دكان الكلام ..............!

[سها soha]

عشان كلامنا مش اى كلام والسلام

حطناة فى سوبر ماركت للكلام

وطبعا انتوا عارفين ان السوبر ماركت بييقى فية كل الى حاجة هتحتجوها

اول صنف معانا فى دكان الكلام والى هنرصة مع بعض على الرفوف

والبداية دائما خير

نقول بسم الله الرحمن الرحيم

مبروك علينا ياجماعة المحل

1-كلام مجانين عاقلين

2-كلام السياسيين والحاكمين

3- كلام العيون

4- رسالة الاسلام

5- كلام بينى وبينك

6- كلام برىء جرىء

7- كلام شباب فى شباب

8- كلام من بتاع زمااااااااان

ولسة هانجيب بضاعة من كل حتة وكلامنا دائما هيكون حافز

وقوة ومش كلام للبيع وبس

كلامنا فيية بصمتنا وافكارنا الى حربنا بيها الفساد والظلم

ولسة هنحارب ونواجة طالما عايشين

احنا شباب مصر ام الدنيا

ياريت اسمع رأيكم فى الفكرة

يارب تعجبكم

مطلوب شباب وبنات لرص البضاعة

والزبون دائما على حق

[كاتم الاسرار]

طب ان شاء الله الافتتاح امتى

وانتى حضرتك صاحبة المحل

فين الدعاوى ولا الدعوة عامة وهتبقى لامة

طب وانتى بتديرى المحل لواحدك ولا اية النظام اصل انا لسة جديد

والكلام الى هترصية دة كلام ازاى

انتى مبترديش عليا لية

فين اصحاب المحل دة

انا هفضل اكلم نفسى كتير كدة

انا عجبتنى الفكرة وعايز شوية الكلام عاقلين مجانين وصاية

انتوا ياعالم يابتوع المحل

عايز حد يكلمنى ياناس

يابتوع الكلاااااااااااام طب شوية كلام برىءجرىء

طب انا ماشى

ومبروك على المحل لما تبتدوا ترصوا الكلام انا موجود

وزبون لاحلى ناس واحلى محل وسوبر ماركت

[احمد13]

جميلة فكرتك ياسها والله

امتي حنبتدي وازاي

[فرعونة الحب]

الفكرة حلو اوى يا سها ياريت تبتديها بسرعة وتقولى لنا ازاى نبتدى معاكى
الفكرة عجبانى موووووووووووووت
ميرسى ياجميل على الفكرة الجميلة
مستنياكى

[ميدو الجامد اوى]

حلوة فكرة المحل بتاع الكلام دة

هنبتدى امتى ان شاء الله

وعندى سؤال

المحل هيبقى فية بياعين

اصل مكتوب فى الاعلان كدة مطلوب شباب وبنات لرص البضاعة

واكيد احنا الزباين

طب بسرعة بقة الواحد عايز يشترى

طب فى سؤال تانى

هو انا ممكن اشترى اى كلام عايزة ولا الى يشترى من رف ماينفعش يغير ولا يشترى صنف تانى

ولا اية

[فرجينيا]

احم احم
ممكن ياسها اصدرلك شويه كلام من بتاع المجانين العاقلين اصل انا عندي منه كتير ومش عارفه اوديه فين
سها الموضوع اكثر من رائع وانا خلاص هاقدم السي في بتاعي علشان اشتغل معاكي

[نيهال]

اوكى
انا موافقه واكيد طبعا بكون من اللى بيعرضوا على الناس الخدمات
لانى ما بحب ان اكون بياعه( ما امتلك موهبه البيع)
فبضاعتى ليست للبيع ولكنها اهداء لكل زائر فى السوبر ما ركت
حتقبلينى؟

[سها soha]

اهلاا بيكوا ياجماعة كلكوا والله منورين المحل

اهلاا ياكاتم الاسرار بيك فى ابن مصر

واهلاا يااحمد منور المحل يااستاذنا

اهلاا يافرعونة الحب ياخطوة عزيزة

اهلاا ياميدو بية اهلاا ياسعة الباشا اهلاا ياخويا

ياهلاا يااهلاا يافريجنيا ياتلتميت مرحبا

واخيرا مسك الختام صاحبة العفة الامير الصغير نيهال

اهلاا بكل الزباين وكل الى هيسعدونى انى ارص بضاعتى ونبتدى الشغل بجد

وانا هجاوبكم على كل اسألتكم

بس اسمحولى ابتدى افتتاح المحل بمقدمة بسيطة

ونقول الله المعين

[توتى3000]

انامعاكى فى الحل طبعا ياسوسو انا هرص معاكى نبدا منين

[سها soha]

اشعر دائما بشوكة فى حلقى مر عليها زمن طويل

فلا تتزحزح ولا يشكل لها ما ابلعة اى خطر او تأثير

ف جزورها منذ قديم الازل وتبدأجذورها منذ الفرعون الكادح وتسلسلت فينا وتوراثناها جيل ....... جيل

حتى اننا تجاهلنا شكلها ولكن مجرد محاولة للمس عنقك وجدت نفسك على حافة الموت

واى موت ....... انة موت تتعجرف فيها انفاسك

واذا فكرت ان تسيطر عليها ......سيطرة هى عليك بحجمها الكبير وبجذورها الشيطانية

فأصبحت انت لها خادم ........وفشلت محاولات فى القضاء عليها

او اخراجها وربما انت الفاشل فى ايجاد مخرج لهذة الشوكة

التى يكبر خطرها كل يوم التى بدأت بالفعل البحث عن اسرة لها وحين اذا ياسيدى وبالفعل نقول

هزمتنا شوكة......... ونرفع راية بيضاء ونكتب على اجنحة الصمت تحت ادارة شوكة

اصبحت الشوكة مصدر للفزع والرعب فى قلوب شبابنا لا اعناقهم فقط

هل سنستسلم لشوكة ؟؟

هل نتركها ؟!

[RIGHT

هذة الشوكة ياسيدى هى كلمة (( لا))

هل توجد لها مكان فى ارفف محلنا

ام انها مازالت تفضل العيش فى اعناق الضعفاء .

[/right]

[سها soha]

طبعا ياتوتى انتى معانا
منورة دكان الكلام
وانا هقولك هنبتدى منين
انتظرونا

[سها soha]

كلام مجانين عاقلين

تعالوا بقة نرص كلام مجانين عاقلين على الرفوف

بس لازم تفتكروا كويس اوى

بين الجنون والعقل شعرة واحدة بس

وخدوها حكمة من افواة المجانين احيانا

نرص بقة كدة براحة على الجانب اليمين ( براحة دى فوس ناس )

(قطيعة محدش بياكلها بساهل )

زباين المحل ياجماعة من ايام جدى الله يرحمة

الفاتحة والنبى ( ممكن 40 دقيقة حداد على روح جدو )

فى الى هيجبلنا البضاعة ناس مهمين من ايام جدو متغيروش لسة لحد دلوقتى موجدين

وبيطلبوا انهم يشتروا دائما كلام مجانين عاقلين

يعنى مش اى ناس طبعا دة كلام لة ناسة وزباينة

عشان اكيد الزباين ناس مهمين برضوا ادام الى بيجيب البضاعة ناس مهمين وربنا اسمع ان اى زبون مدايق من بياع وربنا ما هرحمة

وخلى بالكم الزبون دائما على حق

((الموردين))

الاستاذ سيد قطب

محمد على باشا

الاستاذ الدكتور جحا وحمارة (معرفش حمارة كان بيجى لية اكيد كان بيجى يشترى دماغة )

الرئيس السابق جمال عبد الناصر

مسئول كبير فى الحكومة ( ربنا يجعل كلامنا خفيف عليها )

الاسئلة براحة اكرموا الزبون واتوصوا بية

الاستاذ سيد قطب يتوجة الى المحل وهو يامر الناس الى بيشتغلوا معاة ينزلوا البضاعة ا

فلقناة غلى اوى سعر البضاعة فكنت لازم اسئلة عشان اعرف غليت لية ولا يكون عايز يضحك عليا عشان انا لسة جديدة فى السوق

من مجنون عاقل يدعى سها الى سيد قطب

لماذا حكم عليك بالاعدام ؟

وهل فعلاا الى بسمعة دى صحيح انك عملت كتاب عن دولة مصرية تحكمها رئاسة شريعة الاسلام ؟

طب ودة يزعل منك الريس جمال عبد الناصر لدرجة انة يحول اروراقك لفضيلة المفتى ؟

ياريت ياجماعة نرص بضاعة الاستاذ براحة دى فلوس ناس

لماذا احالت اوراق سيد قطب الى فضيلة المفتى ؟

هل كان يقصد بنداء افكارة ان تقوم دولتنا على اسس الشريعة الاسلامية ام كان ينوى انقلاب فى الحكم ؟

وهل فعلاا احبس كل من الاخوان المسلمين واعتقلوا فى عهد الرئيس السابق جمال عبد الناصر ؟

وهل كما يقولون ان جمال لم يكن يعرف حقيقة الامر وان اضحك علية وصدق قول ما يدعون ان سيد كان ينوى انقلاب وان الاخوان هم ما يسمون با اعداء الثورة ؟

وهل فعلاا كانت كل افكار قطب تدعوا الى اقتراب الناس من دينهم فقط يعنى لا انقلاب ولا غيرة ؟

لنتشاور وبحرية

اين الحقيقة ...... مستنين بقية البضاعة الى هيجبهلنا (( جحا وحمارة ))

بعد نفاذ كمية استاذنا سيد قطب

انتظرونى ففى اعماقى ما يجعل منى حبل افكاركم .

[كاتم الاسرار]

ممكن اتكلم الاول بقة فى كلمة الافتتاح وبعدين اخش ارص معاكى بضاعة الاستاذ قطب
((فى حلقى شوكة )) دى اشواك
ومشاكل ملهاش حل
انتظرى منى ان شاء الله رص تحفة فى قضية سيد قطب
لى عودة