ماذا تفيد الأشارة وسط فوضى مرورية

[hassan omran]

ماذا تفيد الأشارة وسط فوضى مرورية

هذا ما يحدث فى مصر الآن

أقسم بالله حاجه تحير وتلخبط لما تنظر لبلدنا . دى مش بلدنا اللى أحنا عارفينها
توجه سؤالك للكبير والصغير
يجوبك أجابه واحده أحنا عايشيين عصر الفساد. يا راجل. أيوه هو ده اللى التاريخ
يكتبه بدون زواق
أيام الحرب والأستنزاف أحسن كتير من السلام أيام البطاقه وزيت التموين والشاى والسكر
والصابون أفضل كتير م النهارده
النهارده الفساد منتشر زى النار فى الهشيم. طب مفيش حل .أزاى حيجى الحل وانت عايش
سجن مليان عساكر
وكره الناس للريس هو اللى خلى الناس تتمنى موته وهذا هو السبب الرئيسى لأنتشار
أشاعه موته بسرعه بسبب كمية الظلم والفساد المنتشرة فى عصره الأسود بعيد عنك
لذلك علينا بأخذ المبادرة من جانبنا لعل وعسى نصلح جزء مما أطلح نفكر
طب ما تيجوا نمتنع عن دفع المعلوم .لا أنت بتهزر دى كانت كل المصالح أتوقفت
أيه يا عم هى دى بلدنا ليه أنت متعرفش أن بقى عندنا حرامية خمس نجوم . يا راجل
أيوه عندنا حرامية أعضاء فى المجلس وعندنا حرامية رجال أعمال بياخدوا القروض
من البنوك ويفكوا بيها وعندنا حرامية من نوع آخر بيحتكروا السلع ليه
دول حرامية بردوا لأنهم بيتحكموا فى قوت الشعب وبيمنعوا المنافسه
بس يا عم دا أنت خليتنى أكره نفسى . ليه لسه فيه عندنا أطفال الشوارع وأطفال
السفاح وأطفال المواد المسرطنه وعندنا بلطجه ومخدرات وبانجوا وشاى بالحليب
ونس كافييه وكبر دماغك وعليها وأمشى فى حالك .
حاسب أستوب لحد هنا وكفاية. وعندنا كمان حركه كفاية .مش ده قصدى بلدنا مليانه رجاله
وشباب جامعه ومدارس ثانوى وعمال ووفلاحيين هو أنت ما سمعتش القصيده
اللى بتقول وتحكى عن الأمل وبكره.
من قلب المزارع من ورش المصانع
صوت مصررايح للحرية طالع
جايلك يا بلادنا يا أم ألف مدنه
نخرج كدابينك
وكلاب جارنينك
تجار المواجع
قام الشعب ناده
طفح الكيل زياده
والكداب تماده
ع الحق اللىضايع
يا اللى فيكى ولدى
راضى بنت بلدى
يبقى دراعه سندى
نطقوا المدافع
يا مصر أحنا جينه
من أسوان لسينا
حلوه أغانينا
رد يا اللى سامع
يا عم هو الشعر حيحرك الناس ويصحيهم الناس مبرشمه م الخوف
. أنسى بلدك وناس بلدك بتاعت زمان خلاص راحوا ..فوق يا فاروق
سمعت الكلام اللى يوجع قلبى واجنابى
ومشيت أجر أزيال الخيبه سارح البال أتأمل أراجع ذاكرتى
وأهمس ويا نفسى الله يا مصر أمال لو ولادك مش هما اللى حيشيلوا عنك الهموم
أمال مين اللى حيشيل همك
البلد بقت عامله زى أشارة مرور فى وسط فوضى مرورية تطفى تولع ملهاش لازمه
لازم ننفض التراب عننا ونعيد بريق معدن المصرى أبن الأصول زى زمان ساعتها
مش حنشيل هموم ويكون بكره فيه أمل أحسن م النهارده
----------------------
حسن عمران
ألآن نطور الموقف الى عمل مش بس كلام
Omran55.maktoobblog.com
Badralnhar.maktoobblog.com
Omran55.blogspot.com
Dastor76.blogspot.com

[بوسي احمد]

عندك حق بس هنقول لمين

يا أخي ده احنا مش بس متهانين ومذلولين في بلدنا

ده حتى اللي عايشين بره من اهل بلدنا في الغربة

لو حد عرف انهم مصريين بيتعاملوا معامله زبالة

احنا اصبحنا شعب مذموم من جميع البلدان العربية

بيتهيئلي انك عرفت اللي حصل في ليبيا واللي حصل في الكويت للمصريين المغتربين

فضااااااااااااااااااااااااايح و مصااااااااااااايب

احنا في زمن الانحطاط الفكري والاخلاقي

مش عارفة هنفضل لامتى كده

اااااااه لو تعرف انا وانا بكتبلك ردي دلوقتي عاملة ازاي

في قمة القهر بتقطع وببكي من اللي انا شيفاه بيحصل حوالينا

ومفيش بايدي حاجة كبنت غير اني اكتب اكتب واصرخ بصوت عالي

عايزة ابقى حررة

عايزة اتحرر من الظلم والفساد والاستعباد


اسفه اني طولت

واتمنالك المزيد من المشاركات والتوفيق

[hassan omran]

السلام عليكم ورحمة الله وبركاته

أنت لم تطيلى علينا بل بالعكس أنستينا

لكى تحياتى وأحترامى
......................................
حسن عمران