بجد حاجة تضايق

[ghada_tv_tv]

السلام عليكم ورحمة الله وبركاته

ياجماعة مش عايزة حد يزعل من كلامي النهارده بس فعلا انا مضايقة اوي ومش عارفه في ناس بيضايقوا زيي كده ولا لأ؟

حاجة تضايق اوي لما تبقى تعبان في موضوع وبتعمل مجهود فيه ومش تلاقي الردود اللي انت متوقعها طبعا بشكر كل اللي بيردوا لكن انا دلوقتي بكلم عن ناس تانية خالص وانا اعرف منهم اسماء ودول الي مش بيردوا
يعني بالله عليكم لما الاقي مثلا الردود 5 والاقي المشاهدات 20 مش بذمتكم لازم دمي يتحرق وطبعا كل يوم المشاهدات بتوصل للـ200 والردود بتوصل يعني لـ10 ده مثال يعني
وانا مش بكلم عن موضوعاتي بس بكلم عن اي موضوع في المنتدا لاي عضو هنا يعني مفتكرش ان اي حد هيتعب لما يكتب شكرا او يقول رأيه لو مش عاجبه الموضوع
وياريت مفيش حد يكون زعل مني لان الموضوع مضايقني فعلا
وآسفة للاطالة

[hay_sam]

يا أهلا بيكي يا غاده

أكيد طبعا هيا حاجه تضايق
وخاصة لما تكوني تعبانه في الموضوع

وطبعا حصلتلي كتير
بس تعملي ايه
(عادي خدي الموضوع ببساطه وما تاخديهوش علي أعصابك)

لأن مش معقول هاتجبري الناس ترد عليكي

أنا معاكي انها حاجه تزعل
بس نشوف الناس ما عجبهاش موضوع معين خلاص نجيب موضوع آخر في مجال آخر

يعني الحل هوه التنويع في المواضيع

(أنا أول واحد رديت أهه)
أحسن أكون أنا من الناس إلي بتقولي عليهم

وتقبلي خالص تحياتي

[وفاء]

انا من رأى هيثم
وعلى فكره دى بتبقى عقده من الجداد
يعنى مثلا تلاقى الاعضاء الجداد لما يعملوا موضوع محدش يرد عليهم
طب ليه معرفش
واصلا واضح اوى الشلليه اللى فى المنتدى
يعنى ناس معيين بيردوا برده على نفس الناس

وزى ما قال هيثم متخديش الموضوع على اعصابك
عادى يعنى
وده يديكى دفعه انك تعملى مواضيع اكتر
واحسن

وانا كمان رديت اهو متخدنيش غياب بقى

دمتى بألف خير وبحب

[mony cat]

معاكى حق الواحد محتج تقدير لمجهوده او حتى نقد للموضوع انشاء الله الكل يهتم ويبطل كسل الرد مبيحتجش دقيقتين تقبلى مرورى يا عسل

[ghada_tv_tv]

شكرا ليك هيثم ووفاء وموني كات على اهتمامكم بالموضوع وانا اخده الموضوع على اعصابي لان ارقام المشاهدات بتستفزني
بس بجد كفاية عليا ردكم على اي موضوع ليا وشكراا

[توتى3000]

بجد ياغاده دى فعلا حاجه تحرق الدم انا فى طذذا موضوع انات عملاه وغيرى كمان محدش معبره مع ان الواحد انه حاجه كويسه اوى بس ممكن اللى يعجبك مش يعجب كل الناس وانا عيزه اعرف انك هتدخلى امتى عشان ارغى معاكى

[توتى3000]

اخيرا ياغاده حاجه اتمناها وتتحقق ياريتنى كنت طلبت ربع جنيه مخروم

[mamdou7]

اهلا وسهلا استاذة غادة
بصي انا شايف ان الموضوع ميزعلش ولا يضايق خالص وتعالي نحسبها بلغة الارقام الاول
لو انتي نعكشتي كده في المواضيع اللي في المنتدي هتلاقي ان مفيش ولا موضوع تعدي نسبة المشاركة فيه 20% من نسبة المشاهدة ولو حصل يبقي حالة شاذة (ده لو حصل يعني) ودي فاي منتدي مش هنا بس علي فكرة
طب تعالي نفكر بالمنطق كده ليه الفرق الكبير ده بين المشاركة والمشاهده ......
ده ليه اكتر من سبب:
اولا:صاحب الموضوع نفسه بيزيد من عدد المشاهدات لان انتي لما تنزلي موضوع وبفرض انك دخلتي عليه 5 مرات في اليوم علشان تعدلي حاجة في الموضوع او تزودي فقرة او اي حاجة انتي كده زودتي عدد المشاركات
ثانيا:انا مثلا دخلت علي موضوع ليكي وقريته او قفلت من غير ما كمله وروحت قفله وفتحه مرتين تلاتة وفي الاخر رديت علي الموضوع انا كمان بالطريقة دي زودت عدد المشاركات
ثالثا: ما بالك بقي انك كل ما حد بيرد علي الموضوع بتاعك بتدخلي تردي عليه وانا كمان بما اني مشارك في الموضوع بادخل اشوف مين اللي رد ورد قال ايه
هو ده بقي سبب ان المشاركات بتبقي اكتر بكتير من الردود
انا معاكي ان احيانا بيحصل ان مشترك جديد ميلاقيش ردود علي مواضيعه عكس الناس القدام ودي حاجة موجودة في اغلب المنتديات علشان كده لازم الناس تعرفك من خلال ردودك ومشاركاتك في موضوعاتهم علشان يعرفوكي ويحفظوكي ويحبوكي خصوصا لو ارائك مؤثرة ومنطقية بعد كده هتلاقي نفسك لما تنزلي موضوع الناس القديمة هم اول ناس بيدخلوا وبيردوا عليكي وبينقدوكي كمان
بالنسبة لموضوع ان واحد يدخل ويبصم او يقول حتي شكرا ويخرج فانا مش بفضل الموضوع ده لان بيحصل فعلا ان الواحد يبقي منزل موضوع بيسأل فيه سؤال معين ومنتظر اراء الاعضاء او اجابتهم وتلاقي واحد داخل بيقول شكرا طب يا عم شكرا علي ايه انا بسأل سؤال مش بقول معلومة

اسف علي الاطالة واتمني ان يبقي مفيش حاجة تزعلي او تضايق في بيتنا ابن مصر

[Limited Edition]

انا مقدر جداً لمجهوداتك في كاتبة المواضيع
و الموضوع اللي بتتكلمي عنه ده موضوع طبيعي جداً بيحصل في كل المنتديات و اعتقد ان الاخوان وضحوا الفكره

و فيه حاجه تانيه غالبية الاعضاء بينسوها , و هي ان المنتدى بيجيه زوار مش مسجلين و بيقروا الموضوع و ما بيقدروش يضيفوا ردود للموضوع
و عادة عدد الزوار بيكون أكبر و بكثير من عدد الاعضاء المسجلين في المنتدى

فيالموضوع طبيعي جداً و ما فيش أي داعي للزعل أو حرقة الدم

[ghada_tv_tv]

شكرا ياممدوح للتوضيح الجميل اوي ده وكمان limited editionشكرا ليك انا مقتنعة بكلامكوا ده مليون في الميه لكن عايزة اقولكم ان الموضوع ده عملتوا لان تتبعت عضو معين دخل موضوع ليا وبعدين ملقتش ليه رد وبعدين دخل كذا موضوع وبرده مفيش رد بس ده اللي ضايقني ان المجهود بيروح من غير تقدير وانا طبعا مش بعمم كلامي
اما بقى توتي انا موجودة اهو عشان نرغي شكرا لرأيك

[رضا ابراهيم]

فعلا عنك حق ولكن هى مش تحلرق الدم دى تبين ان للاسف معظم او فى كتير من اللى بيدخلو لمجرد الدخول مش المشاركة واعتقد ان دى حرية شخصية

[نرجسية]

ما تزعليش يا غادة
كل الأعضاء معرضين لكده
أقول لك على حاجة
انا ساعات بيكون مزاجى مش رايق لكتابة رد
أقرأ فقط و لو رديت و انا فى الحالة المزاجية السيئة دى بيكون رد ما يعجبنيش انا شخصيا
فممكن الرد بيكون فى وقت تانى
المطلوب انك تصبرى لان مش معقول الردود حتكون فى يوم واحد
انا مثلا عندى موضوع من حوالى شهرين او 3 شهور و الردود بتوصل له الى الآن
يعنى لو عضو نشط الموضوع كل اللى ما قراش الموضوع بيشوفه و يرد عليه

و تعليق ممدوح يؤخذ فى عين الاعتبار

[hend]

احيانا المشاهدات بتكون من الزوار مش من الاعضاء
ثانيا احيانا التجاهل بيكون افضل فهناك من قد يرد ردا لا يليق على الاطلاق
وان كنت اتفق معكى تماما فى كون ذلك شىء يضايق بالفعل
فأنا ما تعبت يوما فى موضوع الا ووجدت تجاهل وردود اراها لا تتناسب مع اهمية الموضوع

[BATISTA]

عادى يعنى الموضوع مش مستاهل كل العصبية والنرفزة دى والله الواحد بيجيب موضوع والى بيرد
او مايردش حاجة تخصة المهم ان الواحد راضى على الموضوع الى عملة وجابة والى بيرد بيكون إيجابى فى تعاملة غير كدة بقى حاجة ماتزعلش يعنى فى منتديات الواحد بيدخل يحمل الحاجات الى هو عايزة ويخرج من غير اشتراك ؟؟؟؟؟

فعلى اية النرفزة دى والعصبية الموضوع بسيط ومش مستاهل وفى أعضاء بيردو على المواضيع بجدية وناس الغرض بس تزويد عدد المشاركات فقط لاغير

[الحب الصامت]

السلام عليكم ورحمة الله وبركة
"
"
اختى الفاضلة غادة انا عضو جديد
لكن انا معاكى فى الانتى قولتية علشان دة موضوع خطير
لكن موجود فى جميع المنتديات انا عصرت كدة كثير
معلش اختى هو الموضوع بيضيق شوية لكن المطلوب مننا نصبر شوية فى
الردود على الموضيع علشا ن دة طبيعى
"
"
دومتى سيدتى بخير وحب حب
"
"
تحياتى اخوكى
الحب الصامت