مصر التي في خاطري ...

[Mr-Doc]

يا جماعة أنا فعلاً خطرت في بالي فكرة مش زي كل الافكار المتسرطنة اللي بتخطر في بالي دايماً

الناس اللي عايشه بره مصر و خاصة اللي اتولدوا في الغربة يعني كل معرفتهم عن مصر هي حكاوي أهاليهم عنها و قراءة الكتب و مشاهدة الفضائية المصرية بيتكون عندهم صورة خيالية من مصر .. شعب مترابط بيساعد بعضه البعض و عاش الهلال مع الصليب .. و أخوة وطنية .. و فوق كل ده بيتصور المفكرين و المثقفين اللي قاعدين على القهوة و صوت ام كلثوم بيلعلع من الراديو ... و المعتقلين السياسيين و أزمات المفكرين و الكفاح الداخلي و احمد فؤاد نجم و محمود السعدني . طيب كل ده حلو و جميل .. بس أول ما ينزل في الأجازة أو حتى في اي وقت يلاقي إن كل ديه أحلام و بلد خيالية كانت في دماغة .. يلاقي الناس مش طايقة حد يكلمها .. و الأخوة الوطنية اسوأ من الصراع العربي الإسرائيلي ... و بعدين الناس تفضل تقول ليه ايه اللي رجعك ؟؟ ايه اللي جابك ؟؟ حد يسيب بره و يرجع للبلد ديه ؟؟؟ .... طيب هوه يعمل إيه يعني بره يكون مغترب و الكل يقول ليه ايه اللي مقعدك ارجع بلدك و فك عننا .. و في بلده الكل يقول ليه ايه اللي رجعك خليك بره البلد كلها مشاكل ... يعني هوه ينتحر ؟؟ .. و بالذات انه اتولد بره يعني الغربة لم تكن من اختياره او قراره ..

إيه رايكم في الموضوع ده ؟؟؟

[مخاوي الليل]

موضوع جامد تسلم ايديك
والي الامام دائما

[mony cat]

موضوعك حلو بس اقولك حاجة لو انا عاوزة اكون فى مكان مش هيهمنى كلام حد المهم انا عاوزة ايه ومش كل الناس وحشين وان حد يستقر فى مكان ده بيبقى حريه شخصية والمفروض ميديش ودنو لحد ولا ايه

[Mr-Doc]

المشاركة الأصلية بواسطة mony cat

موضوعك حلو بس اقولك حاجة لو انا عاوزة اكون فى مكان مش هيهمنى كلام حد المهم انا عاوزة ايه ومش كل الناس وحشين وان حد يستقر فى مكان ده بيبقى حريه شخصية والمفروض ميديش ودنو لحد ولا ايه

بس المشكلة إن الإنسان بحاجة إلى اخيه الإنسان .. يعني تقدري تعيشي لوحدك براحتك تعملي اللي يعجبك لكن نظرات الناس و كلماتهم من وراء ظهرك ستجعلك تعيشين في جحيم .. انا جربت ده كلما نزلت مصر او رجعت هنا اجد في البلدتين نفسي مكروه .. اروح اعيش في تل ابيب احسن ما دام كده كده مش عاجب