نظف اسنانك للمحافظه على رشاقتك

[نيهال]

أثبتت أحدث الدراسات اليابانية مؤخرا إن تنظيف الأسنان بالفرشاة ثلاث مرات يوميا أفضل من اتباع حمية غذائية أو ممارسة الرياضة البدنية للحفاظ على الرشاقة.

وجد الدكتور تاكاشي وادا من جامعة جيكي بطوكيو في مسح عن العادات اليومية لنحو 14 ألفا من مواطنين متوسط أعمارهم في منتصف الأربعينات أن أولئك الذين يتمتعون بقوام رشيق يميلون إلى غسل أسنانهم بالفرشاة بعد كل وجبة.



وقارن وادا وفريقه بين أسلوب حياة البدناء وأولئك الأكثر رشاقة من حيث عادات الشراب والطعام والنوم والعمل والرياضة.



وأشارت الدراسة التي نشرت في دورية الجمعية اليابانية لبحوث السمنة إلى أن الرجال الذين يعانون من البدانة قد لا يغسلون أسنانهم لفترة قد تزيد عن يوم.


وقارن وادا وفريقه بين أسلوب حياة البدناء وأولئك الأكثر رشاقة من حيث عادات الشراب والطعام والنوم والعمل والرياضة.



وقال الباحثون إن ذلك لا يعني أن غسل الأسنان في حد ذاته يمثل رياضة لحرق الدهون ولكننا نعتقد أن الحرص على تنظيف الأسنان سيلعب دورا في الحفاظ على الصحة ويمنع السمنة."


الخبر قريته من تصفحى على النت
بس يا ترى ده اعلان علشان معجون الاسنان!!!!!

[احمد13]

مش عارف ايه سبب الربط ياتري بين الرشاقة وتنظيف الاسنان

بس يمكن اللي بيحافظوا علي اسنانهم مش بياكلوا كتير عشان اسنانهم


وبيجنبوا الاكل والمشروبات اللي بضر بالاسنان او مش بيكتروا منها والله اعلم يعني

شكرا يانيهال علي الموضوع الجميل ده تقبلي مروري المتواضع

[Dr.Hammood]

ههههههههههههههههه اليابانيين دول عليهم بدع

[المسلم المصرى]

الصراحة موضوع يضحك

يعنى الرججيم بتاعى الجاى يبقى غسيل سنان ولا اية

ههههههههههههههههههههه


طبعا بما انى بطب الاسنان اقولك ان مفيش علاقة بتاتا غير انه ممكن اللى بيكلوا كتير

واللى عندهم تخمة بيبقوا كسالى فيكسلوا يغسلوا سنانهم

اما الناس اللى عندهم رشاقة ونشاط مش هيكسلوا يغسلوا سنانهم


الفكرة فى العادات

لكن مفيش اى علاقة بين الاتنين

[نيهال]

المشاركة الأصلية بواسطة احمد13

بس يمكن اللي بيحافظوا علي اسنانهم مش بياكلوا كتير عشان اسنانهم


وبيجنبوا الاكل والمشروبات اللي بضر بالاسنان او مش بيكتروا منها والله اعلم يعني

شكرا يانيهال علي الموضوع الجميل ده تقبلي مروري المتواضع

هوه ممكن يكون احتمال صحيح
وجايز الاحساس اللى بيكون بعد ما بتغسل اسنانك
فبتحاول تكون نشيط وخفيف زيه
على كل يلا اكيد همه عارفين


ومرسيه على مرورك الطيب يا احمد

[ashley]

موضوع يضحك صراحة يعني غسيل الاسنان بيحافظ على راشاقة الانسان اكتر من الرياضية الصراحة ده كان اعلان على معجون

[amr_miza1]

يعنى احنا شعبنا اغلبه بدين
معنى كدا ان محدش بيغسل اسنانه
اليابانيين دول عليهم حاجات والله

وليه لا ربما يكون فعلا كدا

شكرا يا نيهال بجد والله ,, هو المهم ان احنا نهتم بأسنانا وخلاص

[نيهال]

المشاركة الأصلية بواسطة Dr.Hammood

ههههههههههههههههه اليابانيين دول عليهم بدع

بيعجبنى تفكيرهم بجد يا دكتور....بحس انهم مش فاضيين غير للبتاكارات والشغل وخلاصى


مرسيه على مرورك الطيب

المشاركة الأصلية بواسطة المسلم المصرى

طبعا بما انى بطب الاسنان اقولك ان مفيش علاقة بتاتا غير انه ممكن اللى بيكلوا كتير

واللى عندهم تخمة بيبقوا كسالى فيكسلوا يغسلوا سنانهم

اهلا يا دكتور
دى دراسه همه اللى قاموا بيها وعلى مسؤليتهم طلعوا النتيجه دى........
بس للاسف مش شرحوا ازاى .....فاعتقد ان التحليل اللى حضرتك قلته بيعتبر مقبول
بس اكيد فيه اسباب اخرى مش وصلتنى

على كل حال.اكيد مش اى حاجه مطلقه ومش كل بحث نتايجه مؤكده........


مرسيه على مرورك الطيب