حياتك الشخصيه وعلاقاتك داخل المنتدى

[بكــار]

فى تطور سافر لما يجرى وما نحن عليه وما لاحظته فى المنتديات هنا وهناك اصبح هناك تدخل اعمى بين علاقات الانسان فى حياتة العاديه وبين علاقاته داخل المنتدى حتما هناك اسباب كثيره لكن لا اجد اى مبررا لتلك الافعال ليس الا انه من يفعل ذلك لا يتواجد الا لمضايقة من تربطه به علاقة عاديه وانتهت بخلاف بينهم فقد تجد صديقين اختلفا فى بعض الامور وكانا فى زمن ما متواجدين بمنتدى ما وهما على علاقتهم الحميده لكن وبعد ان انتهت هذه العلاقه تجدهم تحولا الى النقيض تماما فى العلاقه التى تربطهم داخل المنتديات فيصبح لكلا منهما حزبا يدافع عنه ويأخذ بافكاره وكانها حرب تدور على الاثنين وعلى الباغى تدور الدوائر لا
لا و الف لا
ليس هذا مكانا لخلافات شخصيه
بل مكان للعلم والثقافه والتعلم والتحاور المجدى النافع المجرد
ليس هذا مكان لتبادل الاتهامات العمياء بين من كانوا ذوى ارتباط فى حياتهم العادية
بل هو مكان يربطنا جميعا برابطة واحدة الا وهى اننا اناس مثقفين يجب ان نفصل بين الخلافات الشخصيه والعلاقات داخل المنتدى
والا سيؤثر هذا سلبا على نتاج الاعضاء الفكرى ويجعلهم يتحولون من مجرد كتاب ذوى عبارات رفيعه ومقالات عريضه الى مجرد مختلفين ذوى الفاظ بذئيه واتهامات وضيعه
هنا مكان للحوار
هنا مكان للفكر
هنا مكان للثقافة والعلم
فاذا كنت ممن هؤلاء فمن فضلك ولا اوجه كلامى لاشخاص باعينهم بل للجميع اذا كانت تربطك علاقة شخصية باحد الافراد داخل منتدانا فانتبه جيدا لما اقول
اترك علاقاتك الشخصيه معلقة خارج المنتدى وبدلا من ان تتراشق الاتهامات وتبرر الاسباب التى تريد بها ان تكسب الصفوف وتخوض المعارك لتثبت فى النهايه انك على حق ؟
فقط تعلم كيف يعلم الناس انك على حق بدون كل هذا الا وهو كما قلت ترك خلافاتك خارج اسوار المنتدى
واذا لم تكن كذلك فاعلم جيدا ان مكانك بيننا غير مرغوب فيه
لانه كما ذكرت هذا ليس مكانا للخلافات الشخصيه
ولكنمكانا جميعا يعرف قدره ويعرف انه ربى اجيال على مدار تاريخ تواجده على الاخلاق وما تفعله انت بذلك ليس من الاخلاق
رساله اتمنى ان تصل للجميع
رساله اتمنى ان تكون نهاية لكل الخلافات
رساله اتمنى ان تكون صفحة جديده نبدا بها جميعا
فهلا توقفنا
للحديث بقيه
تحياتى للجميع

[maysam]

كلام فوق الرائع يا بكار

للأسف مش كل واحد عنده قدرة انه يفصل بينهم!
ومش كل واحد بيقدر يفصل "نفسيته" وما يدور داخله عن المحيط الخارجي

دي محتاجة خبرة بالحياة

[eshoo4ever]

شكرا لافادتك اخى

[بكــار]

المشاركة الأصلية بواسطة maysam

كلام فوق الرائع يا بكار

للأسف مش كل واحد عنده قدرة انه يفصل بينهم!
ومش كل واحد بيقدر يفصل "نفسيته" وما يدور داخله عن المحيط الخارجي

دي محتاجة خبرة بالحياة

اهلا يا ميسم منوره

طبعا كلامك صحيح لكن هقلك على حاجه الناس دى فعلا عقولها مصابه من يهدف الى الانتقام يصل الى القاع لان فى طريقه للوصول بيعمل حاجات الضمير بيخالفها تماما
عشان كدا اعتقد انهم بياكلوا فول كتير ههههههههه

مرورك اسعدنى

تحياتى

[عتاب]

المشاركة الأصلية بواسطة بكــار

طبعا كلامك صحيح لكن هقلك على حاجه الناس دى فعلا عقولها مصابه من يهدف الى الانتقام يصل الى القاع لان فى طريقه للوصول بيعمل حاجات الضمير بيخالفها تماما
عشان كدا اعتقد انهم بياكلوا فول كتير ههههههههه

هما فعلا بياكلوا فول
وربنا يستر احسن الفول يزعل مننا ومانلاقيش فول بعد كده

موضوعك جميل يا بكار
وزي ماقالت ميسم مشكل الناس بتعرف تفصل بين بره وجوه المنتدى
انا طبعا ضد الموضوع ده بس اوقات بتحكمنا ضوابط اخرى غير الغضب والكره
انا مش بادافع طبعا لاني رافضة الاسلوب ده
وشايفه مادام لا توجد موانع اخلاقية من الرد على الانسان ده ايه اللي يمنعني ارد كأنه اي عضو
اما اذا لقيت من اللي قدامي عدام احترام لردي اعتقد وقتها هاتوقف
وهاعتبر وجود الشخص كعدمه
يمكن اكون غلط في تفكيري ده
بس انا مش بعمل كده الا لما اديهم الفرصة مرة واتنين وعشرة
واذا استمروا بنفس الطريقة بابعد عنهم احسن

[الورد الجوري]

موضوع جميل جدا يا ابراهيم
في نظري و طبقا للموضوع اللي بتتكلم فيه الناس 3 انواع

فيه نوع صعب جدا و ميقدرش يستغنى ابدا عن شنطة خلافاته
وبيصطحبها معاه في كل مكان منتدى شارع تلفون سوق مستشفى حتى لو سافر خارج
البلاد فهتلاقي الناس دي معاهم الشنطة السوده بتاعت الخلافات و عاملينلها تأشيره مرور
وبالتالي دائما بنشوف احزاب و حروب طاحنة

فيه نوع تاني من الناس طيب بس بسهولة يتم استفزازه
اي كلمة تتقال هب تلاقي درجة الحراره 99 و 3 ارباع و شويه و هيغلوا و بردو تبدأ الاحزاب و المعارك الطاحنة

فيه بقى فئه من الناس و اعتقد اني منهم
فئه بتفضل الصمت مهما كانت التهم الكلمات و المعارك
صراحة لا اجد اي جدوى من نقاشات ليس لها فائده
امام افراد لا يعلمون الموضوع
فليقال عني ما يقال فلن امنع ألسنة البشر
وبصمتي اكون قد انهيت الموضوع و اخمدت نيران
ينفخ فيها الاحزاب وهم بغير درايه باصل الخلاف
ولكن يصفقون من اجل التصفيق فقط

شكرا يا ابراهيم
واتمنى من الجميع ترك خلافاتهم بل و تناسيها ايضا
قبل الدخول الى المنتدى

[&NOUR&]

مرسي على موضوعك الأكثر من رائع
احسن طريقة متل ماقالت اختيي الورد الحوري هي الصمت عندما يكون اللي بتناقشهم مايعرفوش حاجة

[نرجسية]

والله الموضوع مهم جداً يا بكار
أعتقد ان الخلافات فى المنتدى زيها زى الخلافات فى الحياة العادية
و أهم شئ من وجهة نظرى هو العقل
لأن العقل هو زينة العاقلين
و من يفقد عقله فى التعامل مع الغير سيفقد معه اتزانه و بالتالى يظهر تخبطه و المتمثل فى تكوين أحزاب و التفوه بألفاظ لا تليق أو أفعال لا يرضى عنها الله و رسوله
عن نفسى اذا حدث خلاف بينى و بين أحد فلا أنقل الخلاف داخل المنتدى الا اذا تكررت اساءة هذا الشخص لى على الملأ فى المنتدى متعمداً الاساءة
و سأتعامل معه بشئ من العقل و الحزم فى نفس الوقت حتى لايستبيح الاساءة لى و تشويه صورتى حقداً منه

[MiMi 07]

موضوع رائع يا بكار
فعلا المنتديات بقت بالوقت ساحة للخلافات والمعارك اللي بتدور بين شخصين تربطهم علاقة شخصية خارج المنتدى
بس طبعا هم الاتنين مالهمش مكان في اي منتدى عشان المنتدى بيكون للنقاش والحوار وتبادل الافكار مش لتبادل الكلمات الوحشة والبذيئة من افواه لا تعرف معنى للحوار
وفي النهارية كل واحد بيسيب الاثر اللي هو عايزه بين الناس سواء كان في المنتدى او غير المنتدى

موضوع هايل يا بكار وانشاءلله توصل رسالتك الى الجميع
وان تكون فعلا نهاية للخلافات التافهة اللي بتحصل
ونفتح صفحة جديدة كلنا
مشكووووووووووووور
اختك MiMi 07

[hay_sam]

كلامك مظبوط ميه بالميه يا أستاذ بكار

المنتديات بالفعل بقت ساحه للخلافات
زيها زي حياتنا العاديه
محدش طايق التاني وكله عامل خلاف مع كله

ومين بقي يسمع الكلام ويفصل (الموضوع ده بيكون داء في شخصية الشخص ولا يمكن التخلص منه بسهوله كده)

عموما ربنا يهدينا أجمعين
أشكرك كثير الشكر علي الموضوع الجميل

[عزمى]

كلامك تمام يا استاذ بكار مستنين الكتير انشاء الله

[moon light2010]

تحياتى موضوع رائع كالعادة
فعلا المنتديات هى الحياة لكن بصورة مصغرة
فعلا ما يحدث داخل المنتدى من خلافات ومعارك هو ما يحدث بالحياة
كل واحد يريد ان يفرض وجهة نظره على الجميع وتناسوا مثلما قلت انها ساحة لعرض وتبادل الافكار