بعد اشاعه موت الرئيس إكلينيكياً

[amr80]

بعد اشاعة موت حسني طلت علينا جريدة المسائية (المغمورة) في عدد الصادر بتاريخ 28/8

في اول صفحة علامة تعجب ؟

هل يصبح جمال مبارك زعيما بمواصفات شيراك ؟

انا عاوز اعرف اشمعنا بعد اشاعة موت ابوة . بتفرشلوة علشان تشوف رد فعل الناس والناس تطلع في الشارع وتقول اخترناك وبيعناك مش كفايه بيعنة ابوة، خلاص ما بقاش حلتنا غير هدمنا ووومش حتجيب حاجة .

وهذا نص الاعلان انا شيفه اعلان مش مدفوع الاجرة لا سمحه الله ده علي حساب صاحب المخيل


هل يصبح جمال مبارك زعيما بمواصفات شيراك ؟
التشابه كبير .. بين السيد جمال مبارك الأمين العام المساعد للحزب الوطني رئيس لجنة السياسات .. والرئيس الفرنسي السابق جاك شيراك .. هل سيصبح جمال .. زعيما في مواصفات شيراك ؟
تأمل جمال.. عندما يصبح في عمر.. شيراك .

[hend]

ياللهوى
عمر شيراك
انا هنتحر

[amr80]

خلاص نعض نحسب من دلوئتي حيتكل امتااا ...

[Half-Magic]

بجد كانت اشاعة جامدة خاصة عندنا فى اسكندرية لأن الريس قاعد عندنا دلوقتى فى استراحة برج العرب .... يقال انه سافر فرنسا سرا و عندما عاد توفى و ان الحكومة مكتمة على الخبر علشان مش يحصل قلق فى البلد لحد ما الجيش يظبط نفسه و بعد كده يعلنوا الخبر ....

بس واضح انها اشاعة ... حسنى مبارك قاعد لنا يا جدعااان يمكن احنا نموووت و هو لسه .. ههههههههههه ....

الأعمار بيد الله ..

[SM(nebo)SM]

الرحمة يا ناس
يبقا الواد وابوة
انا خايف يكونو بيدربو احفادة على انهم قادة لمصر
كل دة واحنا قاعدين
الرحمة

[بوسي احمد]

يا جماعة الكلام ده اشاعة

انا واثقة من كده في برنامج اذاعوه امس قالوا انه عايش ومش عيان ولا حاجة

ياريت يكون الكلام ده صح اهو نرتاح بقه

بس بجد ان لو حسني فعلا مات وجمال هيمسك بعده

انا ممكن افكر اعيش بره مصر على طول الى الابد

في حاجة لذيذة لقيتها عالنت ححطاهالكم قريب

استنوني

[دينا خالد]

شكرا ليك على الموضوع
اولا : لايوجد اي اثبات ان رئيسنا الجميل عايش؟؟؟؟؟؟؟؟ الحمد لله
ولو عايش يثبتوا لينا حتى بمكالمه منه تليفونيه ...........تأكد انه حي يرزق
سلاممممممممم

[هدير بوب]

بجد كانت اشاعة جامدة

ميرسى على الكلام ده

[batrika85]

يا جماعة ونفترض انه مات هو ده مش بشر لو ما متش انهاردة هيموت بكرة ولو مش بكرة يبقي في بعده ودواليك طيب ما جارنا مات وام صحبتي ماتت وصاحب اخو صحبتي مات والناس اللي في الشارع اللي ورانا اكيد عندهم حد مات
ايه هي خلاص هتخرب مفيش حد مخلد غير الله هيجي ابنه هيجي حفيده هيجي حماه برده هيموته وما دايم الا وجه الله
المهم والاهم ان اللي يموت ده ربنا يحسن ختامه

[™BATISTA]

نقلا عن شريط الاعلان الى فى نهاية قناة الجزيرة ان 15 صحيفة مصرية ستغلق يوم 7/10/2007 علشان الصحفيين الى اتقبض عليهم تضامنا معاهم يعنى

شيراك = جمال طيب ازاى ؟

[amr80]

ما علشان جمال = شيراك

يبئه انتا اكيد في مصر