ما سر احتفاظ البنات بالدببة في غرف النوم؟؟

[hend]

السلام عليكم ورحمه الله وبركاته...

في حقيقة الامر اعجبني هذا الطرح وقمت بنقلة لكم لتشاركوني النقاش , ولا اخفي عليكم باني لا املك الاجابة لهذا السر وهو الاحتفاظ بالدببة او الدمى على شكل حيوانات في غرف البنات بالذات.

السؤال موجة للجميع ونرجو ان تكون الاجابة من البنات اذا امكن .

ما سر احتفاظ الفتيات * بالدببة * في غرف نومهن ؟

نحن نستغرب من بعض التصرفات لدى بعض الفتيات, فكثيراً ما نجدهن يحتفظن بدب صغير في غرف نومهن وأحياناً يكون دباً كبيراً وأحياناً أخرى نجد عدة دببة مصفوفة فوق الخزانة أو بجانب السرير!!.. ماهو السر؟؟؟؟:

الجواب حسب اعتقاد بعض الشباب

بعض الفتيات المراهقات يمسكن بالدب ويقمن بالتحدث معه
ويظهرن كل أسرارهن له:
!!.

ويقال أيضاً بأن الفتاة تلجأ للدب حين تشعر بأن لا أحد يفهمها
من أسرتها
!!

هل هذا صحيح؟

طيب.. لماذا الدب بالذات؟

ننتظر اجاباتكم وشكرا.

[The Master]

هههههههههههههههههههههههههههههههههه

والله موضوع مهم يا اخت هند

جوابوا بقى يا بنات ليه بتعملو كده



اه طب لو مفيش بنت عندها دبديب بلاش ترد

ههههههه


تقبلى تحياتى للموضوع الحلو دا يا اخت هند

THE MASTER

[كوكب الأحزان]

احيانا يكون الجماد اقرب من الانسان
يمكن علشان مستحيل يخون اويبيع
انا شخصيا عندي دبدوب كبير مش بعرف انام من غيره
بس مش بتكلم معاه وكدا يعني بس أنا بحبه لان بحب اللى جابه

[رؤيه]

هى الدباديب بقت مشكله جامده اوى كده ياخوفى لا تتسبب فى ازمه دبلوماسيه
مش شايفه فيها حاجه من اللى اتقال فى الموضوع هى مجرد لعب شكلها لطيف بتدى منظر حلو وخلاص
ملهاش اى اهميه ولا ممكن تفيد فى اى شيئ من التفاهم والاسرار والحاجات المذكوره دى
ساعات الاحتفاظ بيها بيبقي رغبه فى ابقاء ذكريات الطفوله تلك المرحله الجميله فى عمر اى حد
او احيانا لذكرى عزيزه قدمت فيها على انها هديه من شخص عزيز
ليه البنات فقط؟ فى رايئ تقاليد المجتمع اللى بتقول ما يصحش الولاد يلعبو بالعرايس ولا الدباديب
وانه بيعودوهم من صغرهم على العربيات والقطارات والطيارات ووسائل النقل عموما هههههههه
لكن الدباديب مش مقياس للرقه ولا الرومنسيه ولا هدوء الطبع
تحياتى هند

[الورد الجوري]

اهلا هند
الموضوع جميل جدا
خاصة ليا
انا الدباديب دي عندي مشكله
من اهم اشيائي
و صعب جدا التخللي عنهم
بس مش لانهم اسراري و معرفش ايه
انا اسراري بقولها لامي و لاختي و صحباتي المقربات
يعني عندي اللي يفهمني و بجد ربنا يخللي ماما و اختي
و صحباتي عمرهم مخذلوني
بس الفكره في مين اللي جاب الدبدوب
كل اللي عندي هدايا من ماما و بابا
و الا ماماو بابا اي شيء منهم جميل و بقيمه عاليه
و كمان كل فرد بيكون عنده موروث او اتنين من الطفوله
و ده بيتجسد في شيء معين انا عندي بقى عاده الطفوله اللي لسه معايا هي الدباديب
جميل قوي الموضوع
تسلميلنا يا هند

[mony cat]

علشان البنات حلوين وعسولين وكتاكيت وبيحبو كل الحاجات اللى شكلها حلو لاكن بقى الولاد ياساتر على الاوض بتاعتهم تلاقى شرابات مرمية على الارض وهدوم فى كل حتة غير بقى الماجات الفاضية اللى مالية الاوضة وطبعا اكيد تلاقى زجاج مكسور علشان حضرتو كان بيلعب كورة وعاوز يجيب جون فى البلكونة

تعالو بقى ندخل اوضة بنت تلاقى كل شئ مترتب وجميل وهنا دباديب وهناك ورد وقطط وصور حلوة صح ولا ايه يا بنات

[mira_romantek]

ممكن عشان أحيانا مش بنلقي حد جمبنا فى وقت نحس أننا لوحدنا و خاصة الدباديب الكبيرة انا مثلا الدباديب عندى كلها كبيرة بحبهم جدا ما علينا هو توبك يستحق النقاش اما افضى بأزن اللة هدخل تانى

[وائل المصري]

لم اتوقع ان اجد مشرفه الموقع الخاص بالدهاليز الخاصه بالسياسه هنا في هذا الموقع.
المهم هذا الموضوع جميل لكن الاجابه عليه ؟
ممكن تسمعي اعلان شريف منير عن (علاقه السميط والكبري,الحمار والبرسيم,البنات والدببه,الحزب الوطني والحكم,الشباب والكوره,المنتخب والهزايم في الخارج والداخل احياننا.
كتير وكتير من الاسئله الي ملهاش حل ولا اجابات.
ويجعلوا عامر.
عربي اصيل

[maysam]

اهلا هند

انا ماعندي ولا كان عندي منهم..ليه برضو ما باعرف!! انما انا كان دايما بيستهويني القرد كحيوان احب اتفرج على تصرفاته ههههههه ماحد يسال برضو ليه ، انما هو هيك باحب شكل القرود ( مع العلم اني علاقتي بالحيوانات عموما مش ولا بد )

قبل سنة جت لي هدية من ناس عارفين ان القرد بيلفت نظري ،، ومحتفظة فيه بس مش انا اللي رحت وجبته

تفسيري انه بالنسبة للبنات عموما ، ممكن يكون نوع من الحنين للطفولة ، او احساس بغريزة الأمومة بيعبروا عنها بشكل لا ارادي ..والله اعلم

[&NOUR&]

هااي هند مرسي على التوبيك

هو دباديب وقطط وعرايس وكل حاجة بجد مش اعرف لية بس بحبهم
بس بصراحة مش بتكلم معاهم انا عندي حبيبي وماما بحكيلهم كل حاجة
مش بحتاج احكي مع الدبدوب
بس عندي واحد مش بقدر انام من غيرة خالص مش بعرف لية

[حسام حوس]

مافى احلا من كدة

[eshoo4ever]

المشاركة الأصلية بواسطة &NOUR&

هااي هند مرسي على التوبيك

هو دباديب وقطط وعرايس وكل حاجة بجد مش اعرف لية بس بحبهم
بس بصراحة مش بتكلم معاهم انا عندي حبيبي وماما بحكيلهم كل حاجة
مش بحتاج احكي مع الدبدوب
بس عندي واحد مش بقدر انام من غيرة خالص مش بعرف لية

واحد مش بقدر انام من غيرة خالص مش بعرف لية
واحد مش بقدر انام من غيرة خالص مش بعرف لية
واحد مش بقدر انام من غيرة خالص مش بعرف لية

مين ؟
مين ؟
مين ؟

[&NOUR&]

المشاركة الأصلية بواسطة eshoo4ever

واحد مش بقدر انام من غيرة خالص مش بعرف لية
واحد مش بقدر انام من غيرة خالص مش بعرف لية
واحد مش بقدر انام من غيرة خالص مش بعرف لية

مين ؟
مين ؟
مين ؟

اية ياايشو ههههههههههههه
دة الدبدوب بتاعي مش بعرف انام بدونة
نانسي كانت جيباهولي
هههههههههههههههه