حركة أمريكية تطالب بحق نشر الغسيل

[محمدحسين]

تنتشر حركة مناصرة للبيئة في ارجاء الولايات المتحدة الأمريكية من اجل استعادة حق نشر الثياب المغسولة على الحبال في الهواء الطلق.
وذكرت صحيفة "كريستيان ساينس مونيتور" ان حبل الغسيل المتواضع ذو فوائد جمة، كالقيام ببعض التمارين والحصول على رائحة ثياب جميلة، وهو يعود بقوة لانه وسيلة فعالة لتقنين استخدام الطاقة، كونه بديلاً عن آلات التنشيف الكهربائية.
وبدأت المطالبة بحق نشر الغسيل على الحبال تنتشر حتى في الولايات التي تحظر ذلك لأسباب جمالية.
وقال سيناتور ولاية فيرمونت ديك ماكورميك للصحيفة انه على الحكومة تحمل مسؤولياتها لحماية حق الناس التلقائي في الحفاظ على البيئة

[maysam]

معاهم حق بصراحة

التكنولوجيا زادت عن الحد والناس ضاقت بها ذرعا واصبح لا بد ان يتجه الناس مرة اخرى نحو الطبيعة!!

دا حتى صحي اكتر

[nadamoha]

صحيح .... أمّال هما بينشروا غسيلهم فيييييين

[maysam]

المشاركة الأصلية بواسطة nadamoha

صحيح .... أمّال هما بينشروا غسيلهم فيييييين

ههههههههه يا ندى هم بينشفوها بالنشافة الكهربائية

حتى في بعض البلدان العربية ممنوع نشر الغسيل برة

يعني بدبي مثلا ممنوع يتنشر الغسيل على بالكونات!! ولو شافوا حد ناشر غسيل هناك بيتعاقب ويتخالف ويدفع غرامة وذلك حفاظا على المنظر العام ، فالناس بتنشر جوا البيت او بالنشافة

[الورد الجوري]

يارب الحملة بتاعتهم تجيب نتيجة لانهم صعبوا عليا
الموضوع عجبني لاني حسيت انه و اخيرا و بعد طول انتظار
الناس في امريكا هيحسدونا على متعة التنشير في الهواء الطلق
و على الحبال بمنتهى الراحة و الهدوء و بدون استهلاك كهربي

ميرسي لحضرتك

[rehab89]

كويس طلعنا احسن من امريكا فى الغسيل ........هو فعلا مفيش احسن من الاتجاه للطبيعة

[محمدحسين]

المشاركة الأصلية بواسطة maysam

معاهم حق بصراحة

التكنولوجيا زادت عن الحد والناس ضاقت بها ذرعا واصبح لا بد ان يتجه الناس مرة اخرى نحو الطبيعة!!

دا حتى صحي اكتر

بكره ياميسوم
هتلاقى أعلان واحد رايح يتقدم لوحده وبيسألها بنتشرى غسيلك فين
هههههههههه
مافيش احسن طبعا من العوده للطبيعه
حتى التمارين ثبت علميا ان التمارين التى فى البيت والجمانيزيم تحقق فقط 60 %من نتائج التمارين فى الهواء الطلق فما بالك بالغسيل

[محمدحسين]

المشاركة الأصلية بواسطة nadamoha

صحيح .... أمّال هما بينشروا غسيلهم فيييييين

هههههههههههههههههه
ياندا فى ناس فيهم بييأخذوا ملابسهم للمغاسل او الدرا كلين وبالتالى فلا غسيل ولانشر بالبيت
ويمكن بيعملوا زى ناس كانوا عندنا زمان نشروا غسيلهم على القطر ههههههههه

[محمدحسين]

المشاركة الأصلية بواسطة الورد الجوري

يارب الحملة بتاعتهم تجيب نتيجة لانهم صعبوا عليا

الموضوع عجبني لاني حسيت انه و اخيرا و بعد طول انتظار
الناس في امريكا هيحسدونا على متعة التنشير في الهواء الطلق
و على الحبال بمنتهى الراحة و الهدوء و بدون استهلاك كهربي

ميرسي لحضرتك

المشكله ياورد أن الحكومه الامريكيه عليها أنفاق عده ملايين من أجل وضع مناشر فى البيوت نظرا لان البيوت الحديثه لايوجد مكان خارجى فيها لنشر الغسيل وخاصه ناطحات السحاب

[محمدحسين]

المشاركة الأصلية بواسطة rehab89

كويس طلعنا احسن من امريكا فى الغسيل ........هو فعلا مفيش احسن من الاتجاه للطبيعة

على رأيك يارحاب
ممكن نبعث لهم خبراء من عندنا لتعليمهم طرق النشر
وتلاقى عقود عمل من أمريكا بوظيفه ناشره غسيل ههههههههههه

[نيهال]

يا رب لك الحمد كما ينبغى لجلال وجهك وعظيم سلطانك


بجد حبل الغسيل نعمه لسه حايه بيها لما قريت الخبر يا محمد
والله


وبعدين ايه موضوع الشكل الجمالى ده.............
همه مش عندهم بلكونات خلفيه فى المطابخ فى المطابخ يعنى؟
مع ان شكلهم مش ضار قوى فى الشارع عندنا

(بره الموضوع خالص)
امال لو عرفوا اللى بنعمله فى رمضان علشان زواق الشارع........حيقولوا علينا ايه


مرسيه يا محمد على الاخبار
وعيد سعيد عليك وعلى اسرتك........ .معلشى اتاخرت قوى

[محمدحسين]

المشاركة الأصلية بواسطة نيهال

يا رب لك الحمد كما ينبغى لجلال وجهك وعظيم سلطانك


بجد حبل الغسيل نعمه لسه حايه بيها لما قريت الخبر يا محمد
والله


وبعدين ايه موضوع الشكل الجمالى ده.............
همه مش عندهم بلكونات خلفيه فى المطابخ فى المطابخ يعنى؟
مع ان شكلهم مش ضار قوى فى الشارع عندنا

(بره الموضوع خالص)
امال لو عرفوا اللى بنعمله فى رمضان علشان زواق الشارع........حيقولوا علينا ايه


مرسيه يا محمد على الاخبار
وعيد سعيد عليك وعلى اسرتك........ .معلشى اتاخرت قوى

يمكن يانهوله خايفين من نشر الغسيل علشان لايكون عندهم حراميه غسيل ههههههههههههه
هو يانهوله أسلوب حياتهم تغير وشكل الشقق تغير لديهم فى اشياء كثيره جعلتهم مختلفون عنا
ياريت نفكر نعمل مسابقه لأفضل ناشره غسيل ونحتفل بها كل سنه وتبقى فكره جديده من نوعها