الزوجه الثانيه , خبره ذاتيه

[omarr]

[center

• ]انا 37 عام ومتزوج من 7 سنوات ولدينا طفله و طفل اثناء حمل زوجتى فى الطفل الأول بعدنا عن بعض فتره دامت شهور و فى تلك الأوقات طرأت عل ذهنى فكره الزواج من زوجه ثانيه و لكنى طردت الفكره من تفكيرى و فى اثناء الحمل التانى ابتعدنا من جديد عن بعضنا لمده شهور و جأتنى تلك الفكره الشيطانيه مره اخرى و لأننى كما تقول زوجتى " مفضوح " اى انى لا استطيع ان اخفى مشاعرى , فتكلمت معها عما يجول فى خاطرى , فى اول الأمر ظنت انى غير جاد , ثم مع الألحاح وفتحى الموضوع اكثر من مره , شعرت بالخطر و سالتنى اذا كنت اعرف احد غيرها !! , فكانت الأجابه بالنفى , وعندما سالتى عن الأسباب شرحت لها اننى اثناء فتره الحمل و فتره الفراق كانت فتره ضاغطه على اعصابى ووصلت لدرجه انى لا استطيع التركيز فى العمل , وعندما سألتنى عن مواصفات الزوجه الثانيه قلت لها اريد واحده اخرى نسخه طبق الأصل منك .وهذا ما كنت فعلا اريده بصدق . وبما انا زوجتى اكثر منى بمراحل فى موضع الألتزام والدين فقد اتيت لها من هذ الناحيه و قلت لها الم نتفق ان عندما نختلف على شىء ولا نصل الى حل فأننا كما اتفقنا نرجع الى كلام الله و رسوله , اذن الدين منحنى حق الزواج من اربع نساء و انا اريد ان اتزوج من امرأه ثانيه" بس" و المفروض انك تكونى فرحانه ومبسوطه , ردت زوجتى عليا وقالت " انت عبيط يابنى والنبى ماتقولش الكلام ده لحد بره عشان مايفتكرش انك مجنون " يابنى دى اسمها ضره والضره جايه من الضرر , فرحانه ايه ونيله ايه بس .. سكت ومع اصرارى على فتح الموضوع ده تلات او اربع مرات يوميا زوجتى قالت لى خلاص اتجوز ياسيدى . بس لازم تعرف الآتى : انا سايباك ترجع فى الميعاد اللى بتحبه , لما تتجوز ترجع فى مواعيد محدده زى ما هترجع للتانيه ترجعى لى انا كمان فى نفس الميعاا , وبعدين انا محافظه ليك على مالك وفلوسك من هنا ورايح انا وهى هانفض جيوبك اول بأول عشان كل واحده فينا محتاجه تأمن مستقبل اطفالها .. بعد عده ايام كنت على الشات مع امرأه من العراق متزوجه من رجل ارمل فتكلمت معها عن ظروفى وتفكيرى فى الزواج من زوجه ثانيه , فأجابتنى بأجابه لم اتوقعها .قالت لى ان زوجها ارمل وزوجته ماتت و تزوجها هى بعدها , وذكرت انها تغير من الزوجه الميته حين يمدح زوجها طعام صنعته و فتقول فى نفسها اكيد الزوجه الأولى كانت تصنعه له و كذا الحال عندما يمتدح ملابس جديده تلبسها و يمتدحها زوجها فتشعر بالغيره من الميته . المرأه العراقيه قالت لى تخيل انى اغير من ميته فكيف الحال بزوجتك وانت متزوج منى اخرى تسكن قريبه منها تخيل ماذا سيكون شعورها . حقيقه انا شعرت بالخجل من نفسى لأننى وبسذاجه كنت اظن اننى انا والزوجه الأولى والثانيه هانعيش فى سبات ونبات ونخلف صبيان وبنات !! يعنى هاتبقى هيصه ... فى الحقيقه مجرد التفكير انى مع الزوجه الثانيه , قاعد ولا على بالى , و تتصل بى زوجتى الأولى تخبرنى ان طفلتى تبكى لأنها خائفه وتريد ابيها معها فى البيت او ان حرارتها ارتفعت فجأه و تخيلت نفسى انى نزلت ادلدل من عند التانيه ورايحه للأولى ,, يا نهارى على اللى هايحصل لى واللى الهوان اللى هاشوفوه لو فكرت فى زواج تانى . شعور يجعلنى اشعر باننى قزما ولا استاهل منح ربى نعمه الأبوه والأطفال .
• واخيرا عشان ما اطولش عليكم " كل واحد ينام على الجنب اللى يريحه " وكله سلف ودين[/center

]

[حنين مصر]

بص يا عمر انتى كنت قاسي مع مراتك بس هي كانت حكيمة عشان كدا خد بالك منه وربنا يخليكو لبعض

[omarr]

• كانت هناك قسوه فى الصراحه , فقد صرحت لها فى اشد فترات التوتر بيننا , بسبب غيابها عنى فى فتره الحمل .حيث اننا من القاهره و نعيش فى مدينه سياحيه على البحر الأحمر , وعندما سيطرت على الفكره , زوجتى كانت فى القاهره , على طول تكلمت مع زوجتى عندما عادت الى البحر الأحمر , واخبرتها بمدى توترى وانى مضغوط .تكلمنا بكل صراحه , عن علاقتنا و الحمد لله بالمناقشه ووجودها الى جانبى تلاشت الفكره تماما .ولأنى اعرف زوجتى حق المعرفه فقد تشجعت ان اكلمها فببينا نوع من انواع الصداقه الجيده يسمح لنا ان نتكلم فى امور مثل الزواج من اخرى ونناقشها من كل جوانبها ,وفعلا كان رد فعل زوجتى فى اول الأمر هو عدم التصديق وانى امازحها , ثم الى الغضب والأنزواء عنى , ثم خرجت ل كصديقه واحتوتنى وبالمناقشه اكتشفنا بعض السلبيات فى علاقتنا بسبب انشغال زوجتى بالأطفال و لعده اسباب اخرى ولكن زجتى تدراكتها و غيرت من نفسها الى الأفضل حتى جعلتنى انبهر بها مره اخرى .انا مشكلتى الحمد لله انتهت و اصبحت ماده سخريه وضحك بينى وبين زوجتى . لكن انا عرضت الموضوع لسبب اخر و هو ان هناك كثير من الرجال المتزوجون واقعين فى نفس المشكله , ومنهم من تزوج وندم , ومنهم من خسر اسرته , ومنهم من خسر احترامه لنفسه , ومنهم من خسر ماله , ومنهم ومنهم ,, لذلك ان اقول ليس عيبا ان تشعر بالتوتر وانت متزوج , المهم نشارك الطرف الأخر فى مانشعر به حتى وان كان شياء يغضب الزوجه .واخيرا اوجه شكرى للصراحه التى كانت طوق نجاه لى فى مشكلتى التى كادت تخنقنى , وشكرا لزوجتى على تحملها ألم الكلام والمناقشه فى مواضيع مثل موضع الزوجه الثانيه .[/right]

[آيزيس]

صراحة انا لي رأي مخالف في هذا الأمر ....

طبعا انا لا أقر ان يكون سبب زواج الرجل من امرأة أخرى هو حمل زوجته التي تحبه و يحبها في طفله !!! يعني هي جابته لوحدها !!!

و لا أن يكون سبب الزواج نزوة عاطفية او رغبة جسدية فقط

لكني أقر بحق الرجل في الزواج من زوجة أخرى لأسباب كثيرة و عديدة على أن تكون أسباب مهمة و ليست تفاهات

للأسف الاتجاه العلماني الذي يسود مصر الآن جعل الزوجة تفضل ان يزني زوجها على ان يتزوج على سنة الله و رسوله و تأخذ الموضوع على انه مسألة كرامة و عزة نفس
رغم انه حتى وقت قريب مضى كان هذا الزواج عادي و كانوا جميعا يحيون سويا في سلام

ليس كل زواج ثاني سيء و ليست كل زوجة ثانية خطافة رجالة

بس صراحة زوجتك عاقلة فعلا ربنا يخليها لك

[حنين مصر]

واضح من كلامك انك بتحبها ودي اهم حاجة الله يوفقكم

[amr_miza1]

انا بس بحييى موقف أم أولادك من طلبك دا واعتقد ان الطلب دا بالنسبة ليها اقسى من سكينة لانك لو مش هتبقى واخد بالك منها طول الوقت فاكيد بردة مش هتبقى واخد بالك من اولادها طول الوقت (اهم اولادك طبعا) بس ردها عليك بالسلاسة دى اعتقد انها عاقلة جدا وعلشان كدا ربنا بوظ عليك الموضوع علشانها

وربنا يهدى الجميع

[hend]

الزوجه هنا زوجه عاقله

بس لو كانت اى زوجه تانيه كان زمانها رفضت وطلبت الطلاق

ولاول مرة اشوف رجل بيقدر مشاعر انثى
خطوة الزواج باخرى نعم حللها الشرع ولكنها مشروطه بالعدل وهو شرط فى غاية الصعوبه لتحقيقه

ولذلك لا انصح بها طالما لا توجد ضرورة قصوى

[yara711]

بص يا عمر اصلا انت انسان بجد جميل لانك مخنتش زوجتك ولانك لما فكرت في الموضوع فكرت انك تتجوز مش حاجه تانيه بس الزواج من واحده تانيه في الوقت ده لازم يكون بناء علي اسباب كتيره اوي يعني مثلا تكون الزوجه فيها حاجه غلط او مثلا تكون نكديه بس مش لانها بعدت عنك والا كان زمان الرجاله كلهم اتجوزوا وكانت الستات بطلت تخلف علشان جوزها ميتجوزش عليها ولا ايه؟

[omarr]

انا كلمت مراتى وقلت لها انى كتبت الموضوع فى منتدى اسمه ابن مصر ,..
فرحت جدا , وخاصه انى قولت لها ان الناس كلها اثنوا عليها .. ومن ساعتها
وهى عايزه كمبيوتر فى البيت عشان بقت شغوفه جدا انها تشترك فى المنتدى ده

احب هنا انى اعتذر على عدم الرد ومتابعه موضوعى
فقد كان تانى موضوع اكتبه فى المنتدى
وكنت مش عارف خالص مساله انى ارد على جميع الأعضاء .. انا اشكر
كلا من حنين و ايزيس وهند وعمرو ويارا ..تسلموا لى عشان انتم اول ناس اخدت بايدى
وردت عليا

[مايسترو السعودي]

ولاول مرة اشوف رجل بيقدر مشاعر انثى !!

احزنني كثيرا يا هند هذا الحكم مع تقديري واعجابي بما تطرحين واصبحت في حيرة من امري اتكتبه هند ام هناك من يتجنى ويدسه بين سطورها!!

تحياتي لكم

[omarr]

المشاركة الأصلية بواسطة مايسترو السعودي

ولاول مرة اشوف رجل بيقدر مشاعر انثى !!

احزنني كثيرا يا هند هذا الحكم مع تقديري واعجابي بما تطرحين واصبحت في حيرة من امري اتكتبه هند ام هناك من يتجنى ويدسه بين سطورها!!

تحياتي لكم

مايسترو سعودى الف شكر لمرورك والفين شكر لردك ... تسلم اخى

[Dr.Hammood]

فعلا يا هند عاقله اوي ربنا يحفظها واحده غيرها كانت شبشبتلك والله

الحمد لله ربنا ستر

[omarr]

المشاركة الأصلية بواسطة Dr.Hammood

فعلا يا هند عاقله اوي ربنا يحفظها واحده غيرها كانت شبشبتلك والله

الحمد لله ربنا ستر

دكتور حموود نورت وشرفتنى بدخولك الى موضوعى . الف شكر لك

[يوسف29]

شكرا يا عمر على تمكّنك من طرح رشيق لقضيّة شائكة في أيّامنا هذه , و أرى أنّ مسألة تعدّد الزّوجات ـ و دون مكابرات ـ صارت من القضايا الخلافيّة رغم التّسليم بحكمها على امتداد قرون .
ـ المسالة صارت خلافيّة ـ عند البعض على الأقل ـ بفعل قبول بعض المجتمعات الإسلاميّة بعدم تعدّد الزّوجات .
ـ لأنّ التعدّد هو أحد خيارين : فليس ممنوعا و محرّما أن يُكتفى بزوجة واحدة .
ـ أمّا السّؤال الوجيه ـ من منظور فكريّ على الأقلّ ـ فهو : لماذا الزّواج بثانية إذا كانت الواحدة " كفاية و زيادة " ؟

[omarr]

المشاركة الأصلية بواسطة يوسف29

شكرا يا عمر على تمكّنك من طرح رشيق لقضيّة شائكة في أيّامنا هذه , و أرى أنّ مسألة تعدّد الزّوجات ـ و دون مكابرات ـ صارت من القضايا الخلافيّة رغم التّسليم بحكمها على امتداد قرون .
ـ المسالة صارت خلافيّة ـ عند البعض على الأقل ـ بفعل قبول بعض المجتمعات الإسلاميّة بعدم تعدّد الزّوجات .
ـ لأنّ التعدّد هو أحد خيارين : فليس ممنوعا و محرّما أن يُكتفى بزوجة واحدة .
ـ أمّا السّؤال الوجيه ـ من منظور فكريّ على الأقلّ ـ فهو : لماذا الزّواج بثانية إذا كانت الواحدة " كفاية و زيادة " ؟

شكرا على مرورك .شرفتينى بتواجدك معنا فى الموضع ..
بالنسبه لموضع تعدد الزوجات , حسب رائى الشخصى , هى مسأله شخصيه
جدا و كل اسره تعتبر حاله خاصه جدا . وهى ظاهره غير منتشره فى مصر مقارنه
ببعض الدول الأخرى ,ففى مصر مثلا نسبه المتزوجين اكثر من زوجه واحده
لاتتعدى تتعدى نسبتهم 3% . وده رقم يوضح طبيعه ومزاج المجتمع المصرى
عموما نحو هذه القضيه الأجتماعيه .