السلام عليكم ورحمة الله وبركاته
***************
حبايب قلبى
كل سنة وأنتم طيبين بمناسبة كل حاجة حلوة
بمناسبة شهر رمضان اللى هينتهى خلاص أهه
وبمناسبة إقتراب عيد الفطر المبارك
أعاده الله على الأمة الإسلامية بالخير والسعاده والرخاء
وكمان بمناسبة أعياد أكتوبر المجيدة
**
**
المهم علشان مطولش عليكم
احنا قربنا على نهاية شهر رمضان الكريم
الشهر اللى كله خير ورحمة ومغفرة وعتق من النار
الشهر اللى بتتسلسل فيه شياطين الجن
الشهر اللى فيه تراويح وقيام وتهجد وصدقة وقراءة قرآن ودعاء
الشهر اللى كله طاعات وروحانيات وتقرب إلى الله
الشهر الجميل الرائع اللى بنزعل جداً جداً لما ينتهى
الشهر اللى بيفوت بسرعة عجيبة جداً وكأنه لم يبدأ
**
**
الشهر ده مش باقى منه إلا أيام وساعات قليلة
**
السؤال
**
وماذا بعد رمضان ؟؟
**
سألت أو سألتى نفسك السؤال ده؟
ولا كله محصل بعضه وخلاص ؟
بمعنى آخر
هى الطاعة والتقرب إلى الله وقراءة القرآن والدعاء والصدقة وحب الناس والبعد عن المعاصى
كل ده بيكون فى رمضان وبس ؟
ولا بيكون فى رمضان وفى غير رمضان
اللى عايز أقوله إن رب رمضان هو رب شوال ورب شعبان ورب الشهور كلها
يا ريت يا جماعة
والله بقولها من قلبى
ونفسى كلنا وأنا أولكم إن شاء الله
يا ريت نستمر على ما كنا عليه فى رمضان .. نستمر عليه فيما بعد رمضان
اللهم اجعلنا من المغفورين لهم فى رمضان
اللهم اجعلنا من عتقائك من النار فى رمضان
اللهم اجعلنا من رفقاء حبيبك فى الجنة يا رحيم
اللهم اسقنا يوم القيامة شربة لا نظمأ بعدها أبداً
اللهم يا رحيم يا قدير
نسألك أن ترزقنا الثبات على طاعتك بعد رمضان
اللهم اغفر للمؤمنين والمؤمنات والمسلمين والمسلمات الأحياء منهم والأموات
إنك سميع قريب مجيب الدعوات يا رب العالمين
وصلى اللهم وسلم وبارك على نبيك وصحبه أجمعين
والسلام عليكم ورحمة الله وبركاته
مواضيع مشابهة
المهم.. بل الأهم .. وماذا بعد رمضان ؟؟؟؟
النمط الخطي
