السخريه من مبارك

[ابوغرام]

السلام عليكم يا دكتور احمد انت لا تتكلم بحيادية انت كلامك كله بصف الحكومة كما لو انك وزير احدى الوزارات وبعدين احنا فعلا بنمر باسوا عصر فى تاريخ مصر عصر السادات كان احسن عصر وكمان عبدالناصر الناس دى كانت عمله لمصر كيان وكانت مصر لها كيان عن دلوقتى انما رد عليه الراجل ده عمل ايه لمصر اى حسنة عملها اليهود عملوا اللى لم يعملوه بالسلاح النصارى وخدين حقهم عنا مع ان الدولة دولة اسلاميه كما تنص الماده الاولى من الدستور وفى اخر الكلام ليس انا الا انا نقول حسبنا الله ونعم الوكيل

[مرمورة مصر]

في الحقيقة انالسه النهردة مسجلة في منتدى ابن مصر ولفت نظري جدا موضوعك يا hend وعجبني جدا و الصراحة عليتي في نظري خالص وانا معاكي في كل كلمة قولتيها وبعتبر ده جرأه وشجاعة منك اما الغريب في الموضوع هو رد الدكتور انا بحد مستغربة ازاي تكون معارض بالشكل ده انت مش شايف البلد بقيت ازاي هو حضرتك مع احترامي ليك عشان قاعد على الكمبيوتر قدام النت في حاجة بتسلي بيها وقتك يبقى ال75 مليون مصري بيعملوا زيك دول معظمهم صحيح بيشغلوا وقتهم بس بيشغلوا في الجري على لقمة العيش اللي بقى في العلالي خالص اهو يوم بيكلوه و10 لا مشغولين بعيلهم بيتمنوا لو كانو مخلفوش عشان ميشفهمش محرومين حتى من اللقمة ومتقوليش زي ما بيقولوا انتو اللي عملتوا في نفسكوا كده محدش قالكوا تخلفوا اكيد انت برضه لو مكنتش متجوز نفسك تتجوز وتشوف ولادك قدامك عايشين احسن عيشه ده غير الشباب طبعا اللي بيموتوا كل يوم بالبطئ وغيره وغيره وحجات كتيير اوي اوي مش صح انا بفتخر بتاريخ مصر وحضارتها و بحبها جدا وبحب شعبها الطيب الاصيل بس عمري ما افتخرت ولا حبيت حكومة الفساد اللي فيها هي اللي دمرت مصر وخربتها وخليت تاريخها ممحي باستيكة باللي بتعملوا دلوقت هي اللي كسرت الشعب المصري واهانته وزلته على اقمة العيش وعايزه اقولك ان كتيير من الناس اتغربت ولك ان تتخيل ايه معنى الغربة واحنا شعب يحب اللمة والصحاب والاهل ده احنا بقينا اغراب حتى في بلدنا وبعين انت بتقارن العصر ده بعصر السادات وجمال طب ازاي دول حتى ممكن تخلقلهم العزر من كتر الحروب اللي كانت في زمنهم لكن في عصر حسني ايه الحروب اللي خضناها عشان ينشغل بيها اوييييييي كده عن تعمير بلده ورفع اسمها يوم عن يوم لكن اللي بيحصل هو العكس تماما ده اسم مصر بينزل يوم ورا يوم وحدش صعبان عيه في الموضوع ده قد مصر باسمها وتاريخها وشعبها اللي مش لاقي فرصة ولو بالكلام انه يدافع عنها

[حضرة العمدة]

من وجهة نظري الشخصية الرئيس مبارك هو أفضل حاكم جاء في تاريخ مصر و يفوق دوره دور محمد علي في بناء مصر الحديثة .... و من يعترض عليه ان يثبت كلامه بالأدلة المادية و ليس بالشعارات و النكت السخيفة ....

معك "ابو حميد"ان هذا العصر هو عصر افضل بكثير من الذي قبله
واذا كان يوجد عيب فا العيب فينا
مع احترامي لكي"مرمورة مصر"
واهلا بكي معنا وبمشاركتك الاولي هنا
ونحن لا نختلف بأن الناس منطحونة ..
"وان خلقنا الانسان لا في كبد"
ومعك ان مساوءئ الحكموة كثيرة ولكن نرجع ونقول نحن بنشجع بسكتنا من اجل لقمة العيش على ان يستغلنا التاجر والحكومة فيما يردوا ان يفعلوة فينا
يجب ان نقاطع ونقاطع لكل جشع ولكل غلاء وسنري النتيجة ولكن للأسف الشديد نعيب زمانا والعيب فينا

[برشلـ عسل ـونية]

مقدمتك حلووووووووووووة كتير وميرسي وانشاء الله مزيد من التقدم

[hend]

المشاركة الأصلية بواسطة حضرة العمدة

مش مقصود بالعبارة ياحضرة العمده النكاح_على ما اعتقد_ انما المقصود السرقه والعشرة الطويله اللى هيه قد تصل فى طولها الى النكاح

"هند"
مش هنختلف كتي نحن متفقين على ما يحدث فينا سواء من حكومة او من غيرها او من رأسنا "مبارك"
ولكن مهما قلنا يجب ان نختار الكلام لنصل الى المعني الصحيح
واعلم انه ليس كلامك اكيد وهو كلام من قاله وما يتردد في الشارع ولكننا هنا يجب ان ننقل ما هو انقي وانفضل في التعبير


دمتِ اختي ولست مختلف معكِ
فالموضوع راقي وجميل وهادف وليس بالليد حيلة
والحمد لله نحن افضل من غيرنا ......

طبعا يااخى اتفق معك على ضرورة الانتقاء
وطبعا انا اعترف بخطأى فى عدم اتباع هذا الانتقاء
اشكرك على تذكيرى
واعدك انه لن يتكرر فى تكملة الموضوع ان شاء الله
الف شكر على متابعتك

[hend]

المشاركة الأصلية بواسطة ابوغرام

السلام عليكم يا دكتور احمد انت لا تتكلم بحيادية انت كلامك كله بصف الحكومة كما لو انك وزير احدى الوزارات وبعدين احنا فعلا بنمر باسوا عصر فى تاريخ مصر عصر السادات كان احسن عصر وكمان عبدالناصر الناس دى كانت عمله لمصر كيان وكانت مصر لها كيان عن دلوقتى انما رد عليه الراجل ده عمل ايه لمصر اى حسنة عملها اليهود عملوا اللى لم يعملوه بالسلاح النصارى وخدين حقهم عنا مع ان الدولة دولة اسلاميه كما تنص الماده الاولى من الدستور وفى اخر الكلام ليس انا الا انا نقول حسبنا الله ونعم الوكيل

للاسف نفس كلام الدكتور احمد انا صادفته فى موضوع تانى ليا فى قسم دهاليز السياسه وكان اسمه " قاموس مبارك" بس من عضو اخر وبصراحه انا رديت عليه بالحجه والمنطق لدرجه اتعبتنى ونفس العضو رد فى موضوع تانى برضه فى نفس القسم ولتانى مرة اتعبنى جدا لذلك هنا مش بحاول ارد خالص
اصلى تعبت
وانا معاك جدا جدا فى كل كلمه
لكن يمكن الدكتور شايف غير كده
طبعا كل واحد حر فى وجهة نظره
وانا بشكرك على تفاعلك وردك
شرفت الموضوع

[hend]

المشاركة الأصلية بواسطة مرمورة مصر

في الحقيقة انالسه النهردة مسجلة في منتدى ابن مصر ولفت نظري جدا موضوعك يا hend وعجبني جدا و الصراحة عليتي في نظري خالص وانا معاكي في كل كلمة قولتيها وبعتبر ده جرأه وشجاعة منك اما الغريب في الموضوع هو رد الدكتور انا بحد مستغربة ازاي تكون معارض بالشكل ده انت مش شايف البلد بقيت ازاي هو حضرتك مع احترامي ليك عشان قاعد على الكمبيوتر قدام النت في حاجة بتسلي بيها وقتك يبقى ال75 مليون مصري بيعملوا زيك دول معظمهم صحيح بيشغلوا وقتهم بس بيشغلوا في الجري على لقمة العيش اللي بقى في العلالي خالص اهو يوم بيكلوه و10 لا مشغولين بعيلهم بيتمنوا لو كانو مخلفوش عشان ميشفهمش محرومين حتى من اللقمة ومتقوليش زي ما بيقولوا انتو اللي عملتوا في نفسكوا كده محدش قالكوا تخلفوا اكيد انت برضه لو مكنتش متجوز نفسك تتجوز وتشوف ولادك قدامك عايشين احسن عيشه ده غير الشباب طبعا اللي بيموتوا كل يوم بالبطئ وغيره وغيره وحجات كتيير اوي اوي مش صح انا بفتخر بتاريخ مصر وحضارتها و بحبها جدا وبحب شعبها الطيب الاصيل بس عمري ما افتخرت ولا حبيت حكومة الفساد اللي فيها هي اللي دمرت مصر وخربتها وخليت تاريخها ممحي باستيكة باللي بتعملوا دلوقت هي اللي كسرت الشعب المصري واهانته وزلته على اقمة العيش وعايزه اقولك ان كتيير من الناس اتغربت ولك ان تتخيل ايه معنى الغربة واحنا شعب يحب اللمة والصحاب والاهل ده احنا بقينا اغراب حتى في بلدنا وبعين انت بتقارن العصر ده بعصر السادات وجمال طب ازاي دول حتى ممكن تخلقلهم العزر من كتر الحروب اللي كانت في زمنهم لكن في عصر حسني ايه الحروب اللي خضناها عشان ينشغل بيها اوييييييي كده عن تعمير بلده ورفع اسمها يوم عن يوم لكن اللي بيحصل هو العكس تماما ده اسم مصر بينزل يوم ورا يوم وحدش صعبان عيه في الموضوع ده قد مصر باسمها وتاريخها وشعبها اللي مش لاقي فرصة ولو بالكلام انه يدافع عنها

اولا اهلا وسهلا بيكى فى ابن مصر
وطبعا اهلا وسهلا بيكى فى موضوعى
شرفتيه ونورتيه
وانا بشكرك على اعجابك ده بموضوعى وبشكرك على مجاملتك الرقيقه
وزى ما رد الدكتور هنا لفت نظرك
كل ردوده هتلفت نظرك جدا
ماشاء الله الدكتور بيتميز بفكر مختلف جدا ودايما بيثير الدهشه حيث انه ادهشنى فى اكثر من موضوع
مش بس فى الناحية السياسه وان كان فى المنتدى ناس انا اعرفهم بيتبنون نفس الاراء السياسيه
وطبعا انا معاكى ان حال مصر بقى صعب قوى ومش ممكن السكوت عليه وللاسف اللى الواحد بيقراه فى الجرايد بيجعله يفقد الثقه تماما سواء بالرئيس (وطبعا انا بعز الرئيس بشكل كبير هيودينى فى داهيه )او الحكومه
واعتقد ان ابسط شىء فى ايدينا الانتقاد ربما يأتى اليوم الذى نستطيع فيه التغيير حقيقة على ارض الواقع
ان شاء الله قريبا
الف شكر على تفاعلك وردك فى الموضوع
واتمنى انى اشوفك دايما منورة مواضيعى ومنتظرين ابداعاتك

[hend]

المشاركة الأصلية بواسطة حضرة العمدة

من وجهة نظري الشخصية الرئيس مبارك هو أفضل حاكم جاء في تاريخ مصر و يفوق دوره دور محمد علي في بناء مصر الحديثة .... و من يعترض عليه ان يثبت كلامه بالأدلة المادية و ليس بالشعارات و النكت السخيفة ....

معك "ابو حميد"ان هذا العصر هو عصر افضل بكثير من الذي قبله
واذا كان يوجد عيب فا العيب فينا
مع احترامي لكي"مرمورة مصر"
واهلا بكي معنا وبمشاركتك الاولي هنا
ونحن لا نختلف بأن الناس منطحونة ..
"وان خلقنا الانسان لا في كبد"
ومعك ان مساوءئ الحكموة كثيرة ولكن نرجع ونقول نحن بنشجع بسكتنا من اجل لقمة العيش على ان يستغلنا التاجر والحكومة فيما يردوا ان يفعلوة فينا
يجب ان نقاطع ونقاطع لكل جشع ولكل غلاء وسنري النتيجة ولكن للأسف الشديد نعيب زمانا والعيب فينا

يافندم للمرة الاولى من سيادتك والثالثه من الدكتور اسمع عبارة " نكت سخيف" اذا كانت النكت او الموضوع لم يحذ على اعجاب سيادتك فكان من الممكن الا ترد من البدايه او تسجل عدم اعجابك بدلا من اتهامى بالسخافه الناتجه عن اطلاقى للنكت السخيفه
اما بالنسبه للادله فهى متواجده فى كل مكان ويعترف بها التقارير الدوليه وايضا الوزراء الحاليون
ولست فى حاجه الى ادراجها لو انك لديك الاستعداد لتغيير وجهة نظرك بامكانك عن طريق النت الوصول الى تلك الادله مدعمه بالصور (على سبيل المثال ضرب المواطنين بالاحذيه فى ازهى العصور والتعامل مع المظاهرات بمنتهى الديموقراطيه )طبعا الصور ما بتكدبشى
اعتقد انه مفيش انساان على وجه الارض يرفض انه يكد ويعمل من اجل لقمة العيش ولكن اذا كد وتعب ولم يجد تلك اللقمه ......فذلك قمة الظلم
اذا وجد اللقمة مسرطنه فهذا قمة الافتراء
واذا وجد من سرطنها ينعم بالحريه فهذا قمة الجبروت
لن اسيق ادله ولن احاول اقناعك
ليس عن تجاهل - حاشا لله - وانما لانى اراك متشبثا -انت والدكتور بارائكم
فلا داعى لان ابذل مجهود لن يعود علىّ او على مصر بفائده
بالطبع نحن كما نحمل السيد الرئيس المسئوليه نحمل معه جزء منها ولا شك ولا جدال فى هذا

[hend]

المشاركة الأصلية بواسطة برشلـ عسل ـونية

مقدمتك حلووووووووووووة كتير وميرسي وانشاء الله مزيد من التقدم

العفو يا حبيتى
شرفتى الموضوع
الف شكر على ردك وتفاعلك

[mido320]

شر البلية ما يضحك
ههههههههههههههههههههههههههه
وشكراااااااااا يا هند
وسنتظر المزيد

[hend]

العفو يااخى
جميل ان الموضوع عجبك
الف شكر على تشريفك وردك

[احمد13]

المشاركة الأصلية بواسطة hend

كلنا بنضحك بانمتعاض لاننا وانا كنا زعلانين فده هم يضحك زى ما بيقولوا
وكويس انه المقدمه عجبتك
كويس انه فيه حاجه عجبتك فى الموضوع

ليه هو في ايه ياهند انا قلت حاجة زعلتك

انا اسف علي العموم

[hend]

ومين قال انك ضايقتنى
او زعلتنى
انا لوزعلانه هقول
وانا مش قصدى حاجه والله

ماتفهمنيش غلط
انا ماقصدتش حاجه وانا اسفه اذا كنت اسأت التعبير
حقك عليا ماتزعلشى بقى
صافيه لبن ؟

[احمد13]

حليب ياقشطة انا مقدرش ازعل منك خالص

[M.I.D.O]

والله ياهند انا كنت ببحث فى جوجل ولقيت الموضوع بتاعك بالصدفه..فسجلت مخصوص علشان ارد
الحقيقه النكت جميله جدا
والاجمل منها الروح الوطنيه اللى بيتميز بيها المصريين بجد امثالك..
بس انتى مكانك هناك..على الفيس بوك

وانا بشكر كل اللى رد ع الموضوع رد محترم سواء عجبه او لا

اما بالنسبه للاخ اللى كان شايف الحياه وردى واللى كان بيكلمنا بلسان الحزب الوطنى
فانا متفق معاه فى كـــــــــــــــــــــــــــــــــــــــــــــــــ ـــــــــــل شىء
فى ماعدا طبعا الصور دى




























واكيد زى ماكلنا شايفين وحاسين وفاهمين وعارفين..احنا فى ازهى عصور مصر
على الاطلاااااااااااق

سلام