للبنات بس اى ولد هيدخل هتكون اخرته

[توتى3000]

السلام عليكم يا بنانيت يا قمرات

عندي ليكم فكره جميله وبجد عايزاكم تدخلوا واللي يعرف يقول للي ميعرفش

الفكره ومن غير ما اطول عليكم وعلشان احنا بنات غلابه وعلى قد حالنا ومش باينين وسط الزحمه ومش كلنا نعرف بعض
قولت يبقى الموضوع دا لينا البنات والولاد ممنوووووووووووووووووووووع ولو حد فيكم قفش ولد هنا يضرب جرس الانذار فورا ونعلن الحرب
المهم يا بنانيت هتسالوا هندخل هنا نعمل ايه
اقولكم
اولا كل بنت تدخل تعرفنا عن نفسها اسمها لو تحب وسنها وبتدرس ايه وعايشه فين
يعني اي معلومات تحب تقولها
حتى هوايتها وكمان المواضيع اللي حباها هنا وعايزانا نشوفها
ومواضيعها كمان ونناقش كل حاجه احنا عايزينها هنا نضحك ونتكلم مع بعض
ولو واحده فينا عندها مشكله او موضوع او نفسها تسال عن حد من البنات وتطمن عليه يعني من الاخر كل اللي يهمكم يبقى هنا ويبقى اتعرفنا على بعض
يارب الفكره تعجبكم
وعايزه نشارك علاطول...مستنياكم

[احمد13]

معجبتنيش الفكرة

[&NOUR&]

فكرة جميلة اوي اوي وانا معاكي
انا اسمي نور
وعندي 17 سنة
في صف تالت ثانوي
مرسي ياتوتي على التوبيك وياريت نبقى اصحاب

[توتى3000]

لالا متزعلش يااحمد بس انت عارف اننا مغلوبين على امرنا ولازم نبقى جنب بعض لاننا مكسورين فكان لازم يبقى فيه وقفه هههههههههههه ميرسى ياحمد اوعى تزعل خالث خالث

[توتى3000]

احنا فعلا اصحاب يانور عيزاكى تقولى اللى فى نفسك وميرسى على ردك وشدى حيلك فى المذاكره كمان وايه اخبار الصيام معاكى ياقمر

[توتى3000]

يلا يبنات فين الرغى

[eshoo4ever]

يعنى بنات بس ؟؟ مبحبش المواضيع دى ؟؟ يعنى ايه يعنى مالشباب مظلومة بردوا
دايما مظلموين

[توتى3000]

ياجماعه شكلى هوقعكو فى بعض ولا ايه انا مش قصدى كده والله الشباب على عينى وراسى بس هى مجرد فكره انتو زعلتو ولا ايه انتو هتخلونى اعيط هههههههههههههههه

[snow white]

السلام عليكم
اهلا توتى
ازييك؟؟ يارب تكونى بخير

احنا بنات غلابه وعلى قد حالنا ومش باينين وسط الزحمه ومش كلنا نعرف بعض

ههههههههههه
لا ياتوتى انتى فاهمه غلط احنا الحمد لله كتييييييير اوى بسم الله ما شاء الله

انما حكايه ان الولاد ميدخلوش ده مش مضمون
يعنى خلى بالكم يابنوتات ان كل كلامنا هيبقى ع الملأ

مره تانيه اهلا بيكى ياتوتى معانا

[توتى3000]

مرسى ياسنوويت احنا بس هنتكلم عن نفسنا وبنحب ايه ومنين يعنى كلام عام بس خلى الولاد فى حالهم

[الواثقه بالله]

السلام عليكم
فكره جميله بجد وخصوصا اننا نتعرف على بعض
بس صحيح مشكله الكلام العام ده هتبقى يعنى مش اد كده
بس الفكره فى حد ذاتها جميله عشان التعارف
انا نور عندى 21سنه من الزقازيق
ولسه جديده فى المنتدى اتمنى تقبلونى صديقه واخت معاكو فى المنتدى

[توتى3000]

ازيك يانور انتى منوره انا تقريبا قدك هكمل 21فى مارس اللى جاى ميرسى لمرورك

[eshoo4ever]

انا مزعلتش انا كنت بهزر مش اكتر

بس على رائى سنوويت انا قصدى المعلومات هتكون على الملاء

فكونوا حازين دى والله نصيحة كنت عاوز اقصدها

عشان متقابلكمش اى مضايقات من اى حد

[توتى3000]

ميرسى على ردك ياباشا هى مجرد فكره طأه حبتين وانا عرفه ان فى ولاد كتير هتدخل بس دى حاجه خلتنى اتعرف عليكو وانا لسه مسجله قريب فى المنتدى

[هدير بوب]

هاى عليكم بجد موضوع جامد اوى ميرسى ليكى اوى

انا هدير من المنصوره السن 16 و 6 شهور