ماهو اخطر تهديد للعلاقة بين الزوجين ؟

[hend]

وضعت هذا الاستفتاء حول العلاقة الزوجية و المشاكل التي تهددها و ماهو اكثر سبب يؤدي الى الطلاق او الانفصال من وجهة نظرك الشخصية و لماذا ؟
هل هى فى اعتقادك
قلة المال ام الـغـيـرة ام تدخل الاهل ام الخيانة ام اسباب اخرى ؟؟؟؟

[hay_sam]

بالرغم من صعوبة الاختيار ما بين الإختيارات

إلا إني أختار الخيانه

في إعتقادي إنها تدمر العلاقه تماما لأنها تؤدي لانعدام الثقة

وبالتالي يعيش الطرف إلي إتخان في جحيم وبالتالي ما يقدرش يكمل العلاقه

مشكوره يا هند
موضوع جميل
ولكنها عادتك طبعا

تقبلي تحياتي

[حاحا]

المشكلة بين الزوجين ليست قلة مال أو خيانة أو غيره ولكن المشكلة هي
أولا / قلة الخبرة
ثانيا /الدين ودي أهم حاجة البيت هذه الأيام بيفتقدها

[عتاب]

طبعا بالنسبة للاختيارات المطروحة فالخيانة هي اصعب شيء
ولو اني بعتبرها بتدمر مش بتهدد بالتدمير
يعني هي خارج المنافسة تماما لان الخيانة بتحدث كسر من المستحيل اصلاحه
حتى لو حاولنا وسامحنا بيفضل جوانا احساس بالمرارة بسبب الخيانة واحساس بالخوف من تكرارها واحساس بعدم الامان باستمرار في حين ان الطرف اللي خان بيكون اما انه حاسس بالذنب و ده برده شعور لو زاد هايسبب مشكلة او انه مش حاسس بغلطته وساعتها دي هاتكون كارثة اكبر لانه هايكرر الخطأ مادامت الفرصة متاحة

بالنسبالي بعيد عن الخيانة (لا قدر الله) اكثر مايهدد العلاقة الزوجية بالفشل هو غياب الحب والتفاهم
لان الحب هايخليني اعمل المستحيل عشان اسعد الطرف التاني وفي وجود التفاهم هايكون من السهل عليا معرفة افكاره والاشياء المحببه له وكمان الاشياء المكروهة
والطرف التانى نفس الشيء

[حاحا]

[قال الرسول عليه أفضل الصلاة والسلام <ألا أدلكم علي خير أعمالكم وأزكاها عند مليككم وأرفعها درجة عند ربكم وخير لكم من أنفاق الذهب والفضة وخير لكم من أن تلقوا أعداءكم فتضربون أعناقهم وتضربون أعناقهم ذكر الله>
يا جماعة من فضلكم تقوموا بقراءة هذا الحديث لأن أحنا ميحتاجينه هذه الأيام والله يا جماعة أحنا عملين زي الطماطم اللي بتضرب في خلاط واحد ومن فضلكم قوموا بتطبيقه

[سها soha]

العقل بمعنى ان محدش بيخضع لراى التانى

عشان الامور تمشى والمركب ما توقفش

لكن للاسف كل واحد لازم يمشى راية

ويقول لتانى انة الزم منة فى معرفة فنون القيادة

والغيرة بمعنى تبقى عارفة انة شغل جوزها مرتبط من الاخر كلة ستات

عملاء وزباين وزملاء

وتقوم الحر ب العالمية الثالتة عشان زميلة لة بتعتذر انها مش هتقدر تيجى الشغل

والاسئلة بقة واشمعنا انت الى كلمتك بذات

وخدى من دة كل يوم

والمرتب بردة

بصراحة بيتخنوقوا على كل حاجة

والحياة عمرها ما هتمشى كدة

بصراحة مفيش حل انا فاقدة الامل فى الموضوع دة بذات

انا بشكرك ياهند على مواضيك المتميزة دايما

[N.A]

افتكر ان اخطر حاجه تهدد العلاقه الزوجيه هى قله الحب
لان لو فى حب مش هتلاقى خيانه و لا هيأثر تدخل الاهل بشئ و لا هيكون فى غيره و الفلوس مش هتفرق بينهم
حقيقى المشكله قله الحب

[أدهم]

واضح إن الخيانة وضعت فى المكان الخطأ

كان ممكن يحصل نقاش فى الأمور الأخرى

لكن الخيانة صادرت عليه

بس هند هى هند بتميزها برده

شكرا ياستى

[وائل المصري]

الزواج هو علاقه جاده لبناء شركة بين اثنين وهذة هي الشركة الوحيدة الي بين اتنين اتنين بس

حتي قدوم الاولاد فالهذا ولتدخل الاهل تحدث ؤاول شرارة للخلاف وبعدها ياتي كل شيئ.

وائل المصري

[ابو الريم]

العلاقه بين الزوجين متل ما قال الاخ انو عباره عن شركه وهدا فعلا صحيح
طيب في حد شاف شركه في العالم لها مديرين او رئيسين ممكن يكون في مدراء كتير
ومجلس اداره لكن في النهايه لازم يكون في واحد مديرهم كلهم وهو القائد ونفس الحاجه
في البيت ما ينفعش يكون في رئيسين مستحيـــــــــــــــــــــــــــل
وللاسف بنات الايام بيتأثرو كتير بالي بشوفوه بالتلفزيون وينسون ما وصى به الله تعالى ورسوله الكريم
ارجو ممن لديه اي رد على كلامي ان يناقشني في الموضوع

[يارايارا]

العلاقه بين الزوجين علاقه مقدسه في اسباب كتير بتسبب الانفصل يمكن كل الاسباب اللي موجوده في الاستفتاء ساعات بتبقي الغيره او الخيانه او قله الماده واوقات تانيه بيبقي الاهل هما السبب وعدم التفاهم وبس انا من رايي ان اوقات كتير وبالاخص في الزمن ده تدخل الاهل بقي اكبر مشكله والعصبيه اللي بتحصل بينهم لما بتكلموا علي الاهل وكل واحد منهم بيغير علي اهله

[amr_miza1]

رغم ان الخيانة فعلا بتدمر العلاقة الزوجية .. الا انى شايف ان ان فيه اسباب تانية كتيرة جدا
من الصعب حصرها فى موضوع واحد

ممكن تبقى طباع شخصية سيئة للزوج او الزوجة
ممكن تكون فيه مشاكل عائلية كفيلة بأنها تفسد العلاقة الزوجية ..

شيء هام جدا وهو ظاهرة الخرس الزوجى ودا شيء خطير جدا ومش بيبقى فيه حوار قائم بين الزوجين وطالما مفيش حوار بتبقى الحياة اشبه بالجحيم ..

واسبا اخرى كتير ..
شكرا هند

[زهره مصر]

كل الاساب المطروحه تودي الي فشل العلاقه
الزوجيه ولكني اري ان الخيانه من اهم الاسباب
في نظري لا تغتفر

[لاجئة]

المشاركة الأصلية بواسطة amr_miza1

رغم ان الخيانة فعلا بتدمر العلاقة الزوجية .. الا انى شايف ان ان فيه اسباب تانية كتيرة جدا
من الصعب حصرها فى موضوع واحد

ممكن تبقى طباع شخصية سيئة للزوج او الزوجة
ممكن تكون فيه مشاكل عائلية كفيلة بأنها تفسد العلاقة الزوجية ..

شيء هام جدا وهو ظاهرة الخرس الزوجى ودا شيء خطير جدا ومش بيبقى فيه حوار قائم بين الزوجين وطالما مفيش حوار بتبقى الحياة اشبه بالجحيم ..

واسبا اخرى كتير ..
شكرا هند

اؤيد عمرو بهذا الصدد...
مع العلم اني صوت لصالح الخيانة!

لكني اشاطره الرأي تماما فيما قال!

[بنت فلسطين]

مرحبا هند .. موضوع مهم ومتميز كالعادة ..

أنا أرى انه الخيانة هي اكبر خطر يهدد الحياة الزوجية .. بل ينهيها بدون اي مبررات اخرى
يعني كله يهون امام الخيانة .. لأنه كدة متكونش الحياة الزوجية ممكنة اذا كان احد الطرفين لا يرى
ما يغنيه في الآخر ..

تحياتي