الحب والصداقه

[rosi_smile]

[كتير بنشوف اصحاب وبتتحول علاقتهم لحب انتوا فاهمين اكيد في كتير مروا بكده
بس لازم تكونوا عارفين ان ممكن اوي الصداقه تتحول لحب انما صعب جدا ان الحب يرجع صداقه تاني
صدقوني هتبقي صداقه فاشله اوي........... وانا جربت
عاوزه اعرف ردكم؟؟؟؟؟؟؟
وانا جربت

[جاسمن]

السلام عليكم ورحه الله وبركاته
بص يا سيدى انا موفقاك فى كلامك جدا لان صعب الحب يرجع صداقه تانى لان فعلا كل واحد هيبص للتانى بنظره مختلفه وعمرهم مهيكونوا صريحين مع بعض زى الاول وانا من وجه نظرى ان الاحباب بعد ما يفترقوا بيكرهوا بعض مش بيرجعوا اصدقاء وشكرا ليك

[rosi_smile]

مافيش اتنين يسيبوا بعض يكرهوا بعض اللي يحب عمره مايكره خالص لو ايه اللي حصل
الا لو كانوا مش بيحبوا بعض
بس انا بنصح والله بجد ان احلي حاجه الصداقه احلي من مليووووووووون علاقة حب لان الاول والاخر الصداقه بتدوم والحب بيروح لمجرد غلطه من اي طرف من الاتنين.........

[أمل الحياة]

موضوع مم يا روزي فعلا في علاقات كتيرة بالمنظر ده وفشلت فشل ليش بعده فشل

انا من راي ان بلاش موضوع الحب لانه بقى لعبه من حاجة بجد ده راي لان الان معدشي حد صادق بجد في مشعره

تقبلي تحياتي امل

[rosi_smile]

بصي يا أمل من جهة الحب في حب والله بس الناس مش بتعرف تعيشه صح
مش بيعرفوا يعني ايه معني ان تكون واحده بتحبك لو ولد او واحد يحبك لو بنت
انا بصراحه كل التجارب اللي عرفتها واللي مريت بيها او اللي غيري مروا بيها
بشوف من خلالها ان افي طرف يفضل يجري ورا التاني لحد اما يوصله ويعلقه بيه اوي وبعدين يسيبه
ويبدأ الطرف التاني هو اللي يجري وراه وفي الاخر يقوله علي فكره ده مكنش حب
معرفش ده اسمه ايه صراحه بس مفتكرش ده حب
انا اللي اعرفه ان الحب تضحه وصبر وتعب
ونفسي بجد الليمش قد كلمة بحبك ميقولهاش احسن علشان والله الخيانه بتقتل اوي

[العبير الغامض]

بصى يا سيدتى طبيعى جدا ان الصداقه تتقلب لحب وده بيبقى فى معظم الوقت ناتج عن التعود وانهم بيبقو فهموا بعض اوى ...

انما حب يبقى صداقه فده من سابع المستحيلاتمقدرش اقتنع بحاجه زى كده ابدا ابدا

[هيثم حمدي]

السلام عليكم

سؤال جميل

ومن جهه نظري انا

صعب جدا الحب يتحول لصداقة
لان الحب يجمع ذكريات جميلة وصعب جدا وهذه الذكريات وصلت الي الحب
وبعد هذا الحب صعب يتحول لصداقة لانه ممكن شييء واحد فقط يحدث هو ان يبتعدوه عن بعض
بعد علاقة الحب وصعب يتحول لصداقة

شكرا للسؤال الجميل

[بنت الوادي]

معك حق حبيبتي بكل كلمة قلتيها الصداقة ممكن تتحول لحب وصارت معي وكتير بتصير وبتكون العلاقة حلوة اما صعب كتير الحب يرجع صداقة لان الحب غير الصداقة ومشاعر الحب بتختلف عن مشاعر الصداقة

[rosi_smile]

طيب وفي رائيكم انتوا اذاي نقدر اننا نمنع الموضوع ده
ايه اللي يخلي الموضوع ده ميحصلش من الاول
نصد؟
ولا اساسا منخشش نت ؟
ولا نخش نت ومنكلمش جنس اخر اي كان ولد او بنت؟

[omarr]

المشاركة الأصلية بواسطة rosi_smile

[كتير بنشوف اصحاب وبتتحول علاقتهم لحب انتوا فاهمين اكيد في كتير مروا بكده
بس لازم تكونوا عارفين ان ممكن اوي الصداقه تتحول لحب انما صعب جدا ان الحب يرجع صداقه تاني
صدقوني هتبقي صداقه فاشله اوي........... وانا جربت
عاوزه اعرف ردكم؟؟؟؟؟؟؟
وانا جربت

انا لا زلت مؤمنا بأن العلاقات الثنائيه هى علاقات خاصه جدا
وكل علاقه هى حاله قائمه فى حد ذاتها .يجب ان يتم التكلم عن كل حاله
على حده . نعم كلنا عرفنا الحب و كلنا لنا اصدقاء .
لكن ايضا كلنا مختلفون فى درجه الحب و نوع العلاقه
فالعلاقه الثنائيه بين الرجل والمرأه هى حاله خاصه جدا
لأنها ببساطه تجربه خاصه وذاتيه جدا جدا

حسب خبرتى الذاتيه , انا كنت فى علاقه حب بينى وبين فتاه منذ حوالى
9 سنوات , ولأسباب كثيره , منها انها اجنبيه وليست مصريه , واضطرارها الى
انهاء عملها فى مصر والعوده الى وطنها .اتفقنا على انهاء العلاقه العاطفيه
بيننا و الأبقاء على الأحترام المتبادل بيننا وعلى احترام ماكان بيننا من علاقه
وفعلا مرت الأيام والسنوات , احكى لها وتحكى لى عن حياتها , اهتم بها وتهتم بى
ثم تزوجت و انجبت , وجاءت للعمل مره اخرى فى مصر . واصرت ان ان ترى اسرتى
وتسلم على زوجتى و اهدت طفلتى هديه جميله . ثم علمت منها انها تحب شاب
مصرى من الأسكندريه و كلمتنى عنه و عن طبيعه العلاقه ومازل بيننا صداقه قويه
و احترام متبادل .

[BATISTA]

الفرق بين الحب والصداقه

بمعنى ... هل يمكن أن يكون الحبيب صديقا ً؟ والصديق حبيبا ً؟

الجواب هو نعم !

لكن الحب والصداقة يختلفان

وإليكم التفصيل

الصداقة لاتنتهي ! فصديق اليوم قد يبقى صديق الغد

أما الحب فإنه عندما يرحل ! لا يعود

والذي نحبه مرة ثم ننساه ..لانحبه مرة أخرى

هكذا هي الصداقة ! شجرة صلبة

تمر بجميع الفصول وتبقى صامدة !

طالما هناك من يرويها

وهكذا هو الحب ! وردة محاطة بالأشواك

وردة لاتشرب إلا من الكأسين معاً

الصداقة يمكن أن تصبح حباً .. بل هي غالبا ما تبدأ كذلك

لكن الحب لايمكن أن يتحول إالى صداقة !

ولا يمكن أن يصبح الحبيب مجرد صديق

ومن نحبه ! نريده لنا وحدنا !

أما الصديق ! فهو للجميع

الصداقة درجات ! تبدأ من القاعدة وتنتهي عند القمة

تبدأ من الرقم ( 1 ) وتنتهي حيث اللانهاية

فقد تجد صديقا مقرباً ! وآخر اقل قرباً ! وثالثاً بالكاد تذكره

والقريب اليوم قد يصبح بعيداً في الغد ! أو العكس

هذه الفرضيات لاتوجد في معادلة الحب

فالحب لا بتجزأ ! ولادرجات فيه

هو درجـة واحدة فقط

ولايقبل التحليق إلا عالياً

أو يرفض الإبحار

ولا يمكن ان تحـب انسانا ثم يقل حبك له

فالحب لايقبل أنصاف الحلول

إما ان يكون قوياًً

أو ينتهي

إلى الأبد










تقبلى مرورى ياروزى

واستمرى فى الانتشار فى المنتدى زى الفيرس ماشاء الله عليكى

[amr_miza1]

اعتقد بالفعل ان ممكن الصداقة تبقى حب
لكن مستحيل الحب يبقى صداقة

[أسيرة الصمت]

روزي..ازيك يا حبيبة قلبي..عامله ايه...وحشااااني اوووي...

وازي الثانويه معاكي..ربنا يوفقك يا قلبي...


انا حبيت اسلم عليكي بس..

واقولك من الاخر كده..الزمن ده مافيهوش حاجه اسمها حب...كله لعب بالمشاعر والقلوووب...وبق لعبه في ايد كل واحد يتسلى بيه...

محدش يدور على الحب دلوقتي...زمن الحب انتهى من زماااااااان...

الواحد شبع خيانه وغدر ..ولعب بقلبه...لحد ما مشاعري ماتت...

معلش كلام مش هيعجب ناس كتير...بس شويه من اللي في قلبي..

موضوع جميل زيك ياقمر...تحيااااتي

[أسيرة الصمت]

ونسيت اقول اني بقيت اكره الحب بسبب اللي شفته...

[أسيرة الصمت]

والصداقه كمان مالهاش اثر في الوجود