بجد يارب الاقي حل للمشكله دي ساعدوني الله يخليكم

[يا رحمة الرحمن]

السلام عليكم ورحمة الله وبركاته ....
انا بصراحه مش عارفه اكتب ايه.. انا كتبت هنا وخرجت كل الي جوايا بس لاني تعبت من السكات ... انا من جوايا تعبت .. تعبت اوي من كتر ما بسمع .. وبشوف وبسكت ولا اقدر اتكلم .. انا ضاعت من ايدي حجات كتيره .. وعندي 3مشاكل مش عارفه بجد التعامل معاهم ازاي .. حاسه اني هتجنن .. مش طايقه اعيش في البيت ده .. عايزه اخرج منه وارتاح من مشاكله ومن همومه .. حتى لو هتجوز واروح مع جوزي بسكات من غير فرح ومن غير فستان ومن اغانى ومن غير زفه .. اهم حاجه احسن بالامان وبالحنان .. احس بجو عائله طيبه .. جو عائله متافهمه انا ابنيها على الحب والتفاهم .. بس اعمل ايه .. هقولكم المشكله الاولى ...
الي هيه اني لما كنت في مدرسه .. امي كانت بتضربنى بسبب اني ما بحبش الذاكر .. وكنت لما بروح المدرسه بشاغب والمعلمات بيشتكوا منى .. بس كنت مؤدبه .. اني ما كنتش باعلى صوتي على المعلم ولا معلمه .. بس كنت مشاغبه اوي اني كنت مثلا في الفصل بلعب بالورق بنام باكل وبشرب والمدرسين بيشتكوا منى بكدا .. وكنت مشاغبه جدا في ساحة المدرسه .. وكانت امي بتيجي علشان تسال عني بيقولها اني مشاغبه وكسوله اوي وما بسمعش الكلام .. وكنت لما بروح البيت كانت بتضربنى اوي اوي .. وكنت لما برجع وانا في باص المدرسه بقول يارب الباص يتقلب علشان مش اروح البيت واشوف امي .. .. كانت ساعات بتحرمنى من الغدا .. وكانت كمان بتحرمنى من العشاء .. كانت بتقول انا بتغاظ منك لما بتاكلي وبتشربي ولا بذاكري ولما تبقى اللقمه في ايدي تاخدها وترميها .. وانا كنت بعيط .. وكنت بنام جعانه .. وما كانت ساعات لما بتتخانق معايا في خصوص الدراسه ما كنتش بتديني فلوس علشان اكل .. وكنت برجع البيت جعانه اوي .. فانا بزعل وكنت بروح انام .. بصحى ما بلقيش اكل كنت عادي اقعد يومين ما باكلش .. لدرجة اني كرهتها.. كنت بروح المدرسه هدومي مقطعه .. انا ما كنتش بعرف اكوي .. بس بكوي لاني لو مش كويت ماحدش هيكولي .. فكنت بحرق هدوم المدرسه .. وكنت بروح المدرسه بهدومي المحروقه .. وهيه ما كنتش بتهتم .. لدرجة انه مره وكلية المدرسه استدعت امي لسبب الموضووع ده .. وقالتلها لو انتوا فقراء احنا هنساعكم .. بس كان رد امي ليها اننا احنا مش فقراء وانه ابويه من تجار البلد ويقدر يعيشك ويعيش عشره زيك .. في اليوم ده خادتنى البيت وهزاتني اوي اوي وادتني ملابس قديمه اوي .. مع انه كان الفروض تجبلي حجات جديده ... .. وكنت بقول انه دي مش امي ... وانا لازم اخرج الدور على امي.. كنت بقعد اعيط واقول ليه يا ماما سبتيني ومشيتى انا محتجالك اوي يا ماما ... وكنت ساعات بروح الدور بشهادة الميلاد بتاعتى اشوف اسم الام مين .. وكنت بزعل لما بشوف اسمها .. لانى ما كنتش بشوف أي حنيه منها .. احب اقولكم حاجه اني انا ادلعت كتير اوي لما كنت صغيره وخاصة منها هيه .. بس لما دخلت مدرسه تغير حبها دي لوحشه .. وكان ديما ابويه يقولها البنت هتجيلها عقده بسببك .. وهيه كانت بتقول ياريت .. كانت بتقول أي عريس يجيلها هجوزه ليها .. المهم في الفتره من الصف سادس ابتدائي لحد اولى ثانوي .. وانا ما كنت بحس أي اتجاه من نحية امي .. لدرجة اني كنت بخس اوي وما كنتش تهتم .. والمدرسات بيسالو عن نحافتي الزايده .. ... ومره لدرجة انى فكرت في يوم اروح المدرسه واهرب من هناك .. واروح أي مكان الشتغل فيه واعيش فيه هناك .. بس ما ارجعش البيت .. لحد ما بقيت وانا في اولى ثانوي .. جيه ابويه التجوز واحده تانيه .. ولما تجوز سابتنى بقى وما بقتش بتسال فيه .. سابتنى بقى وبقت كل حياتها وكل الى على لسانها ابوويه الي التجوز عليها ... بقيت انا بهتم بنفسي وبنجح لحد ما خلصت ثانوي ودخلت كليه.. بس انا كل ما باجي افتكر كل الي امي بتعمله فيه كنت بقعد اعيط .. وكنت بقول ازاي ام تعمل كدا في بنتها .. انا لو مثلا عملت حاجه وحشه تضر سمعة العائله هتعمل ايه .. دنا كنت بخاف وبمشى جمب الحيطه ..
المهم هنا بقت حياتنا في البيت كلها مشاكل في مشاكل .. امي مافيش على لسانها غير ابويه الي التجوز عليها .. وبتقول انها ما بتعرفش السبب .. وكانت بتيجي تقولي انا .. وانا كنت بزعل علشانها .. لانه ماما ما قصرتش بابويه .. وهيه الي عملت كل الي فلوس الي عند ابويه لانها وقفت معاه وساعدته كتير .. المهم بقت حياتنا مافيهاش أي رااحه .. كنت بنام على مشكله وبصحى على مشكله .. بروح الكليه على مشكله .. برجع الاقيها مشكله تانيه .. بقيتنا بقى كله عياط وزعل .. وامي ديما بتدعى على ابويه انه بعد الشرر يحصله أي حاجه .. وانا كنت بقولها ليه كدا حرام عليكي .. هيه بتقولي ما انا عارفه انتوا بتحبوا ابوكم على رغم من كل الي عمله فيه .. وبتقولي لو جيه ابوكي مش تخرجي تسلمي عليه .. علشان يعرف انه هو انحرم من عياله .. انا ما كنتش بستحمل اني ما اشوفش ابويه .. وكنت بخرج واسلم عليه .. لاني انا بصراحه بموت في بابا .. المهم انا من كتر الكلامها وعياطها حسيت اني انه جاتنى عقده من البيت ده .. كنت بروح الكليه وبقول انا هنا مرتاحه هروح البيت يجيني صداع .. بس اعمل ايه كنت بروح البيت .. واول حاجه بلاقيه امي بتقولي بصي يا بنتى ابوكي عمل فيه ايه ... وتبدا المشاكل ودموع والعيااط وازعل كرهت البيت بجد .. جيه ابويه تجوز تالت مره وبقت المشكله مشكلتين ومش هعيد بقى الي بيحصل ... خلااااااااااص مش طايقه نفسي ومش طايقه البيت بقول بهرب وهرووح ومش هقعد في البيت ده خلاص انا تعبت اوووي .. المشكله الاخيره بقى الي ممكن تكون ضاعت من ايدي بس بجد التمنى انها لسه مش ضاعت .. انه في انسان كان بيحبنى اوي وهو صارحنى بحبه ليه .. وهو من قاريبنا .. بس مش بنشوفهم كتير .. الانسان ده خجول اوي .. هو قالي مره بحبك .. بس مش قالي تاني .. بس باين جدا انه بيحبنى .. وراح خطبنى من عمتي .. وعمتى قالتله انا هشوف رايها .. لما عمتي قالتلي انا سكت برضوا من خجلي .. لكن مش قولت اني مش موافقه .. جيه هو تاني قالها راحت عمتي قالتله روح قول لعمها .. ولما راح قال لعمي .. عمي قاله بص يا بنى اولاد اخويه ابوهم مربيهم على الفلوس .. وما اعتقدش انهم هياخدو واحد على قد حاله .. فمشى .. بس انا ما اعرفش عن الموضوع بتاع عمي ده .. قعدت استناه كتير يجي يقولي انا هخطبك انتي موافقه بس ما جاش .. اسااسا ما بقتش بشوفه والستغربت ليه ما بقاش بيجي يسال عني زي الاول .. حتى ما بقاش بيتصل بيه وبيسلم عليه .. وانا لما كنت بتصل بيه بيرد عليه وبيكلمنى بسرعه وما بفهمش منه حاجه .. وكان مرتبك اوي اوي وهو بيكلمنى .. لدرجة اني لو عندي كلام في قلبي مش بعرف اقوله .. بس كان عندي امل انه يجي ويقولي ...
وفي مره سمعت انه خطب اخت صاحبه .. التفاجات اوي وانصدمت اوي اوي .. وقعدت اعيط كتير اوي ... روحت عند عمتي وعمتى قالتلي ما انا قولتلك وانتي سكتى وراح عند عمك وعمك قاله انكم ما بتجوزوش الى الاغنياء .. قعدت اعيط واعيط .. روحت بيته وقعدت مع مرات اخوه .. مرات اخوه قالتلي انه بيحبك اوي وديما بيكلمنى عنك ... بس كلمة عمك جرحته اوي اوي ... وقعد حزين فتره طويله بسبب الموضووع ده ... راحت حياتى صعبه جدا .. ما اعرفش اروح فين البيت مشاكله كل يوم بتزيد لدرجة اني ما بقيتش اخرج من اوضتى .. الحبيب الوحيد ضاع من ايدي ... قولولي اعمل ايه ساعدوني ... ما حدش يقولي اسيب الانسان ده لاني مش هسيبه .. لانه انا حبيبته مش الي خطبها ... مش عارفه التصرف ازاي ساعدوني اعمل ايه يا اخواني

الامل

[سها soha]

قلبى وجعنى اوى وانتى بتحكى

انا هقولك يارحمة الحل بسيط اوى وفى ايدك

اول مشكلة مامتك بصى يارحمة محدش فينا ما اضربش من امة وهو صغير

ومحدش فينا ما كنش عفريت وهو صغير ويستحق الضرب

انتى كبريى وبقتى فى كلية

احنا تقريبا فى عمر بعض

حاولى تصاحبى مامتك صدقنى مش هتلاقى صاحبة مخلصة ولا قلبها كبير وتحبك وتتمناك كل الخير زى مامتك

اما بخصوص باباكى ف عادى ياما بنسمع عن ابهات بتجوز مرة واتنين وثلاثة

حاولى تخففى عن مامتك

ومتزوديش الهموم عليها

وشيلى من دماغك ان البيت كأيب وعايزة تسبية

لو لفيتى الدنيا كلها مش هتلاقى حضن زى حضن امك ولا اخوات يحبوكى وتحبيهم

وفى حجات ملايين الدنيا مش بتشتريها

وحاولى تخرجى نفسك وتخرجى الناس الى عايشة معاكى من جو الحزن دة

افرحى وابتسمى ومتشليش فى نفسك

اما بخصوص الشاب الى بتحبة ففى مقولة بتقول اية

اذا اردت شيئا بشدة فأترك صراحة فان عاد اليك فهو ملك لك الى الابد واذا لم يعد فهو ليس لك من البداية

مش بقولك سيبى حبك او اتخلى عنة

بس محدش عارف نصيبة فين

ولا اية

ربنا معاكى

اختك سها

[BATISTA]

الله يكو ن فى عونك وعلى فكرة مشكلتك دة بتحصل مع ناس كتير بس انتى برضة احمدى ربنا فى أمهات بتتجوز برضة بعد الطلاق والمشكلة بتكون أكتر بس انتى حاولى تعلمى صداقة مع والدتك وتتقربى منها اكتر واكتر وسيبك من حكايات الهروب دى لانك هتعملى لها صدمة كبيرة جدا مش عارفين ممكن يحصل لها اية اما بخصوص الى انتى بتحبية بجد هاقولها لك


الى سابك سيبية وان شاء الله ربنا يكرمك بأحسن منة

وربنا يقويكى

[جاسمن]

السلام عليكم ورحمه الله وبركاته
بصى يا رورو انتى فعلا عندك مشكله جمده بس انتى فى ايدك حلها والله صدقينى انتى لو حولتى تصلحى من المشكله وحده وحده هتلاقيها انتهت بصى يا ستى انتى دلوقتى اول حاجه لازم تعمليها انك تكونى جمب ممتك بصى انسى قسوتها عليكى وانتى صغيره لان الام عايزه طفلها يطلع كويس فبتعمله معمله شديده علشان يتعلم الصح وكل ام وليها طريقتها واكيد دلوقتى معملت ممتك اتغيرت فانتى استغلى اى فرصه للحديث معاها وكلميها عن كل حاجه وحولى وحده وحده تحكلها عن مشكلك والى انتى بتحسى بيه ولو عندك اخوات بردو خليهم يحكوا معاها ويصحبوها وتكونوا اسره متربطه واما بالنسبه لاريبك ده صدقينى متزعليش عليه اكيد ده فيه خير ليكى ولو ليكى نصيب انك تكونى ليه اكيد هتكونى وقدر الله ما شاء فعل معلش طولت عليكى يا جميل وعايزه اسمع عنك اخبار حلوه ديما
لا اله الا الله محمد رسول الله

[التائبه]

اسمعي يا اختي في الله انا كتير اديقت بس قرات قصتك ويارب يكون معك بس حبيبتي كل شخص فينا مر في طفولته وفي المراهقه بشي الي انتي مريتي فيه وامك مهما عملت فيكي بظل امك وربنا وصانا فيهم وبدي احكيلك يا اختي كوني قريبي من رب العالمين لان ربنا اكبر من الجميع وضلي استغفري الله واحمدي ربنا على كل شي في السراء والضراء وما تزعلي من امك لانها امك ومهما صار امك اكيد بتحبك وبتردلك كل الخير يا اختي من جوى قلبي بدعيلك ربنا يكون معك ويحفظك من كل مكروه والله يعوضك بايام احسن من الي عشتيها