بنات اخر زمن

[Honey1900]

حاجه تشَل:
=======
1- أوعى: تخيل لو مرة حبيت تجيب هديه لخطيبتك او حبيبتك من غير سبب علشان تبينلها قد ايه انت بتحبها , يالهوى يومك هايبقى اسود وهاتنزل الاتهامات بقى عليك وعيش يامعلم وكأن الى يجيب هديه من غير سبب يبقى اكيد عنده سبب...وعجبى
2-عروسه المولد: اليومين دول بقى تشوف ايه, تشوف نص بنات مصر كل واحده خارجه حاطه نص كيلو مساحيق على وشها لما الواحد بيحس انها شبه العرايس الى فى الموالد وكأن الفرصه الوحيده للبنت الى بتكون خدودها حمرة من غير مساحيق تجميل لما بتتكسف , والله حاجه تكسف

3- المساوه: كل بنت تقولك لازم يكون فى مساوه بين الراجل والمرأة عادى ماعندناش مانع انما المساوه عنهم فى الحاجة الى بتعجبهم بس انما مثلا مايقدروش يقولوا فى مساوه فى الجيش انما المساوة عندهم فى اشمعنا هوا يطلقنى وانا لأ, اشمعنى هوا يشتغل وانا لا لحد ماجابولنا الخلع الى خلع الشنب من وش الراجل وحطه للست

4-الكدب: الكدب عند المرأة اسهل حاجه وخصوصا فى حوار عندها كام سنه وتحديدا قبل سن 18او بعد 30 وكمان استاذه فى الحجج لما تيجى تنزل تقابل البوى فرند وفكرنى ده باعلان رايحه فين يافاطمه..رايحه اجيب أومو

5-صوتى ياأنشراح: مافيش بنت فى الكرة الارضيه مش صوتها عالى مهما كانت رقيقه, البنت من دول لو عدى جنبها قطه تصوت وتلم الشارع كله وتقولك مانا اتخضيت!!ياسلام يعنى تصوتى وتخضدى 100 غيرك وتخلى الناس تبصلك بصه وحشه

6-مين حبيب أبليس؟..هيا: ابليس بيموووت فى المرأه علشان لسانها الى جايبا لورة بسبب النميمه وكمان لانها ممكن تغرى اتخنها راجل عالأرض بجمالها وطبعا مش هاننسى كليوبترا الى وقعت مملكتين فى بعض

7- تامر حسنى: اشمعنى تامر معرفش بس اخر حفله حضرتها لتامر كرهت تامر وكرهت البنات , ايه الهيافه دى, الاقى بنت بترمى نفسها فى حمام السباحه علشان تروحلة وواحده تانيه تصوت ويغمى عليها وواحده تالته تجرى عليه وتحضنه وتبوسه كأنه مثلا ابوها ولا جوزها..أيه القرف ده , عاوز اعرف ايه يخلى بنت يغمى عليها لما تشوف ممثل او مطرب مشهور غير انها بنت هايفه

8- الاستقطاع: فى بنات كتير تستغل ان الولد مابحبش يمشى مع بنت وهيا تحاسب وده وهيا ماتصدق واستقطاع بقى على ودنه و انا جاعانه ماتيجى نتغدى,الله الفستان ده تحفه وخد من ده لبكره

9-عانس مع سبق الاصرار والترصد: يقولولك نسبه العنوسه زادت وتيجى تشوف لما ولد يروح يخطب بنت ايه الى بيحصله: هات شبكه ماعرفش بكام,لازم يكون عندك شقه وطبعا عربيه ولا هاتبهدل البنت فى الموصلات , ده غير الفرح والمأذون والمقدم والمؤخر, وغير كمان هدايا العيد الصغير والكبير وعيدين الحب وعيد ميلادها وعيد يوم ماتعرفتوا على بعض ناقص كمان فى عيد العمال وتحرير سينا.. على اساس ان الولد بيتخرج يشتغل رئيس مجلس أدارة... وربنا عالظالم

10-موززز: البنات اليومين دول بتعاكس الولاد وتقول عليهم موزز وانا فاكر ان مرة واحده صاحبتى قالتلى انت موز استغربت قالتلى لأ دى المذكر بتاع موزة ولا تعليق

11-تثبيت: البنت من دول تفرح قوى لو الولد قالها انتى حلوة قوى النهارده حتى لو بيجاملها وتكره الى جبوه لو ماعبرهاش

12-الى انت عملته ده عادى ممكن اى حد يعمل: الولد يطلع عينه علشان يرديها وهيا تقوله ايه ده الى انت جبته او الى انت عملته عادى يعنى

13- هيافه: لو جبلها الدنيا كلها وماقلهاش بحبك تقول انه مش بيحبها مع انه ممكن يهريها بحبك كل خمس دقايق ويكون بيشتغلها..بس تقول ايه بقى

14-مايملهاش غير التراب: البنت بقى قاعده مع شويه شباب زى الورد وبعنيها بقى تبص لده ولده..والمصحف البنت بتتعرف على ولاد جديده وهيا اساسا قاعده مع ولاد

15-البرفيم: البنت بقى تغرق نفسها ماء توليت وتلبس الجيب القصيرة والبدى الضيق وتمشى فى الشارع تقول ايه الولاد دى حاجه تقرف مابقاش فى احترام طول مانا ماشيه باتعاكس..رد انت ياعم


يتبع

[حنين مصر]

موضعك حلو بس شكلك شايل من البنات كتير بص انا معاك في كتير من النقاط بس في بنات لوعرفت معدنهم حتتمنا لو إنك عرفتها من زمااااااااااان وتحس ان هي دي اللي عوزها تكون ام اولادك وانت مطمن

[الورد الجوري]

اهلا باشمهندس هاني
انا قرات الموضوع و ليا عودة
و ان شاء الله هرد على كل نقطه
و ياريت لو الموضوع منقول تقولي مين الكاتب الظريف
تحياتي

[The Caesar]

ميه ميه يا هاني
كمل
وراك يا ريس

[Honey1900]

المشاركة الأصلية بواسطة حنين مصر

موضعك حلو بس شكلك شايل من البنات كتير بص انا معاك في كتير من النقاط بس في بنات لوعرفت معدنهم حتتمنا لو إنك عرفتها من زمااااااااااان وتحس ان هي دي اللي عوزها تكون ام اولادك وانت مطمن

ههههههههههه

لا خالص انا الموضوع قابلني و عجبني بس ف جبته

طبعا الموضوع للنقاش و عشان البنات تعرف الحاجات دي و تحاول تتلافي تلك العيوب

اسعدني مرورك

المشاركة الأصلية بواسطة الورد الجوري

اهلا باشمهندس هاني

انا قرات الموضوع و ليا عودة
و ان شاء الله هرد على كل نقطه
و ياريت لو الموضوع منقول تقولي مين الكاتب الظريف

تحياتي

هلا وردتنا الحلوة
مستني حضرتك سياتك سعاتك يفندم

انا جبته من موقع اسمه فيس بوك و اسم الكاتب تقريبا شادي حاجة زي كدة

المشاركة الأصلية بواسطة The Caesar

ميه ميه يا هاني
كمل
وراك يا ريس

عمي وعم عيالي

قيصرنا

ماشي يا باشا شوية كدة و اجيب باقي الحاجات

اسعدني مرورك و خد دي ليك بقي او للي بالي بالك

[hay_sam]

ايه ده ياباشمهندس

موضوع روعه وده نوع المواضيع إلي بحبه
ماتعرفش أد ايه عجبني

وطبعا زي ما قيصر قال

معاااااااااااااااااااااااااااااااااااااك بقلوبنا وبجوارحنا وبكل حته فينا

وانشاء الله أنا حاسس أنه هايحصل علينا هجوم شديد
أصلهم هنا كتير قوي ماشاء الله

وحتي في الحياه بقو كتير برضه

أصبر شويه بس وانت هاتلاقي نفسك ممكن تتجوز أربعه من غير ما تدفع ولا مليم
(هههههههههههههههههههههههههههههههههههه)

ما تزعلوش يا جماعه أنا بهزر (شويه ناعم) أصل الحرب (خدعه)

المهم إحنا معاك وعند التعرض لأي هجوم فنحن جنودك الأوفياء

أما أمشي بقي أحسن ورايا شغل (ههههههههههههههههههه)

[بيروو القمر]

بقى كدة؟؟

عايزو تبتدو حرب ولا ايييييه؟؟

هههههههههههههههههههههههههه

مرسي على الموضووووووووووووووع

[mony cat]

حرام عليك والله كان المفروض تقول فى نوعيات من البنات كده لان مش كلهم كده لان لو كده ابقى راجل بقى ميرسى لانك احبطنى جدا وخايفة يطلعلى شنب بعد اللى قريتو ههههههههههههههههه

[توتى3000]

ايه ده كله بلاش النفسنه دى ياعم هانى خق علينا شويه حرام عليك دحنا غلالالالالالالالالابه اوى مينفعش كده والله احنا ذى القطط المغمضه وملناش فى الكلام ده يامووووووووز ههههههههههه

[mira_romantek]

توبك هايل يا هانى
بس فى كل مكان فى الكويس و الوحش
مش كل البنات وحشة
خلي عندك تفائل يا عم

[rosi_smile]

حرام عليييييييييييييييييييييييييييييييك
احنا كل ده
لما احنا كده يبقي انتوا ايه بأه
احنا هنسيب الزمالك والاهلي ونمسك البنات والولاد وربنا وربنا
ماااااااااااااااااااااااااااااااااااشي ماشي
بص بص




































لا تعليق

[hend]

ليه كده بس يابشمهندس

احنا عملنا لك حاجه

مااحنا طيبين خالص اهو

[rosi_smile]

علي فكره يا بشمهندس هاني
ههههههههههههههه موضوعك رائع جدا والله
بس والله والله مش كل البنات كده
هههههههههههههههه بالنسبه للمساحيق فدي موضه قدمت اوي اوي معتش حد بيستخدمها الوقتي
والجيبه القصيره ولاعده مع الشباب احنا في مصر مش في اوروبا الا نادر اما تلاقي كده
انما بالنسبه للمساواه انا معاك فيها علي فكره لاني بجد بكره اي واحده ست تقولك انا زيي زي الراجل والنبي لو اتنططت الرجاله حاجه والستات حاجه
الواحد برده يقول اللي ليه واللي عليه
انما بالنسبه للدنيا اللي هتجيبها هي مش محتاجه البنت بتحس ان اللي قدمها بيحبها والله لو بنظره واحده مش تجيبلها الدنيا كلها الا لو كانت مستغله مش بتحبك بأه ودي انت وشطرتك
انما بالنسبه لموضوع الموووز دي انا اول مره اسمع عنها مع اننا بنات يعني بس مش بنعمل واله اي حاجه من الحاجات دي
وانا بيتهيألي ان الولاد كمان ليهم ناظره انه لو لاي البنت ماشيه محترمه وفي حالها هتبقي غفير ماشي ولو غير كده انت عارف بأه
وانا عن نفسي يبقي ليا الشرف اني اكون غفير احسن مكون الحاجه التانيه
شكرا وتقبل مروري

[amr_miza1]

تامر حسنى: اشمعنى تامر معرفش بس اخر حفله حضرتها لتامر كرهت تامر وكرهت البنات , ايه الهيافه دى, الاقى بنت بترمى نفسها فى حمام السباحه علشان تروحلة وواحده تانيه تصوت ويغمى عليها وواحده تالته تجرى عليه وتحضنه وتبوسه كأنه مثلا ابوها ولا جوزها..أيه القرف ده , عاوز اعرف ايه يخلى بنت يغمى عليها لما تشوف ممثل او مطرب مشهور غير انها بنت هايفه

ياااااااه على تاااامر حسنى
اه ليه اغانى حلوة (اغنيتن والا تلاتة ) بس بقى حاجة تخنق وبجد بنات قمة التفاهه والهبل والسطحية

وكلا كلامك فعلا صح يعنى

وفعلا يا اخى صوتهم عالى جدا حاجة غريبة

وموضوع حلو اوى بشكرك عليه

[nadamoha]

يا هلا يا هلا يا بشمهندس وابالمواضيع المثيره
تعالى بقى نمسك نقطه نقطه
أولا :

المشاركة الأصلية بواسطة Honey1900

أوعى: تخيل لو مرة حبيت تجيب هديه لخطيبتك او حبيبتك من غير سبب علشان تبينلها قد ايه انت بتحبها , يالهوى يومك هايبقى اسود وهاتنزل الاتهامات بقى عليك وعيش يامعلم وكأن الى يجيب هديه من غير سبب يبقى اكيد عنده سبب...وعجبى

لا طبعا ...بالعكس تماما , يجوز ده يكون مع الزوجه ومش دايما
لكن دائما البنت تحب ان حبيبها اللى هوه خطيبها طبعا ( علشان مينفعش يبقى حبيبها بس)
انه يجيبلها هديه , بغض النظر عن الهديه أو قيمتها , ان شالله حتى تكون ورده , ده بيبقى له تأثير كبير لما تحس انه دايما فاكرها وانه إهتم انه يشترى لها حاجه
وأكيد الولد بيبقى نفس الشعور بالنسبه له
بيبقى شى كويس ان خطيبته بتفتكره وتجيب له هديه ولو رمزيه ( ولا أنا غلطانه ...ده عن تجربه )


بس كده أنا هبطت
أكمل بعدين