تسالى قبل الفطار بساعه ونص

[نسر مصر]

بسم الله الرحمن الرحيم
((تســــــالى))




ترررررررررن
سوسو: ألوووووو
تىتى:ألوووووووو....سوسو....ازيك يا حبيبتى..عامله ايه
سوسو: تمام....أخبار الصيام ايه معاكى
تى تى: تمام....بس زهقانه شويه...ومش لاقيه حاجه اعملها
سوسو: وأنا كمان...أصل تانت زيزى عازمانا النهارده على الفتـــــــــــــــار...وما فيش حاجه أعملها مع مامى
تىتى:تيجى نسلى صيامنا
سوسو:والله فكره.. .طب نعمل ايه
تىتى:تعالى نخرج نتمشى لحد المغرب ما يؤذن. ..وأبقى أوصلك لبيت تانت زيزى
سوسو: خلاص...حا ألبس و أتمكيج و أرن لك
تىتى: اوعى تحطى روج لأحسن بيفطر...كفايه آأاااااى لاينر و آاااااااااى شادو...وشوية أحمر خدود
سوسو:تبعا..تبعا....ده من أول رمدان مش بألبس بنتلونات كمان
تىتى: وأنا بطلت البادى....والجيب شورت بتاعى...
ياللا..بااااااى


وبعد ربع ســــــــــــــــــــــــــــاعه


سوسو:الجو يجنن
تىتى: خالص
سوسو: فاضل كام ساعه على الفطار
تىتى: ساعه ونص.. :hot: ....
سوسو: ايه ده....سامعه اللى أنا سامعاه
تىتى: أيوه أغنية حموده أفندى الجديده
سوسو:تجنن.. ...
تىتى: دى من العربيه الهوندااااااااااى اللى ماشيه ورانا ...خدتى بالك
سوسو: أيوه...ولا كأننا شايفينهم...
تىتى:اللهم انى صايمه
سوسو: يا رب تكبل مننا
تىتى:هما حا يفضلوا ماشيين ورانا كده
سوسو: مش عارفه؟....ليه بيعملواكده....ده أنا حتى مش حاطه روج
تىتى:مش يحافظوا على صيامهم
سوسو: يعنى هو ذنبنا اننا حلوين ومتأطأطين ...وشعرنا على الخدود بيهفهف. ..ولبسنا شيك..المفروض يغضوا بصرهم.. .ويبطلوا يمشوا ورانا
تىتى: سوسو...رجلى وجعتنى من الكعب العالى اللى أنا لابساه :hot:
سوسو: و أنا اتخنأت من الجيب. ...أصلها ضيقه قوى. .ولبستها بالعافيه
تىتى: أنا حاسه انى دايخه. ..وشامه ريحه جامده قوى
سوسو: دى ريحة البارفيوم.. .بتاعى. ..ده من باريس
تىتى: لا لا لا...أنا تعبانه...وحاسه انى سامعه أصوات :hot: .....وأجراس
سوسو: دى الاكسسوارات اللى فى البلوزه بتاعتى من ورا
تىتى: هو فاضل كام ساعه على المغرب
سوسو: يوووه...كل شويه تسألى. ..أدينا ماشيين وبنسلى صيامنا



يا ترى مين اللى غلطان....؟؟
الشباب اللى بيبصوا هنا وهناك؟؟
واللا البنات اللى عامله حاجات ومحتاجات
ليه كده......ويا ترى حا يستفيدوا ايه من كده
وفين بابا وماما ؟؟والاخوه والاخوات‍‍‍‍‍‍‍‍‍‍‍؟؟
وجهة نظر...قبل الفطار...بساعه ونص






منقول


ارجو الرد

[lovely girl]

هههههههههههههههههههههه
حلوة اوي
طبعا الغلط على البنات والولاد المستهبلين دول
بس موضوع جااااااااامد ميرسي يا نسر

[نسر مصر]

شكراااااااااااا على المروررررر يا لفلى نورتى الموضوع

[امل حياتى]

ايه يا نسر مصر الموضوع الجامد ده
بجد حلو اوى
بالنسبه لمين اللى غلطان هما الاتنين غلطانين
بس الغلط الاكتر على البنات
وده رأيى يعنى

[The Myth]

موضوع حلو جدا يا نسر
هو الاتنين غلطانين و مش هاقول الغلط الاكبر علي البنات
عشان كده كده الولد لو مش عاوز يبصبص مش هايبصبص لو مين قدامه

[safffffy2007]

الصراحة الموضوع ده بيحصل كتير اوى والغلط مش غلط البنات والولاد بس ده غلط ام تيتى وسوسو
وابوهم هما ازاى يرضو ان بناتهم يخرجوا بالمنظر ده وكمان فرمضان امال هيعملوا ايه فى الايام العادية

[صقر مصر]

ايه احلوه دى يا مان جامد جدااااااا


تسلام ايدك


على الموضوع

يا نسر مصر

شكرااااااااا
للمرور

[BEAUTY GIRL]

انا هقول الصراحة كل الغلط على البنات اولا اللبس بتاعهم فيها ايه اذا كان واسع اكيد لو بنت لابسه حاجة ديقة الشاب هيفضل مبحلق فيها والله كل ما اشوف بنت لابسه كدة والله ادعى من قلبى واقول الله يساعدكم يا شباب والله الله يساعدكم ويعنكم على البلاوى دى يا رب وان شاء الله البنات اللى يلبسوا كدة هما اللى ياخدوا كل الذنب مش الشباب المساكين
اة ونسيت اشكرك يا نسر مصر على موضوعك الرائع لا بل الاكثر من رائع ...والهادف ايضا

[مستكة]

ياااه دا الموضوع ده كبير اوي

علي فكرة العيب هنا مش في الشاب اللي بيعاكس او البنت اللي بتسلي صيامها بس

لا العيب علي اللي مئدروش يوصلوا فكرة يعني ايه رمضان اصلا

العيب علي اعلامنا اللي رسخ في اذهان الاجيال ان رمضان يعني كام مسلسل وفوازير ومسابقات ورقص وغنا

رمضان ده شهر في السنه اللي المفروض نستغله عشان نكفر عن ذنوبنا طول السنه

ونقضيه قيام و قراءة قران ونعيش روحانيات احنا فعلا محرومين منها طول السنه

الصيام مش صيام عن الاكل كام ساعة

ابدا الصيام ده منهج تربيه للنفس , احنا في الشهر ده المفروض نمتنع عن الطعام وعن الاساءه بالكلام وعن اذية الاخرين بنمتنع عن المعاصي بنربي نفسنا عن جموحها طول العام

دا ده المفروض يحصل

لكن الواقع اللي بيحصل بئه ...

ان الصايم ده لو طالب او بيشتغل اما بيكون عصبي طول النهار لانه صايم كام ساعه وشقيان فيها طبعا

او بيقضيها نوم لانه صايم برضه

وفي احسن الاحوال بيقضيها اودام التلفزيون فيلم من محطة للتانيه تسلية صيام بئه علي ما الفطار معاده يجي

واول ما يفطر يتفرج علي كام مسلسل علي كام فزوره وهو اعد اودامه مالذ وطاب من الاطعمة اللي ممكن ياكلها في اسبوع بياكلها في يوم وده ليييييييييييييييييه

طبعا لانه صايم وهفتان طول النهار ما انتو عارفين بئه

وبعد ما المواصلات تشتغل والمحلات تفتح بعد الفطار ينزل جرررررررري يدور علي اي خيمة رمضانيه يقضي فيها سهرته ويتسحر

طبعا الخيمة دي فيها شيشه ومغني ومش بعيد ابدا رقص




ياهووووووووووووووووووووووووووووووووووووووووووووووو وو


رمضان شهر عباده مش مسلسلات وتلفزيون

رمضان شهر رحمة ومغفرة مش اكلات وحلويات

رمضان شهر عتق مش خيم وسهرات

رمضان شهر صوم عن كل ما يغضب الله مش عن الاكل بس


حد ضامن يعيش لرمضان تاني اذا ضيع رمضان السنه دي

رمضان ده فرصه ذهبيه ربنا بيدهالنا كل سنه

لانه غفور رحيم بيبعتلنا رخص نستغلها عشان يغفرلنا

بيقولنا رغم كل المعاصي انا بفتحلكم بابي تعالوا

وبعد كووووووووووووول ده احنا نعرض عنها !!!

تفتكروا احنا نستاهل ؟؟

تفتكروا ربنا مش قادر يبدلنا بقوم افضل منا ؟؟


اللهم اهدنا فيمن هديت

اللهم استخدمنا ولا تستبدلنا

اللهم اعفو عنا واغفر لنا وارحمنا انت خير الراحمين

[نسر مصر]

المشاركة الأصلية بواسطة امل حياتى

ايه يا نسر مصر الموضوع الجامد ده
بجد حلو اوى
بالنسبه لمين اللى غلطان هما الاتنين غلطانين
بس الغلط الاكتر على البنات
وده رأيى يعنى

شكرااااااااااا يا امل نورتى الموضوع

[نسر مصر]

المشاركة الأصلية بواسطة the myth

موضوع حلو جدا يا نسر
هو الاتنين غلطانين و مش هاقول الغلط الاكبر علي البنات
عشان كده كده الولد لو مش عاوز يبصبص مش هايبصبص لو مين قدامه

انتا ديما صح يا ان تو الولد و البنات هما الاتنين غلطانين

[نسر مصر]

المشاركة الأصلية بواسطة مستكة

ياااه دا الموضوع ده كبير اوي

علي فكرة العيب هنا مش في الشاب اللي بيعاكس او البنت اللي بتسلي صيامها بس

لا العيب علي اللي مئدروش يوصلوا فكرة يعني ايه رمضان اصلا

العيب علي اعلامنا اللي رسخ في اذهان الاجيال ان رمضان يعني كام مسلسل وفوازير ومسابقات ورقص وغنا

رمضان ده شهر في السنه اللي المفروض نستغله عشان نكفر عن ذنوبنا طول السنه

ونقضيه قيام و قراءة قران ونعيش روحانيات احنا فعلا محرومين منها طول السنه

الصيام مش صيام عن الاكل كام ساعة

ابدا الصيام ده منهج تربيه للنفس , احنا في الشهر ده المفروض نمتنع عن الطعام وعن الاساءه بالكلام وعن اذية الاخرين بنمتنع عن المعاصي بنربي نفسنا عن جموحها طول العام

دا ده المفروض يحصل

لكن الواقع اللي بيحصل بئه ...

ان الصايم ده لو طالب او بيشتغل اما بيكون عصبي طول النهار لانه صايم كام ساعه وشقيان فيها طبعا

او بيقضيها نوم لانه صايم برضه

وفي احسن الاحوال بيقضيها اودام التلفزيون فيلم من محطة للتانيه تسلية صيام بئه علي ما الفطار معاده يجي

واول ما يفطر يتفرج علي كام مسلسل علي كام فزوره وهو اعد اودامه مالذ وطاب من الاطعمة اللي ممكن ياكلها في اسبوع بياكلها في يوم وده ليييييييييييييييييه

طبعا لانه صايم وهفتان طول النهار ما انتو عارفين بئه

وبعد ما المواصلات تشتغل والمحلات تفتح بعد الفطار ينزل جرررررررري يدور علي اي خيمة رمضانيه يقضي فيها سهرته ويتسحر

طبعا الخيمة دي فيها شيشه ومغني ومش بعيد ابدا رقص




ياهووووووووووووووووووووووووووووووووووووووووووووووو وو


رمضان شهر عباده مش مسلسلات وتلفزيون

رمضان شهر رحمة ومغفرة مش اكلات وحلويات

رمضان شهر عتق مش خيم وسهرات

رمضان شهر صوم عن كل ما يغضب الله مش عن الاكل بس


حد ضامن يعيش لرمضان تاني اذا ضيع رمضان السنه دي

رمضان ده فرصه ذهبيه ربنا بيدهالنا كل سنه

لانه غفور رحيم بيبعتلنا رخص نستغلها عشان يغفرلنا

بيقولنا رغم كل المعاصي انا بفتحلكم بابي تعالوا

وبعد كووووووووووووول ده احنا نعرض عنها !!!

تفتكروا احنا نستاهل ؟؟

تفتكروا ربنا مش قادر يبدلنا بقوم افضل منا ؟؟


اللهم اهدنا فيمن هديت

اللهم استخدمنا ولا تستبدلنا

اللهم اعفو عنا واغفر لنا وارحمنا انت خير الراحمين

شكرااااااااااا على الرد الذى يعجز امامه اللسان من النطق او التعقيب عليهاا لانه شمل كل نواحى الموضوع جبتى من الاخر يعنى

لا كلام يقال بعد هذا الكلام
اشكرك اختى مستكه
نورتى موضوعى


تقبلى تحياتى...................نسر مصر

[نسر مصر]

المشاركة الأصلية بواسطة BEAUTY GIRL

انا هقول الصراحة كل الغلط على البنات اولا اللبس بتاعهم فيها ايه اذا كان واسع اكيد لو بنت لابسه حاجة ديقة الشاب هيفضل مبحلق فيها والله كل ما اشوف بنت لابسه كدة والله ادعى من قلبى واقول الله يساعدكم يا شباب والله الله يساعدكم ويعنكم على البلاوى دى يا رب وان شاء الله البنات اللى يلبسوا كدة هما اللى ياخدوا كل الذنب مش الشباب المساكين
اة ونسيت اشكرك يا نسر مصر على موضوعك الرائع لا بل الاكثر من رائع ...والهادف ايضا

شكر اختى العزيزه على الرد

تقبلى تحياتى ..............نسر مصر

[Eyes Of Heaven]

بصراحة الموضوع حلو جدا هو صح بيضحك بس ورا الكلام فييها معاني كتير .......هو بصراحة الحكايه دي غلط كل الناس واولهم البنات الي عاملين زي المهرجات .......ربنا يهدي الجميع
وشكرا مرة تانية