حــ مفتـــــــوح ــــوار ــ مـــ هــــــاني ـــــع ـ 1

[snow white]

السلام عليكم
فكره رائعه باشمهندس هانى

واعتقد ان هيكون ليها فايده كبيره ان شاء الله
بس المهم الاستمرار

وبالنسبه لأول موضوع (الكمبيوتر)
عجبنى جداااا
لان معلوماتى عن الجهاز تكاد تكون معدومه
يعنى كل اللى فاكراه من أيام المدرسه حاجات بسيطه جداااا

وان شاء الله أشارك فى البحث والوصول لبعض المعلومات
وادراجها هنا فى الموضوع
صحيح أنا مش متأكده انى هقدر أشارك فى موضوع البحث المطروح حاليا
لكن هحاول...وان شاء الله أشارك فى الموضوع الحالى والمواضيع القادمه


ربنا يوفقك ويوفقنا جميعا

[Honey1900]

صباح الخير

معلشي بقي الفاصل طلع طويل شوية انتو عارفين الاعلانات


المهم


بالنسبة ليكي يا وفاء

انا مستني تخلصي جزء من الهوم وورك عشان الموضوع اللي معاكي دا كبير جدا


اما يا انسة سنو وايت ( لاز نحفظ الالقاب يا سيادة المشرفة ههههه )

ف ان شاء الله انا مستني مشاركتك ف هذا الحوار
و ف كل حوار قادم ان شاء الله

عايزة هوم ورك ممكن اديلك كمان هوم وورك


فاصل و نواصل


خليكو


ـمع ـهاني

[maysam]

بصراحة يا هاني موضوعك كتير حلو

متابعاك ان شاء الله واكيد لو عندي اي سؤال باسأل

انا باتعرف على الجهاز معاكم برضو

[Honey1900]

السلام عليكم

صباح الخير يا ميسوم


طبعا منورة الندوة او الحوار دا

و منتظرين بردو مساهماتك

مش مجرد تلقي للمعلومات و لا انتي ايه رأيك ؟؟؟؟؟؟؟

[رؤيه]

صباح الخير
كمبيوتر طيب ماشي ولو انى بتخنق منه وخصوصا تحويلات الانظمه دى ما علينا
بس انا عندى تعليق بسيط معلش بلاش الكلام عن التصنيع والكلام العلمى اوى ده انت عارف كويس اوى يا باشمهندس اننا اتعلمنا الكمبيوتر بالخبرات الميدانيه يعنى تقعد جنب حد تشوف بيعمل ايه او مثلا لما تواجهك مشكله تسال عن حلها انا اللى اقصده نخلى كل واحد يتكلم فى اى حاجه عاوزها عن الكمبيوتر او اى سؤال مثلا عاوز يعرف اجابته انما حكايه انك تشرح تاريخ الكمبيوتر وانظمه العد اولا ناس كتير وانا اولهم حتسترخم الموضوع ثانيا كتير مش حيفهم حاجه لان مش كلنا مهندسين ومش ناويين نتخصص فى الكمبيوتر
متفهمش قصدى غلط والله موضوعك جميل جدا بس انا اقصد نبسط الموضوع وناخده على سبيل الاخوه عشان منزهقش
انا عندى اقتراح ليه مثلا منجيبش من الاخر ونمسك حاجه زى كورس ال icdl
وكل واحد يشرح فيها جزء اى معلومه عارفها اى حاجه عنها ومعانا مهندسين جامدين حيفيدونا كتير
سورى لوكنت طولت فى الكلام بس بصراحه اول ما شوفت انظمه العد جالى صداع اصلى انا كنت ديما اسالهم فى الجامعه هى ايه لزمتها يعنى وبعدين ازاى 1+1=10 الاسعار غليت اوى كده ههههههه
سلام وبجد موضوع مفيد جدا

[Honey1900]

صباح الخير يا اميرة

الموضوع و ما فيه اننا مش عايزين نحل مشاكل بس

عايزين يبقي عندنا خلفية علمية ف كل حاجة

و اي حاجة

تمام كدة ؟؟؟

و ان شاء المواضيع التانية الجديدة هتعجبك لو مفيش فيها تعقيد الكمبيوتر دا

و عايزينك تشاركي معانا ف الموضوع دا باي معلومة

و ف كل المواضيع الجاية

[Honey1900]

يللا يا شباب عايزين اول ما اروح اشوف التفاعل علطول


قدامكو نص ساعة و تبدأ تصوير

[Honey1900]

بسم الله الرحمن الرحيم نفتتح الحلقة التانية

[الورد الجوري]

اه ماشي الحلقه التانيه
بس فين الموضوع اللي هنبحث فيه ؟؟

بردو بعد ملبست التلسكوب مش شايفاه
اقترحوا يللا موضوع
في انتظاركم

[وفاء]

السلام عليكم
فعلا يا با شمهندس الموضوع كبير شويه
وانا حاولت اجمع شويه حاجات
اليكم
اولا :تصنيف لغات البرمجه language classification
يوجد العديد من لغات الحاسب ويتم تطبيقها لاغراض معينه ومختلفه مثلا فى الطب والهندسه والاعمال الاقتصاديه والتجاريه وغيرها
وتم تقسيمها الى
1-لغه المستوى المتدنى low level language وتنقسم الى ( assembly language –machine language)
2- لغه المستوى المرتفع high level language وتنقسم الى ( BASIC-COBOL-C-PASCAL-FORTRAN )
ويتوقف التصنيف على مدى قرب اللغه من الحاسب (اى اللغه التى يفهمها الحاسب ) وهى لغه الاله (1,0)
وتعتبر من المستوى المتدنى
اما اذا كانت اللغه اقرب الى الانسان فتسمى لغه المستوى الرفيع
شرح لغات المستوى المتدنى
1-لغه الاله :
فى هذه اللغه يتم تمثيل البيانات والاوامر باستخدام النظام الثنائى binary system حيث كان يتم البرمجه للاجهزه الاولى من الحاسبات بواسطه تلك اللغه
عيوب اللغه :
1-تحتاج الى مساحه وجهد ووقت كبير
2- كثره الاخطاء فى كتابه البرنامج


2- لغه التجميع assembly language
تعتمد هذه اللغه على الاختصارات والرموز بدلا من النظام الثنائى المستخدم فى لغه الالة
مثال
LDA,D
للتعبير عن تحميل المسجل Aبالمحتوى الموجود فى المسجل D
مثال اخر
SUB 15
للتعبير عن طرح الرقم 15 من محتوى المسجل A
ونظرا لاعتماد هذه اللغه على رموز بدلا من العبارات الانجليزيه التى من السهل على الانسان فهمها فانها تعتبر افضل من الاعتماد على لغه الاله
ويتطلب من المبرمج فى هذه اللغه الاستعانه بوسيط يقوم بتحويل البرنامج المكتوب بلغه التجميع الى برنامج بلغه الاله ويعرف هذا الوسيط بالمجمع (assembler )

وعلى رأى الباشمهندس
فاصل ونواصل
استنونا

[Honey1900]

السلام عليكو


الحلقة دي تكملة للي قبلها لسه مخلصناش موضوع الكمبيوتر

لازم نعمل بحث شامل كامل

[وفاء]

ثانيا لغه المستوى الرفيع
ظهرت هذه اللغه فى اوائل الخمسينات واصبحت تستخدم فى حل الكثير من المشكلات ذات الصبغه العلميه وبعضها مصمم لحفظ البيانات واعداد الملفات الخاصه بها
ولان هذه اللغات قريبه من الانسان فان الامر يتطلب الى وسيط لتحويلها الى لغه الاله للتعامل مع الحاسب
ويعرف هذا الوسيط بالمترجم (compiler )
ويمكن ان يوجد اكثر من وسيط للغه واحده
ويوجد نوعان من الوسائط المستخدمه للتحويل من لغات المستوى الرفيع الى لغه الاله
المترجم ( compiler ) او المفسر (interpreter )
وسأقوم بشرحهم فيما بعد والفرق بينهم

اليكم بعض لغات الحاسب الشائعه الاستخدام والتى تعتمد فى تشغيلها على المترجم والمفسر وذلك تبعا لتاريخ ظهورها
1- الفورتران FORTRAN FORmula TRANslator
فى عام 1954 خرج john backus مع مجموعه من شركه IBM بتلك اللغه وكانت اول لغه من لغات المستوى الرفيع وتستخدم فى الاغراض العلميه والرياضيه وما زالت تستخدم حتى الان
وتتميز هذه اللغه بالبساطه والايجاز
وقد ظهرت العديد من صور تلك اللغه واخرها FORTRAN-90 وتحتوى على بعض الاوامر التى تفسر نفسها بنفسها مثل READ ,WRITE ,GO TO , STOP
وتنفيذ برامج الفورتران تبعا لتسلسل الجمل بها


2- الكوبول :
COBOL Common Business Oriented Language
صممت تلك اللغه اساسا لتشغيل البيانا الخاصه بالوحدات الاقتصاديه والوحدات الاداريه الحكوميه
وقد قدمت فى مؤتمر لغات نظم البيانات فى عام 1959
وفى عام 1968 قام المعهد الامريكى لمعايير بوضع قواعد لغه الكوبول
وفى عام 1974 قام باصدار نسخه جديده عرفت COBOL-
ANS
فى عام 1985 ظهرت نسخه اخيره عرفت COBOL85
وتعتبر هذه اللغه من اللغات الهيكليه حيث تقسم الى اقسام والاقسام الى مجموعه اجزاء والجزء الى فقرات وكل فقره عباره عن مجموعه من الجمل

3- البى ال/1:
فى عام 1964 قدمت شركه IBM هذه اللغه كلغه متعدده الاغراض تجمع بين لغه الاعمال واللغه العلميه
فهى تجمع اللغتين السابقتين حيث ان الفورتران تفيد فى الاغراض العلميه ولاتصلح لمعالجه الملفات كما ان الكوبول لغه الاعمال لاتصلح للحسابات العلميه
فخرجت تلك اللغه لتصبح متعدده الاغراض فى مجالات الاعمال والتعليم والعلوم البحتى وغيرها
وهناك لغات اخرى
كالبيسك والبسكال وأدا واى بى جى ولغه السى وغيرهم
سأقوم بشرحهم تدريجيا
لكم تحياتى

[مستكة]

موضوع مميز فعلا

يستحق كل تقدير

ان شاء الله الفايده تعم علي الجميع

شكرا يا بشمهندس علي الفكره

وشكرا لكل من ساهم فيها

[Honey1900]

بارك الله فيكي يا وفاء منتظر بقيه تكمله البحث



و شكرا يا مستكة علي تواجدك بس لازم مشاركاتك ف كل الحوارات

لازم نستفيد بيكي بينا هنا و لا ايه ؟؟؟؟؟؟؟؟؟

[Honey1900]

بالنسبة للجزء بتاع الـ

assembly

المثالين الموجودي

معناهم

1ـ

Load A

2 ـ

Subtraact A by 5

و معني كدة ان الذاكرة او المخزن اللي اتعمل ف الذاكرة اللي اسمه

A

هيتحمل ف الاول بالقيمة

و ف الخطوة التانية هيتطرح منه واحد