|
اختى العزيزة دمعة فراق
أسف جدا ان كان الموضوع كان سبب فبكاءك طبعا دة أولا
ثانيا و دى النقطة الأهم و دى سبب طرح الموضوع و دى سبب الكلام و النقاش
انتى قريتي الموضوع فقط و ما قريتيش الردود المطروحة من الناس بالكامل أو بالشكل المطلوب أو اللى مكتوب ليها الموضوع
الهدف من الموضوع لا هو تشويه صورة مصر لأنى مصري و ان كانت صورة بلدي مشوهه فانا كمان أكيد هاكون مشوه و لا الهدف هو اظهار صورة سيئة لمصر ادام أخوانا و أشقائنا العرب فى أى بلد و في أى مكان
نتكلم بوضوح أكتر :- شئنا ام ابينا فصورة المصريين فعلا مهزوزة و دى حقيقة لكن مين هما المصريين اللى بيسافروا برة
ممكن هنا شباب من المنتدى يكون برة مصر ممكن أهلنا يكونوا هما اللى برة مصر و ممكن االلى موجود فى مصر دلواتى يكون برة مصر فى يوم من الايام قرايبنا اللى بيسافروا معارفنا و اصدقائنا و ناس كتير ممكن يكون لينا صله بيهم
لما احنا نعرف ان فى حاجة مش كويسة هاتمس صورة واحد احنا نعرفة مش هانقول قريب أو أهل من الواجب علينا اننا نتكلم معاه و ننصحة و نقولة ازاى يتفادى حاجة زي كدة
لان التغيير فى الطباع و الصفات عمره ما بيكون من شخص واحد و هو يغير كل اللى حوليه بس لو كل واحد غير نفسة على الاقل للشكل اللى يتفق عليه الناس جميعا انه صح هتلاقى تغيير شامل فى كل الصفات و التقاليد و لما نغير نفسنا و نلاقى ان فى حد محتاج للنصح و ننصحه مش عيب و هنساعده انة يكون انسان على خلق كريم لان الخلق الكريم دى صفة من الصفات اللى نادت بيها الديانات السماوية الثلاثة و دى حاجة بيتمناها أى انسان مثقف وواعي
لما بنتكلم على كدة بيكون لأاننا محتاجيين ننشر وعي بالثقافة العامة و العلوم داخلنا مش بقول اننا المفروض كل واحد يكون معاه دكتوراه في فن و علوم الحياة لكن على الأقل يكون عنده وعي باحترام الناس و احترام اللى حوليه
المنتدى اسمة ابن مصر يعنى منتدى مصري و النقاش كان داخل منتدى مصري معنى ان فى اخوات لينا فى دول عربية اتدخلوا فى الموضوع دة ما يعنيش اننا يعنى اصبحت صورتنا وحشة بالعكس اللى يفكر فى أن المجتمع اللى بيدور على سلبياته و عيوبة علشان يعالجها انه كدة بيفضح نفسه انا اسف جدا انسان سطحي و لا ينظر للامور نظرة الموضوعية و الواقعية و يكون مجرد نظرته للأمور مجرد كلام و ثرثرة لا بتودي و لا بتجيب
جميع الدول العربية سبب و أساس ثرواتها هى المعادن و البترول مصر الدولة الوحيدة اللى باعتراف كل العرب و باعترافنا انها دولة لا هى من دول النفط و لا من دول المعادن لكن فيها من الثروات ما يكفي لحل أزمة أمة كاملة و أكتر من دولة و الدليل علي كدة أنه حتى الان مازال مستشفيات العرب بالكامل فى كل الدول فيها أطباء مصريين على كفاءات و مازال حتى الان أعمال البناء و أنشاء البنية التحتية لدول كتيره ما بتمش الا بوجود مصريين و دة ماهواش تقليل من شأن المصريين و لا حاجة
في رد من الردود قولت أن اخوانا العرب اللى بيقولوا كلام كتير بنلاقيهم و نقابلهم فى مصر كتير
تحياتى ليكي و تحياتي لإنتمائك الوطني و غيرتك الشديدة على صورة مصر اللى كلنا مش مصريين بس و عرب كمان بنتمنى انها تظهر فى احسن الصور
|
مواضيع مشابهة
النمط الخطي
