خيانة الزوج لزوجته ..... مين السبب فيها؟؟؟؟

[لوجين]

السلام عليكم و رحمة الله و بركاته

كلامى النهاردة عن الخيانة الزوجية أو بمعنى أدق خيانة الزوج لزوجته أو زواجه بأخرى

خيانة الزوج لزوجته سمعناها كتير سواء فى الأفلام أو فى الواقع بس عمرنا ما سألنا نفسنا مين السبب فى كده؟؟؟؟

فى ناس بتقول ان الزوج هو السبب لأنه مثلا عينه زايغة أو مش مكفياه واحدة بس أو مش بيحب مراته أو فجأة صحى من النوم لقى نفسه مش طايقها أو متزوجها بضغط من أهله لأنها قريبته أو يتيمة أو أو أو


و فى ناس تانية بتقول ان الزوجة هى السبب للأهمالها فى بيتها أو عدم اهتمامها بجمالها أو انشغالها عن الزوج اما بالعمل أو بتربية الأولاد
أو لأن طبع الزوجة مش عجبه

مع ان فى زوجات بيبقوا مثال فى الجمال و الأخلاق و النظافة و حبهم لأزواجهم و مع ذلك بيتعرضوا لخيانة أزواجهم...........يبقى العيب هنا فى مين؟؟؟؟؟؟؟؟؟؟

و يا ترى الزواج عن حب دافع قوى يمنع الخيانة الزوجية
لأن حبهم لبعض دافع قوى لأخلاصهم لبعض و الحب بينهم بيخليهم يغفروا لبعض و يتحملوا بعض عند الغضب و يتمنوا يعيشوا مع بعض على طول

و لا الزواج التقليدى سبب من أسباب الخيانة لعدم وجود حب من الأساس و ده بيجعلهم مش محتملين بعض و مش متفاهمين مع بعض و ده بيعمل حالة ملل عند الزوج أو الزوجة و ده بيدفع الزوج للأتجاه لأخرى سواء بالزواج أو بالزنا أو بالحب

يبقى هنا مين السبب فى الخيانة الزوج و لا الزوجة و لا الزواج التقليدى و لا المجتمع و الأهل و لا الضغط النفسى بيخلى الزوج يعمل كده و لا ايه بالظبط ؟؟؟؟؟؟؟؟؟؟

يا ريت تشاركونى الرأى

[hend]

الخيانه كلا الطرفين مسئولين عنها

احد الطرفين يدفع الاخر الى الخيانه والاخر يندفع وينزلق بدون تفكير

كلاهما مش بيكون راضى عن ما حدث

لا يمكن لوم زوج على خيانة زوجته لانه لم يكون كافيا لها ولم يهتم بها كما يجب ولم يكن نعم

الزوج وكان ناقصا فخرجت تبحث عما ينقصها والعكس صحيح

الخيانه بشعه تنتج عن قصور احدهما ولم يكتفوا بالقصور فلم يبحثوا عن حل او يتصارحوا

فقط سلكوا الطريق السهل

[سها soha]

انا بشكرك يالوجين على موضوعك

بس لو عايزة راى

الزوج هو الى علية اللوم انا مش متحيزة لبنات جنسى

بس بجد بحس ان الست ساعات كتير بتظلم

مع ان فى ستات جبارة

بس اصل الست بردة كائن مشاعرة اهم حاجة عندة

[لوجين]

المشاركة الأصلية بواسطة hend

الخيانه كلا الطرفين مسئولين عنها

احد الطرفين يدفع الاخر الى الخيانه والاخر يندفع وينزلق بدون تفكير

كلاهما مش بيكون راضى عن ما حدث

لا يمكن لوم زوج على خيانة زوجته لانه لم يكون كافيا لها ولم يهتم بها كما يجب ولم يكن نعم

الزوج وكان ناقصا فخرجت تبحث عما ينقصها والعكس صحيح

الخيانه بشعه تنتج عن قصور احدهما ولم يكتفوا بالقصور فلم يبحثوا عن حل او يتصارحوا

فقط سلكوا الطريق السهل

كلامك مقنع و فعلا هما بيسلكوا الطريق السهل و هو الطريق المحرم
و مرسيه يا هند على موروك الجميل
منورة الصفحة

[لوجين]

المشاركة الأصلية بواسطة سها soha

انا بشكرك يالوجين على موضوعك

بس لو عايزة راى

الزوج هو الى علية اللوم انا مش متحيزة لبنات جنسى

بس بجد بحس ان الست ساعات كتير بتظلم

مع ان فى ستات جبارة

بس اصل الست بردة كائن مشاعرة اهم حاجة عندة

أنا معاكى فى كلامك بس الزوجة هى الوحيدة القادرة على جعل بيتها جنة من السعادة أو جحيم من نار بس ده بموازنة من الزوج
و مرسيه على مرورك و نورتينى

[رضا ابراهيم]

بأ ختصار بعد الراجل و الزوجة معا عن الدين هو السبب الرئيسى فى مشاكل الطلاق

[آيزيس]

لست أرى مبرر أى كان السبب

فالرجل الذي يتشدق بأسباب انحرافه ان زوجته لا تهتم بنفسها أو لا تهتم به أو غيرها من المحفوظات انما يحاول فقط أن يريح ضميره و يستميل الناس نحوه ليس الا.

فمن كان يجد في زوجته ما يقول فليتركها أو يتزوج غيرها على سنة الله و رسوله.
لكن الخيانة و الانحراف ليسوا هما الحل.

ثم ماذا لو لم ترضى المرأة عن زوجها و اهماله لها و لبيتها و لنفسه ؟ هل سيسامحها المجتمع لو خانته و يعتبرها نزوة كما يفعل مع الرجل ؟
هل سيقولوا له سامح و اغفر و اعقد في بيتك ربي عيالك كما يقولون لها ؟!!!!!

صراحة لا استطيع ان افهم جينات الرجال و طريقة تفكيرهم
رأيت أزواج لا يكفون عن الثناء عن زوجاتهم و يعترفون انهم يحبون زوجاتهم بشدة لكن هذا لم يمنعهم من مصادقة فتايات اخريات او من الخيانة الصريحة.