كــــــــــلام زمــــــــــــــان ( متجــــدد)

[عتاب]

اقاويل وامثال كتير اتقالت زمان ولسه بتتقال

صح او غلط بنقولها

مقتنعين بيها او مش مقتنعين برده بنرددها

احنا هنا هانفتكر مع بعض الاقاويل دي

وندرسها ... ماتخافوش مش مذاكرة يعني

ماعندناش امتحانات هنا هاندرس بس

ومحدش هايسقط كمان

هانقول المثل ونتناقش فيه

تابعونا

[عتاب]

وانا هابدأ بأول مثل وهو

(مراية الحب عميا )

عايزة اسمع اراءكم

وانا هقول رأيي بس كمان شوية

ياترى المراية عميا خالص والا نص نص والا بتشوف وتطنش

[Mr.N-2]

موضوع هايل يا عتاب كالعادة..........

أنا في رأي إنها نص نص وإللي بتشوفو بتطنشو .............

[عتاب]

المشاركة الأصلية بواسطة Mr.N-2

موضوع هايل يا عتاب كالعادة..........

أنا في رأي إنها نص نص وإللي بتشوفو بتطنشو .............

اهلا مستر ان
منور الموضوع
مراية الحب عندك بتشوف وتطنش
طيب ياترى بتطنش وهي عارفة ان العيوب هاتفضل موجودة والا بتطنش عشان بتقنع نفسها ان العيوب هاتتغير وتختفي ؟؟

[mamdou7]

المشاركة الأصلية بواسطة عتاب

اقاويل وامثال كتير اتقالت زمان ولسه بتتقال

صح او غلط بنقولها

مقتنعين بيها او مش مقتنعين برده بنرددها

احنا هنا هانفتكر مع بعض الاقاويل دي

وندرسها ... ماتخافوش مش مذاكرة يعني

ماعندناش امتحانات هنا هاندرس بس

ومحدش هايسقط كمان

هانقول المثل ونتناقش فيه

تابعونا

معلشي يا ابلة انا عايز اعرف بس الاول يعني الامتحان ده فيه نجاح وسقوط ولا ايه؟

انا عايز اقول ان مراية الحب متنفعش تبقي عميا ولو هي عميا فمينفعش نطنش لان لو طنشنا هيجي علي دماغنا بعد كده.

يعني مثلا الناس بتقول ان قترة الخطوبة معمولة علشان كل طرف يتعرف علي الطرف الثاني اكثر ويشوفوا هينفع يستمروا مع بعض ولا لأ وهل طباعهم قريبة من بعض ولا لأ.

لكن مقلوش ان فترة الخطوبة معمولة علشان يحبوا بعض اكثر ومش مهم طبعاهم عاملة ازاي وفعلا فيه ناس بتقعد تحب في بعض ومش بيفكروا هل هما هيقدروا يعيشوا مع بعض بعد كده ولا لأ وللأسف بعد الجواز كل العيوب اللي هما اتغاضوا عنها او عملوا نفسهم مش واخدين بالهم منها بتظهر واضحة جلية وهنا تبدأ المشاكل.

[Mr.N-2]

المشاركة الأصلية بواسطة عتاب

اهلا مستر ان
منور الموضوع
مراية الحب عندك بتشوف وتطنش
طيب ياترى بتطنش وهي عارفة ان العيوب هاتفضل موجودة والا بتطنش عشان بتقنع نفسها ان العيوب هاتتغير وتختفي ؟؟

طبعاً بطنش لأني عارف إنو دا كلو هيختفي مع الزمن

وساعات الواحد بيعمل حاجة غلط وهو مش واخد بالو وممكن يكون ميعرفش إنها غلط
فلازم الإتنين إللي بيحبو بعض يوضحو عيوب بعض لبعض
طب واحد يقول ممكن حبيبي يزعل ساعتها نقولو :
لا بارك الله في صديق زعل من كلمة عتاب.....
-----------

[Mr.N-2]

وأنا مع الأستاذ ممدوح بخصوص المعنى المرجو من فترة الخطوبة

وإللي معظم الناس فاهماه غلط

[عتاب]

المشاركة الأصلية بواسطة mamdou7

معلشي يا ابلة انا عايز اعرف بس الاول يعني الامتحان ده فيه نجاح وسقوط ولا ايه؟

انا عايز اقول ان مراية الحب متنفعش تبقي عميا ولو هي عميا فمينفعش نطنش لان لو طنشنا هيجي علي دماغنا بعد كده.

يعني مثلا الناس بتقول ان قترة الخطوبة معمولة علشان كل طرف يتعرف علي الطرف الثاني اكثر ويشوفوا هينفع يستمروا مع بعض ولا لأ وهل طباعهم قريبة من بعض ولا لأ.

لكن مقلوش ان فترة الخطوبة معمولة علشان يحبوا بعض اكثر ومش مهم طبعاهم عاملة ازاي وفعلا فيه ناس بتقعد تحب في بعض ومش بيفكروا هل هما هيقدروا يعيشوا مع بعض بعد كده ولا لأ وللأسف بعد الجواز كل العيوب اللي هما اتغاضوا عنها او عملوا نفسهم مش واخدين بالهم منها بتظهر واضحة جلية وهنا تبدأ المشاكل.

ماتخافش يا ممدوح احنا قلنا مفيش سقوط
كلنا ناجحين ان شاء الله
بالنسبة لكلامك عن الخطوبة معاك حق
لان معظم الناس فاهمين الخطوبة غلط
كل واحد ما يصدق يخطب وحنفية الكلام الحلو تضرب
وفي الاخر يطلع كله كلام في الهوا
طيب ليه من الاول كده !!!!
ماهي الخطوبة اصلا معمولة عشان التعارف والتفاهم مش الكلام الحلو والتسبيل
نقطة بقا ان مراية الحب مش عميا دي معناها انك بتشوف العيوب واعتراضك على التطنيش يبقى انت مش بتطنش
طيب ياترى ايه اللي بتعمله عشان تغير الطرف الاخر ؟؟ بتواجهه بعيوبه ؟؟والا بتحاول تغيره من غير مايعرف العيوب دي ؟؟

دايما مرورك ومشاركتك بتسعدني
اتمنى تواجدك باستمرار

[Mr.N-2]

من ناحيتي ياعتاب وللإجابة على سؤالك

أنا بواجه حبيبتي بعيوبها بس بطريقة ملتفة شوية يعني على سبيل المثال:
لو هي مش متحجبة (هي متحجبة الحمدلله بس دا مثال)
بروح أقولها على فكرة أنا بحب البنات إللي بيلبسو حجاب أوي بيكون شكلهم أحلى من إللي مش لابسين ...........(تلميحات يعني) وهي تفهمها بئ

[mamdou7]

المشاركة الأصلية بواسطة عتاب

ماتخافش يا ممدوح احنا قلنا مفيش سقوط

كلنا ناجحين ان شاء الله
بالنسبة لكلامك عن الخطوبة معاك حق
لان معظم الناس فاهمين الخطوبة غلط
كل واحد ما يصدق يخطب وحنفية الكلام الحلو تضرب
وفي الاخر يطلع كله كلام في الهوا
طيب ليه من الاول كده !!!!
ماهي الخطوبة اصلا معمولة عشان التعارف والتفاهم مش الكلام الحلو والتسبيل
نقطة بقا ان مراية الحب مش عميا دي معناها انك بتشوف العيوب واعتراضك على التطنيش يبقى انت مش بتطنش
طيب ياترى ايه اللي بتعمله عشان تغير الطرف الاخر ؟؟ بتواجهه بعيوبه ؟؟والا بتحاول تغيره من غير مايعرف العيوب دي ؟؟

دايما مرورك ومشاركتك بتسعدني
اتمنى تواجدك باستمرار

انا هتكلم من واقع التجربة لاني خاطب
اولا زي اي اتنين مخطوبين انا متفق مع خطيبتي علي الصراحة
ثانيا احنا متفقين في نقطة مهمة جدا ان احنا ممكن تكون طباعنا مختلفة عن بعض شوية وممكن يكون هي عندها حاجات او تصرفات تضايقني والعكس
وهنا يجي الحوار والتفاهم انا لازم اصارحها بالحاجات اللي مش عجباني فيها وهي برضه نفس الموضوع مع اعتبار الادب في الحوار وايجاد اسلوب لائق لاعتراف كل طرف للطرف الاخر بعيوبه(يعني من الاخر الملافظ سعد ومتبقاش مدب)
طبعا نتيجة للحب لازم بعد المصارحة والاقناع يعني بعد ما اقنعها بان الطبع ده او التصرفات دي مش كويسة ولازم تغيريها وهي تقتنع تيجي عملية التنازلات وانا اقصد هنا التنازلات الحميدة اللي انا بتنازل فيها عن عيب فيا مكنتش شايفه او طبع فيا علشان خاطر حبيبي مع العلم ان الطبع دي لو اتنازلت عنه مش هيقلل من قيمتي ويبدأ هنا التقارب بين الطرفين
بس عايز أقول الاول ان ممكن طرف يطالب الاخر بالتنازل عن طبع معين اوالاخر ميعرفش يعمل ده بسهولة ويحتاج لبعض الوقت والتدريب ودي برضه مش مشكلة الطرف الاول لازم يتعاون معاه ويقرب هو من ناحيته شوية ويتنازل شوية مش لازم تأمر تطاع يعني
انا اعتقد ان هو ده الحب الحقيقي والقائم في الاساس علي المصارحة مش التسبيل زي ما قلتي
انا اسف علي الاطالة واي سؤال ادوني رنة علي طول

[عتاب]

المشاركة الأصلية بواسطة Mr.N-2

طبعاً بطنش لأني عارف إنو دا كلو هيختفي مع الزمن

وساعات الواحد بيعمل حاجة غلط وهو مش واخد بالو وممكن يكون ميعرفش إنها غلط
فلازم الإتنين إللي بيحبو بعض يوضحو عيوب بعض لبعض
طب واحد يقول ممكن حبيبي يزعل ساعتها نقولو :
لا بارك الله في صديق زعل من كلمة عتاب.....
-----------

طيب ازاي العيوب هاتختفي مع الزمن اذا كنت انت ماحاولتش تغيرها في الطرف الاخر وطنشت
يعني الطرف الاخر اصلا مش هايبقى واخد باله انه عنده عيب مضايقك
لان اكيد مش كلنا عارفين كل عيوبنا
او حتى لو عارفينها هانكون مش عارفين مدى تأثيرها على الاخرين وبالتالي مش هاتشغلنا كتير

[عتاب]

المشاركة الأصلية بواسطة Mr.N-2

وأنا مع الأستاذ ممدوح بخصوص المعنى المرجو من فترة الخطوبة

وإللي معظم الناس فاهماه غلط

انا كمان معاكم في الرأي ده

[rehab89]

انا رايى يا عتاب ان فعلا مرايه الحب عاميه يعنى فى عيوب كتير مش بنشوفها واحنا بنحب بس بعد ما نبعد ونسيب الحب ده بنكتشف كل العيوب ونشوف الانسان الللى حبيناه على حقيقته ،يمكن واحنا بنحب بنشوف العيوب بس بنطنشها ونتغاضى عنها عشان ماتعوقش الحب بتاعنا .. طبعا ده غلط بس ده اللى بيحصل .. عشان كده الحب مش عواطف بس لازم يكون فى عقل كمان عشان نقدر نحكم على عيوب اللى بنحبهم ونقدر نغير فيهم ..........

[عتاب]

المشاركة الأصلية بواسطة Mr.N-2

من ناحيتي ياعتاب وللإجابة على سؤالك

أنا بواجه حبيبتي بعيوبها بس بطريقة ملتفة شوية يعني على سبيل المثال:
لو هي مش متحجبة (هي متحجبة الحمدلله بس دا مثال)
بروح أقولها على فكرة أنا بحب البنات إللي بيلبسو حجاب أوي بيكون شكلهم أحلى من إللي مش لابسين ...........(تلميحات يعني) وهي تفهمها بئ

طبعا التلميح بينفع في اوقات ومع شخصيات معينة ماينفعش معاها التصريح
يعني فيه نوع من البشر لو واجهته بعيوبه يعند ويتمسك بيها اكتر
وفيه نوع ممكن مواجهته دي تسببله احراج كبير
وبالتالي بيكون الافضل التلميح اللي طبعا مش كل الشخصيات بتفهمه
وبيني وبينك فيه شخصيات بتفهم وتطنش وده عيب اكبر من اي عيب تاني
انا عن نفسي بحب الصراحة في اوقات طبعا باسلوب مهذب
وممكن ألجأ للتلميح في اوقات تاني عشان ماحرجش اللي قدامي

[Mr.N-2]

مي تو........

وساعات بردو الواحد لازم يلجأ للمواجهة الصريحة .......بس مش كتير