتمع وهو ان لم يكون يعلم اهميت الاسرة لم يكون اهتم بها من البداية وللعلم انهم باقي الجماعة انت تقولين لم تجدي اهدافهم وذلك طبيعي لجماعة متهضة من قبل جميع الحكومات ال