وسلملي علي الكادر ...

[مستكة]

طووووووووول عمرنا احنا المصريين وبنربط الحاجات اللي ملهاش علاقه ببعضها ببعض

ممكن تقول قدره

ممكن تكون فهلوة

او تكون بلطجة


يعني اللحمة يزيد سعرها يقولك اصل السمك ماله


الطماطم تبئي بخمسه جنيه يقولك اصل البنزين غلي


ايه العلاقه مش عارفه بس المهم يكون فيه مبرر بصرف النظر بئه المبرر ده صح ولاغلط مش دي القضيه


طيب الاسعار ولعت هتعملوا ايه يا ناس

يردوا يقولوا هنعمل ايه يعني












هناكل فراخ



لسه الكادر اللي بقالهم سنين وسنين منشفين ريء الموظفين عليه

بيدرسوا فيه بئالهم قرن ( تئولش هيزودوا الموظف الف جنيه في الشهر )

يادوب يادوب لسه مطبق الشهر ده ويمكن الناس لسه مأبضتش وشوف الاسعار عملت ايه


كليو البطاطس بعد ما كان بــ جنيه ونص بئي تلاته جنيه

بعد الطماطم ماكانت الكيلو ونص بجنيه بئت الكيلو بإتنين جنيه

كليو الفراخ بعشره جنيه بعد ما كان بسبعه جنيه

كيس المكرونه( العاديه ) كان بجنيه وربع بئه بجنيه ونص

طبق البيض كان بتمانيه جنيه ونص انهارده بئه باتناشر جنيه

واليكم المفاجئه ..

العيش

يعني لما حد مش هيلاقي اللضا هنقول ياكل العيش حاف

وبما ان العيش اللي بيتباع في الافران لا يسر عدو ولا حبيب

دا غير الحرب الضروس اللي بيمر بيها في طابور العيش















يعني الواحد لو حب يحس بادميته ويشتري عيش يتاكل من المحلات

كان العشر ارغفه بجنيه

خفضوها لتماني ارغفه ومتكلمناش

انهارده اصبح 6 ارغفه بجنيه ( ومتستغربوش ابدا لما تعرفوا ان قطر الرغيف من 17:19سم )

اما سُمكه يمكن سم او اقل

شوفوا بئه الاسره تاكل عيش حاف بكام في اليوم



فين المستهلك من كل ده !!

ليه مش بناخد موقف ؟؟

ليه بنلاقي حلول دايما اللحمة غلت هناكل فراخ ان مكنش فراخ نقلب علي السمك

الطماطم غلت هنعمل ايه يعني مضطرين نشتري وفي بؤنا ..............

حتي التوم والبصل الدوله بتصدرهم والشعب مش لاقي

ليييييييييييه

مش هنموت لو مكلناش كل الكلام ده والله

ده احنا نعيش علي الميه بس منتبهدلش البهدله دي

ولا احنا خلاص عيشتنا بئت كده

وفي الاخر كلمة نفسي اقولها للريس من زمان اوي واجري علي الله


الله يكرمك ويعدلك في عيالك يا شيخ احنا لا عايزين علاوات ولا كادر ولا يحزنون

احنا كده فل اوي

لا مؤخذه عالم فئريه بئه تقول ايه


ويجعله عااااااااااامر









توقيع ...
مواطن طق من جنابه من زماااااااااااااااان

[همس المحيط]

بجد عندك حق والموضوع زاد عن حده والواحد مش عارف يعمل ايه الناس زهقت وقرفت حراااااااااام
هيلاقوها منين ولا منين!!!!!!!
ربنا يكون في عون الناس
شكرا على الموضوع
تحياتي..........

[مستكة]

بجد يا همس الموضوع زاد عن حده والحاله بئت تخنق اوي

حسبي الله ونعم الوكيل

[thekiller_101]

اية دة انتى شغاله فى سوبر ماركت ولا اية

المهم

ايوة وبعدين
مش لاقى كلام اقولة
معلش
هقول اية
حسبى الله ونعم الوكيل

ربنا معاكى يا مستكة ويبعد عنك امن الدولة

[مستكة]

المشاركة الأصلية بواسطة thekiller_101

اية دة انتى شغاله فى سوبر ماركت ولا اية

المهم

ايوة وبعدين
مش لاقى كلام اقولة
معلش
هقول اية
حسبى الله ونعم الوكيل

ربنا معاكى يا مستكة ويبعد عنك امن الدولة

لا مش بشتغل في سوبر ماركت

بس انا اللي بتسوق عشان كده عارفه الاسعار الي حد ما


وبالنسبه للامن قل لن يصيبنا الا ماكتب الله لنا


ماهي خربانه خربانه

قول يا باسط

[نيهال]

شوفى يا مستكه يا جميله


ليه نلوم بابا الريس .وهوه فى ايده ايه؟


يا دوبك مغمى عيوننا وبيسوق بينا .فاهمانى طبعا


بجد ومش بهزر احنا اللى بايدنا كل الامور


احنا اللى ساكتين على البهدله وقله القيمه


انزلى اى قريه وشوفى الاسعار فيها عامله ايه ولما توصل لحد المدن الكبيره بتوصل بكام


مين اللى بيغليها ؟




الحكومه والا احنا؟


طيب..عملوا حظرعلى زراعه القمح........وطيب وهوه فين الفلاح اللى لسه بيخبز فى بيته ولا يعتمد على الفرن الالى

التطور ليه حدود


واحنا كمان لازم يكون لينا حدود



ولكن



مين بيسمع والا بيشوف حتى


كله ملهى فى حياته وساكت


اهى لقمه والسلام.ما راح يفرق الجمبرى عن الفول فى شئ


كله بيتاكل وكله بينام شبعان وجايز ياخد فوار كمان


ولكى الله يا مصر من المصريين انفسهم

[مستكة]

اهلا يا نهيال


حقيقي انا مش بلوم الريس في الموضوع ده خالص ولا الحكومه حتي


انا بلوم سلبيتنا

هو احنا لامتي هنفضل ساكتين

انزلي كده اي مصلحة حكوميه ولا اركبي اي مواصله

هتلاقي الناس شايطه ومالهومش سيره الا الاسعار وسنينها

طيب وبعدين

كله بيشكي في سره

مفيش واحد فيهم قال انا هقاطع

اه يقاطع

فيها ايه لو قاطعنا اللحمة اللي اقل كليو فيها باربعين جنيه

وايه يجري لو قاطعنا اي حاجه تغلي

وخلي التجار بئه ياكلوها

لكن للاسف الشديد احنا شعب كل همنا اللقمة

[safffffy2007]

موضوع جميل يا مستكة

والجديد كمان ان الرغيف بقى بربع جنيه يعنى اربع ترغفة بجنيه وهو المرتب كله كام اصلا عشان يعملوا كده

[hay_sam]

يا مستكه

انت عارفه الخلاصه (أحنا بتكلم ونزعق ونصرخ) بس جوانا بس
محدش عارف يرفع صوته

ليه مش عارف (بس هوه كده)

أكيد بقنا متكمم واحنا مش واخدين بالنا
هانقول ايه؟ (الفرج من عندك يارب)

تحوش عننا الهم الأبدي إلي إحنا فيه وإلي ما شفتش غيره من يوم ما أتولدت

[مرسول الغرام]

ايوه يا سلام عليكى تعجبينى اوى كده

شوفى يا ستى اكتبى بس هتكتبى فين ولمين للشعب المصرى هههههههههه

يلا هنعمل ايه هنفضل كده لما ........................... الى ان يرث الله الارض ومن عليها

يلا هنقول ايه بس

كل واحد لازم يشوف هو بيعمل ايه ولازم يوجه اللى يعرفه

بس مش عارف يا ترى الموضوع ده هينفع
وهل احنا لامته هنفضل نصدق كل اللى يتقال لينا

[Half-Magic]

يااااااه يا مستكة كل ده جواكى و سكته .....

يا مستكة الشعب المصرى اتعود انه يسكت و ميتكلمش مهما حصل .... خلاص دى حاجة بقت طبيعية فينا ... شكلها حاجة زى الفيروس ( فيروس الخوف و السكوت ) و الحكومة لوثت بها نهر النيل و الناس كلها بتشرب منه ... و للأسف الناس كلها اصبحت مصابة بهذا الفيروس ...

اخر مره الشعب اعترض و قال لأ على غلو الأسعار كانت أيام السادات ( ثورة الجياع ) كما أطلق عليها السادات .... مش فاكر بالظبط بس العيش و الأرز و السكر وقتها سعرهم زاد قرش صاغ ....
لكن الشعب معجبهوش الزيادة دى و قام بثورة لحد ما السادات اصدر قرار بإعادة الأسعار القديمة من جديد و من بعدها الشعب المصرى مش بيفتح بقه ...

اسعار تزيد .... عيش حاله يتدهور ... الحياه تولع نار ...
و المصريين ساكتين ... زى ما قولتى فى اول موضوعك .. الفراخ تغلى يقولوا ناكل سمك ...
لكن محدش يقدر يقووول لأ ...

بس تفتكرى يا مستكة مفيش فايدة ....


حسبنا الله و نعم الوكيل ...

[مستكة]

والجديد كمان ان الرغيف بقى بربع جنيه يعنى اربع ترغفة بجنيه وهو المرتب كله كام اصلا عشان يعملوا كده

مش عارفه والله الناس مستنيه ايه عشان يقولوا لا

هيحصل ايه اكتر من كده !!


*******************************

يا مستكه

انت عارفه الخلاصه (أحنا بتكلم ونزعق ونصرخ) بس جوانا بس
محدش عارف يرفع صوته

ليه ايه المانع !!
ليه مش عارف (بس هوه كده)



أكيد بقنا متكمم واحنا مش واخدين بالنا
هانقول ايه؟ (الفرج من عندك يارب)

لا بؤنا مش متكمم احنا اللي اخدنا علي الجبن والخنوع

صحيح الفرج من عند ربنا بس احنا نستاهل كل حاجه والله واللي بيحصلنا ده كمان قليل

تحوش عننا الهم الأبدي إلي إحنا فيه وإلي ما شفتش غيره من يوم ما أتولدت

لا يغير الله ما بقوم حتي يغيروا ما في انفسهم


************************************************

بس مش عارف يا ترى الموضوع ده هينفع
وهل احنا لامته هنفضل نصدق كل اللى يتقال لينا

مفيش حاجه هتتصلح ولا هتتغير طول ما احنا معتمدين علي الحكومه في كل شيء

وفي انتظار قرارتها حتي لو معترضين عليها

[مستكة]

المشاركة الأصلية بواسطة Half-Magic

يااااااه يا مستكة كل ده جواكى و سكته .....

مش كل اللي جوايا طبعا
مرضتش اطلع كل حاجه عيناها للزمن محدش ضامن

يا مستكة الشعب المصرى اتعود انه يسكت و ميتكلمش مهما حصل .... خلاص دى حاجة بقت طبيعية فينا ... شكلها حاجة زى الفيروس ( فيروس الخوف و السكوت ) و الحكومة لوثت بها نهر النيل و الناس كلها بتشرب منه ... و للأسف الناس كلها اصبحت مصابة بهذا الفيروس ...

ليييييييييه

مع اني شايفه انه دلوقتي وقت صحي جدا جدا للاعتراض

الناس هتخاف علي ايه ( ضرب الاعور علي عينه قال ماهي خسرانه خسرانه )

هيضيع منا ايه اكتر من اللي ضاع

هو لسه فيه حاجه هتضيع اصلا !!

اخر مره الشعب اعترض و قال لأ على غلو الأسعار كانت أيام السادات ( ثورة الجياع ) كما أطلق عليها السادات .... مش فاكر بالظبط بس العيش و الأرز و السكر وقتها سعرهم زاد قرش صاغ ....
لكن الشعب معجبهوش الزيادة دى و قام بثورة لحد ما السادات اصدر قرار بإعادة الأسعار القديمة من جديد و من بعدها الشعب المصرى مش بيفتح بقه ...

تفتكر مين اللي قاد الثوره دي

وليه مفيش ناس بالفكر ده انهارده

مع ان لو دققت وقارنت بين الزمنين هتلاقي ان انهارده في من الحريه اللي يخلينا نعمل اكتر من ثوره بس العجيب فعلا ان الناس بجد قرفانه ومع ذلك محلك سر

اسعار تزيد .... عيش حاله يتدهور ... الحياه تولع نار ...
و المصريين ساكتين ... زى ما قولتى فى اول موضوعك .. الفراخ تغلى يقولوا ناكل سمك ...
لكن محدش يقدر يقووول لأ ...

بس تفتكرى يا مستكة مفيش فايدة ....

شوف انا مؤمنه جدا بان دوام الحال من المحال

ومن دراسة التاريخ هتلاقي اي نظام او كيان بيمر تقريبا بتلات مراحل ...

- مرحلة النمو

- مرحلة الاذدهار

- مرحلة التدهور

مفيش شيء بيخلد مهما كان

كل شيء بينتهي وفيه كذا طريقة للانتهاء ..

ممكن بايد الشعوب

ممكن بتدخل خارجي

ممكن من عند ربنا


واظن اننا سيبين كل حاجه ومنتظرين تلك المعجزة الالهية


حسبنا الله و نعم الوكيل ...

ونعم بالله

[thekiller_101]

الكادر كاتش فى الالولو

شعار الحكومة فى المرحلة القادمة