كتر خيرك يا حكومة .. عاوزين تحية للحكومة الحلوة دي

[hend]

يا عزيزي القارئ

الحكومة خفضت أسعار الشكولاتة والساعات الماسية والسيمون فيميه.

نقرأ: ( مجلس الوزراء قال لن
ا أن التخفيضات الجمركية الأخيرة
ستخفف الأعباء عن المواطنين الغلابة.)

عندك مثلا
الأسماك الشهيرة على مائدة كل مصري
سمك "سوك آي" تم إعفاؤه من الضرائب تماما
وكذلك التونة الفاخرة
من نوع "ثونوس الباكارى" ثونوس ثاينوس ..
أسماك القرش المحببة لكل المصريين
خفضوا جماركها لـ 50% ،




والمفاجأة أن شم النسيم السنة دي له طعم تاني..

يا سلااااااام ربنا يخليلنا الحكومة دي ..
السيمون فيميه انخفضت عنه الجمارك من 32% إلى 20% فقط ،


مش كده وبس
ده الحكومة الطيبة خفضت الجمارك على "الكافيار" بنسبة 12%
وهو سلعة أساسية تدخل في معظم طعام المصريين من الفول للبيتزا مرورا للبستا المكرونة"،
ورنجة "كلوبيوهار" أصبحت معفاة من الضرائب
.مش بأقولك ، شم النسيم هيبقى السنة دي عسل!!
العدس أصبح معفى بس العدس على رأى وزير شهير سلعة شتوية مجرد شوربة ممكن تستبدلها بـ"الشابيون" وبفطر"اجاريكس" والذي خفضوا جماركه من 32% إلى 10%
كمان "الكتش اب" نزلت جماركه بنسبة 12% مرة واحدة.
وده طبعا لزوم ساندويتشات الأولاد من البرجر والسالمى والسوسيس.
وما بين الإفطار والغداء ولزوم سهرات المصريين التي لا تخلو من المكسرات خفضوا جمارك الفستق "الكاجو" من 12% إلى 5% فقط
الفاكهة المستوردة والتي لا تخلو منها موائد المصريين ستصبح أرخص..
عندك "الفوكادو" نزلت الجمارك للنصف ،
والعنب و"الزبيب" من 40% إلى 20%.
الجوافة الصيني والمانجو الهندي من 22% إلى 10%
والمفاجأة "الأناناس" خفضوا جماركه من 32% إلى 20% مش الأناناس بس ،
لا وكمان الكريز.
الحكومة لم تنس العصير علشان تآكل "السوك آى وسكيب جاك" ونبلع العصائر
الواردة من كل حدائق الدنيا خاصة برتقال "كاريونا" الشهير خفضوا جماركه
ولوما تحبش تشرب عصير"ساقع"
وأسنانك بتوجعك من الحاجة الساقعة
ستستطيع ان تستفيد من التخفيضات الجمركية لمسحوق الكاكاو
وستنهار أسعاره لأن الجمارك عليه أصبحت 5% فقط
بعدما كانت 22% وعلى فكرة ممكن الستات تستخدم الكاكاو والأناناس وجوز الهند في عمل "ماسكات" رخيصة لنظافة الوجه
وإعادة النضارة للبشرة.
وطبعا الحياة مش أكل وشرب بس
فيه مشاكل وأزمات كثيرة
كانت بتقابل المواطن من أمثالي وأمثالك ..
فكر كام مرة حاولت تغيير ساعتك القديمة أو تشترى ساعة هدية..
أسعار الساعات "السنييه" خاصة ذات "اليد" الألماس أو الذهب كانت "نار"
حاجة فظيعة جدا خصوصا لو الاستيك كان فيه كام حبة "مرجان أو فيروز"
وعلشان المشكلة دى تتحل
الحكومة خفضت الجمارك على استيك ساعات من كل المعادن الثمينة من 32% إلى 10% فقط.
وطبعا كل ده مرحلى فقط ،
يعنى الحكومة كام سنة ولا اثنين ستجرى تخفيضات جمركية أخرى
على السلع الضرورية دي
لأن شعارها "كافيار وسمك قرش لفم كل مواطن ،
وساعة ألماس ليديه "
ويجعله عامر والحمد لله لم تنس الحكومة الشيكولاتة
فقامت بتخفيض الجمارك عليها من 22% إلى 10% أحمدك يا رب.)

عاوزين دعوة للحكومة حبيبتي ..

بس ليه نسيتوا تخفضوا الجمارك علي أكل الحيوانات الأليفه" قطط وكلاب" ؟

[همس المحيط]

كرم مفيش بعده كرم ربنا يخليكي لينا يا حكومة مش حارمة حد من حاجة
شكرا هند دايما مواضيعك هادفة وحقيقية
تقبلي تحياتي...

[luxxxxxx]

حسبى الله ونعم الوكيل...

[احمد13]

صح ربنا يخليكي ياحكومة يا نظيفة

[وفاء]

مش هقول اكتر من اللى قالوه
ربنا يخليهم
وينتقم منهم ومنهم لله وحسبى الله ونعم الوكيل

[دينا خالد]

حسبى الله ونعم الوكيل فيهم

[hend]

هيه دى الحكومه اللى كلنا بنحلم بيها
ياللا كلنا ندعي لها
ربنا يهدك يا حكومه

[elfanan]

احنا مش فى ايدنا الا ان نقول حسبى اللة ونعم الوكيل


وانشاء اللة ربنا هينتقم منهم

[eng_haytham]

بصراحة حكومة مفيش زيها بتعمل فعلا على مصلحة الناس الغلابة
هو ده كل اللى الناس الغلابة بتحلم به
سبحان الله حكومة بتعرف تقرأ اللى فى دماغ الشعب
شكرا هند على الموضوع الجميل ده
وربنا يهديلنا الحكومة ده.

[DEW]

عاوزين اية اكتر من كدة
تخفيض وخفضوا
توفير و وفروا
لا لا لا
دا اجنا كدة اللى وحشين
تحيا الحكومة
ويموت الشعب

[hend]

ههههههههههههه
مش قلت لكم ان دى الحكومه اللى كنا بنحلم بيها
ربنا ياخدها
احم احم
قصدى ينتقم منها
احم احم
قصدى
يهدها
يوووووووووووووووه
قصدى يهديها

[trialless]

ايه يا جماعة تصدقوا ان الغلط مش على الحكومة الغلط علينل احنا اللى رافضين الوضع و سكتين
خلاص نستاهل كل اللى يحصلنا

[مصعب الخير]

جزاها الله خير الحكومه الطيبه دي

[ward]

ايه الحقد الطبقى ده
انتو مش عارفين تاخذو هذه الادويه خاللو الغلابه تتعالج
ربنا يخليكى لينا يا حكومه

[yasoo2002]

thankssssssssssssssssssssssssssssssssssssssss