البنات فى الالفية الثالثه

[مندى المصرى]

السلام عليكم ورحمة الله وبركاتة

عنوان موضوعى النهاردة هو البنات فى الالفية الثالثة ههههههه اة من البنات واة !!!!!!!!!
البنات كانت زمان حاجة تانية خالص غير دلوقتى زمان كان فى الست امينة لكن دلوقتى فى الاخت هيفاء وهبى وهلم جر...... اللى معظم البنات عايزة تبقى هيفاء التانية وبردة هلم جر موضوعى بيتكلم عن ثلاثة نقاط:


النقطة الاولى: (البيت) زمان كان فى حزم و انضباط لكن دلوقتى فى ماما وبابا اللى البنت بتقولهم انا عايزة بنطلون يابابا بابا عمرة ماهيقول لا لان ماما عايزة كدة لكن زمان كان فى السيد احمد عبد الجواد اللى عمر ما كلمتة تنزل الارض علشان كان راجل صح وانا بتكلم عن بعض الاباء والامهات وبرضة بعض البنات مش كلهم ( كدة النقطة الاولى خلصت)

النقطة الثانية: (الجامعة)
البنات فى الجامعة بقى حاجة تانية انا مش هقدر اتكلم عن زمان لان البنات زمان مكنتش بتروح جامعة ولا كانت بتنزل من البيت اصلا البنات دلوقتى بقى فى الجامعة حاجة فظيعة البنت فى سنة اولى بتجى مكسوفة ومش عارفة حد خالص تبدأ بقى تكون صدقات ودلوقتى مبأتش صدقات بقت علاقات!!!!!!! (لا تعليق)
تبدأ البنت تكلم بنات وتتعرف عليهم فابتحس ان فى شئ نقصها انها تتعرف على الشباب تيجى ياعم تتعرف على الاولاد اذا كانت حلوة تتعرف عليهم فى ثوانى والشباب طبعا فاهم كلامى والبنات اللى انا اقصدها فى موضوعى دول اكيييييييد فاهمين!!!!
المهم نكمل البنت تشوف صحبتها لابسة بنطلون جديد او باضى جديد تبقى هتموت وتجيب زية علشان تعجب الشباب وتتجوز بسرعة وماما طبعا موافقة علشان عايزة تخلص وبابا برضوا مش هيقدر يتكلم وما باليد حيله تيجى بقى فى السنة التانية الصدقات اللى انا كنت بقول عليها بقت علاقات والبت تبدأ تحب وتتحب علشان لبسها مش علشان حاجة تانية والعلاقة بين البت و الولد تطور مش هتبقى حب بس بتبقى حاجات تانية والشباب برضو فاهمنى والبنات اللى انا بتكلم عليهم فاهمييييييييين!!! (لا تعليق) وان الله حليم ستار

نيجى بقى للبنت اللى عايزة تتعرف على ولد ويكون الولد دة منفض لها تيجى جمبة وتقولة هي المحاضرة الساعة كام يقوم الولد يرد عليها ويقولها هو انا بحضر محاضرات اصلا ويقولها تعالى نقعد فى الكافتريا شوية هى طبعا استحالة تقولة لا علشان هى عايزة تتعرف علية يقعدو يتكلمو و يامعلم الكلام دة بيطور لحجات تانية !!!!! برضة ( لا تعليق) وكدة النقطة التانية تكون خلصت برضة انا بقول مش كل الشباب بيعملو كدة ولا كل البنات بتعمل كدة


نهاية كلامى انا مقصدش اجرح حد او الامح بكلامى لشخص معين دة كلة من واقع الحقيقة اللى فى مجتمعنا الحالى وزى ما فى الوحش فى الحلو والبنات المحترمة كتير والشباب المحترم كتير لكن للاسف الوحشين اكتر

السلام عليكم ورحمة الله وبركاتة



مع تحياتى واتمنى ان يكون الموضوع كويس

[بوسي احمد]

هههههههههههههههههههههههههههه

انت هتخوفني من الجامعة اكتر منا خايفة ليه بس

ربنا يستر


معقول كل ده بيحصل

ربنا يصوني يارب ويحفظني من كل دول

مش عارفه اقول ايه

ربنا يهدي الجميع

لكن زمان كان صحيح بيحصل كل ده والمقابل ايه ؟؟؟؟؟

الجهل


شوف يا مندى

اي شيء بيزيد عن حده ينقلب ضده

الحرية الغير مقيدة بضوابط
والكبت الزايد عن حده

المجتمع اللي انا عايشة فيه

مفيش اختلاط ولا بنطلونات وعايشين زينا زمان

لكن النتيجة اسواء بكتير جدا من الموجودة عندنا في مصر


يعني بتحصل بلاوي من نوع تاني

وطبعا انت مش هتفهم قصدي الا اذا عشت في مجتمع منغلق

وقتها هتقول فينك يا مصر يا غالية

[hawary_A_1]

بسم الله الرحمن الرحيم
الحب على ما أضن أحلى شيىء في الحياه
وألي ما جربش يبقى يسأل الناس ألي جربوا
أنا لسه ما جربتش

*****************

[امورة مصر]

شكرا على الموضوع الجميل ده فعلا مش كل البنات والولاد بتعمل كده وانا بنصح كل البيعمل الحركات دي من البنات او الولاد ارجوا ان يكونوا ملتزمين فقط بالاوامر لان ممكن يقعوا في حجات كبيره جدا هما مش قدها وشكرا مره تانيه على الموضوع

[bent_elmansoura]

فعلا معظم الولاد بيكلمو البنات علشان لبسها مش شكلها ولاشخصيتها المفروض ان البنت تصون نفسها ومش تلبس حاجه ملفته اوى للنظر ومش تخلى نفسها حاجه عاديه اىولد عاوز يكلمها شويه يكلمها وبعدين يسبها لا لازم تحط نفسها فى مكانه عاليه ولازم كمان الولاد يعرفوا ان اللى هيعملو فى بنات الناس هيحصل لاخواتهم او اى حد بيحبوه وبجد موضوع رائع

[بنت المنصورة]

صح كلامك انا روحت الجامعة وشوفت ودلوقتى بقيت فى تانية جامعة بس بردو فى اى مكان فى الحلو والوحش بس اهم شىء فعلا الاحترااااااااااااااااااااااااااااااااام والخوف من الله

[eshoo4ever]

فعلا الكلام ده بيحصل
لكن ذكرت الضرر ولم تذكر النفع
انا فى الجامعه فرفة 3
لى اصدقاء من الجنسين وبالعكس بتكلم كتير
مع زميلى البنات لانى بثق فيهم والحمد لله
بردوا كلهم بيثقوا فيه
بس علاقتنا بجد بجد فى حدود الاخوه
لاننا بجد بجد اخوات

[مندى المصرى]

لكن ذكرت الضرر ولم تذكر النفع

اشكرك الاول على الرد ثانيا يا ايشو انا قولت ان فى الحلو وفى الوحش وطبعا الحلو مينفعش افسرو لانو حلو

ياريت يا جماعه فعلا نفكر احنا بنعمل ايه صح وبنعمل ايه غلط

[سروء]

شكرا ليك يامندى على الموضوع الجميل دة عندك حق بيحصل فعلا الكلام اللى انت قلتة دة
بس ياترى حاولت تفكر اية السبب فى كدة انا رأى ان الاساس فى الموضوع دة ترجع للبيت
والتربية وبعدين احنا مجتمع شرقى لنا عادتنا وتقاليدنا وللاسف بننسى دة وبنقلد الغرب
من غير ما نفكر وكمان الشباب كدة مش البنات بس مثلا طريقة اللبس وتسريحة الشعر
والكلام كمان منقدرش ننساة المعروف بلغة الشباب زى احلق & نفض & كبر الجمجمة
انت عارفين الباقى يعنى منظلمش البنات لان الشباب كمان بيعمل كدة
ولا اية؟
معلش طولت عليكم

[المدمرف]

شكرا ليك