العتب على النظر

[hassan omran]

[COLOR=العتب على النظر

نعم العتب على النظر لآنه ضعيف ومبيشوفش
*************
الفرق بين وزير مرتشى وموظف مرتشى . الوزير حياخد فلوس الرشوه ويدخل
بيها مستثمر فى مشروع أما الموظف.......... حيروح السجن
*****************
والفرق بين المعارضه والحكومة. بالظبط مثل راجل شعر رأسه أسود كثيف و
راجل أقرع لا يوجد فى رأسه غير شعرتين شوية يروحوا شمال وشوية يمين
****************
أما الفرق بين نساء الفن ونساء الليل ألأثنين واحد بس دول ليهم ظهر جامد
حميهم ودول ليهم ..................الستر
******************
والفرق بين مريض فقير ومريض غنى فى مستشفى حكومى. ألأول مطلوب منه
يجيب قطن وشاش ودوا وحقن والثانى حالة طوارىء طول اليوم
*******************
أما الفرق بين رجل الشرطه والرجل العادى الثقه الأول ينظر للثانى نظرة غدر
والثانى يشوفوا يجرى أمسك حرامى
********************
والفرق بين لاعب الكره فى هذا الزمن ولاعب الكره فى الزمن الماضى .الأول
الأول مثل حلاوه حلوه وغرقانه شطه أما الثانى فحلاوه حلوه وعليها سكر
********************
والفرق بين مدرس زمان ومدرس اليوم الأول قف للمعلم وأوفيه التبجيلا كاد
المعلم أن يكون رسولا أما الثانى أللى أختشوا ماتوا
********************
أما الفرق بين تصريحات مسئول كذاب وتصريحات مسئول صادق زى الفرق
فى الشعر ممكن تعوجه يمين لو منفعش أعوجه شمال
*********************
أما الفرق الكبير بين اللى بيحس وعنده دم وبين اللى ما بيحسش وما ينفعش
معاه الكلام فا العتب على النظر اللى ما بيشوفش كويس والسمع الأطرش اللى
ما بسمعش والسكرتارية اللى ما بتوصلش نبض الشارع وأحوال الناس والوكسه
اللى حلت بالبلد
*****************
لنا الله ولمصر الصبر على البلاء
----------------
حسن عمران
Omran55.maktoobblog.com
Badralnhar.maktoobblog.com
Omran55.blogspot.com
Dastor76.blogspot.com

[hend]

فعلا
اصلنا مجتمع نظره ضعيف

[همس المحيط]

والله عندك حق اصبحنا عمي في مجتمع اختلط فيه الابيض بالاسود
تحياتي.......

[hassan omran]

المشاركة الأصلية بواسطة hend

فعلا
اصلنا مجتمع نظره ضعيف

لقد أصبتى الهدف من أول مره نحن مجتمع نظره ضعيف

بالرغم من كل الأختراعات لأصلاح النظر

لكن مفيش فايده

............حسن عمران

[hassan omran]

المشاركة الأصلية بواسطة همس المحيط

والله عندك حق اصبحنا عمي في مجتمع اختلط فيه الابيض بالاسود
تحياتي.......

نعم أختلطت كل الألوان حتى الورود أصبحت

صناعية

لكى تحياتى وأحترامى


...........حسن عمران

[امل حياتى]

فعلا يا حسن
العتب على النظر
بس هو العيب فينا ولا فى حد تانى؟؟؟؟؟؟؟؟

[hassan omran]

أختى العزيزه / امل الحياه

تحياتى الى شخصك

وأحب أعرفك العيب فينا وأحنا اللى عميان

وأطلب من الله أن نرى الحقيقه يوم ليكون

عندنا أمل فى الحياه

لكى تحياتى وأحترامى

أخوكى : حسن عمران

[Tears in Smile]

يا رب اكرمنا بدكتور عيون ابن حلال يساعد على ازالة العمي اللى دخل فيه الشعب المصري كله

[hassan omran]

السلام عليكم ورحمة الله وبركاته

يا رب اكرمنا بدكتور عيون ابن حلال يساعد على

ازالة العمي اللى دخل فيه الشعب المصري كله

بينى وبينك شعب مصر جزء كبير منه عايز زرع قرنية

تحياتى وأحترامى

......................حسن عمران