الشات التليفزيونى جابلى شلل

[النقيب ادهم]

اكلام طلعا مش صح اللي بيحصل بس هنعمل ايه هو موضوع مضخك ملوش خل غير لصحابه

[Ebn elbalad]

*** ممكن واحدة جميلة للصداقة و الحب و ياريت برضه للسفر ***
آه ممكن طبعا !!!
و يا ترى حضرتك عايزها كام سلندر؟؟؟؟؟؟؟؟؟؟

ههههههه

استنتاج سليم وفى محله يا هند .. 80 % من اللى بيعتوا الرسايل دى ناس وصلت لذروة غباءها .. هل ده وقت فاضى مثلا ؟؟ .. ناس مش لاقية تعمل حاجة !! .. نفس شعور الشلل ده بيحصلى برده بس الرسايل بتبقى مكتوبة بطرق مستفزة جدا والواحد نفسه يشوف كاتبى الرسايل دول ويخلص عليهم !
تسملى على الموضوع وطريقة العرض الطيبة
ابن البلـد

[محمد كمال على]

هند
انا بطلت اتخنق من زمان
اقول لك على نصيحه
اى تليفزيون بتشتريه بيكون فيه زرار باور
الزرار ده له فائده عظيمه
اى برنامج مش بيعجبك
اضغطى على الزر
وشوفى النتيجه

[نيهال]

ياااااااااااااه
انا بطلت انى اقرا الكلام ده من فتره طويله
لانه هايف لدرجه مش عايزه اصدقها عن الشعب العربى كله

[AGIBA]

بقالى اكتر من 5 سنين من يوم ما قررت انى بعرف اكتب وان انا عندى اسلوب خاص فى طرح المواضيع وانا كل ما اقرا حاجة تعجبنى اقيمها الا موضوعك دة تصدقى معرفتش اقيمة اصل صعب جدا بغض النظر عن ان الموضوع نفسة هايل بس طريقتك فى تناول الموضوع هيا اللى وقفت عندها انتى بجد مشكلة

[ahmed643]

موضوعك جميل جدا ياهند كالعاده بس انا شايف 20 تعليق على الموضوع بتاعك كله شجب واستنكار وادانه كامله لهذا الاسلوب اذا كنا كلنا متفقين على ان ده عيب واستخفاف ببواطن الامور فمين الى بيعمل كده

انا مشفتش واحد دخل يقول انا ببعت مسج عالقناه

اد كده كلنا فهمين ؟ والله لو دى الحقيقه يبقى المنتدى ده المفروض يصنف من احسن المنتديات الدوليه

تقبلو مرورى

[mostafa10]

ههههههههههههه

والله عندك حق ياهند
بس انا بقى ببص لحاجة تانية خالص

في كمية اخطاء املائية رهيبه في الشات دا
والله بجد انا بتشل لما اقرأ الرسايل دي

حرام والله المليارات اللي بتروح هدر دي
انا عايز اعرف حاجة واحدة بس
هما راضين عن اللي هما بيعملوه دا
حاجة تغيظ بجد

شكرا ياهند عالموضوع

سلامي


اﻷخ أحمد : عفارم عليك انت بتتكلم صح ,, في ناس اكيد هنا بتبعت بس ياريت يصارحونا .
انا عن نفسي عمري مابعت رسالة ابدا غير مرة واحدة يتيمة لما مصر فازت بامم غانا اللي فاتت دي
وعلى كده

[amr_miza1]

تك تك تك ..

ابعدوا عنيييي هنفجرر

بكرهههمممم ومش بطيق اتفرج على حرق الدم والشلل ..

والمذيعة بيبقى ناقص ترقص مع اغنية سعد الصغير بتاعة بحبك يا حمـــــار .. وهى بتقول يالا مين هيكسب معانا ال 8 تلاف دولااار .. لو انت سعيد الحظ هتكسب معانا ..
ياللا اتصلووووو هي ههيهي ء .. اوووووف


دا فشل اجتماعى وجهل غير مسبوق
وهخرج من هنا قبل قبل ما يحصلى حاجة

[لاجئة]

شر البلية ما يضحك..
فعلا مجتمعنا وصل الى مرحلة اللا عودة فهو يعاني من مرض عضال لا شفاء منه ابدا..
نحن نحتاج الى معجزة لنخرج من هذه المتاهات!!
فعلا امور ليست الا مدعاة للسخط واحتقار الذات.. ناهيك عن القنوات التي تبث "حزازير" واسئلة سخيفة زي القائمين عليها وبتلقوا اتصالات (داخلية طبعا من قلب القناة نفسها) وبجاوب فيها المشارك اجوبة اسخف واتفه وطبعا بكون الجواب خطأ.. متل سؤال: مدينة حمرا واسوارها خضرا ومفتاحها حديد وسكانها عبيد... السؤال بيتعرض 1002505458 في اليوم وقال ايه محدش يعرف يجاوب عليه ومن كتر ما هو صعب وعايز درجة دكتوراه للاجابة بتكون الجائزة 12000 دولار...
فعلا مجنون يحكي وعاقل يسمع..
انا هيك قنوات بيجيبولي مرض السل!!

شكرا على الموضوع.
لاجئة.

[ابو اصاله]

عندك حق فى كل ده وفيه اكتر
من كده عقد
تخليك تتمنى الموت فعلا

وبس انا ليه وجهة نظر
فى ان ممكن نص الرسائل دى
مرسوله من شركات المحمول علشان تخلى الشباب
يرسلوا ويرسلو

[koko15]

تحفة يا هنودة بجد انتى سكر فعلا زى ما قال هيثم فى قناوات مفتوحة مخصوص علشان الهبل دا وعلى فكرة بتكسب كتيرررررررررررررررر على قفا العيال دول

[فراق84]

اختي هند
تعليقاتك عليها جميلة جدا
وبتستحق الاستهزاء دا
لانو فعلا بقينا بعصر المسخرة
هي بس اللي ماشية!!!
بيضيعو فلوس ووقت وكلام فاضي
على ولا حاجة
في حين في ناس بتموت نفسها على مليم
ربنا يهدينا ...
حنقول ايه
شر البلية ما يضحك
تسلم ايدك
اختك فراق

[بنت الإسلام 200]

ناس فاضيه وتافها ومش عارفه تضيع
فلوسها فين يعني الفلوس دي لو كانوا بيكسبوها
بتعب وشقا مكنوش ضيعوها بالشكل ده وياريت على
حاجه كويسه تنفع
المفروض اننا نستغل نعمة المراسله عن طريق
النت او التليفزيون او الموبايل في حاجات تنفعنا في الاخره
يعني مثلا نقدم نصيحه لبعض نعمل اي حاجه مفيده
احنا بجد بنضيع فرص علينا نكسب فيها الاجر والثواب
وفي الاخره نندم على كل مافات ونتمنى لو نرجع يوم ولا ساعه
ولا دقيقه ولا ثانيه نعمل فيها عمل صالح
يارب اهديني واهدي شباب وبنات المسلمين

[al_copraa]

رغم انك نكدتى عليا بالكلام اللى انتى عرضتيه اللا انى حقيقى عجبنى جدا شخصيتك ورؤيتك للموضوع وتعليقاتك المرحه جداااااااااااااااااااااا
ساتابع مواضيعك
تقبلى مرورى

[hend]

المشاركة الأصلية بواسطة مصطفى ممدوح

انا زيك بالظبط مت 3 مرات وانا قاعد قصاد التليفزيون وحاجة تجيب الشلل انا جاللى السكر والضغط والمرارة وعامل مشروع روماتيزم قريب فعلا يا جدع الناس اللى فى المشتشفيات مش بتعيأ من شوية من اللى بيحصل فيهم

انا مت اكتر
فعلا والله
بجد دا تعبير عن فراغ شديد بيمر به الشباب وللاسف بيستغلوا وقت فراغهم غلط
واكيد دا صرخه احتجاج مثلها مثل ستار اكاديمى
ولازم وقفه مننا

المشاركة الأصلية بواسطة همس المحيط

هههههههه والله ضحكتيني يا هند دة مش يشل دة يجيب الجلطة
لا والشلل الي على اصوله بقى هي ان في قنوات دلوقتي مخصصة للشات ومقلكيش تخلي الواحد يطلعله قرون جايبين واحد كرتوني وطالع منه سحابة على اساس بيتكلم وشغال بقه يقرا في الكلام اللي يتبعت وعلى كدة طول النهار لما الواحد اتعل
مش فاهمة هي الناس فاضية للدرجادي والمشاكل انتهت خلاص
ربنا يهدي شباب المسلمين جميعا
شكرا على الموضوع

دا عامل زى الادمان
يعنى فيه ناس معينه شايفه انه نوع من الهروب زى المخدرات من واقعها وان دا استغلال اقل خطورة للوقت
ولكن للاسف مع تطوره هيكون اكثر خطورة وربما كان كقنبله موقوته

المشاركة الأصلية بواسطة رهف

هند حبيبتى حاولى تكونى طبيعية اصل الحب اليومين دول بقى تيك اواى
تعرفى ان انا بتابع الشات التلفزيونى مخصوص علشان اضحك شوية
ناس فاضية
ربنا يهدى شباب المسلمين

ساعات بتابع الشات دا لو البرنامج تافه وبعدين اتضايق على الوقت اللى بضيعه وانا بقراه
لان بحس انه نوع من الاستهبال بس عالى شويه يعنى مش كذب معقول ابدا
وكمان بحس بنقص رقابة من الاباء وضعف وازع دينى



مشكورين احبتى على تشريفكم ومروركم