خبر مزعج:دراسة ستة ملايين مدمن مخدرات في مصر

[hend]

افادت دراسة رسمية نشرتها الصحف المصرية الاسبوع الماضي ان عدد مدمني المخدرات في مصر يقدر بستة ملايين اي 8,5 في المئة من عدد السكان.

وافاد تقرير للمجلس الوطني لمكافحة ادمان المخدرات ان 439 الف ولد يتعاطون المخدرات بشكل منتظم في مصر الدولة المستهلكة والمنتجة لشتي انواع المخدرات.

والبانجو الشبيه بالماريجوانا هو الاكثر استهلاكا في مصر. الا ان الكوكايين والهيرويين والمخدرات الاصطناعية مثل حبوب الهلوسة منتشرة ايضا في الاسواق المحلية.

ومن اصل 12,2 في المئة من التلاميذ الذين اكدوا للمحققين انهم يستهكلون المخدرات قال 9 في المئة انهم يدخنون البانجو و3 في المئة الحشيش و0,21 في المئة المخدرات الكيميائية او الهيرويين.

وبحسب وكالة الامم المتحدة لمكافحة المخدرات والجريمة فان موقع مصر الجغرافي يجعلها مركزا لعمليات تهريب الهيروين والقنب الهندي من جنوب شرق اسيا الي اوروبا.

واكدت الوكالة ان زراعة البانجو منتشرة علي مساحات واسعة في سيناء مع وجود حقول شاسعة من الافيون في شبه جزيرة سيناء.



الرقم ضخم جدا ومزعج قوى
مش عارفه ليه انا حاسه انه مقصود مش بس من العدو الصهيونى اللى بيدخل اطنان من المخدرات من الحدود لا كمان ده اكيد مقصود من عندنا
ماهو مش ممكن نكون بدل ما نزرع قمح و ارز نزرع بانجو وحشيش ومفيش مباحث مخدرات ومفيش حد يقول حاجه ........احنا مش فى افغانستان

[احمد13]

طب دي حاجة كويسة

جدا ادينا نافعين في حاجة

سيدتي الفاضلة

لا يجتمع شعب فقير وحر في نفس الوقت

فلازم ننسي الشعب همومه من صعوبة اكل العيش وخلافه

عايزين نديها حشيش وننسي الهموم

وحشيشي حاجة تيجي كده

[بائع الورد]

حاليا البانجو اصبح مثل السيجارة يدخن علني !!
فالخبر صحيح واما رجال المباحث هم بالفعل يعملون لكن بطرق عشوائية تنتهي القضية بسبب عدم اتباعهم الاجراءات السليمة !!

[hend]

للاسف هناك من من قيادات الداخليه من يساهم فى نشره

بس بجد خبر مزعج انه يكون على هذه الدرجه من الانتشار وبجد محتاج وقفه

ليه الناس بتعمل كده وتشربه ماهى مش هتهرب من واقعها وبتخسر صحه وفلوس ومستقبل

وليه الناس دى بتدخل اراضينا وبتزرعه فيها ماهى فى خطر على طول وعمر الفلوس الحرام ما

هتدوم


هناك الكثير من الشعوب الفقيره التى تحاول ان تقف على اقدامها وتنهض

ولكن لماذا نحن هكذا؟؟؟؟؟؟؟

[Half-Magic]

لن اقوول غير ...
حسبنا الله و نعم الوكيل

[وائل المصري]

علي فكرة الاحصائية ديه مش الواقع لان الواقع ان كل الشعب المصري مدمنين ليس المهم ادمان

المخدرات ولكن هناك انواع اكثر بشاعة من الادمان كادمان الكلمه المسفه وغيرها من الوان

الادمان الاخري التي ليس لها احصائيات وعليه العوض.

وائل المصري

[hend]

مش ممكن نكون كلنا مدمنين

ازاى
خلاص مفيش اب وام بيربوا ويتابعوا ,مفيش دين ينهى ,مفيش شرطه تخوف ,ولا مفيش خوف على صحه ومال
الرقم ده لو كان حقيقى يبقى مقلق جدا وبيدق ناقوس الخطر
اللى بيحصل ده لمصلحة مين

[بائع الورد]

المشاركة الأصلية بواسطة hend

مش ممكن نكون كلنا مدمنين

ازاى
خلاص مفيش اب وام بيربوا ويتابعوا ,مفيش دين ينهى ,مفيش شرطه تخوف ,ولا مفيش خوف على صحه ومال
الرقم ده لو كان حقيقى يبقى مقلق جدا وبيدق ناقوس الخطر
اللى بيحصل ده لمصلحة مين

انتشار الفتاوى المتضاربة على الفضائيات أدي لغياب علماء الدين

الشرطة من الشعب واكثرهم يتناولون هذه الاشياء

الاب والام منهكان فى توفير القوت

الصحة والمال سعر البانجو فى متناول الاطفال

والصحة يكتفون بالهروب من الواقع المرير