حكايات ابو العربى وصل

[نسر مصر]

السلام عليكم ورجمه الله وبركاته
جيبلكم شوية حكايات عن ابو العربي يارب تعجبكم
أبو العربي بيحكى لأصحابه أنه خاد الفلوكة وراح قبرص وكل ما يجدف قبرص تقرب وبورسعيد تبعد لغاية ما وصل قبرص واشترى اللى عايزه وهو راجع بيجدف بورسعيد بتقرب وقبرص بتقرب فسألوه ..قبرص بتقرب ليه قاله اصلى نسيت ارفع الهلب من قبرص.

---------------------------
مرة ابو العربي ركب مركبه فقامت عليه موجه راح مطلع المطوه قال له بلآش انت يا بحر
--------------------------
ابو العربي سمع ان صاحبه الياباني عيان فسافر ?ه.وهو معاه في الإنعاش قله الياباني يوكوهاما قام رادد متخفش بنتك في عيني فقله يوكوهاما قله مقلتلك بنتك في عيني ومات الراجل .وابو العربي قاعد بيعزى فيه قال فين يوكوهاما أبوها موصينى عليها فقله واحد من القاعدين هو قلك يوكوهاما فقله آه قله دى معناها قوم من على أنبوبة الأكسجين
-------------------------
ابو العربي قاعد بيتباهى على القهوة وحسن المراكبي مش راضى يعدى الكلام .
ابو العربي يقول :أنا مره ماشى في الصحراء لقيت بت حلوة واقفة في البلكونة ....
حسن المراكبي يقول : حرام عليك هو في بلكونات في الصحرا.
ابو العربي : بلاش ده , أنا مره ماشى في الصحرا لقيت تلاجة ومليانه أكل
حسن المراكبي : يا ابو العربي والتلاجة حتشتغل ازاى في الصحرا.
ابو العربي : بلاش ده أنا مره ماشى في الصحرا لقيت أسد ضخم كبير جدا...
حسن المراكبي : ها وبعدين
ابو العربي : قام أكلني عشان ترتاح يا حسن
---------------------------
ابو العربي قابل واحد صاحبه متغاظ من أمريكا فقال له شوف أمريكا من غضب ربنا عليها خلاها هناك في آخر الدنيا لكن مصر يادوب ساعتين بالييجو.
-------------------------
ابو العربي كل يوم يطلع من الجمرك بالموتوسيكل وشايل صندوق صغير وراه .. مفتش الجمرك يقوله فيه ايه في الصندوق يقوله مافيش ويديله ساعة يد ويقوله عديني يروح معديه .. ومره المفتش قال له افتح الصندوق يابو العربي قاله مفيش داعي قاله افتح الصندوق ففتح ابو العربي الصندوق لاقاه فاضي قاله ادفع نص عمري يابو العربي واعرف انت بتهرب ايه .. ولو قلت لي الصراحة حاخليك تعدي لوش شايل جمل .. قاله احلف وانا اقولك .. حلف المفتش .. ابو العربي قاله أنا باهرب موتسيكلات.
--------------------------
أبو العربي كان قاعد على القهوة وجالوه المخبر وقال له تعالى كلم ضابط المباحث فراح معه فدخل على الضابط وقال له صباح الفل يا باشا أنا ابو العربي فقال له الضابط انت ابو العربي أخو البت سماسم الرقاصة اللي ساكنة في
الشارع اللى ورا فقال له ابو العربي لا يا باشا أنا ماعنديش اخوات بنات فقال له الضابط طيب اطلع للمأمور فطلع للمأمور وقال له صباح الفل يا باشا أنا ابو العربي فقال له المأمور انت أخو البت سماسم الرقاصة اللى ساكنة في الشارع اللى ورا فقال له لا يا باشا أنا ماعنديش اخوات بنات فقال له المأمور طيب اطلع لمدير الأمن فدخل ابو العربي لمدير الأمن وقال له صباح الفل يا باشا أنا ابو العربي فقال له مدير الأمن انت أخو الواد سيد اللى كان عاوز يغتال شخصية مهمة هنا الأسبوع اللى فات فقال له ابو العربي لا يا باشا والله العظيم أنا أخو البت سماسم الرقاصة اللى ساكنة في الشارع اللى ورا

[همس المحيط]

ههههههههههه
حلوة اووووووي يا نسر
شكرا على الموضوع

[نسر مصر]

شكراااااااااااا اختى همس

نورتى موضوعى

[Mr.N-2]

هههههههههههههههههههههههه

جميلة أوي يا أبو العربي.................

تسلم يامان

[The Master]

بـــــــــــــــــــــــــــــــــــــــــــــــــ ـــلاش تسيح للناس يا نسر غير لما اسيح معاك قشطه يا مان
( النصاص قامت والقوالب نامت يا عم الحــــــــــــــــــــــــــــــــــــــــــاج )
تحياتى يا نسر ( the master )

[نسر مصر]

المشاركة الأصلية بواسطة The Master

بـــــــــــــــــــــــــــــــــــــــــــــــــ ـــلاش تسيح للناس يا نسر غير لما اسيح معاك قشطه يا مان
( النصاص قامت والقوالب نامت يا عم الحــــــــــــــــــــــــــــــــــــــــــاج )
تحياتى يا نسر ( the master )

استاذى نورت موضعى المتواضع

لا اقدر على التسيح من غير ما اخد رايك
ههههههههههههههههههههههههههه